١
في مثل هذا اليوم ١٢ يونيو ٢٠١٩ في الثانية صباحا اقتحم منزلي عشرة مسلحين تابعين لأحد الأجهزة الأمنية السيادية المصرية، وجدت عشرة اسلحة آلية موجهة نحو رأسي وبعد سؤالهم عن اسمي وبطاقتي تم تغمية عيناي وتقييد يداي من الخلف وسمعت اصوات تكسير محتويات المنزل.
زاملت الباحث الاكاديمي #ايمن_عبدالرحيم لمدة عام في سجن طره، الكل يعلم عنه انه داعيه اسلامي لكننا طوال هذا العام لم نتطرق الي الحديث عن الايديولوجيات ابدا علي الرغم من انني لم اكتشف له اية مواقف متطرفه، وعلي الرغم من ان فيديوهاته تملأ Youtube الا انه لا يوجد اي فيديو له في النيابه
عندي اقتراح كويس للكيان الصهيوني.
ايه رأيكم تسيبولنا فلسطين وتاخدوا مكانها الامارات؟ حكامها وشعبها بيحبوكم وبيدافعوا عنكم، وبلد فيها سياحة واقتصاد قوي، حطوا بقي قوتكم العلمية والعسكرية علي قوتهم الاقتصادية وهتبقوا دوله عظمي وهنعيش مع بعض في سلام.
من زمان وانا بقول ان بداية الخروج علي النظام الحالي وكسر خوف الناس لن تحقق الا بوجود معارض سياسي قادر علي الوصول الي القهاوي والبيوت ويكون حديث الناس مع بعضهم "تنفيسه" في الوقت ده مش بالطبع هتتغير الامور بنسبة ١٠٠٪ لكن هيكون قدر يخلي الناس تتكلم، والمعارض ده مش شرط يكون بيحمل نفس
فيه اسطول عربيات ماشي في اسكندرية تحت حراسة الجيش محملين اجهزة منزلية عليها الاعلام وشعار القوات المسلحة !
خير اللهم اجعله خير حد مهم بيتجوز وبينقل العزال؟
بعيدا عن موقفي من الانتخابات الرئاسية ودعم اي من المرشحين لكن حابب جدا معركة احمد الطنطاوي في جمع التوكيلات، ودي بياناته وبطاقته الشخصية للي حابب يشارك معاه.
▪️هل #احمد_الطنطاوى قادر علي كسب الانتخابات؟ بالطبع لا.
▪️هل طنطاوي اصلا ينافس علي منصب الرئيس؟ بالطبع لا ومن يظن ذلك فهو في وهم.
▪️هل المعارضة قادرة علي منافسة النظام؟ بالطبع لا، المعارضة في مصر بالوراثة مثل الحكم تماما، ولا يوجد سياسي واحد قادر علي توجيه خطاب شعبي.
▪️اذن ماذا
بسم الله الرحمن الرحيم عندنا النهارده انتخابات لا مؤاخذه رئاسية في الخارج.
عاجبني اوي ان اعضاء السفارة عاملين طابور ورا بعض واللي يخلص ياخد التليفون ويصور التاتي.
المهندس ايمن عبدالرحيم، احد افضل الشخصيات اللي قابلتها في السجن رغم اختلاف ايديولوجياتنا اللي كنا بنتجنب الكلام دايما فيها، احترم عقله المفكر الباحث دايما عن العلم، كان دايما يجي يصحيني من النوم ويقولي ياجدع انا نفسي الاقيك مره صاحي عشان نتكلم مع بعض كلمتين
#freeThemAll
شايف ان فيه احتفاء كبير بلقاء محمود سعد الاخير اللي بيقول فيه انه مش عايز الناس تفتكره بعد موته عشان هو نفد بحياته هو وأسرته والناس لسه حالها متغيرش.
