مش عارفة ازاي فيه ناس بتعدي اللحظات الي روحها حلوة من غير ماتصورها حتى لو مش هتنزلها عادي بس ماتعديش اللحظة من غير ماتوثقها ، نَفْسك المستقبلية هتبقى ممتنة ليك في الأوقات الي الدنيا بتبقى سواد في وشك ومش شايف غير الوِحِش وناسي الأوقات الي كنت بتتمني أنها ماتخلصش
ساعات لما بسألك عامل ايه إزيك مبيكونش قصدي ترد عليا الحمد لله بخير -هو الحمد لله على كل شيء وكل حاجة- بس أنا بسألك بجد أنت عامل ايه؟ ايه حالتك؟ ايه الدنيا معاك؟ مبسوط؟ فرحان؟ زعلان؟ متضايق؟ احكيلي أنا مهتممممة أسمع
@TaghreedNowar
يارب ما كونش بفتي بس دي حصلت قبل كدا السنة الي فاتت ويقال إن دي سلسلة أقمار ستارلينك بتاعت إيلون ماسك الي عاملها عشان الإنترنت الفضائي والجو دا
المهم انا من الصبح ونا متوترة عشان كنت حاسة جدا ان النتيجة هتظهر انهاردا وتوترت اكتر لما فتحت تويتر ولمحت حد بيقول انها مظهرتلوش عشان اللقاح ونا ماخدتش الجرعة التانيه وحرفيا مكنتش عارفة افتح اللاب من التوتر وفتحت لقيت الامتياز فى وشى الحمد لله حتي يبلغ الحمد منتهاه بمعنى الجملة
"من رأى منكم منكرا فليغيره بيده, فإن لم يستطع فبلسانه, فإن لم يستطع فبقلبه وذلك أضعف الإيمان."
"عن تميم الداري أن النبي صلى الله عليه وسلم قال: الدين النصيحة، قلنا: لمن؟ قال لله ولرسوله ولأئمة المسلمين وعامتهم"
"وذكر فإن الذكرى تنفع المؤمنين"
مش ادعاء مثالية خالص ولا حاجة بس انا بشوف الناس كلها حلوة وبحسهم كلهم جُمال وعمرى م حسيت مثلا ان حد شكله وحش او حاجة ولما باجى اقول كدا للناس بيفكرونى بجاملهم وبكدب عليهم بس انا ببقى بقول الحقيقة الى شيفاها فعلا .. حد فاهم حاجة
الفصل مش هو الحل ، بدل ما نعلمهم ونثقفهم ازاي يتعاملوا مع بعض باحترام وبضوابط شرعية ونعلم الولاد والبنات ازاي يغضوا بصرهم ويبقى فيه عقوبة للي يتجاوز لا احنا نروح نفصلهم ونزود الرهبة والتنشن بين الجنسين ،طيب لما دول يروحو الجامعة هيعملوا ايه ؟ عمركم ماشفتو ولد أو بنت في الجامعة…
لما حد يآمنلك ويحكيلك حاجات عنه مابيحكيهاش لحد ويبوح ليك بمشاعره وهو في لحظة ضعف ونت تيجي بعدين تستخدم الكلام دا ضده سواء بهزار أو بتعايره بالي هو حكاهولك صدقني أنت كدا أقذر إنسان ممكن يدخل حياة حد
هو ايه الفرق عندنا بين مانشستر وعادي يعني لو أنا ولي أمر ايه الي يخليني أدفع ٩٠ ألف في السنة في مانشستر ابني هياخد ايه يعني ايه المقابل
عشان أنا اتسألت السؤال دا ومكانش عندي فكرة الصراحة
ماننساش نحمد ربنا أنه منورلنا بصيرتنا وموصلناش لمرحلة أن نفسنا تغلبنا ونكابر في الحرام و الغلط ، اللهم أرنا الحق حقاً و ارزقنا اتباعه و أرنا الباطل باطلاً و ارزقنا اجتنابه
هسألكم سؤال وعايزه إجابة مفيدة لحد يكون مر بالموضوع قبل كدا، بتعملو ايه في الأوقات الي بيكون فيها فتور في العبادات الي هو أنتو بتصلو بس مابقيتوش تحسو بالصلاة روحانياً كدا فاهمين؟ بقيتو تتكاسلو عن النوافل الي كنتو بتعملوها بحماس ومش بتحسو بتأنيب ضمير ونتو بتفوتوها فاهمين؟
اللهمّ يا مسهّل الشّديد، ويا مليّن الحديد، ويا منجز الوعيد، ويا من هو كلّ يومٍ في أمرٍ جديد، أخرجني من حلق الضّيق إلى أوسع الطّريق، بك أدفع ما لا أطيق، ولا حول ولا قوّة إلّا بالله العليّ العظيم، ربّ لا تحجب دعوتي، ولا تردّ مسألتي، ولا تدعني بحسرتي، ولا تكِلني إلى حولي وقوّتي.
