من أقوى الكلمات اللى سمعتها لـ احمد الشقيرى :
"لا تتعاطف مع أشخاص فشلوا فى الإحتفاظ بك ، و لا تصدق أن غفرانك لأخطائهم يزيد من حجمك فى أعينهم ، فقد انتهى زمن الكريم إذا أكرمته ملكته". 📌
اللى بيطمنى .. أن مفيش حاجة بتحصل صدفة ، الوظيفة اللى خسرتها دى عشان تشتغل فى احسن منها ، واللى خرج من حياتك ده عشان يعلمك متتعلقش بحد .. واللى أذاك ده عشان يقويك ، واللى حبك من غير مقابل ده عشان يأكدلك انك تتحب ..
المهم نحمد ربنا انه بيعوضنا بعد كل محنة و درس . 🤍
-- شكرا من القلب لأى حد إتخلى عنا وقت ضيقتنا ، لإنه علمنا إننا نقوى بنفسنا ... ،
-- وشكرآ لأى حد معرفش قيمتنا ، لأنه ساب لغيره فرصة يدخل حياتنا و يقدرنا ... ،
-- وشكرآ لصحاب المصالح اللى علمونا منقدمش خير غير للناس اللى تستاهل .
جربت شعور انك تحب حد وتبقى مُتمسك بيه وبتدور على سعادته قبل سعادتك، و تبقى راضى بفُتات المشاعر منه .. وهو رافضك عشان قلبه مع حد غيرك
وغيرك ده بيعامله اسوأ معاملة ، وبرضه بيحبه ، عشان بالنسباله الشخص ده عنده شخصية وانت بالنسباله شخص ضعيف .. !!
جربت ؟؟
عارف اما حد يكلمك فتلاقى صاحبك هو اللى بيرد ويقول ( انا وهو واحد ) .. الجملة الصغيرة دى كفيلة انها تحسسنى بإنى مسنود بجد وإن مفيش حاجة ممكن تكسرنى ، وإنى هفضل فى أمان ، وان الطريق الصعب هيكون هين طول ما صاحبى ده آيده فى إيدى .
شكرا لكل صاحب هو الضهر والسند والأمان لينا .❤
جوة كل واحد مننا كلام او حكاية وجعاه ، ومش قادر يحكيها لحد ، يمكن بعضهم خا��ف يتكلم فيلوموه الناس على حاجة فى حكايته ، وبعضهم حاسس ان محدش هيفهمه لو اتكلم ، وبعضهم رافض يحكى لان الكلام هيجرح ناس بيحبهم ..
"فى كل الاحوال رفقآ بالصامتين فهؤلاء يتألمون فى صمت " .
دى بديهيات اصلا ..
مينفعش تفكر فى حد هو اصلآ ناسيك ، ولا تشتاق لشخص قلبه مع حد غيرك ، ولا تتصل بحد طلب منك متكلمهوش تانى ، ولا تطلب من شخص انه يكمل معاك غصب عنه ..
احترم قلبك وعقلك عشان متخسرهمش .!