من ضاق دربك عليك وعثرك ساقك
خطواتّك الحل لكن مامشيتيها
بتدور الايام لين تجفف اوراقك
بتعاتبك كل ساعه ما سهرتيها
خليك في غفلتك والليل ماشاقك
باقي لك دموع فرقى ما بكيتيها
ولا هزك الدمع من تلويح عشاقك
خلي دموعك ترجع لك لياليها
فستانك الازرق اللي في حريره زهاك
ماعاد خلَا بـ عيني من المزايين غيـد
تبسمي من وله .. خليني انسى جفاك
لاصار خصرك ليان شلون قلبك حديد
مايكفي اني من عيونك لقيت الهلاك
وفْكل مره اموت بنظرتك من جديد
وش يعذر الشاعر اللي لو يدور رضاك
يحتاج له عمر ثاني ، للغزل والقصيد
ㅤ ⠀
ذات القوام اللي من السبع العجاب
تثمر غصونك فالليال .. و تنهمر !
ان هل شعرك علم الشمس الغياب
ولاهبت النسمة عليه ، أدهى وأمر !
وان مر زولك عذب وان قفى عذاب
وان جاد وصلك ظل وان غبتي جمر
حتى السوال اللي معي ماله جواب
من صارت الغاية ، احاديث السمر
وشلون مخلوقه من الماء
الجديد #تفعيله
ما قلت لك جانا من القبّله مزن
يْناشد احساسي وانا ميت ضما
اناظره واستدلت مع صوته جفن
و في غبة الذكرى لقيت الانتما
وقفْت اشوف النور في ارضك وطن
وتمطر حروفي فوق جردك من سما
واشيد الاحلام في عيني مدن
وفي تربت الواقع ولا حلمٍ نمـا
#فارس_السطام.
قومي وفلي جديلك لسهر و الحنين
وش قيمة الليل لو ماشفت منك خصر
كنَك تخيرتي .. لـ زينك من اللي تبين
ماعاد ضاهن جمالك فاتنات العصر
يا سالفة عصرك .. انتي غياة التايهين
اللي يشوفون في ضحكة عيونك نصر
من نبرة احساس صوتك كل ماتنطقين
ما ودي السالفه .. تنقال بالمُختصر !
خلوني الهادي اللي في نهاية مطاف
عن زحمه الناس جرب ليلة وصالها
رقيقـةٍ من ظلام الليل دايم تخـاف !
وتبكي مع عتاب من يستنكر اهمالها
ممشوقة القد مابين الغيا و العفاف
يحتار فيها القصيد ان بان سلسالها
لاسلهمت بالعيون اللي بحد الرهاف
تـذبح ملاين . . لو انها على فالها 🤍
سولفي لي صوتك الليلة - مُباح
استبحته من غواه و من نعيمة
لا يغرك ؟ من سكن قلبي وراح
السنين الماضية كانت عقيمة
كيف مايفرق معي ذاك الصباح
و جيتك كانت مواريه ونسيمه
صوبتني نظرتك .. مثل السلاح !
وكانت احلى موته وأعظم جريمة
شيلة لـ مرشح الدائره الرابعة مساعد القريفة
كلمات : فارس السطام
اداء : صالح اليامي
انت لو تقول فوق ظهورهن - يا الواصليه
كل مطنوخ يعصب الراس و يرهي لك رصيده
معك حمران النواظر بالجناسي والهويه
راهيه فالانتخابات القديمه والجديده !
#مساعد_القريفه
ما خذلت اللي من اشواقه ينادي
كنت له مـن غيهب الايام شوف
لين عافت خطوتي ثقل اجتهادي
واستضاقت من بعد طول الوقوف
ارتمت كل الهقاوي فـي سهادي
من بعد ماحست بضيقة وخوف
اختلف ذاك النهار وسال وادي
وانتهت من خاطري اربع حروف
ماتت اللهفه - لذا حان ابتعادي
و بـتعذر مثلهم عندي ظروف
صرت بعدك كل ، ما تطـري احاتي
يـصعب اسألتـي انا ما قدر احلك
ㅤ ⠀
كيف ببعد عنّك ؟
واكمل حياتي
والشعور
اللي ورا صدري يدلك !
ㅤ ⠀
لا تحسب ان اللقى من ذكرياتي
هذا ظلي ما وفاء له غيـر ظلك !
ㅤ ⠀
يغار لبسك من عطورك ومن شالك
وشلون ما اغار من ناسٍ يشوفونك
ما مر ليل بوجودك مُظلم وحالك
النور لامن حضرتي .. صار مفتونك
من رقه العنق كان شعور سلسالك
تايه مابين الجمر والثلج في لونك
فلّي جدايلك غيظي .. كل عذالك
تبختري في جمالك لين يفدونك 🤍
غياهب الليل خانْت من ظهورك بدر
ما الومها يوم شافت زينْـك الراهي !
اتبايعك با الولاء و تشيل لجلك ( قمر )
وتماري انجومها لا صـرت متلاهـي !
