اعشقي الي فالمواجه سيفٍ مجرب
واتركي اللي رأس ماله في كلامه
اختاري راعي حميّا حتى فالمحبة
مثل فهد العتيبي لما قال :
انتِ احلامي وانا ماني مخليك
ماني ضعيّف يوم اخلي حلالي
كل العيون جياع واوقاتش شحاح
وامالهم تبنى على عل وعسى
مظهارش من البيت مامنه صلاح
خافي من الله يامزعلت النسى
اذا طلعتي لاتفكين الوشاح
ترى القلوب رهاف وابليس يخسى
_حمدان المري
اومن برب العيون الناعسات الوساع
سلهامها ياخذ العشاق لـ ابعد مدا
سهوم نظرتك ما يقدم عليها شجاع
حتى لو انه من اللي ينطحون العدا
لعيونك معرض عمري لـ درب الضياع
واللي بقى منه واللي راح جعله فدا
لحظات مُرعبه عاشها الشاعر فلاح
القرقاح حين حل الوداع :
اذكر يوم اخفى عبايرها تحنحنها
قالت وانامل يديها تازن عقالي
ㅤ
فمان من يعتق الانفس و يسجنها
وقامت تبسم ودمع العين همالي
ㅤ
وتلتفت فالجدار اللي موازنها
مثل اللي يقول لا تتركني لحالي
حفيده اللي ثعوا في نجد هاك النهار
وحبيبه اللي عيونه من فعوله حمر
لا جاء مجال التباهي حقي الافتخار
جمعتها حسن صيت و وجهٍ كنه قمر
اصير في كل محفلٍ للعذارى دمار
من شافني جيت ردد جانا موتٍ حمر
على وضح النقا جيتك بياضٍ يفهق المستور
محال أمشي على دربٍ يميل لخطوة رجوعي
وإذا م الله عطاك الحب تراك بجنّتي معذور
ولكن ..لا وقع قلبي .. طلبتك تمنع وقوعي .
-محمد السالم
"سقى الله ليلةٍ كان لهدبك الوارف المختال
ظلالٍ في حجاه الشمس حنّت كف مغربها
بغاك القلب وأغرتك الضلوع وجيت يامحتال
تخيّر فالطعون ، اللي يقدّ الصدر مضربها
ألومك كيف ؟ وأنت أول حبيبٍ داخلي نزّال
و أنا بدوٍ تقدّر ضيفها و السلم يطربها "
— عامر بن مبشّر
أعماني النضج لين ازريت أشوف الحياه مافيه شي يبهرني ولا يشدني وأكثر الحاجات صرت أشوفها تفاهات
وصلت لمرحلة الشاعر محمد علوش :
انا لامنها تساوت في عيوني الأمور
ما عاد تفرق معي غدت سوا كلها
اللي علي ما تمر اسمحلها بالمرور
لو اني افطن لها ماكني افطن لها
يحيّـا حياته فارقٍ ماله أشباه
"لو قلدوه النّاس..ما ينتشبّه"
سهلة تمرّه لكن صعبة تعـدّاه
"تبقى بذاكرتك وساويس حبّه"
أكثر ما قالوا في صواديف ملقاه
"عز الله إن اللي مربّيه ربّى"
دريت انش عديمه وصف فالاشكال والاطباع
لش الله لو ادور مثل وصفش ماني بلاقي
انا معطيش وجهي من فراقٍ يقلب .. الاوضاع
مثل ما اعطيش وجهي في وفاي وصادق أشواقي
ㅤㅤㅤㅤㅤㅤㅤㅤ
لا جات اللحظه اللي تقلب الافراح بـ الاوجاع
تراها هي لحظة موتي وهي لحظة فراقي
من بلاغة الشعراء في ( وصف العيون )
" يا فلذّة كبدي " المتفرّده . . بين الصبايا "
وش يقول الشاعر إللي عينك أوسع من خياله
_ جمال بندر
طرف خادرته لو أقرب منه وأقوس إتساعه
لاتغارب يمكن أحلف إنّه أوسع من خيالي .
_ عويّد النجود
لحظة وصولك لمرحلة القناعة وأن ألزم ماعليك سلامة عقلك وراحة بالك هي الأفضل ومن منظور مختلف -
" قانع في مقبل أيّامي وراضي / لو عطتني وجههًا ولا قفاها "
ان لقيت الخير عادي وان لقيت الشر خيره
لين صار اكثر كلام اردده . . خيره وعادي
- ما عاد تفرق -
عاد لك فالبال ذكرى وفالخافق مكان
يا بعد عمر السنين الشحاح الممحله
ما تنسيني لياليك .. طيّات الزمان
وانت في يوم من الأيام سيّد مرحله
- عبدالعزيز العبلان
لاتنشدين من الغلا والقصيد الزين
نسيت المحبة والغزل من شهر سبعة
يحبك لكن لاقلتي اختار في ثنتين
حلاله فدا راسه وراسه فدا ربعه
تقولين جانا عين؟ والله ماجانا عين
شبعتي لكن يالله دخيلك من الشبعة
- صالح النشيرا
- يقول محمد المقحم :
ترى النفس إذا خابت أو خُذلت ما عاد
تثق ولا عاد تامنّ حتى لو سامحت ".
وطرى عليّ بيت الشاعر اللي يقول :
" النفس لا طابت ترا ما بها طبّ
أصعب علاج علاج نفسٍ عزيزه ".
الردي مانلتفت له وقف والا جلس
لا نرحب به ولا ناصله في مجلسه
خوةِ مآهيب لله نهايتها .. فلس
ونيةِ مآهيب للخير ضعف ووسوسه
ㅤ
من حفظه الله م يحتآج جيش وحرس
لو تجيه الجن والانس عجزت تلمسه
_فلاح القرقاح