لكن انا واحد من محبيه شايف انه الى الان لم يعتذر عن استغلاله لثقة الناس فيه وكان اداه اعلامية للتمهيد لانقلاب عسكري ومطالبة الجيش
مثل يوم أمس ٢٦ نوفمبر ٢٠١٩ كانت عودتي للحياة من جديد بعد اختفاء ٦ شهور في مقرات الاحتجاز غير الرسمية في مصر، في هذا اليوم تم عرضي علي شخص يدعي انه رئيس نيابة أمن الدولة العليا ويدعي انه يعرف القانون جيدا ويحميه، وانه الان يقوم بواجبه في تطبيق القانون علي مجرم مثلي، وعندما سألته
عملت من قبل علي توثيق ما حدث في فض #اعتصام_رابعة، واستطعت الوصول الي أحد ضباط القوات الخاصة "سابق" وكان فرد في أحد الفرق المسؤولة عن فض الاعتصام، وكان رافضا للقتل، استمر الحديث معه لما يقرب من 5 ساعات، وأهم ما قاله لي "أن الداخلية لو كانت تريد فض هذا الاعتصام بدون نقطة دماء واحدة
انا قاعد مستني حفلة طهور الانتخابات دي تخلص بسرعه عشان اشوف الراجل ده هيعمل فينا ايه بعدها، تقريبا دي اكتر مرحلة في حياته اتذل فيها واتغصب عليه يتراجع علي عكس حياته اللي طول عمره بيدي اوامر وبيكون الرد علم وينفذ، انما انه يلجأ للافراج عن اشخاص زيي وغيري كان بيتقالهم انسوا تخرجوا
بمناسبة الصورة دي، اتذكر اني في ٢٠١٧ كنت في مقابلة مع أحد الشخصيات الاقتصادية في حكومة مبارك وقلت انكشه شويه وافهم منه الوضع الحالي، فقلته انا كنت متوقع يادكتور انك تتولي الوزارة في الحكومة الحالية او علي الاقل مستشار اقتصادي للرئيس، فضحك بسخرية وقالي تعرف ان السيد الرئيس باعتلي
محمد منير مصمم يسيب لنا كل ذكري وسخة قبل مايموت وكل ماننسى بلاويه وتأييده للظلم يرجع يفكرنا بنفسه تاني.
في الوقت اللي بيتم فيه القبض علي الشباب بسبب العرجاني، منير بيعمل اعلان للعرجاني جروب وبيقول أكبر كيان اقتصادي في الجمهورية الجديدة !
باعتباري واحد اتسجن في ٣ سجون، هل تصريح مشيرة خطاب صحيح؟ نعم التصريح صحيح ومركز التأهيل الجديد في وادي النطرون 7 نجوم مش 5 بس.
لكن هل السيدة مشيرة تقدر تقولنا فيه كام مسجون في مركز التأهيل الجديد في وادي النطرون؟ مش هتقدر لأن مفيش ولا مسجون فيه! لا سياسي ولا جنائي، طيب ايه
شايف ناس بتتريق علي موضوع التعذيب بالكهربا في مقرات الاحتجاز غير الرسمية وده بيثير عندي نوع من الاشمئزاز والذكريات باعتباري واحد تعرضت للنوع ده من التعذيب، وفرصة اني استجمع بعض قوايا واحكي عن استخدام الكهرباء لنزع الاعترافات من واقع اللي حصل معايا او اللي شوفته بيحصل مع غيري من
بعد رفض الشارع لأعمال هدم المقابر كتب المتحدث الرسمي لرئاسة الجمهورية ان السيد الرئيس امر بوقف الهدم وكلف مصطفي مدبولي "اللي هو صاحب مشروع الهدم" بتشكيل لجنة من الخبراء للبت في الأمر، وتفاجأنا بعد أيام باستمرار عمليات الهدم، وكنت بدور علي رأي اللجنة دي ايه وفين قرارتها؟ لكن طلع
في مثل هذا اليوم عام ٢٠١٩ داخل مكتب التحقيقات
- ايه رأيك في ٣٠ يونيو ياابراهيم؟
- انقلاب عسكري علي ديموقراطية عملنا ثورة عشانها.
