الحمدلله الحمدلله نصراً من الله وفتحاً مبين تم اقامة ٣ مباريات بعد ما فزنا عليهم اول مرة وخرخرو ٤-٢ وتاني مرة ٣-صفر اليوم تم الاكتساح بالكامل ٧-صفر عليه تم الاتفاق علي اخلاء المنازل والمرافق المدنية من المنطقة تدريجاً
تم الاتفاق مع قائد المنطقة انو حنعمل مبارة كرة قدم بين المواطنين والدعامة بكرة و لو فزنا عليهم حيطلعو من بيوت المواطنين في المنطقة فادعو لينا بالتوفيق ياجماعة.
تم الاتفاق مع قائد المنطقة انو حنعمل مبارة كرة قدم بين المواطنين والدعامة بكرة و لو فزنا عليهم حيطلعو من بيوت المواطنين في المنطقة فادعو لينا بالتوفيق ياجماعة.
ما عارف اقول ليكم شنو لكن والله والله شوارع الخرطوم الرئيسة كلها نضيفة واتنضفت بصورة ما طبيعية كانو مافي حرب والله احسن من قبل الحرب ياخي في حفر اتدفنت كمان شكلو محتفلين بي راس السنة 😭
🚨 الخرطوم اليوم
-شوارع الخرطوم من الصباح شبه خالية من قوات الدعم السريع كلهم مشو مدني بي دفارات وبكاسي وعربات ملاكي ومواتر بعضهم رجع قبل المغرب بعضهم لم يعد
-الكهرباء شبه مستقرة قطعت ٥-٦ ساعات
-الشبكات علي حسب منطقتك وسوداني افضلهم
-كان في تدوين متبادل اتجاه القيادة ٥:١٠ م
📌 ثرد اعتقالي
للمرة التانية ما نفسي احكي شي لكن للاسف مضايق جداً من الحصل
يوم ٨ يوليو تم اعتقالي من قبل الجيش في مدينة بورتسودان عن طريق الخليه الامنية المشتركة قبل مواعد طيارتي بي ١٤ ساعة التهمة لي الليلة ما عارفه شنو تم التحري والتحقيق معاي لمدة ١٢ ساعة ذلة وقلة ادب
امبارح في تمرين الكورة في الحلة اديت الدعامي بيضة اليوم كلو بحمر لي الليلة مشيت التمرين لقيتو جايب معاهو سلاحو خليت التمرين رجعت البيت وين الروح الرياضية
انا عارف انو الناس زهجت من موضوع البودكاستات الكلو من هبا ودبا بقي يعملو فقررت اعمل زي Series Audio Documentary للقصص والتعايش في دولة آل دقلو في الايام الكنت قاعدها في الخرطوم اكثر من ٤٠٠ يوم كل الاحداث من مواقف انسانية ومواقف عملياتية والفرق ما بين سقوط الجزيرة ومابعدها فترقبو
تحديث العربي:
-شارع المطار صعب المرور فيهو بترجع من عفراء نسبة لوجود قناصة كتار من الطرفين من المطار وانت ماشي علي القيادة.
-محمد نجيب منتهي تماما من سوداتل مرور بي ٦١ خنادق مترس بي الجرارات والعربات القتالية المحرقة من ٦١ لي شارع ١٥ توجد بعض الحركة من المواطنين جهة حي الزهور.
الدعامة لمن يتلبو ليك في البيت عندهم كلام واسالة واحدة كلها وهي كلاتي:
-في عسكري في البيت؟
-بنفتش في بيوت الكيزان؟
-انت استخبارات؟
-بنفتش في سلاح؟
ما يسوقوك يقولو ليك جاينك بتعليمات غالبا تاوقو في البيت لقو عربات ولا المعرصين وصفو بيتكم
الحلول تحت وكل ما اتذكر شي بضيفو
🚨 الوضع الانساني
- وفيات بالجملة في ولاية الخرطوم بالحمي اليهي ما معروفة ملاريا ولا شنو نفس اعراض الملاريا لكن بتظهر في التست نقتف وفيات لي درجة يموتو اتنين تلاتة في بيت واحد الموية ما نضيفة حالات سوء التغذية ذادت ومازالت الكهرباء والشبكة والموية مقطوعة.
