ما بعرف شو المفروض نقول لـ الأم يلي عم تدور على صورة ابنها بين صور #قيصـــر ؟!
ندعيلها تلاقيه ولى ما تلاقيه ؟!
#سوريا
#ياوجعنا
#شهداء_تحت_التعذيب
#ليسوا_ارقاما
#الاسد_مجرم_حرب
المكان: اي فرع امن بـ #سوريا
الزمان: الوقت متل بعضو هونيك
قبو تحت الأرض بمدري كم طابق في غرفة صغيرة محشور فيها أكتر من خمسين شب
ريحة العفونة والرطوبة بتخنق و الأمراض عم تاكل فيهون
شباب متل الورد عم تئن من جروحها المقيحة.. 💔
#أنقذوا_البقية
وادعولهن لانو كل #معتقل #مشروع_شهيد
#اغتصاب_طفل_سوري_في_لبنان ⛔️
شو مرعب العالم يلي عم يعيشو فيه اطفالنا..
شو خانق وجود هيك بشر معنا..
جريمة بشعة بدها كل جهد ممكن ليوصل الحق لاصحابه ويتعاقب المجرمين اسوء عقاب حتى ما يعود اي انسان (حيوان) يتجرأ يكرر متل هيك بشاعة
#حاسبوا_مغتصبي_الطفل_السوري_في_لبنان
يارب سلمتك يومي ..
احفظ ابني بأمانك و محبتك ساعة الولادة
يا يسوع ومريم و مار يوسف باركو عيلتي
يا ملائكة الله كونو معنا
#آمين 🙏🏼
#دعواتكم
#سامحونا
#صار_الوقت ⌛️
اول ما بلش الحظر صرت حط خبز ع البلكون للعصافير
بالبداية كان يادوب كم حمامة تشرف و تاكل بقرف
هلئ يبدو صار عندي كشة حمام مرتبة و بلش مستقبلي يتوضح قدامي الحمدلله
🏌🏼♀️🕊✌🏻
#قلبي_اطمأن
#حمام_السلام
#خليك_بالبيت
بما اني اليوم دخلت نادي الـ 26
رتبولي هالصبايا الحلوين حفلة استقبال مولود على نظام 2 بـ 1
كـ تعويض عن سفر جان وغيابه بعيد ميلادي
وحاولو ياخدو مطرحه حتى بوضعية التصوير 😂📷
شكرا Arzo & Elif ع اليوم اللطيف حتى لو ما حتشوفو التويت💕
#ست_وعشرين_سنة
#سنة_تقول_للتانية
#baby_shower
بعد ما سردت اسمي الثلاثي و مواليدي
سألتني الموظفة على عنوان البيت قلتلا فورا ما بعرف (بالتركي)
صفنت فيي شوي وعادت السؤال وبهاللحظة اتدخل جوزي وجاوبها .
لو سألتني كمان مرة كنت رح قلا : اللادئية_الطابيات_عند الصيدلية يلي بتوقف أمي جنبها تنطرني لما اتأخر
🗺😔
#سوريون_كل_القصّة
"أنا هو القيامة والحياة من آمن بي وإن مات فسيحيا"
انتقلت الى الاخدار السماوية قبل قليل والدتي (اميرة انطون خوري)
صلوا لأجلها رحمها الله وأسكنها في ملكوته
الراحة الأبدية أعطها يارب ونورك الدائم فليشرق عليها
الفرحة تبع مؤيدين بشار متل فرحة واحد عمرو 50 سنة عد اصابيع رجليه قبل ما ينام طلعو عشرة ام تفاجئ و فرح فيهون من اول و جديد.
#لاشرعية_لمجرم_الحرب_وانتخاباته
المعتقلون أحياء يتنفسون الموت
عُذب حتى الموت ..
مات من التعذيب ..
شهيداً تحت التعذيب ..
كلها تعبر عن حدث شنيع واحد .. اعتقل و تعذب حتى مات ..
هل هناك أقسى من هذا الوصف في قاموس الاجرام البشري ؟!!
#سجون_الأسد_مسالخ_بشرية
#بدنا_المعتقلين
#FSG
تربكني فكرة حضورك الوشيك
فكرة تضاعفي تحولي من شخص واحد إلى شخصين
تربكني فكرة انبثاق الجسد من الجسد و انشطار الروح ..
#صورة_جديدة_للملف_الشخصي
#حبلنا_السري
#إيلاف_الريش
#الاسبوع_37
مجزرة بعد المجزرة
نبكي قليلا ثم ننام و ننسى
لننسى حقوق الإنسان و ميثاق الأمم و كرامة البشر فالجرح لا يوجع إلا صاحبه .
#مجزرة_قاح
#ليست_الأولى_ولن_تكون_الأخيرة
#FSG
#الاسد_قاتل_الاطفال
أسوأ أنواع الأباء
ذلك الذي يجعل من نفسه أفضل صديق لأطفاله
ثم ينسى- في يوم عابر -
أن يبقى على قيد الحياة .
أسوأ الأباء :
أفضلهم .