- جدع والله بحييك علي صراحتك، ميتعذبش النهارده وهاتوله اللي هو عايزه.
محمد حافظ، محامي حقوقي مصري ضاقت بيه الدنيا في مصر وسط التهديدات الأمنية والضغط النفسي اللي كان بيمارسه عليه مديره في الشغل (حسب اخر مكالمة بيني وبين حافظ) فقرر يسيب كل حاجه ويهاجر لهولاندا، لكن عقله مستحملش، محمد مات النهارده وحيد في بلد غريبه عنه!
محمد ضحية فساد النظام المصري
قابلت صدفه حد من العمال المصريين في فرنسا ولقيت عنده امل رهيب في واحد مرشح نفسه للرئاسة اسمه احمد طنطاوي وبيقول ده ممكن يخلصنا من القرف اللي احنا فيه.
الحقيقه انبهرت بالمساحة اللي طنطاوي عرف يكسبها ويوصل لناس كانوا خارج حسابات المعارضه طول الفترة اللي فاتت وقدم خطاب سياسي وصل
مصر الرقمية بتبهرني والله، لازم اروح وزارة الخارجية اسجل الاسم الساعة ٧ صباحا عشان الموظف هيجي الساعة ٩ صباحا ويختملي الورق باذن واحد احد الساعة ١ مساء.
معالي الباشا انا لؤي الخطيب
العيال يافندم بتشير صور وزير الداخلية وهو نازل من نفس الطياره، ومحدش لسه بعتلي اقول ايه!
فانا بتصل بحضرتك احسن تكونوا نسيتوني والا حاجه!
اقفل دلوقتي؟
ماشي يافندم، بس ياريت اي سبيكه واقعه من حضراتكم يعني لاخوكم الصغير.
طيب والله اجمل من الموناليزا
لحظة انتظار اعضاء حزب اليمين المتطرف الفرنسي لاعلان النتيجة واستعدادهم للاحتفال
عجبني كسرة الفرحة دي خاصة الاخ اللي كان لسه بيرفع الكاس يشرب ونزله تاني.
اسف علي الازعاج، بس اتمني المصريين يفهموا ان مفيش حاجه اسمها ان باحث وصل لنتائج بحثية خطيرة وان فيه دولة قررت تغتاله عشان يخفوا النتائج.
عشان ببساطة مفيش باحث بيشتغل لوحده كده في الهواء الطلق بدون فريق بحثي تابع لجامعة او مؤسسة بحثية خاصة في الابحاث المعملية.
فياريت الناس تنسي
اليسار الفرنسي مثال يحتذي بيه سياسيا، الناس دول خلال اسبوع واحد قدروا يعملوا معجزة وينزلوا يحشدوا الشعب الفرنسي ضد اليمين المتطرف اللي كان بيحتفل بالفوز من اسبوع واحد بس !
اليسار قدر يغير الخطاب التقليدي الموجه للشعب، وقدر يتصالح مع كل مبادئه والنهارده الكفة اتقلبت تماما واليسار
بعد انتهاء موال الانتخابات، خلينا نقول ان من يسمون انفسهم حركة معارضة مدنية لم يقفوا خلف الرجل الوحيد الذي كان قادرا علي خلق منافسة حقيقة في هذه الانتخابات ( غير ضروري الفوز ) وقدر علي احراج النظام الحالي وقدر علي الوصول الي الشارع واقناع المواطنين بشئ من الأمل.
