اليوم الدكتورة شبهت علي وسألتني عن اسمي قلت شهد
قالت انتي شهد ماغيرك!!!! قلت ايييه😍🥰
(اكا اشهر وحدة بالجامعة)
قالت وراه اسايمنتك اللي سلمتيه يخرع كذا. دكتورة كم تبين اعطيك وتصمينها
مشكلتي ما اخذ الحياة بجدية ابد
قبل فترة وحدة عطتني كتاب اقراه وماكان لي خلق فتحت صفحة عشوائية وقريتها
يوم قابلتها وسألتني قلت ايه رهيب خصوصا ذيك الصفحة جااازت لي👌🏻❤️
والله معليش بس من فاضي يقرأ وهو مهندس
رحت للبر من الصبح للمغرب ومافيه نت
عرفت كم عمر اخوي
وان خالي بيتزوج بعد شهر
جاء دوري وعلمتهم ان تخصصي هندسة قالو ترا قد علمتينا عشرين مرة. اما عاد😂 ماودكم نرجع لبيوتنا
الغيور
اللي مايبيك تتعرف على غيره
وان ماعطيته الاتنشن المطلوب انهبل
وينتقدك كل شوي عشان ماتصير احسن منه
وفيه تكبر من قوة النقص
ولا تضمنه. يوم لك ويوم عليك
فل بكج امراض لعنبو هالوجيه
ايش الصفه الي لو شفتوها بشخص تبتعدون عنه على طول ؟
انا عن نفسي عدم الوضوح ما اطيقه ما احب اكون حول شخص مو واضح ما يدري هو بنفسه ايش يبغى وايش هدفه بالحياه
طالعة مع صديقات امي
وكل وحدة تسألني مين اللي قهوتها احلى
قلت والله ام فلان فازت بس ناقصها شوي هيل وزعفران
(وانا واشوف ان كلها طعمها واحد لأني راعية شاهي)
مساءكم تقزييير 😂👌🏻
ابراهيم ولدي(٩سنوات) يتناول وجبته من احد المطاعم السريعة فعاتبه طفل بسنه انه هالمطعم يدعم اسرائيل
رد ابراهيم : لوه يدعمه ما خلاهم الملك سلمان واكمل وجبته
ان شاء الله تربيتي 👍🏻
تو راسلوني جمعية تطوع يبوني اصير منظمة (بملعب مختلط) يعني بلاحق الدرباويين اللي يراكضون بنص الملعب وامردغهم👌🏻
الوكاد وافقت لأن اخر مرة قلت لا قبل انولد❤️ باب النجار مخلوع
كان عندي دورة ومستعجلة عليها فعكست الطريق ووقفت عند المبنى عكس باقي المواقف
الوكاد طلعت من الدورة وكل السيارات صارت واقفة زيي
يسرني اكون قدوة❤️ (حارس المبنى يشمق بي من اليوم الظاهر انا وجماعتي حشرنا سيارته)
امس قلت لراعي سايق الجامعة انه يسرع
قال خلاص بتفاهم معه
واليوم اسرع اقوى واكلنا مطب وبغينا نصدم عند الدوار
الوكاد دق علي راعيه قال هاه تعدل ولا
ايه لا لا طلع البلا بي انا
الدوريات لهم شهرين مكتسحين حينا لان عندنا راعين حبوب
عرفت اماكنهم والشرطة توها ماعرفت
اتخيلني ادلهم بمقابل👌🏻 وقت اصنع من حياتي فلم اكشن. ان شاء الله مو بالسجن
اكثر شي اعشقه بطريقة تفكيري هو ان اي احد حاقد علي او يكرهني بدون سبب على طول افسرها انه معجب مافيها شك
اما سالفة معقولة يسوي كذا🥺 ليه انا وش سويت🥺 لا لا ماهيب عندي
اليوم كان زحمة عند الجامعة ومافي مرور وماعرف رقمهم هبدت ثلاث ارقام من راسي ودقيت اهاوش
رد علي واحد قال طيب حنا حقين البيئة مالنا شغل😁 ايه تقول لي كم رواتبكم
الوكاد الزحمة راحت وانا للحيني ادور رقم المرور. واخرتها المحاضرة متكنسلة😴🤭🤗
يوم يجي احد يسوي كت على تغريدة من تغريداتك وينتقد
وبعد عشر دقايق تلقاه نازل تحت بحسابك ومسوي لايك. طاح على وجهه❤️
تقريباً سلاحي بالواقع والمواقع هو القبول
قالت امي بسألك اسئلة تحليل شخصية
قلت يله قدااام🔥
جاء سؤال هل انت متقلب المزاج
وجيت بجاوب الا وتضغط نعم (هي مقتنعة يعني)
ثم جاء سؤال هل تهتم لخطف الانظار
الا وتقول انشهد انها انتي وتضغط نعم بشدة
يمه 😊 تسمعين بالاستجواب شكلك