ونسـايم الريح وشعوره بـ وقـت المطر
مثل ابتسامه رضا مـن ، ثغرك الفاهي
واذا خطاويك داست فوق قاعٍ ( قفر )
الورد اشوفه عقب ممشاك متباهي ♥️
دايم سوالف دلعها .. تستفز الحريم
من نطقها للحروف يذوب كل الكلام
كنها قصيدة عذوبـه من نديم لنديـم
جمهورها رددو من عقبها يا سسلام
بخلت في وصفها حـتى لو اني كريم
واكرمتها في ليال الوصل والاهتمام 🤍
لحظه بجي يمك قبل لا تـروحين
وفي خاطرك ضيقه تخٌبي حنينك
ㅤ ⠀
بمسح على خدك وابقول تدرين
ولله طمعت أشـوف غمازتـينك
ㅤ ⠀
وابعتذر لك دام لك فالهوى دين
وبحط يـدّينـي على راحتيـنك
ㅤ ⠀
امزونـك اللي بارقه ؛ بين رمشين
حرام وابلها من اطـراف عينـك !
تلفت شعوري قبل لفــت انتباهـي
وتغرق الخطوة على ارصفت المدينه
ما عرفت
بدربها ..
وين اتجاهي ؟
الهوى
ما يعرف دووب السفينه !
تاخذ احبك واحبك من شفاهي
لليلةٍ ما جاورت .. حد السكينه
ㅤ ⠀
كيف من بعد الجفيا والتلاهي
ابتدي واحس بالقلب وحنينه
لو امثل صـدتي ما كنت لاهي
كنت اكابر كل ما ارخالي يدينه
صدفةٍ شدت تفاصيل انتباهي
والتفت ولا لفتني غير زينه
جيت من فريس وجدودي دواهي
وانهزمت بمعركة سلهام عينه !
اعذب من الديم في غر السحايب
جادلٍ لـ العشق والعشاق يمْه
مابقى شوقٍ بصدري للحبايب
بعد ماصارت على الاشواق قمه
ذايبٍ سلسالها .. فوق الترايب
كيف قلبي مايذوب ان لد يمّه
نقضّت سود الحرير مْن الذوايب
وأنورت كل الدروب المدلهمّه
ليلةٍ من عطرها حتى الهبايب
ماقوت مجدولها كل ماتلمه !
صديت عن حلمي اللي فيك حققتـه
واغلب تفاصيل شوقي واغلب احزاني
الحب غــفوه وانا من بعد مافقـته
اسمع صدى صوت هقواتي وخذلاني
ياحادي الشوق خل الشوق في وقته
شـْعورنا الاولي … ما يشبه الثانـي !
ما فهقتي خلفك ادروب المسيلـه
لـي سنه كبدي من الاشواق فاحت
الرياض العاصمة فـي كـل لليلـة
ترقبك من يوم ما رجليك شاحت
يا شوارع نــجد والقصـة طويـلة
بختصرها لو بروقّ الدمع لاحت
من تغطـي نور قـمراك بجديله
الجفـى غطى مـلامحها ؛ وراحت
جت تسرق البال وتداري بقايا الجروح
وسميةٍ مرت بليل الهوى بارقه
رشت من العطر نسمة فالحنايا تفوح
وفزت عروق الغلا وغصونها وأرقه
احساسها ترف مايعرف معاني الوضوح
لا جت تكلَم وهي بشواقها غارقه
عن كل حاجه تزعلها عيوف و طموح
وعن كل فارع قوام بزينها فارقه !
ㅤ ⠀
قبل اعرفك كنت تتمنى لو تباري ظلالي
وبعد ماشفت المحبه من عيوني شفت حالك
لا تناقشني بصدي بعد مازاد ارتحالي
وانت تعرف كل كلمة قبل تقفي قلتها لك
كانت احبك عظيمة وكان ردك لا ابالي؟
وأهجرتها الف نبره وكل هذا من خلالك
مايكفيني حضور ان كان مامريت بالي
ومايكفيني كلام بدون موقف في وصالك
هلت هماليل المزون القنيفه
وسال الحيا من فوق خد الاراضي
زل الشتاء واوجست فالبال خيفه
ماودي بـ ليلة تكونين ماضي
عمري معك متقاسمه بالنصيفه
والقلب ما أنكر عليه اعتراضي
عذرك بصوتك في ضلوعي حِفيفه
وانا سكوتي عن كلامك تغاضي
كنتي حُبابـه في عيـون الخليفه
وشلون وقت مفارقك كان راضي
عن مليحات السوالف والتمادي
والغلا اللي راح و العمر المشَقى
مانسيت جروحك وحدّة عنادي
من كثّر ما مرني .. كنت اتنّقى ؟
ليه تسال عن شعوري وابتعادي
وانت تعرفّني من العام ( اتّوقى )
من لمحتك واقف هنااك وتنادي
اقتنعت ان السكوت اللي تبقى !
