وحده من البنات تقول لي مره كنت بحمل ماده بس قلت للدكتوره ان اختي توفت قبل اسبوع وماخلتني احملها ضحكت قلت اماانه شكلي بجرب الخطه قالت اي خطه ؟اختي جد توفت ......
عندي قاعدة مهمه بحياتي ومؤمنه فيها إيمان تام واللي هي اذا كنت تبي تعرف مستوى تفكير الشخص ناقشه ، دايم النقاشات تفضح عقليات الناس وبصراحه ذا اكثر شيء يهمني بعيد عن وجهك وجمالك وفلوسك وملابسك تفكيرك وعقلك هو الأهم والباقي مجرد مظهر كمالي
والله عيب عيب الكل ساهم بالأجر شغل التحزبات والشكر بالأسماء يهدم كل اللي سويتوه وممكن يدخل بالرياء ، الواحد يتصدق ويجتهد بالخير عشان الأجر مو عشان يدور المدح والثناء من الغير
دايم قصص النبي وسيرته عليه الصلاة والسلام بكل مره اقرأها ابكي واحس بأحساس اني اشتقت له واشتقت اقرأ عنه حتى لو مامرت فتره طويله عن اخر مره قريت سيرته الا اني اشتاق له ، اللهم أجمعنا بنبينا محمد عليه الصلاة والسلام واحشرنا في زُمرته وتحت لوائه واجعلنا رفقاءه بالجنه يارب العالمين♥️
قاعدين نتكلم عن عمليات التجميل وزوجة اخوي السوسسه الحقوده تقول لاختي خلينا نسوي لك عمليات تجميل عشان ياخذونك قالت لها امي هذا انتي اخذك ولدي بدون عمليات 😭😭😭
بنات انا لي فتره مقاطعه الصيدليات اللي عندنا لان اسعارهم دبل وحتى المواقع العربيه اسعارهم مبالغ فيها فأضطر اطلب من الصيدليه الفرنسيه والايطاليه وياخذ وقت بس ذا المره طحت على موقع سعودي جديد يبيعون ذا المنتجات بسعر رخيييص واحس لاززم كلكم تعرفونه + والله مو اعلان
@sabbar_sa
قريت مرة مقولة تقول
" إننا نسخة من أمهاتنا ، مهما حاولنا أن نكون مختلفين " ، تشوفون انكم نسخة من أمهاتكم بتصرفاتكم او ملامحكم او اطباعكم ؟
أنا أيه اشوف اني مهما حاولت أكون مختلفة الا اني اخذ من تصرفات أمي وأطباعها كثيير
قضية فيحان كانت ب٢٠١٥ الى ذا اليوم مو قادره انسى القضيه حتى الحيوانات ترأف وتعطف على ابناءها وهذا اللي مسمي نفسه انسان اغتصب بنته ام ٥ سنوات وعشان يغطي اثر الاغتصاب كوى المنطقه وهشم جمجتها وماتت مع كل ذا الألم وبالأخير مع وجود اعترافه الا انه تم تبرئته بكل سهوله ! #فيحان_الغامدي
والله شيء يضحك يفصلونهم عشان قروبات الواتس قالت ان هذا إلحاد ! يعني الوحده تدعم قضايا المرأة فجأه تلقى نفسها ملحده ومفصوله لان قروبات الواتس قالت كذا ؟؟ المفروض يكون السلك التعليمي واعي مو جاهل يبني افتراضاته على رسالة واتس #فصل_طالبات_الثانويه_التاسعه_بحايل
أستشعروا كل النعم اللي بحياتكم مهما بلغت من الصغر أحمدوا الله واشكروه لأن جد النعم ماتدوم بعض النعم تكون بسيطه لدرجة أننا مانلاحظها بس بمجرد مانفقدها نستشعر أهمية وجودها ورددوا دايماً "اللهم لك الحمد حتى ترضى ولك الحمد إذا رضيت ولك الحمد بعد الرضى ولك الحمد على كل حال وفي كل حين"
مافي اسوأ من البشرة الدهنيه والمختلطه مُتعببه مُتعبه مستحيل يمر شهر عليها بدون ماتطلع حبه هذا من غير المسام الواسعه وباقي المشاكل وربي العناية فيها هي واختها تتعب ياناس
يخوفني تقدم أبوي و أمي بالعمر ، يرعبني كيف أن الكبّر طغى على ملامحهم وكيف الشيب غطى على شعرهم بالسرعة هذي ، أحياناً أتمنى لو كان بيدي أوقف الزمن شوي بدون مايتقدم ويسلب منهم صحتهم قدام عيوني ، بكل مرة أفكر وأتذكر أردد على لساني ان الله يطيل بعمرهم ويديم عليهم الصحة ويرزقني برهم ♥️
احس اللي قاعد يصير الفتره ذي بجده مقزز المرحلة اللي وصلتوا لها بتقليد الغرب بكل شيء جداً مقرفه ، محاولة الإنسلاخ من الدين والعادات مايجعل منكم مجتمع متحرر ومتفتح قد مايحطكم بصورة الإمعات والتابعين ! فيه حدود دينيه لازم مانتجاوزها يامقرفيين
أحياناً الشخص يحتاج بس احد ينصت له بدون مايعطيه حلول وبدون مايحاول يستصغر الموضوع بعينه وبدون مايجتهد بالمساعده لأنه غني عن كل هذا وكل اللي يحتاج له انه يتكلم
ليتك لو كُنت جاري أو جواري أو قريبًا حول داري
ليتكَ لو كُنت قربي او قريبي او قريبًا من مداري
ليتك لو كُنت سني او بسني او ربيعًا لإنتظاري
ليتك لو كُنت بعضي او ببعضي او ملاذًا من فراري
ليتك لو كُنت عيني او بعيني او شُعاعًا لأنظاري
ليتك لو كُنت مني بالتمني لمماتي واحتضاري
غسول ڤيتشي اتوقع مابقى احد مامدحته له الاحياء والأموات احسه ينظف مسامات وجهي الوصخه يناسب البشره الدهنيه او المختلطه لانه يجفف + الثاني هذا للحين ما ادري هو سيروم او مرطب استخدمته كبديل للسيروم ونفع بصراحه