@carolhaddaddd
@moh_elhelow
هلق من بين ٤٥ بالمية من الشعب يلي صار بلا اشغال وعم بعاني الفقر والجوع ما لفتلك نظرك إلا حاملة الآيفون؟؟؟ومين خبرك انو يلي بيحمل إيفون بدو يسد نيعو وما ينزل يثور ضد الفساد والنهب يلي دمرو البلد ؟؟؟انتي من يلي ما بشوفو أبعد من منخارن...
جبران وعمو بقيو تلت ايام عم تتناولن ال nbn بمقدمة أخبارا بألفاظ من مستوى(لا اسف على رحيلك)و (نحنا ما منتفركش بجبران) ليش ما انحرّو العونية؟؟ عادة بيطلعلو نواب العونية وبرشو ردودن رش ما شفنا ولا سمعنا ايا رد ومرقت عادي...يعني اقتضت المصالح؟؟
قريبي الو سنة بالإمارات خريج هندسة بترول خبرني من كم يوم إنو لقى شغل 800 $ وعم يطلعولو إقامة عمل... اي ما تستغربو الشاب جايي من بلد فقير...قلتلو احسنلك ما ترجع علبنان الأمور رايحة عالأسوأ...قلي ما عأساس صرنا بلد نفطي؟؟؟ قلتلو نفطي براسن ....وضحكنا سوياً ضحك طفلين معاً
عم احضر مقابلة لنائب سابق لحاكم مصرف لبنان ولك هالزلمي قال شغلة جوهرية بالنسبة للكهربا...40 مليار دولار وما عملتو شي رح تعملو العجايب بمليار دولار؟؟عن جد🤔
مراسلة الجديد لوزير العمل الممانعجي: شو الاجراءات اللي اخدتوا لسلامة الطيران؟؟
الوزير الممانعجي: اطلاق الرصاص موجود على كل الاراضي اللبنانية والطائرة ما كانت مستهدفة كان اطلاق الرصاص عشوائي😳
يا عين ملا وزير الله يحميك
ال 2023 سنة الضرايب الغلا زيادة نسبة الفقر وتراجع نسبة الالتحاق بالمدارس وتدهور صحة المواطن بسبب اكلاف العلاج واسعار الادوية ومزيد من خسارة الناس لقيمة ودائعن ومزيد من جرائم السرقة وتعاظم أعداد اللاجئين بالبلد...هولي ما توقعات هولي عم نعيشن ورح نكفي فين بوجود منظومة الفساد...
كلام نقيب المستشفيات الخاصة بودينا لمطرح بدو وقفة...لما 70 بالمية من اللاجئين بيتغطو صحياً من الأمم وبين التقديمات كلفة الولادة واللبنانية بس 30 بالمية قادرين يفوتو مستشفى ومن بينن الولادة مع نسبة تراجعا الكبير ...النتيجة لن يمر وقت طويل لنصبح في بلدنا أقلية!!!والسلطة خخخخخخ😴😴
الأسعار مريعة وخرافية الناس بالسوبر ماركت عم تحكي حالا والحل معروف ولكن الإيدين مكبلة بسبب هيمنة فريق على القرار بالبلد...اذا ما اجا الحل من وراء البحار ما رح يجي من أي مطرح ورح نبقى بمستنقع الإنهيار....#انقذوا_ليرتنا_ولقمتنا
@aliimortada
@BoustaniHussein
هيدي ما صواريخ مقاومة هيدي صواريخ إيرانية عم تنكب من عنا خدمة لإيران ...تروح ايران تقلع شوكا بإيدا بكفينا اللي نحنا في وما مستعدين نفوت بحرب والسلطة يلي مقاومتك شريكة فيا دمرو اقتصاد البلد...ولك مشتشفيات ما في ادوية ما في ليتعالجو اللي ينصابو بسبب مقاومتك اذا صار حرب..حل عن قفانا
@Mishal_Rashid
@anwar_alrasheed
الرسول عم يحكي عن ما جرت عليه العادة بين الناس باختياراتن والحديث إلو تكملة( فاحظَ بذاتِ الدين) واللي بتكون متمسكة بدينا رح تلاقي فيا باقي المواصفات اللي عم تسأل عنن...
