درس تسويقي يُدرس من افران الحطب
لا زلت اقول دائمًا فكرتك التسويقية القوية
لا بد أن تبدأ من تويتر(x) وتتدرج للمنصات الثانية
للاسف كثير من العملاء نجلس معهم للآن مو
مقتنع بتويتر ولا يشوفها منصة ممكن تحقق له
المتطلبات اللي هو يطمح لها رغم اني اوريهم
نماذج عمل كثير اشتغلنا عليها
الشركات اللي كانت ناجحة بالسوق
وحصلت على توسع كبير الفترات الماضية ، مثل هاف مليون وساين وجان برجر وفي مجال العطور لافيرن ، والسيف غاليري ، وكذلك اروماتيك ونايس ون تلقى جزء كبير من عملهم كان التعامل مع المؤثرين .. ونجاح كثير من الحملات الإعلانية كان بسبب المؤثرين ، اي شخص ينكر
التسويق هو العمود الفقري للمشروع
تخيل أنك تقدر تسوي اشياء وافكار مع شركة
التسويق توديك لمرحلة ما كنت تحلم فيها
كل اللي عليك تتحلى بالصبر .. وتعرف وين رايح
لان التسويق ماهو الا فكرة وانت تنفذها بكل
هدوء عشان توصل لـ المرحلة اللي تطمح لها
الحمدلله سعيدين بالشراكة مع تطبيق ليلي
اي موظف جديد بيجي عندنا .. نقدر نحتفل
بقدومه عن طريقة تطبيق ليلي ، فكرة ممتازة
للي عندهم موظفين تسوي شراكة مع ليلي ويكون
شريكك بالنجاحات ومنها تدلع الموظفين وأسعارهم ممتازة جدًا مقارنة بالخدمة اللي يقدمونها
-
@lele_giftssa
لكثر الرسائل بالخاص اللي يحتاج يتوظف عندنا عن بعد او حضوري يرسل تفاصيله وخبراته بشكل واضح مع الـ CV على هذا الايميل وللعلم راح نتواصل معاه بعد العيد عشان يكون عارف لان خلاص نحن على مشارف اجازة الآن .. شكرًا لكم
هذا الايميل : hr
@don
.sa
كيف تجهز عملك لـ #الجمعة_البيضاء
١- جهز مخزونك
٢- جهز متجرك للموسم او مكان عملك
٣- اطلق حملات إعلانية
٤- شجع العملاء على الشراء
٥- اعمل على محتوى مختلف وإبداعي
٦- إعلانات مع المؤثرين 👏🏻♥️
من اقوى أنواع التسويق حاليًا
فيدوهات اعلانية تسمى UGC
فكرتها بكل بساطة تكون قريب من العملاء
وتصور تصوير جوال بأفكار ابداعية ..
ويكون هذي الفيديوهات عن طريق المؤثرين
في شركة دون مسوينها مع كثير من العملاء
وكانت ناجحة جدًا 👏🏻♥️
اكيد مر عليكم فيدوهات اعلانية مروجة لشركات
كثير ولكن ما تلاحظون شيء في فيديو دائمًا يتكرر ويجيك اكثر من مرة هذا الفيديو هو الفيديو المميز بالمحتوى وقدر يشد انتباه الناس عشان كذا ركزو عليه بالحملة الإعلانية ( اذا كنت صاحب عمل افضل شيء تسويه اصنع اكثر من فيديو اعلاني وشوف ايش اللي
نجاح اي حملة إعلانية معتمد على عدة عوامل
توقيت الحملة ، الفكرة الاساسية ، هل الفكرة فيها فيدو او لا ، توقيت النشر هذي كلها تساعدك فيها شركة التسويق بحيث انك تسويها بـ افضل توقيت
التسويق بالمحتوى ..
صار شيء ضروري جدًا لعلامتك التجارية
يبني ثقة كبيرة بين علامتك التجارية والعملاء
زيادة عدد العملاء والمبيعات ويحسن فرص ظهورك في محركات البحث ..