بالنسبة لي فإن
ان الازهر الشريف ليؤكد دائما علي حرمة الدماء، وعلى عظم مسؤوليتها أمام الله وأمام الوطن والتاريخ، ويعلن الأزهر اسفه وحزنه لوقوع عدد من الضحايا صباح اليوم، ويترحم عليهم ويعزي أسرهم، ويكرر الأزهر تحذيره من استخدام العنف واراقة الدماء، ويذكر بقول النبي صلي الله عليه وسلم لزوال الدنيا
مع ان الاستاذ فريد زهران اتعمله التوكيلات خلاص من اعضاء البرلمان وباب الترشيح اتفتح لكن ميقدرش يروح يقدم الأوراق قبل مالسيد الرئيس يتقدم رسميا عشان يبقي رقم (١) في القايمة.
#نمبر_وان
بالنسبة ليا انا كمصري، ايه القدس دي؟
ده كلام دكتور محمد داوود، في صالون علمانيون، اللي بينم عن جهله الثقافي والسياسي!
يعني ميفرقش معاك الأهمية الدينية الاسلامية والمسيحية للقدس؟ ميفرقش معاك عسكريا ان فيه دولة بتتوسع علي حدودك وبتملك سلاح نووي وبينك وبينها عداء تاريخي؟
هو يعني
فضيحة معمارية ينتظرها مؤتمر المناخ
#cop27egypt
علي الشمال مشروع عبقري لميناء بحري فاز من بين 2600 مشروع تصميم مقدم، وهيتم عرض المشروع في المؤتمر، وزي مااحنا شايفين الصورة اللى علي اليمين التصميم الاصلي المسروق منه المشروع وهو Harpa قاعة للحفلات والمؤتمرات في ريكيافيك، أيسلندا.
القاضي الجليل معتز خفاجي اللي المفروض هو الحكم بين الجهات الامنية والمتهم، وهو أحد القضاه اللي كانوا بينظروا قضيتي بعد اختفائي قسريا لمدة ٦ شهور في اماكن احتجاز غير رسمية وتعرضي فيها للتعذيب، النهارده بيعلن انحيازه للجهات الأمنية ان مفيش حاجه اسمها اختفاء قسري ودي سابقة كبيرة ان
من أفضل طرق المقاومة اللي شوفتها في الفترة الاخيرة ورد الفعل التلقائي علي موضوع هدم المقابر هو التنظيم اللي عمله الشباب دول لزيارة المقابر وتوديع أثار سيصعب اعادتها من جديد بعد تحويلها الي تراب.
هل لدار الافتاء ان تفتي لنا في حكم من يقتل البشر؟ وما حكم من يحتكر السلع الاستهلاكية للمواطنين ويسحبها من الأسواق؟ ثم ما حكم من يقضي بالسجن علي آلاف الشباب ويقضي علي مستقبلهم لأنهم تفوهوا بكلمة؟ واذا تفضلت دار الافتاء ان تفتي لنا أيضا في حكم من يقوم بتعذيب البشر صعقا بالكهرباء
من حوالي سنتين في السجن بدأت معايا حالة اني بكلم نفسي بصوت عالي وكانت الحالة النفسيه دي مضايقاني جدا، لما خرجت ومشيت في الشارع لقيت الناس بتكلم نفسها برده فأيقنت اني مكنتش مريض ولا حاجه وان دي حالة عامة، أو ان الناس كلها اتجننت بسبب السجن الكبير اللي كلنا فيه
حوالي ستة أشهر علي خروجي من السجن، لكني مازلت لا أملك القدرة علي التعامل مع أي شئ، وما أفقده أكثر مما أكتسبه، لذلك قررت العودة الي زنزانتي والاعتكاف بها، واعتزال كل شئ، الي أن يقضي الله أمرا كان مفعولا.
لقيت حد كاتب علي الفيس كلام ابن كثير في وصف الحجاج بن يوسف الثقفي.