٦ ايام لا كهرباء لا موية مرات اكل زاتو ماف مرات بنفطر بالحطب والحرامية زادو بصورة ما طبيعية والدعامة ديل لا بعرفو رمضان لا شي سرقة ونهب وتههديد شديد ربنا يلطف دي الحالة شبكة ماف انا بتكلم عن مستوي شخصي ولا قريب في المنطقة فما بالك لمن تكون في شبكة حتظهر باقي الانتهاكات
🚨 الخرطوم بحري
- اصبحنا واصبح الملك لله اشتباكات عنيفة نزلت كبري الحلفايا ببحري بي كافة انواع الاسلحة الثقلة والخفيفة.
- هجوم اخر للجيش من منطقة الكدرو اتجاه كبري الحلفايا ببحري
كرري بتحاول اللحام مع معسكر الكدرو
ربنا يغطي علي المواطنين اينما كانو
تاني حوجات تاني مسارات امنة تاني نزوح تاني موت مواطنين تاني الجيش باع ما باع تاني نفس سناريو مدني تاني لجنة تاني مذيد من الانتهاكات والاغتصابات تاني سلب ونهب تاني الجيش يخلي المواطنين مع الدعامة ما بنتعلم ياااخ والله شعب مغلوب علي امرو فضيحة جديدة بس
الحمد لله الحمد لله شديد تم اقتحام بيتنا في اركويت من قبل ٨ افراد دعم سريع الحمد لله الرهاين ما لقو اي شي الحمد لله ٤ عربات مشاء الله فاكي كمبيرتهم كلها ما قدرو يحركوها الحمدلله انا زاتي ما كنت في البيت دايرين تسرقو منو يا وهميين.
#جرائم_الدعم_السريع
قبيل قاعدين في الجبنة كدة جا راجل من الحلة الجمبنا سال من مأذون قريب قعدنا نضحك قلنا دا منو الما عندو موضوع دا الدنيا حرب وموت داير يعرس وبتاع ٥ دقايق كدة جا داخل تاتشر دعم سريع بضربو زخيرة في الجو الله اكبر وابشر يا عريس و بتاع 😭
في لجنة اتكونت من الاحياء القريبة من المدينة الرياضية قاعدين نلقط جثث المرمية من المنطقة كلو يوم من الساعة ٧ صباحا لي الساعة ٩ والمنظر بطال شديد جثث كلها مجهولة الهوية معظمها من قصف طيران الجيش للدعم السريع
اليوم العاشر لا كهرباء لا موية الدنيا رمضان يا مسحيين امبارح متسحرين موية فول بي طعمية من دون ملح وبي معلقة اسوء مرحلة للسيرفايفل مود الحمدلله علي كل حال.
🚨الوضع العملياتي
- الاحداث ماشة بي وتيرة مرتفعة جداً الايام دي خاصة الجيش الصحاهم شنو ديل ما عارف بالتدوين والمسيرات حتي الميج حايم باليل بنفذ في غارات جوية واشتباكات مباشرة
- الدعامة غلبهم اليعملو لا عارفين يدافعو لا يهاجمو مع شح شديد في الزخيرة والوقود للحركة الشبه منعدم
🚨 الخرطوم الان
- اشتباكات متقطعة حول محيط القيادة بين الجيش والدعم السريع اسلحة ثقيلة واسلحة متوسطة.
اتوقع بنسبة كبيرة الجيش المهاجم
- للعلم الدعم السريع امبارح والليلة لم يدون ولا دانة اتجاه القيادة او المدرعات علي غير العادة في الايام الماضية.