ويزيد الوعي اتجاه علامتك التجارية
ركز عليه وخلال فترة قصيرة بتشوف الفرق 👏🏻
التواجد الرقمي الصحيح يخلي العميل يشتري منك بدون تردد ..وكأنه داخل على مكان ارتاح له لقى كرسي مريح وجلس واشترى اللي يبي وهو جالس ، عشان كذا من المهم جدًا يكون تواجدك في كل المنصات بشكل احترافي ويليق بأسم شركتك او منتجك او الخدمة اللي انت تسويها
مزايا التسويق الفيروسي | Viral marketing
1- اكسب مصداقية أكبر عند جمهورك
2- انخفاض حجم تكلفة التسويق
3- تعزيز الوعي بالعلامة التجارية
4- اكسب ود وولاء العملاء
5- زيادة عدد العملاء المحتملين
6- زيادة معدلات البيع
الشركات اللي ما يحطون تويتر بخطتهم
التسويقية وش تحسون فيه صدقوني سوينا حملة
اعلانية شخص واحد باع لنا اكثر من ٢٣ ساعة
متوسط سعر الساعة تقريبًا ١٥٠٠ تويتر يحتاج ناس
فقط عندهم محتوى ابداعي وافكار للثريدات
والمحتوى هو سيد الموقف 👏🏻♥️
من اقوى انواع التسويق حاليًا
هو التسويق بالترند ..
وكثير من الشركات صارت تسويه
طيب هل هذا التسويق يجيب مردود ؟
طبعًا اولاً الشركة تكون قريبة من العملاء جدًا
ثانيًا لما تكون مواكب لكل الترندات اللي تصير
تكوّن علاقة كبيرة بينك وبين جمهورك واللي يحبون البراند ..
@Fahad_Y2
إذا بنتك تعمل في مجال المبيعات خليها تتواصل معي ممكن نلقى لها شغل عندنا افضل لها من المولات بحول الله تسوي معنا قابلة بعد العيد وبحول الله نضمها لـ تيم شركة دون
اكثر عميل احب اشتغل معاه
هو العميل اللي يكون فاهم السوق ..
وفاهم طريقة العمل بالاعلانات لانه يعرف
كيف الدنيا ماشية ، وكيف إعلانات المؤثرين
يكون لها تأثير مع حملة الديجيتال ل��نهم مكملين
لبعض وخاصة اذا كان من ضمن خطة العمل
على تطوير محركات البحث ..
كثير من الناس للأسف
ما يعرف قيمة التسويق الا لما مشروعه
يصير على حافة الهاوية .. او يوصل لمرحلة
حتى التسويق للمشروع يكون صعب جدًا
نصيحة : خلي عندك ميزانية شهرية لمشروعك
مهما كان المشروع ، مطعم ، كوفي ، موقع الكتروني او اي كان نشاطك بس المهم ان
تواجدك الرقمي يكون بشكل ممتاز ♥️
خصائص العبارات التسويقية الناجحة :
إن صياغة عبارات تسويقية ناجحة ليست مهمّة سهلة، فهي تأخذ في بعض الأحيان الكثير من الوقت والجهد
في الواقع .. هي ليست مجرد عبارات ترويجية، بل إنها قد تُحدث فارقًا بين منتج ( جيد ) ومنتج ( رائع حقًا )
فما الذي يجعل عبارة تسويقية ما ناجحة؟
دعونا
صاحب متجر صغير ولا عندك ميزانية تسويقية عالية وش المفروض اسوي؟
١- تسويق بالمحتوى
٢- خل حسابك بتيك توك شخصي ماهو اعمال
٣- اشرح دائمًا القيمة المضافة عندك
٤- سوي عروض كل فترة
٥- اذا في مقطع ضرب سوي له ترويج زيادة
٦- تفرغ تام لـ الرد على الناس والتفاعل معهم
غير كذا بيكون موضوع
ما هي أكثر ؟
9 كلمات تأثيرًا على قرار المستهلك ..