يارب يا مُنزل كتابك للأنام
ومعرج رسولك لين سدرة مُنتهى
وهبتني الاصغاء في معنى الكلام !
وعطيتني من رحمتك فكر و دهى
اعوذ بك من كل دربٍ للحرام
ومن كل شيٍ عنه مْحمد نهـى
المعصيه صارت مثل رد السلام
يا بخت منهو عن ملذاته سهئ !
#فارس_السطام
الرياض العاصمه في كـل ليله
ترقبك من يوم مارجليك شاحت
ياشوارع نجد والقصه طويله
بختصرها لو بروق الدمع لاحت
من تغطِّي نور قمراك بجديله
الجفى غطّى ملامحها وراحت
ㅤ ⠀
الجديد
اسْتحلف النور في لليل الجـفى والغياب
يستنطق الشوق من ضيق الزمان بهدو
بدأ يدور فـ موق العين ؟ حفنَه جواب
يسال عن عيونك اللي فـ الليالي غدو !
#فارس_السطام
كنت اشوف الليل ماهوب اختياري
لارمت عن مفرق الوادي شعرها
كنت افتش في تفاصيل انتظاري
وتبتدي في رحلتي رحلة نظرها
ولأ شعرت اني بغربه في دياري
صارت الوجهه من الشوق لنحرها
كل ما انساها يمر البـال طاري
يهزم النسيان ويعانـق صورها !
وصـلت دارك و صـارت عقبنا من يبابّ
لو كان اهلها على صـفر الدلال وقـدو
ㅤ ⠀
نيرانهمّ بالوجار .. وشرعــو كـل باب !
في مجلس الطين ولأ وسط بيت السدو
ㅤ ⠀
#فارس_السطام
جيت ادور لك شبية من الأهله
ولا لقيتك غير في جوف المخيله
غادقً من صيّب احساسك تهله
تمتلّي منه المسايل و المسيله
من يلوم اللي لقى حُبك جبله
ما لمح غرتّك لاشلت الجديله
وش يقول اللي بحسنك ��اع كله
ضيعة اللي مالقى .. درب ودليله
انت رمشك كل ماجيتك تسله
لين اموت بنظرتك في كل ليله !
عيشي اللحظة .. وخلينا ننــام
في جفون الليل ونعاف الهجير
ㅤ ⠀
و بعثـري نجمات ثغرك بالظلام
واسبحي ياضي والفُلك الحرير
ㅤ ⠀
وان سرقنا الليل في جنح الغـرام
اشرقي شمسك ، و خليني احيـر
ㅤ ⠀
واعرف المعنى الحقيقي لـ السلام
لا ابتسمتي بسمة الطفل الصغير
لا تعتذر ما عاد ابي وقتي معاك
انا عطيتك عمر - ما تستاهله !
#فارس_السطام
من يوم ما اطريت لي بس فكرة الفرقا
اخرجتنـي من فنـاي لـ عالم البرزخ
#صالح_البرازي
من تلاشى حجم حبك ، من ملامك
واعرف انك شايف احساسي سراب
-
ومن تغيّب نورك .. وبيـن ظلامك
اكتشف قلبي .. وش انواع العذاب
-
ياحبيبي ليه تـجفى .. في كلامك
ماعرفت من الخطا حجم الصواب
-
اختفى وصلك بعد قل اهتمامك
وصارت ايامك دقايقها غياااب !
عيشي اللحظة وخلينا ننــام
في جفون الليل ونعاّف الهجير
وبعثري نجمات ثغّرك بالظلام
واسبحي ياضيّ والفُلك الحرير
وان سرقنا الليل في جنّح الغـرام
اشرقي شمسك و خليني احير
واعرف المعنى الحقيقي لـ السلام
لا ابتسمتي بسمة الطفل الصغير
#فارس_السطام
تحلويت صوتٍ كل ليلة يجيب اقصاي
بعد ماصدفتّه في مسيري وناطقته
ابو مبسمٍ مخلوق لجلي ولجل رضاي
يسولف علي .. اني من العام ضايقته
يجاوبني بـ لهفه ؟ وانا ماني بنساي
ولولا حيا وجـهي من الناس عانقته
تمنيت صوتي من حنينه يقعد الراي
وانا خابرٍ قلبي .. قسى يوم فارقته !
@y3050_
وصلوها لـ نايف المطيري
لا يخاف من احد
-
اللي يبي يفهم المعنى يعرف القصيد
واللي يبي يدور الزله يدور وراك
لو يرفعون القضايا قل هل من مزيد
انا محامي اعرف الحق ولله معاك !
علـى ضفاف ، الامنيـة
سيلت من جوفي خليج
وفجاة اسمعتني اغنيُة
حْروفها صارت حجيج
ㅤ ⠀
ماقلت لك
إني احبك حب
ما هو في يدي !
وان الكلام اللي بدينك ديم
والارض جسدي !
ما قلت لك
اشتقت لك
ㅤ ⠀
وانا على سماعتي
انطر من شعورك الو
ومن وصّلك اللي لو قسى
اشوفه بعيني حلو !