الصديق هو مرآة صديقه ..
فلا تجد " شجاع " وصديقه " جبان "
ولن تجد " كريم " وصديقه " بخيل "
.
معنى ذلك :
صادق اللي راسه اصوّك و عينه عين ذيب
و اترك اللي كل من قابله ... يرتاح له :)
يالله وانا الشخص البسيط اللي هقاويه بعيد
احيان يمنعه الثقل واحيان يدفعه العزم
اعوذبك من وقفتٍ مع غير اهلها ماتفيد
ومن غلطةٍ يبلش بها العاقل على باب الندم
واللي على طولات مايدحم بضلعٍ من حديد
قولو له ان المجد ما ياتي له بحبة خشم
"اضرب الدنيا بصدرٍ كبير ولا تلين
ومن يسند عن ملاقاك بالله حدره
.
لاتقول اني اكافح . . و عيّت لا تزين
والله ان صدوف عمرك عليك مقدره
.
ما تغيّر معدن الطيب مع الطيبين
كم رفيق اجامله ، وكم رفيق اقدره
.
ماصفت من قبلنا لـ الرجال الاولين
الليالي لو صفت لك / تجيك مكدره"
ارفع حجاجك واضرب الجمعين والدنياحريق
وابشر بنا وان يبست ارياق العرب بحلوقها
سند على كتفي وتدري انك مسنّد بالعريق
لك خوه لو أموت وأحيا مانسيت حقوقها
وأن ما وصلتك لا تنشد " لا عدوً ولا صديق
سيلّ دموعك وأعرف أن الارض ماني فوقها
سند همومك يا راسي على الضلع المنيف
لا توارى لا غدى الجو عجّه و دخنه ⠀
لو تمشيني ( ظروفي ) على الحد الرهيف
ما رجيت الا اللي في يده سيّه و حسنه
واضح و نفسي عزيزه .. و منهاجي نضيف
ولا ذخرت اللي لا جت حزته يومه سنه
محتزم فاللي مخلي الضعافه لـ الضعيف
الله إنه يلعن الضعف سبعين لعنه
لافعلت الطيب عند اللي مداه قريب
عدها كسرة حصاةٍ فالبحر محذوفه
افعل المعروف وارمه فالبحر يـ الطّيب
الرجل ويش الرجل لامن ذكر معروفه
وان بلاك الله بـ جحدان الرفيق الخيّب
اتركه جعل السنين المقبلات تحوفه
من يبرر خيبة يمينه بكثر حلوفه
قاطع الارسال عنه وقاقلٍ جوالي
في رجا اللي ما يلحّق منته معروفه
واحدٍ ماهو يجازيني بسو اعمالي
لا سجد قلبي تحت هيبة علاه ونوفه
ما تطيح همومي الا مع مطيح عقالي
ليه اصوّت للمقفي لا عطاني كتوفه
جيت بلحالي على الدنيا وبروح لحالي
بس لحظة يا مهَمّلني وناوي في غيابك
دامك اللي ناوي الفرقا بقول اللي بقوله
أنت يعني لا نويت تغيب باقف عند بابك؟
لا وربي تاقف الـدنـيـا وأنـا تـأبـى الرجوله
ما تعودت اتبع المقفي ولو حضرة جنابك
رح عساها خيرةٍ والدرب لك عرضه وطوله
قلوبنا ما تعرف الحقد والصد
ونطيب فاللي مآ يطيبون فينا..
ٰ
ونحبّ لكن فـالمحبه لنآ حد
لآ وصلّت حدّ الكرامه مشينا..
ٰ
وان ضاقت الأيام نوقف لها ند
نضحك لها من قبل تضحك علينا ..
الله يسمح دربكم و اعذروني
يا ربعي الي حكهم وقتنا حك
بين معادنهم و خابت ظنوني
يوم المصالح بيننا بابها صكّ
لو يضرب فيوزي و تعمى عيوني
ما يختلط بالصدر طيب معه شك
ربع بـ ميلات الدهر جنبوني
مثل السلاح بوقت اللقى لك
ماهم بربعي دامهم ما احتموني
و من هاتفي بصكهم حظر و بلوك :)