"كان قصيراً حقيراً دميم الخلقة قبيح الهيئة لجلج اللسان يعشق الخطابة وكثرة الكلام كذوباً غشوماً جريئاً في سفك الدماء طاغياً في حدود الله"
تقرير لـ BBC: تم تسجيل 15 حالة سرقة لشواهد القبور التي يتم هدمها، وبالأخص الشواهد التي تحمل الزخارف والنقوش الاسلامية القديمة، وعدد من احجار القبور القديمة.
الحرامية عارفين قيمة تراثنا جدا لكن حكومتنا مش عارفاه، ده اذا مكانش افراد من الجهات التنفيذية هم اللي بيشرفوا علي عمليات
كل سنة وانت طيب وجدع ياصديقي، دومة شاب عنده ٣٢ سنه قضي منهم ١٤ سنه في السجن
دومة اجدع واقوي قلب قابلته في السجن، كل واحد دخل السجن وقابله مكانش بيشيل هم ملابس او اكل كان بيلاقي شاويش جايبله الاكل والهدوم ويقوله احمد دومه باعتهالك حتي مع الناس اللي ميعرفهمش
زمان كان محمد حسان يخبط الفتوى علي الهوا وبعدها عينه تدمع ويبص للكاميرا ويقول احذروا لحوم العلماء فإنها مسمومة، تحصينا للفتوى بتاعته، وطبعا كانت لفتاويه اثر كبير في كل البيوت، لكن بحمد ربنا ان النظام الحالي خلى دوره هو وزمايله مقتصر علي اعلانات الحلل والمطابخ اللي بيسترزقوا منها.
شغال على موضوع كده قادني البحث الى الدستور المصري فقولت أشارك معاكم المادة الجميلة دي
(المادة 58) للمنازل حرمة، وفيما عدا حالات الخطـر، أو الاستغاثة لا يجوز دخولها، ولا تفتيشها، ولا مراقبتها أو التنصت عليها إلا بأمر قضائي مسبب، يحدد المكان، والتوقيت، والغرض منه، وذلك كله في
مش فاهم ليه واحده زي ليلي سالم مديرة مؤسسة بهية لسرطان الثدي تهين نفسها في وقفة دعم عمرو درويش في
#Cop27
والمطالبة بالتنكيل بعلاء عبدالفتاح؟
بجد ليه الناس بتنزل من مستواها؟
استاذ الاقتصاد الدكتور عمر الشنيطي يخرج من السجن بعد اربعة اعوام من الحبس الاحتياطي.
هذه قصة مرعبة لأي مستثمر او مفكر اقتصادي في مصر! يمكنك قضاء سنوات من عمرك داخل السجون بلا أية تهمة لمجرد ان عقلك يعمل!
- هو فين المهندسين اللي المفروض يدرسوا الأحمال والعزوم بتاعت الاستيل ده قبل التركيب؟
- كنا بنضربهم من يومين في الجمعية العمومية.
- طيب شكرا.
#نقابة_المهندسين
مساء الخير حابب بس اقولكم ان المادة ٦٣ من الدستور المصري بتقول
يحظر التهجير القسرى التعسفى للمواطنين بجميع صوره وأشكاله، ومخالفة ذلك ��ريمة لاتسقط بالتقادم.
فرحت اوي برقمنة الجامعات وممكن اطلع شهادة التخرج اون لاين، وطلعت غلبان وطلع اني لازم اروح الجامعة اخد ايصال واطلع ادفع في الخزنة وارجع اصور الايصال وارفعه علي موقع الجامعة وبعدها يتصلوا بيا اخد صورة ليا واروح الجامعة واستني ٦ ساعات عشان الشهادة تتختم.
هذه الرقمنة في أبهي صورها❤️
انصافا للدكتور محمد البرادعي بعد حديث الدكتور عبدالمنعم سعيد أن فض #اعتصام_رابعة تم بموافقة نائب رئيس الجمهورية محمد البرادعي وقتها، وهذا حديث للبرادعي يقول فيه انني استقلت لأنني لا استطيع تحمل قطرة واحده من الدم.