7:40 م
🚨 تحديث لي وضع الكباري الخرطوم 2024
- كبري الحديد بحري الخرطوم جيش بالجهتين
- كبري كوبري بحري الخرطوم جيش بالجهتين
- كبري المك نمر جيش جهة بحري جهة الخرطوم محيدة
- كبري المنشية دعم سريع الجهتين
- كبري سوبا دعم سريع الجهتين
- كبري الحديد امدرمان الخرطوم جيش جهتين
الوضع الانساني سيئ للغاية اليوم ندخل اليوم التامن لا كهرباء لا موية خلصنا شجر الحلة كلها عشان نعمل الاكل بالحطب الشبكة دا الشهر التاني ماف الوضع كل يوم ماشي اسواء الحمدلله علي كل حال.
انا خالد الوليد عبدالرحمن عبدالله (موكا) ما مستعد نفسيا أدخل امتحان يوم السبت الموافق 26/1 والدير يمشي يدخل يمشي لكن سلام الله تاني ماتديني ليهو وشكرا.
#تسقط_بس
#umstdisobedience
جيت راجع البيت من الجبنة لقيت ٤ دعامة جوة البيت بحاولو يدورو في العربات واحد منهم شيّل الطلقة في الماسورة قال لي اثبت انو دا بيتكم فتحت البيت جوة جبت كرسي بلاستيك قعدتا في الحوش قلنا ليهم لو في وحدة دورت بفتح ليكم الباب تطلعو طولي قالو لي خلاص خلينا العربات جيب موية باردة 🤦🏽😭
ما ترجعوا الخرطوم ليست امنة علي الاطلاق مستشفيات ماف اكل ماف الدعم السريع ما زال ينتهك ويتجول ماف جيش حيحميك ماف دعم سريع حيحميك رجعت كتبت لي نفسك ولي اسرتك الهلاك فقط لا غير.
🚨 الخرطوم اليوم
- لي اول مرة منذ شهور الجيش يبادر بتدوين عنيف لي مناطق تجمعات الدعم السريع في اركويت والصحافة جهة كنار والدعم السريع لم يرد التدوين عند الظهيرة.
- مسيرات الجيش حايمة في سماء الخرطوم والدعم يرد بالمضادات من حين لاخر.
متذكرين الكلام دا طيب الحمد لله عدد الارتكازات داخل منطقتنا انقسم النص شهدنا انسحابات كتيرة من بعض المنازل قد ترونها انتصارات صغيرة لكنها انتصارات عظيمة بالنسبة لينا احنا، بنصنع المجد انتو ارجو البفكو اشاعات جدة والحسم العسكري كويس.
تم الاتفاق مع قائد المنطقة انو حنعمل مبارة كرة قدم بين المواطنين والدعامة بكرة و لو فزنا عليهم حيطلعو من بيوت المواطنين في المنطقة فادعو لينا بالتوفيق ياجماعة.
السوق المركزي الخرطوم لا توجد نملة حايمة خوف وترقب عجيب من اخر حادثة قبل يومين لو ما متنا دانات ولا طيران حنموت بالجوع، انشاء الله تكونو مبسوطين يالدعيتو انو السوق يتباد تاكلو السم انشاء الله
بي غض النظر عن اشتباكات التقيلة البتحصل كلو يوم ولا يوم بعد يوم الناس عايشة وضع انساني صعب شديد والله كارثة بمعني الكلمة في اسر ٣ ولا ٤ ايام ما بلقو وجبة في اكتر من ٢٠٠ اسرة في منطقتنا محتاجين تدخل عاجل قبل يموتو جوع نتمني تضغطو عشان الشبكة ترجع والناس تقدر تجازفها
٢:٣٠ ظهراً
ما حدث اليوم في الصينية السوق المركزي:
٢ دعامة وقفو بتاع ركشة لمشوار ما اتفقو بتاع الركشة رجع داير يتخارج ادوهو طلقة في صدره اتوفى مباشراً وحرقو الركشة الكلام دا قدام الناس في السوق جو ناس الشرطه العسكرية بتاعتهم
🚨سنار
-القاعد يحصل في سنار هو سناريو مكرر لي ود مدني.
-هلع وحالة بتاعت خوف وترقب النازحين من مدني واهالي سنار واغلاق كامل للاسواق والمحلات التجارية.
-تجمع شباب سنار بقول الجيش ما قاعد في الحامية.