أنت : ( يتفاعل المستهلك بشكل إيجابي مع الإعلان الذي يخاطبه شخصيًا )
مجانًا : ( ينجذب المستهلك بنسبة كبيرة للهدايا أو العروض الترويجية المجانية )
بسبب : ( عندما تقدم للمستهلك سبب منطقي يلبي احتياجه أو رغبته للمنتج )
سهل : ( يفضل
قبل كل حاجة بتسويق المطاعم والكافيهات
- شوف منافسينك وش قاعدين يسوون
- تميز بطريقة محتواك بالسوشل ميديا
- اختار افكار جديدة وغير مألوفة ..
- حساب بأفكار ابداعية تيك توك
طبعًا كلامي هذا بعيدًا عن جودة الاكل والقهوة هذي خالصين منها ، ولكن ما بعد الجودة فكر كيف تجذب الناس
اذا ودك تسوي حملة إعلانية
بأفكار مختلفة وجديدة وتجذب فيها عملائك
ويجيك تصور كامل عن الحملة والارقام وكيف ممكن تكون كذلك فكرة الحملة من A to Z
كل اللي عليك ارسل مشروعك لنا .. ونعطيك
افضل الحلول الابداعية والاعلانية 👏🏻♥️
عشان تنجح ..
أي حملة إعلانية بتويتر (X)
لازم تكون مركز على الفكرة الاعلانية لـ الحملة
كذلك يهمك جدًا المحتوى الإعلاني كثير
من الشركات اشوفهم ما يهتمون للمحتوى الإعلاني ويكون مجرد كلام غير مرتب وبدون هدف واضح !
وش التصرف الصحيح لـ عميل بعد ما يشتغل معك يروح يكلم المؤثرين دايركت ويقولهم تعالو اشتغلوا معاي لـ افتتاح فرعي الجديد بعد فترة ، المشكلة حنا جايبينهم له بسعر ما يحلم فيه ابد
نموذج 7Ps للمزيج التسويقي :
يضم 7 عناصر أساسية لخطة التسويق وهي :
المنتج-السعر-المكان- الترويج-الأشخاص
العمليات-والأدلة المادية يعتبر نموذج 7ps أنسب
للشركات الناشئة، بحيث يساعدهم في تحديد
ومراجعة نماذج الأسعار ، الإيرادات، إجراء تحليل
SWOT وتحليل تنافسي متكامل بالإضافة لتقييم
نصيحة لكل الشركات اللي تسوق او تشتغل
مع المؤثرين عدد المتابعين ما له اي دخل
بالتأثير .. يا كثر ما سوينا حملات إعلانية
وبعض المشاهير يكون عنده عدد خيالي
ولا يجيب ولا طلب ومؤثر عنده 100 الف ولا 200
الف ويجيب لك 3X او 4X .. ولازم تكون واثق من شركة التسويق وهي تشتغل لك اذا وضعت لك
افضل شيء بالتسويق ..
انك ما تتكلم عن المنتج او الخدمة
تكلم عن نتيجة المنتج ما بعد الشراء
وش القيمة المضافة اللي راح يستفيدها
الشخص بعد ما يشتري منتجك
ممكن البعض ما فهم طيب اشرح لنا ..
مثلاً تبي تسوق لعطر ؟ لا تشرح مميزات العطر
وتشرح تفاصيله تكلم عن وش اللي راح يضيفه لك
الفيديو الاعلاني مهم جدًا انك تركز عليه
وخاصة اذ�� انت في بداية عملك وتبي تجذب
الناس لان المحتوى راح يحدد قرار الشراء
من العميل فتخيل انك تتعب على فكرة
تكون خارجة عن المألوف ؟ صدقني
قرار الشراء بيكون افضل من الفيديوهات
العادية والمبتذلة !