@ElBaradei
#مذبحة_رابعة
ليس المقصود من التويته علي الاطلاق الاحباط او فقدان الأمل، بالعكس انا اتحدث عن ان طنطاوي احيا املا فقده الشعب منذ سنوات وقدر علي مالم يقدر عليه احد في مصر حتي الان، لذلك الأهم عندي هو جمعه للتوكيلات رغما عن ارادة النظام الحالي.
عن اكرام يوسف والدة زياد العليمي اللي بتضربلنا دايما الامثله في النقاء، اكرام مستنيه هشام فؤاد بالورد امام السجن مع ان مازال ابنها هو الوحيد ضمن رفاقه المحبوس علي القضيه بعض خروج حسام مؤنس وهشام فؤاد، دام قلبك نقيا.
الواد المعرص اللي اسمه وائل غنيم دخل خد لفة في الاكونت عندي وشتم شويه وعملي بلوك مع اني عمري مانزلت لمستواه وناقشته في حاجه لان طول عمري بقول عليه عيل عبيط مينفعش نتكلم معاه اصلا.
بمناسبة ان علاء سجين جنائي وملوش عفو
في السجن قعدت فترة مع جنائيين بيتهانوا، واحد منهم قالي انت بتاع حقوق الانسان اللي بنقرا عنك في الجرايد؟ انت مش مستحمل يومين بهدله قبل ما ينقلوك مكان نضيف ربنا بعتك عشان تشوف بعينك وتعرف اننا لينا حقوق ولما تخرج تدافع عننا مش عن السياسيين بس
"الإسرائيليون يمارسون حرية الرأي والتعبير ضد نتياهو بينما حماس تضرب أهالي غزة عند تدافعهم علي المساعدات"
ابراهيم عيسي كل يوم بيتفوق علي نفسه في الوساخه، طيب حضرتك يا وسخ بيه ممكن تقولنا موقف حكومتك الوسخة زيك من حرية الرأي والتعبير؟
اللي عمل مهزلة #نقابة_المهندسين مهندس عسكري وهنا لازم نعرف ليه العسكريين بيشتركوا في النقابات المدنية مع ان ليهم مواردهم من الجيش ومعاشاتهم اللي كلنا عارفينها طبعا، ليه ياخدوا اماكن مش لهم ويزاحموا المدنيين في معاشاتهم وخدامتهم؟
#الغاء_عضوية_المهندسين_العسكريين
كلمة نقيب المهندسين الشرعي طارق النبراوي، حزب مستقبل وطن اساء لنا ولمصر وبلطجية الحزب الذين اقتحموا قاعات الانتخابات مدعومون من الامين العام يسري الديب
#نقابة_المهندسين
عقلية الولد اللي اسمه لؤي الخطيب ده متوافقة تماما مع عقلية وبجاحة ا��نظام الحالي اللي رئيسه قال انا معنديش برنامج انتخابي ومعرفش حاجه اسمها دراسة جدوي وهو ده اللي عندي، انا بس عندي استفسار بسيط وهو ليه السيد الظابط المسئول عن اللجان الاليكترونيه لما غضب علي داليا زياده استبدلها
بالنسبة ليا تأييد الدم ده حد فاصل في المعاملة مع اي بني ادم، يعني كتبت تويته من شويه عن توثيق لأحداث رابعة لقيت بعض الناس الكيوت "اللي بيتاخدوا علي استحياء" وعاملين ثوريين داخلين يقولوا لا ده اشتباك مسلح ، فياريت الناس تراعي ان لساني طويل ومعنديش مناقشات في الدم وخلقي ضيق.
انتصار جديد، استقالة مجلس نقابة المهندسين ومن ضمنهم اللواء يسري الديب الامين العام بعد فشلهم في سحب الثقة من النقيب الشرعي.
#ارادة_المهندسين_تنتصر
#نقابة_المهندسين
#طارق_النبراوي