-اقول متضاربة في اخلاء المستشفيات والصيدليات.
-فقط شبكة زين الشغالة وضعيفة
سلسلة جديدة من الخارجيات
اتواصلت اسي مع زول في فداسي قال احنا كويسين كلنا لكن الدعم السريع شالو مننا العربات كلها وادونا مواد تموينية وقالو ليهم بنجيب ليكم تاني بكرة.
الليلة دايرين نملى التايملاين دا صور وفيديوهات انتهاكات من ما قامت الحرب الي الليلة عشان الناس القالو ما عارفين الحاصل شنو في السودان ضغط المجتمع الدولي مهم في موضوع التفاوض ما تبخلو علي بلدكم وصلو صوتكم نزل واستعمل الهاشتاقات دي
#انقذوا_السودان
#KeepEyesOnSudan
مساء اليوم سنبدأ بنشر جميع الانتهاكات والجرائم الموثقة التي قامت بها مليشيا الدعم السريع في حق المواطنين السودانيين، اتمنى من جميع اهلي في السودان تجهيز الصور والفيديوهات ونشرها لاحقاً.
#انقذوا_السودان
#جرائم_الدعم_السريع
#KeepEyesOnSudan
بالمناسبة المواطنين الفضلو في الخرطوم شكلو احنا علقنا في الخرطوم للابد الطريق الوحيد كان للخروج عن طريق مدني الان إلا نرجا الحرب تقيف وما معروف الايام الجاية داسة لينا شنو.
🚨 قصة حزينة
- الشباب مشو دفنو والدة ود جيرانا يوم الاربعاء ورجعنا دفنا والدو يوم الخميس الفرق يوم واحد فقط
- امام جامع توفت عمتو الصباح الناس مشو الدفن ورجعو عند العصر توفي زوجها
ربنا يرحمهم جميعا
- معظم الوفيات ممن تجاوز سن ٥٠ سنة
الناس لو ما ماتت حرب وجوع حموتو امراض
🚨 الوضع الانساني
- وفيات بالجملة في ولاية الخرطوم بالحمي اليهي ما معروفة ملاريا ولا شنو نفس اعراض الملاريا لكن بتظهر في التست نقتف وفيات لي درجة يموتو اتنين تلاتة في بيت واحد الموية ما نضيفة حالات سوء التغذية ذادت ومازالت الكهرباء والشبكة والموية مقطوعة.
🚨 الوضع الانساني
ندخل اليوم الثالث عشر لا موية لا كهربا والشبكة تدخل يومها ال٥٤ وغرصنة حرامية في رمضان ويومي الاكل في تلتلة اضغطو يا ناس يا عالم عشان وضع المواطنين يتصلح شوية في الخرطوم وولاية الجزيرة.
تحديث اليوم 10/5:
البدروم في عفراء كارثي جداااا جثث متواجدة بالداخل مدنين يبدو حصل اشتباك بين المواطنين من اجل المواد التموينية المتواجدة في مخازن سناء البحصل ليهو نهب لاكتر من ٣ ايام متواصلة
تحديث ٣ ايام الفاتو:
اول يوم مشيانا اتفاجانا بي اشتباك شديد وقصف طيران من الصباح الله ستر وانسحبنا مباشراً اشتباك اتواصل اكتر من ٣ ساعات وصولا الي عفراء التم تدميرها تماماً واتنهبت
🚨 شندي
متحرك جيش طالع من سوق شندي دقا رصاص كمية افزع المواطنين وهو مافي اي شي قلت ادب منهم ساي بس ،كان افضل يحافظو علي زخيرتهم للحتة الماشين ليها بدل يجو يكتبو نهاية اليوم انسحاب تكتيكي.
#السودان اليوم
🚨 الخرطوم
- شنت قوات الدعم السريع هجوم تعبان جداً اتعب من حق اول امبارح علي سلاح المدرعات وتم التعامل مع الهجوم.
- مسيرات الجيش حايمة من الصباح ماوقفت ولا دقيقة.
🚨 امدرمان
- بعد شهور تمكن جيش كرري من إصال امداد لجيش تكساس اليوم في حين لم يتم الربط بعد.