@qais_sanaa
#يوم_الاب_العالمي
#HappyFathersDay
@thespurso
رح اخد القوة من الصليب يلي حد اسمك لأنو بيذكرنا بالمحبة و الفدا والحق و قول انو هالعلم هو رمز الاجرام النظام السوري وصار بعقولنا مربوط بعدم السيادة لانو لازم جمبه علم روسيا و ايران وحزب الله و .. القائمة تطول .. ولما بشوفه ما بحس بفخر ابدا واذا بدك العكس
في إقتباس مؤلم عن مواساة اخوة بعد وفاة والدهم :
لاتقلق فقد اعتاد ابي على زيارة الأمكنة قبل ان نرتادها جميعًا حتى يتأكد من انها صالحة للزيارة لهذا فأن ابي لم يمُت انهُ فقط يتفقد المقبرة!
#رحمك_الله_ياأبي 💔
ببساطة كانت (احلى) و (ابشع) سنة بعمري
انحرمت فيها من اغلى نعمة و انهديت فيها اغلى نعمة
يارب اعطي جورج وكل ولاد الدنيا أيام مليانة صحة وفرح وسلام آمين
#HappyBirthday
🧡
اليوم زارتني ست (من جماعتنا) وعرفت عن حالها انها جارة وجاية تباركلي مشكورة
بعد نص ساعة اسئلة بتشبه:
انتي مع بشار الاسد؟
ليش اهلك مو معك؟
زوجك بيضربك؟
ودعتني بجملة: بقولو النفسا قبرها بيضلو مفتوح 40 يوم يلا شفناكي بخير ..🤦🏼♀️
#الملافظ_سعد
#دخيل_الحناين
درجة الحرارة بسوريا بتصل للخمسين خلال موجات الحر هي الفترة.
عشرات الالاف من المعتقلين هلئ كل املهم يقدرو ياخدو نفس بهي اللحظة بأقبية المعتقلات.
#أنقذوا_البقية
#SaveTheRest
#قبور_الأحياء
#سجون_الاسد_مسالخ_بشرية
#بدنا_المعتقلين
الهرمونات : احد اخطر انواع اسلحة الدمار الشامل قدرتها على تدمير العلاقات كارثي
مشوبة وتعبانة وناطرة جان يغلط و يسألني شو طبختي لطالع فيه مخزون شهر 8 من النكد دفعة وحدة 🤯🤬
ربي اني أخشى على عبدك مني 🙏🏼
#اللهم_سلم
#خلص_سكرنا_المطعم
بدينا حركات مع وجع ضهر ع الاصول
جوجو اخد راحته بالـ (رفسات) ..
اكتر من 20 رفسة بالدقيقة الوحدة
>
>
يظهر في مشروع لاعب فوتبول ولى مصارع ..
⚽️/🤷🏼♀️/⏱
#يحدث_الآن
#يوميات_نئائة
#الأسبوع_28
بخصوص #آيا_صوفيا مسجد كان او كنيسة
كلها بيوت الله و رح تنرفع فيها صلوات و البشر جواتها حيكونو آمنين ..
ياريت لو الناس الزعلانة تحول زعلها لكتير كنايس و مساجد هدمها #النظام_السوري على راس بشر بريئة ..
#الكنيسة مو حجر
#الكنيسة هي هياكلنا المقدسة ..
من له يسوع له كل شيء 💒❤
من فترة قصيرة بلشت اسمع لـ #ام_كلثوم 🎶
الشعور بيشبه تبع يلي ما كانوا ياكلوا بامية،ملوخية،هندبة وهني صغار ..
وبعدين ندموا وقت اكتشفوا شو رايح عليهن لما اكلوهن وهنن كبار .
بعالم مليان بالتناقض ومع وجود كتير ارواح تعبانة ومندورة دائما للندم
كل التقدير للممحاة مخارج الطوارئ الإستقالة وخصائص الحذف وكل فكرة بتدعم حق الإنسان بالهرب والتراجع
##⃝꙰⃝꙰⃝꙰⃝꙰⃝꙰⃝꙰⃝꙰⃝꙰⃝꙰⃝꙰⃝꙰⃝꙰⃝꙰⃝꙰⃝꙰⃝
بوفاة بابا و بيتنا مليان ناس بعرفا وناس لاء
لفتتني ست كانت عم تشقف حالا من البكي فسألت ماما عنها لتقلي بكسرة:
الميت يلي مالو ولاد شباب حدا من عيلته بيجيب بعزاه (ندابة) تبكيه
ياترى يلي جابها خطرله انو جرحنا بدل ما يواسينا ؟!!
اليوم لما بتذكر هالقصة بختار اضحك بدل ما ابكي ع الذكا
#مواساة
العزا او بيت الاجر ببلادنا مش كتير بفرق عن العرس، تجمع كبير، في ناس جايه تواسي وتوقف معك، وفي ناس جاية تتفرج... بالنسبه الي هاد الاكتشاف اكتشفته بعزا كان مختلف عن كل العزيات، لانه انا كنت ام العريس ، المتوفي، طبعا فوق حالتك النفسية اللي يتعذر وصفها
لما تكون مو عارف من قاموس اللغة الا كلمتين
بس ناقر راس يلي حواليك فيهن ..
😭🤬😞
#جورج_نموذجاً
#ماما_ماما
#أنا_مو_ماما
#ماما_اكلها_العو
#ناديلي_لينا_حاف
#عمرك_شفت_شي_ماما_رح_تبكي ؟!