اليوم دفعت مليونان ليرة بالسوبر ماركة على حق غرضين تلاتة كان معي خمسينات عطيتا لموظفة الصندوق 40 ورقة زرقا... شي متل الحلم اللي وصلنالو كنا غاشيين وماشيين كشعب ما جايي ببالنا انو رح نوصل لهون مع إنو كنا عارفين انو اشباه الرجال من يتولى حكم هالوطن بس ما حسبناها صح!!!!
توفت طفلة بين اللي كانو على المركب... أديش حجم اليأس كبير حتى الواحد يخاطر بأطفالو ليطفش من مستنقع لبنان؟؟
الله لا يعطيكن العافية شو عملتو بهالشعب ...
#قارب_الموت
#طرابلس
في حكي عن اتجاه منسقية الأمم المتحدة لسد فواتير الكهربا عن النازحين السوريين أنا برأي الامم المتحدة تقلنا ضهرو من البلد وتركوا للنازحين ما دام غذاء وتعليم وطبابة وكهربا وكلن اللبناني محروم منن....مبارح صديقتي ما قدرت تشتري لإبنا دوا الالتهاب لأنو حقو مليون ليرة
نصر الله: نسوا العراقيين مخازن الأسلحة اللي فتحتا إيران للدفاع عن العراق؟؟
اجا الرد سريع من العراقيين: نهبو عشر اضعاف سعر السلاح وسرقو هويتنا وإستقلالنا!!!
الكورونا مرض يمكن الشفاء منو ما تخبي مرضك عشانك وعشان احباءك يلي ممكن تنقلن المرض بدون ما تحس.... عشان يلي بحبوك ما تخبي مرضك وخلي ثقتك بالله #كورونا_مش_جريمة
اي الحجوزات مفولة بس بالمقابل في ناس عم يشترو اللحمة بالوقية وفي ناس عم يشترو زيت الفلت بالكيس وفي ناس عم يبعتو ولادن عمدارسن من دون سندويشات وناس ناطرين الموت لأنن ما معن حق دوا القلب والضغط....خفوا شوي
كيف بتفوت اسلحة بهالكمية على مخيم عين الحلوة اذا حواجز الجيش محاوطة المداخل؟؟ يا عمي سؤال الشعب عم يسألو يطلع حدا يجاوبنا عليه شو القصة فيا أنفاق يعني؟؟
مساحة تركيا 783000 كلم٢ وعدد سكانا 85 مليون انكشفت فيا جريمة انفجار بأربعة وعشرين ساعة....لبنان قد مدينة بتركيا وعدد سكانو بعبو منطقة بتركيا ما انكشف في انفجار العاصمة ولا انعرف مين مرتكبي اغتيالات صارت بالجملة والمفرق....عجب
الاونروا بتغطي كلفة العمليات الجراحية للاجئين الفلسطينية بنسبة خمسين بالمية والولادة مية بالمية وألأدوية شهرية مجانية...السوري امر آخر عم يضربولو سلام بالمستشفيات والمدارس الخاصة عشان الفريش دولار...
اللبناني ما معك روح موت ببيتك ووزارة الصحة آخر هما...شو هالانحطاط اللي وصلنالو؟
عن جد عم يعتبروا انظلم مظلومية الحسين؟؟بس الحسين وقف بوج الظلم ما اشتغل سمسرجي بوزارة المالية...الحسين ما لبس ساعة بفوق سعرا المية الف دولار وشعبو جوعان....اين الثريا من الثرى
شو طالب باسيل من الميقاتي حتى الآخير رح يفضل الفراغ وامتناع ست وزرا عن اجتماعات الحكومة وامكانية انزلاق البلد الى مكان لا تحمد عقباه على الرضوخ لهالطلبات؟؟!!