🚨مدني
-ارتكازات الدعم السريع في شارع سنار السوق المركزي.
-مافي زول يطلع بي عربية حتتقلع منو.
-بعضهم يتجولون بالعربات الملاكي داخل المدينة
-نضفو تلفوناتكم و بقدر الامكان اثبات الشخصية يكون قريب.
-ما تقاوم خليك ثابت الي ان يزول الخطر.
ربنا يكون معاكم الي ان تمتصو الصدمة 🙏🏽
الحمد لله بعد أكتر من 15 موكب وعدد من مظاهرات الأحياء واعتصامات تم اعتقلي انا وصاحبي من شارع المعرض 4:25 p.m طالعين من الدرايسة فكونا قبل ساعات وبرضو #تسقط_بس برضو حامشي الموكب بكرة العربي ساعة 1
#موكب25فبراير
#مدن_السودان_تنتفض
🚨مدني
-الشبكة الوحيده الشغالة شبكة زين باقي الشبكات خارج الخدمة.
-الكهربا مقطوعة من بعض الاحياء وفي احياء فيها .
- خبر رجعو الناس من الشارع بعد قلعو عرباتهم مؤكد.
الدعم السريع كان المشاة بتاعين الجيش ضد القوات المشتركة
اسي القوة المشتركة بقت المشاة للجيش ضد الدعم السريع
ما بعرف براو
سبحان الله من حالاً الي حال
المهم الجيش والمشتركة رجعو الدندر كا اول منطقة تسقط بيد الدعم السريع ويتم استرجاعها.
بالنسبة للشباب البتعرصو في DM اي صح انا كنت صعلوك وتافه وعملت ١٠٠ الف غلط لكن من بعد الثورة اتعلمت حاجة كتيره كانت فايته علي اهمها احترام المراءة وتقبل الرائ الاخر علي العموم الإصلاح الزول ببدا بي نفسو...
🚨الابيض
شنت قوات الدعم السريع هجوم عنيف علي مدينة الابيض استمرت المعركة لمدة لاتقل عن عشرة ساعات بكافة انواع الاسلحة الثقيلة والخفيفة ،الجيش اتصدا للهجوم بالكامل وانسحبت قوات الدعم السريع من المنطقة.
يااخوانا انسو المعارك شوفو معونات الناس سدوا الحوجات ركزو مع المواطنين عشان هم البجد محتاجين دعمكم مالك ومال تم دحرهم وتم بالقوة العسكرية اللابتجيب لا بتودي
- متقدمت الدعم السريع بقت الاستراتجية دا يعني وتيرة الاشتباكات زادات في مقرن النيلين سواء تدوين او عمليات مواجه مباشرة مع الجيش.
- لو الجيش استلم الاستراتجية حيكون باقي ارتكاز صغير في الرواد عشان يتصل مع المدرعات.
- سلاح الاشارة يوم بعد يوم محاولات اختراق فاشلة
🚨سنار
هم سيناريوهين حاصلين اسي:
-الدعم السريع بناوش لي هجوم مكثف جدا الصباح.
-الجيش بحاول يَداهم قبل ان يُداهم.
والله يكضب الشينة ويستر علي اهلنا والمواطنين الابرياء
السبت من الساعة ٤ عصراً وحتي الساعة ١٠ م حيكون في حملة نظافة في ميدان الاعتصام
ياريت اي زول ماشي القيادة يشيل معاه
١- صابون (اي نوع)
٢- مقاشيش (البي عصايات)
ياريت قدر مابتقدر توصل من الحاجات دي للقيادة شيلها معاك للشباب
الناس البره كلموا اخوانكم واهلكم
#اعتصام_القياده_العامه
🚨الخرطوم اليوم
- تدوين عنيف من الدعم السريع اتجاه القيادة وسلاح الاشارة من الصباح زي امبارح استمر زي ساعتين.
- العمليات العسكرية و الاشتباكات المباشرة متوقفة حتي الطيران الحربي والاستطلاع كم يوم ما جا.
- نسبة الامان زادت حبتين كدا.