كيف اقدر اعرف سلوك عميلي
واعرف ايش الاشياء اللي يحبها ولا عنده
مشكلة بجربها ؟
١- ابحث بالسوشل ميديا
٢- الكلمات المفتاحية
٣- تقييمات العملاء وتعلقياتهم على
نشاط نفس نشاط العمل اللي بسويه
٤- استبيان
٥- التقارير
٦- مقابلات
التسويق مع المؤثرين
شيء اساسي في حملاتك الإعلانية
الاشكالية الكبيرة في ناس يتجاهلون تويتر
ولا يحطونه من ضمن الخطة الاعلانية
سبق وعملنا مع عميل وكان رافض رفض
تام يدخل تويتر من ضمن حملته وبعد اكثر
من اجتماع اقتنع بالفكرة وحقننا معه نجاح
باهر والآن في كل حملة يضع تويتر بالخطة
نصيحة تسويقية
لا تربط منتج بمنتج عشان تمشي المنتج الاول
كثير اشوف ناس يبي يسوق لعطر يحط معه
سماعة ولا منتج ثاني ماله دخل بالعطور للعميل
اشتغل على محتوى قوي لمنتجك وفيديوهات
اعلانية افضل بكثير من موضوع الهدايا ما راح
يجيب لك عميل والهدايا خلها من منتجاتك
افضل عشان الناس تجرب ♥️
صاحب مشروع ولا عندك صانع محتوى
تيك توك وماسك لك الجو هناك وماشي على
كل الترند احب اقولك تراك متأخر عن السوق
جدًا والناس سابقتك في اقرب وقت خل عندك
صانع محتوى يسوي لك محتوى قوي ومختلف
لعلامتك التجارية 👏🏻♥️
اذا كنت تعمل في مجال التسويق ولم يسبق لك بأن سمعت عن "Brand Archetypes" او انماط العلامات التجارية انصحك بقراءة هذي التغريدة والذي سوف احاول فيه ان اوضحها بشكل مختصر :
نماذج العلامات التجارية "Brand Archetypes" هي أنماط أو أدوار معينة تمثلها العلامات التجارية لبناء هوياتها
@Sul_Alhussan
افران الحطب لعبها صح ولو كانو بيسوون حملة اعلانية ممكن تكلفهم اكثر من ٥٠ الف انا اشوف اللي سووه خطوة جريئة جدًا ولا اي احد يقدر يسويها وللامانة هذا يربط الناس عاطفيًا بالبراند اكثر
@BaderAljeathen
في مبادرة ودي تسويها واشوف انها راح تنقل كيان نقلة نوعية في عدد الكباتن وممكن هذا الشيء راح يكون فارق معكم جدًا أشوف كثير ناس ما يقدر يشتغل لان سيارته موديلها قديم ليش ما يكون في سيارة تكون مسجلة بأسم كيان وياخذها الشخص ويسدد قصدها من الشغل اللي مع كيان وكذا انت ضربت عصفورين بحجر
@aaaa45399
بحسب خبرتي بتويتر
١- اهتمي لمحتواك مرة وخليه يجيب تفاعل
٢- ضيفي ناس جدد وتفاعلي معهم
٣- خلي في هوية واضحة جدًا لحسابك ( انصحك تخلين مصمم يصمم لك هوية كاملة )
٤- الاسم عندك جدًا طويل خلي اسمك فقط شهد
والتفاصيل حطيها بالبايو ( الخدمات)
@thmanyah
فكرة عظيمة جدًا وانا واثق أن ثمانية تفكر لبعيد وبيكون هذا الشيء اقوى نقلة نوعية في تاريخ ثمانية .. فعلاً نفخر بمثلكم ومنها إلى ما هو افضل بحول الله
صباح الخير ..
