كلام ممكن يزعل اصدقائي الثوريين والأردنيين معا : هل تعلم ان الملك عبدالله الثاني سيتحدث إلى ترمب بنديه ، ليس بسبب قوة الاردن او ضعفها، بل لانه يعرف نقاط ضعف الخواجات ، فهو رجل انجليزي ابيض او هكذا يرى نفسه ، ومن هنا تأتي النديه وقادر ان يقول لترمب ما لا يستطيع ان يقوله غيره وبوضوح .

سينمات رينيسانس بمناسبة عيد الحب بتنافس زاوية وهتعرض فيلم (سهر الليالي) يوم ١٤ و ١٥ فبراير 🤔

كيف ضربت افلام Past Lives و One Day في الخلاط لأكتب (٦ أيام.. عملت ايه فينا السنين!) ؟ ……… فكرت كتير مع بداية ردود الفعل على الفيلم إذا كنت أوضّح الجزئية دي وللا لا، وفضّلت استنى شوية. دلوقت مع نهاية الأسبوع الرابع من العرض، مش غلط ادي لنفسي حق التعقيب البسيط ده: أنا لحد دلوقتي ماشفتش افلام Past Lives/ One Day/ Before trilogy . وطبعا بقى عندي فضول رهيب اتفرج عليهم، بعد التأكيدات المتتالية اني مقتبس واحد منهم على الاقل ان ماكنتش مقتبسهم كلهم كومبو 😄 طبعا لازم اسجل سعادتي بكون اغلب المتأكدين من تاثير الافلام دي على (٦ايام) مش بيقولوا الملحوظة بمنظور سلبي، بالعكس، هم شايفين ان فيلمنا "نسخة مصرية حلوة" وفرحانين بيها. وده معناه ان (٦ ايام) صمد امام المقارنات وكان له شخصية تتحب رغم التشابهات اللي واضح انها لا يمكن تجاهلها. طيب هل أنا ماكنتش عارف ان فيلمي فيه شبه من الافلام دي؟ لا طبعا عرفت! بس عرفت بعد ما كتبت المعالجة الدرامية (ملخص الفيلم في حوالي اتناشر ورقة). واول حد قاللي الشبه ده كانوا ولادي، مروان وكرمة، لما حكيتلهم الفيلم بالتفصيل قالولي ده فيه شبه من كذا وكذا. وبعدين صديقي المخرج كريم شعبان اكدلي ده، مع تأكيده كمان ان المعالجة بتاعتي ليها خصوصيتها وانه مش قلقان من الشبه. وكان شايف انه الفرجة على واحد منهم ممكن تكون مفيدة قبل كتابة السيناريو من نواحي كتير. اعرف كتير من اصدقائي كتاب السيناريو، لما بيكتبوا عمل جديد ليه ستايل معين، او بيدور في عالم معين، ممكن يتفرجوا على اعمال كتير ليها نفس الستايل او بتدور في نفس العالم، مش عشان ينقلوا منها طبعا، وانما عشان خيالهم يروح للمنطقة دي في التفكير. ووقت ما كنت باكتب فيلمي الاول (ميكانو) اللي كان بطله بيعاني من مرض يسبب فقدان ذاكرة متكرر، مشيت ورا المدرسة دي مع اني كنت بدات اكتب فيلمي فعلا. اتفرجت وقتها على Fifty First Date و Memento والدنيا كانت تمام لان واحد منهم كوميدي والتاني ثريللر بينما أنا فيلمي رومانتك دراما. لكن لما اتفرجت على Eternal Sunshine of the Spotless Mind كانت المأساة، لان الفيلم في نفس النوع والنبرة بتاعة فيلمي بس هو فيلم عظيم بكل معنى الكلمة (من وقتها هو في قائمة افضل خمس افلام في تاريخ فرجتي وماخرجش منها) بينما أنا واحد غلبان باحاول اكتب فيلمي الاول. وقفت ست شهور! ست شهور مش عارف اكتب مشهد واحد جديد، لان شيطاني زينلي اني أعيد كتابة معالجة فيلمي بحيث استلهم الطريقة اللي اتكتب بيها الفيلم العظيم. وطبعا اكتشفت بعد ست شهور اني باخبط راسي في الحيط، واني مستحيل اعمل حاجة بواحد على عشرة من عظمة الفيلم الأمريكي من غير اقتباس صريح . وساعتها وصلت لقرار اني هانسى اللي شفته، وهارجع اكمل كتابة ميكانو من حيث انتهيت، بالمعالجة بتاعتي اللي كنت مقررها. لان ده فيلمي اللي طلع مني كده! من وقتها بقت فكرة الفرجة على الأعمال الشبيهة دي مرفوضة بالنسبالي تماما، لاني يا اما هاتعقد من حلاوة الاعمال دي وهابص بدونية لشغلي واتضايق من نفسي، يا اما هاضيع وقت ومجهود كبار جدا لمجرد اني ابعد عن احتمالات التشابه خشية الاتهامات، وده ف حد ذاته ممكن يطلع شغلي وحش في الاخر. وبالتالي خدت قرار ماتفرجش على الافلام دي، واكتب سيناريو (٦ ايام.. عملت ايه فينا السنين) وانا متحرر من اي تاثير او اي قلق. نقطة اخيرة احب أوضحها: أنا آخر سينارست ممكن يحس ان الاقتباس من اصل اجنبي هايقلل من قيمة شغله، لان عدد محترم من أعمالي اللي بأعتز بكتابتها جدا مأخوذة عن أصول اجنبية، لكن بشكل رسمي وعلني وفي النور من خلال التعاون مع الشركات المنتجة للأصل. (الباب في الباب/ طلعت روحي/ مفترق طرق) دي أعمال ليا فيها كمؤلف اكتر ما المؤلف بتاع الأصل الاجنبي له فيها، وبأفخر جدا انها في الفيلموجرافيا بتاعتي، وبالتالي لو كنت عاوز اقتبس Past Lives او One Day او غيرهم، كنت هاقول للمنتج ببساطة يشتري الحقوق من غير اي كسوف ونكتب ده على التتر ! بالمناسبة بقه: شكرا لكل قال كلمة حلوة عن الفيلم. أنا حقيقي فخور بالتجربة دي وفرحان بنتيجتها وبأحمد ربنا ان اغلب اللي اتفرجوا عليها حبوها 💚

أمير عيد مع معجبة صغيرة.