قال مصدر دولي ضد استقالة الحكومة ..لو بتعرفو ليش😂😂قال لعدم ترك الساحة بيد الحوزب في المدة الفاصلة بين الفراغ والانتخابات النيابية..😂😂ليش الساحة هلق بيد مين يا مصدر يا دولي؟؟ إسأل الميقاتي بخبرك
انتي حر تدفع ملايين الدولارات على عرس بنتك او إبنك...بس بنفس الوقت ما تطلع تهبط عليي حيطان وتقلي الصبر والكرامة والكوسا محشي وأنا ما قادرة لاقي دوا يخففلي الوجع والخسة بعشر تلاف وكيلو الجبنة بي 130000 ...عرفت كيف؟؟
ونرجع منكرر ونعيد اوعى حدا يبيع إلا حاجتو دايماً تذكرو طالما البلد ما صار في اصلاحات وخطة اقتصادية تنشلو من الحضيض الدولار ما إلو قرار ونزولو فخ ما حدا يوقع بالفخ....اقتضى التحذير
مرة فتت بجدال مع شخص من دولة عربية بسياق الحديث والدفاع عن الوطن والشعب قلتلو نحنا بلد المثقفين النوابغ نحنا اللبنانية اعلام بالخارج بصمات التفوق اللبناني موجودة بأقطار العالم....قطعلي حماسي بسؤال فوتني بالحيط قلي كل هولي لكان ليش بتنتخبو حرامية وفاسدين ؟؟ 😭😭😭
نبيه بري طلب حذف جملة (دولة بلا شرف)اللي قالا ابراهيم كنعان خلال مداخلتو...بلا مؤاخذة يعني إنو دولة بدور فيا النهب والهدر والصفقات المشبوهة بتفقر شعبا وبتجوعو وبتموتو عبواب المستشفيات بتخلي يغرق بساعتين شتا ما بتعمل اصلاحات ما بتحاسب شغلتا الوحيدة كب الضرايب عالفقير..شو بتكون ؟
معقول رح تقولولي كل القضاة نايمين وما في ولا قاضي من بين أربعة خمسة مليون لبناني عم يحضر حلقة القبيسي؟ ولك على عينك يا تاجر كان تهريب المدعوم من درب المواطن الفقير ..ولك الزلمي عم يعرض اسماء وتسجيلات وعن جد متأملين بتحقيقات إنفجار المرفأ؟؟ ..شو هالبلد؟ شي بقرررف
#يسقط_حكم_الفاسد
طيب ماشي حالك وال 300 دولار اللي عم تجيك من برا عم تعملك 9000000 نوعا ما موقفتك على إجريك ...بس في بالبلد فساد في سلبطة وانعدام للمحاسبة في استهتار بأمنك الغذائي في سرقة لأموالك غير مسبوقة ...في إنو مستقبل ولادك على المحك...كل هولي ما بيعنولك؟؟؟؟
#شعب_بالكوما
ابلغ مقيمون في بلدة وادي جيلو شرق صور ان قرابة العشرة مسلحين من بلدة جويا نفذوا هجوما مسلحا على بلدة وادي جيلو وقاموا باطلاق النار العشوائي في ساحة البلدة، ما ادى الى سقوط ثلاثة جرحى هم كل من علي الحسيني وعبداللطيف خازم ومحمد خازم، بالإضافة الى تضرر عدد من السيارات المدنية
#صور
هالشهر الكيلواط 6000 وطلوع يعني الفاتورة تدوبلت عن الشهر الماضي والفواتير رح تكون صادمة ...هيدا رفع الحد الأدنى للتلاتة مليون يروحو يخللوا او ينقعوا ويشربوا او يشوفو شو بيعملو في....
#المهم_المحاصصات_والتعيينات