نصيحة صباحية
لا تشتغل مع شخص ما عنده ميزانية واضحة
ولا يعرف كم يدفع على مشروعه لان بأختصار
ما يعرف السوق وحتى لو عطيته اقتراحات على المدى البعيد ما راح يتفهمها أبدًا اذا بغيت تشتغل اشتغل ما ناس عارفة السوق وعارف اهمية التسويق لان حتى الاجتماعات معه تكون مريحة جدًا
@dubayan
الشفافية هي اساس كل شيء والله حلقة حقتت انتشار كبير والسبب ان الضيف ماهو جاي ينظر على الناس جاي يقول الصدق واللي صار معه بالتفصيل والله بالنسبة لي هذي اقوى وافضل حلقة من بداية سوالف بزنس 😂
@ElDHME
التسويق فعلاً شطارة ولكن ضيف له يا دحمي ان منصة تويتر او اكس مظلوم جدًا من ناحية الاعلانات كثير من العملاء نقولهم تويتر ينصع لك الحدث ويعرف العملاء فيك اكثر وتويتر له تأثير قوي ولا يقتنع ابد ان شاء الله بعد موضوع افران الحطب الشركات تقتنع
@ksa_food_drinks
الحل طال عمرك صناعة محتوى على تيك توك لو مهتم تواصل معي لانها بتكون فارقة معك مرة الناس راح يجون لانك انت كل شوي طالع لهم وشغال على الترندات وبشكل يومي في صناعة محتوى
@FarajFE
صحيح ولكن شركة التسويق الشاملة تقدر تغطي بدون ما يكون عملها فقط بقطاع المطاعم ليش اكون محصور فقط على المطاعم وانا اقدر اعمل للكل ؟ وخاصة ان المطاعم يعتبر العمل معهم اسهل من القطاعات الآخرى من وجهة نظري
@OsamahAlmuslim
أنا بعد اللي شفته بالمغرب .. اقول شكرًا لشخص مثلك قدر يرسخ اسمه كـ كاتب عظيم وله كثير من الانجازات والان افكر جديًا بأقتناء كل الروايات اللي اصدرتها ♥️
@ma7moud_7998
الطبيعي جدًا راح يحاسبك على السوق المصري ، ليش يحاسبك على السوق السعودي وهو عنده خيارات هنا بنفس السوق ويكون عنده فكرة اكثر منك بكثير عن الأشياء اللي ممكن تصير ، من وجهة نظري افضل شيء تتعامل بنفس عملة بلدك او حط تسعيرتك اللي انت تشوفها مناسبة بغض النظر عن العميل مين هو
@FarajFE
اكيد وبدون اي تبرير بيجي في باله مليون سؤال صح ولكن اذا حط لنفسه هدف واضح صدقني بيقدر يوصل خاصة أن الوضع الحين مو مثل قبل توفر المعلومة صار اسهل من السابق بكثير .. وش ابي اكون ؟ اركض وراء هذا الهدف لين اوصل ولا تقول ما اقدر او البيئة هي رأس مالها بحث لين توصل لكل اللي تبي
@shajan_ksa1
مسوي مقابلات مع ١٠ بنات كاتبات محتوى وللأسف ولا وحدة فيهم اجتازت المقابلة وكلهم حاطين انهم كاتبات محتوى واشياء بديهية ما يعرفونها للاسف عن كتابة المحتوى إذا تشوفين نفسك كفو لمثل هذي الوظيفة أبوابنا مفتوحة ونحتاج والله 🙏🏻
@20B__
اول مشروع في حياتي كان بسطة في شارع
واذكرها زين هي كانت بداية انطلاقتي كنت ابيع تمر قدام بوابة الحرس الوطني وللحين عندي صور واذكر كنت ابسط كل يوم لين ابيع كل الكمية اللي معي وبعدها اروح البير ( للعلم ماني قصيمي )
@BaderAljeathen
بعد اللقاء اللي كان مع مشهور الدبيان في اي مجلس ولا اي مكان ادري في شخص ممكن يعمل انصحه بتحميل تطبيق كيان انت يا اخوي بدر تستاهل كل خير والله يوفقك يارب
وعلى الجانب الثاني دائمًا انصح الجميع بأستخدام تطبيق كيان لان الافضل سعرًا داخل الريآض بالمشاوير
@ABDULMAJEEDFUL
اذكر قبل ما افتح شركتي سويت مقابلة مع شركة عطور ضاربة الحين وجلست مع المؤسسين الشخص اللي قدامي كان مصدم مرة يقول ما قد شفت شخص يتكلم مثلك وبثقة ويتكلم عن خبراته بالسوشل ميديا وغير مرتبك ويتكلم بكل التفاصيل وبكل اسهاب .. قلت انا مقدم على وظيفة وهذا هو ملعبي يعني لو ما اكون فاهم