يلي ذبحت لبشردوبك على حالك
لاتفني الخلق والعالم تبهذلها
ماتدري انك كبرت وزدت بخبالك
ونفسك مع لوقت ترضيهاوتزعلها
ذبحت كل لعرب في وسط جوالك
حتى غديت الاضحوكه في محافلها
ابك انت حتى العرب ماشافودلالك
ونفسك توريك كل الناس كافلها
لاشك ريح ضميرك لايورالك
ياخشة الثورمدري يامواكلها
ياليلة التتويج مبروك ي هلال
ناد الزعامه يستحق الزعامه
هذي عوايدكم على كل الاجيال
نادي فخر صعب عليه انهزامه
قوميز تستاهل من لبن فنجال
ويستاهله سالم عزيز مقامه
وكل اللعيبه عدهم عندنا ابطال
بطولة الستين جودة علامه
غازي الوهبي #صباحات_الهلال
عمر التواضع ما دفن قيمة انسان..
والكبر لامن حل بالرجل ضره
وعمر الكلام الي على غير برهان
سراب قيض في صحاصيح بره
ورجلا بلا عقله مع الناس حيوان
لو ان بشته بالمحافل يجره
وامارة ماهي على ورث جدان
شمات للناس في كل مره
غازي بن رويعي الحربي
قصيدة ترحيبيه بالوهوب المشاركين بالحد الجنوبي رحم الله شهيدهم واشفاء مصابهم ومن رجع سالم غانم نقول بيض الله وجهك شرفتنا وشرفت الوطن والقبيلة
شكرا للمصممين ابو باسل وابو اياد
لامن تذكرت النشاما طرا ذعار
رفيق عمر ولا تغير عليه
من سن سبع اسنين وعمارنا صغار
لليوم وذعار الوفاء والحميه
غازي رويعي الوهبي
أرحب تراحيبن جزيلات وكثار
ياصاحبي غازي لك الاولويه
رفيق عمر ولك معزه ومقدار
وجه الرجال الي لهم قابليه
ذعارمحمدالخشمان الوهبي
قل للضيوّف الي مع الناس دواج
مابه عزيمه ماقلط مع صحنها
ايبرق بنفسه عسى ماهو محتاج
يوم المجالس زارها وامتحنها
دايم ردي النفس ماهو والاحراج
شاة يبين سمنها من عطنها
ابو ماجد✍🏻
ايوالله اني شبت من طول الايام
وانته يابو مفلح سنيني وشايب
هذي هي الدنيا محطات واعوام
والابد من يوم تحط النصايب
مار الحظيظ الي على طاعته نام
يمكن يقوم ولايشوف القرايب
ابو ماجد
افضل زمن عندي زمان الطفوله
طفل مدلع بين ابويه وعمي
ماكنت اميز بالزمان وميوله
ولاكنت اعرف ان الزمن فيه همي
حتى كشفت أن الليالي عجوله
وماراح ماعودبه الوقت يمي
ترا الرجل ماكل شي يقوله
اضحك ولو دمعي شكامنه كمي
( ابوغازي أطال الله في عمره
وعمي ابو عابر رحمه الله)
حضرنا مساء هذا اليوم الجمعه افتتاح مخيم الوهوب بالقصيم بحضور وتشريف شيخ القبيلة سطام بن سعداء
ومجموعة من الشعراء
من ضمنهم اخوي الشاعر مطارد واخوي الشاعر عطالله ولهم جزيل الشكر على مشاركتهما مع بقية الزملاء
ماكل كلمة تجي ياسعود في بالي
بعض النواقص تخلى عند ناقصها
ومن فضل ربي نميز كل رجالي
نعمة من الوالي ان الناس تبخصها
تجارب الوقت ماهي هرج جهالي
هرجة غشيم على كيفه يخبصها
احس من هرجة العاقل لعقالي
لاقال له هرجة يعرف تخصصها
ولا قليل المعرفه ضمن الازوالي
من عرض ناس على النكته ترقصها
الشهم من قرب الرديين ينباع
عار لهم حتى نهار القيامه
ماتنفع الحسفه وطقات الاصباع
وجها من علوم الرداء به ظلامه
والي نشاء دايم على قل الاسناع
تلقى بتاريخه علامه علامه
ابو ماجد
يامن يبشرني عن محمد دغيم
عساه في صحه وخير وسلامه
الصاحب الي جيته تشبه الديم
تباشروا به يوم خيل غمامه
الي غيابه مثل سجن المظاليم
الي يضيقهم هديل الحمامه
عساه طيب يالربوع المحاشيم
يالي تمرونه عطونا كلامه
واخص بالنشده زبون الملازيم
لصاحب الي ماتغير نظامه بالابيات في الصور