يالله.. السلام عليكم عندي سالفة وية هذا المخلوق صاحب العاجل أولًا: من لبست عمامة ببداياتك وأنت سفيه، بحيث ورة سنوات من لبسك للعمامة وأنت ما ضابط اللغة العربية من تسولف، واحنة ندرس اللغة العربية الي يدرسوها طلاب البكلوريوس بالجامعات بمرحلة المقدمات بالحوزة، وين چنت تدرس بالضبط؟ ثانيًا: صرت بجيش المهدي، مدري ما صرت أصلًا، بس چنت سفيه، بحيث ولا قائد بالتيار يحترمك، لا قبل ولا هسة. ثالثًا: عفت جيش المهدي رحت بسوالف المصالحة وأنت سفيه، بحيث ما عرفت تتصالح وية نفسك قبل كلشي. رابعًا: لعبت دور "الناقد للفقه الاسلامي" وما دبرتها، وبقيت سفيه، سوالفك الي تضحّك بهاي المنطقة هواي، تتذكر من كتبت پوست عن "الزنا بالعنوان الأولي والعنوان الثانوي"؟ لأن عبالك النِكاح بالفقه هو الممارسة الجنسية مو الزواج، هاي اذا تدري النِكاح بكسر النون، لأن سالفتك چانت مال واحد ما دارس الوجيز في أحكام العبادات، مو حوزة! خامسًا: لبست قاطك وگعدت تسولف بالأخطاء الإملائية بالقرآن، بكلام متروس أخطاء إملائية، لأنك سفيه طبعًا. سادسًا: رحت للندن وبديت تهوسّ، وراها رجعت لبغداد طامع بفتات من لوگية للمليشيات، حتى مو من المليشيات، لا من لوگيتهم، چنت متلهف على عزيمة بتصريح طلعت بيه بفضائية من الفضائيات، تتذكر؟ أكيد تتذكر لأنك سفيه سابعًا: من طوفان الأقصى لحد الآن، لسانك أطول منك تجاه الفلسطينيين، وأقصر من نعالك تجاه اسرائيل، تعرف ليش؟ لأنك سفيه ثامنًا: انت مخلوق صاحب مبدأ، والمبدأ مالتك: إنك تبقى سفيه بكل أحوالك تاسعًا: هذا الكلام راح يفرحك لأن راح يجيبلك مشاهدات، تعرف ليش راح تفرح؟ لأنك سفيه

عاجل | أردوغان: هناك قمع متواصل منذ أكثر من 14 شهرا في فلسطين والحكومة الإسرائيلية تؤجج المشكلة

المازوخية حد اعلى هالايام .. أمة الFetish