لما بحس انى جضيت من الكلية و كارهة المذاكرة بفكر نفسى ان الحمد لله على نعمة انى بتعلم اصلا ، حقيقى لو الواحد قبل ما يتذمر على حياته ركز فيها شويه هيلاقيه غرقان فى بحر نِعم وعشان هى بقت مُسلّم بها فى حياتنا بنتغافل عنها ، الحمد لله الحمد لله الحمد لله
أمي الله يرحمها من أكتر الأمثلة في حياتي على فكرة إننا بنموت بس أثرنا بيفضل في الدنيا، فات حوالي عشر سنين على وفاتها ولسه الناس بتفتكرها بمعاملتها وكرمها ولسانها الكويس ووشها البشوش معاهم ولما بيقابلوني في أي حتة لازم يفكروني بيها وبمواقفها معاهم الي احنا مكناش نعرف عنها حاجة
احنا عقلنا قاصر جداً ومحدود جداً أنه يقدر يستوعب حكمة ربنا في تحريم بعض الأمور ، الأصل في الإسلام هو التسليم التام لأوامر ربنا ،فهمت الحكمة منها خير وبركة ،مافهمتهاش ماتكابرش
"إن قد قال فقد صدق"
أنت حرفيًا مش المفروض تكون بتعمل أي حاجة عشان تتحب أو تتشاف الي المفروض تعمله هو إنك تبقى أنت، تبقى حقيقي بس!! من غير أي تكلف والي هيحبك هيحبك لحقيقتك دي
اللهم في يوم عرفة، أسألك الرحمة والعفو والعافية، اللهم تجاوز عن أمي ، لا تُحاسبها عن شيء، ولا تسألها عن شيء، اللهم اجعل الجنة مثواها، والنعيم مأواها، بحق هذه الأيام المباركة.
أنا بقى ما بيعصبنيش غير الي بيقولوا ما هم الي عايشين وساكتين وراضيين بالوضع، حبايبي انزلوا على أرض الواقع شوية مين قالكم إنهم راضيين هم بس تأقلموا عالوضع هم ميعرفوش غير الوضع دا أساسًا ودا الوحيد المتاح قدامهم معندهمش رفاهية الاختيار حتى، عامة أنا مقتنعة إنهم هينالوا جزاء صب-
كنت نزلت كام شيفت كافر كدا في قريه فقيره اوي ( في مستوصف خيري) جت ست دافعه تذكره ٢٠ جنيه اساسا ورقبتها متدمره بقولها انت شلتي حاجه تقيله قالتلي بشيل كل يوم شوال باميه ٧٠ كيلو علي راسي ، ( جوزها مبيدفعش للتروسيكل زي باقي الفلاحين ع كلامها) المهم يعني طلبت منها اشعه رفضت تعملها
أعظم أيام الدنيا - زى م الرسول قال - هى الايام الجايه دى من يوم الخميس الى هو بعد بكرا ليوم عرفة ، العبادات فيها بتكون أجرها أعلى من الأيام العادية من صيام وصلاة و قراءة قرآن وقيام الليل والدعاء بيكون مستجاب فيهم فاستغلوهم
*الي هقوله دا رأي شخصي مش لازم تتفق معايا*
لو مستني من حد أنه يبقى مرايتك في كل آرائك تبقى غلطان، احنا مختلفين ومعاييرنا مختلفة والي يتفق معاك في موضوع مش ضروري أبداً يتفق معاك في موضوع تاني ومن السذاجة أنك لما تختلف معاه مرة تقوم تتقمص وتشخصنها معاه دا شغل عيال صغيرة فعلاً!!!
فككوا من كلام المراهقين دا الناس بتتعامل بشخصيتها الحقيقية وإن كان فيه جوانب محدش يعرفها عن الشخص من أكونت تويتر بس ستل الشخصية الي بتظهر هنا هي جزء من الشخصية الحقيقية ولما تتعامل مع حد في الواقع وتحس إنه مختلف عن هنا فدا معناه إنك بتشوف جانب من شخصيته غير الجانب الي بيظهره هنا
يارب انت اعلم مافي قلبي. اللهــــم إجبر قلبي و أرح عقلي ويسر أمري واقض حوائج في قلبي لا يعلمها سواك. يا صانع المعجزات و يارب المستحيلات أرني الفرح في كل ما أريد يارب انت اعلم مافي قلبي فيسره لي ربي ارزقني بما لا اعرف كيف اطلبه منك فأنت اعلم بما تحتاجه نفسي
كلنا بنجاهر بالمعاصي الي بنعملها بشكل أو بآخر حتى من غير ما ناخد بالنا فنجاهر كمان بالحاجات الحلوة الي بنعملها -من غير ما النية تكون رياء- ما تعرفش مين ممكن يتشجع ويعمل زيك، شخصيًا فيه حاجات بكون نسياها أصلًا وبفتكرها لما أشوف حد بيعملها
لا تحكي لأحد عن قيامك لليل ..
لا تحكي لأحد عن قراءتك للقرآن..
لا تحكي لأحد كم تحفظ يوميا من القرآن ..
لا تحكي لأحد عن عباداتك اليومية..
لا تحكي لأحد كم يوما تصوم تطوعا ..
لا تحكي لأحد عن مقدار ذكرك لله يوميا..
صدقني لن تقوم بها مرة ثانية 🗝💭
للمغتربين الفلسطينيين الي معانا هنا احنا مش عارفين ممكن نساعد إزاي فساعدونا لو حد محتاج مساعدة بأي شكل بأي شكل بليز قولولنا ماتترددوش احنا نفسنا نساعد بأي حاجة
بكلم صاحبي خاطب و على وشك الجواز بيقولي خطيبته قالتله انها مش عايزة هدايا فال valentine و يوفر الفلوس للشقة و الهدايا فاي وقت لما يقفو على طولهم و قالي انا اخترت صح
مش عشان أنت مامريتش بالي هو بيمر بيه يبقى من حقك تقلل من معاناته ومشاعره، لو مش قادر تفهمه على الأقل اسكت ياسيدي وماتقولش حاجة بدل ما تقول وتلبخ الدنيا