He doesn't remember how it started, all he knew is that he's always smelled like strawberry. His soulmate looked really like him, but green. He has never fully grasped the magnitude of the universe, but he has lived long enough to understand how bone necrosis happens. 1/7
تخيلوا لو كان فيه منهج مدرسي يتحدث عن إدارة التوتر والوقت، التعامل مع الضغط النفسي، إدارة قرارات الحياة المصيرية، التعامل مع المال، النظام الصحي والتأمين، حقوق العمل، استخدام القضاء، إلخ
الإنسان ضيّق الأفق بزعجني. ضيق الأفق مش بالضرورة عدم الاطلاع أو التثقف، أوقات بكون في عجزك إنك تفهم إنه فيه ناس عايشة حياة مختلفة عن حياتك، همومها غير، مبادئها غير، مسلماتها غير، مش بالضرورة كل الناس تشوف الحياة من عيونك.
بتذكر هاليوم منيح، ستي - الله يرحمها - شافت عالتلفزيون خبر تحرير جنوب لبنان، كانت في بداية إصابتها بالألزهايمر، فكرته تحرير فلسطين. ما بعرف يمكن ماتت مقتنعة إنه فلسطين تحررت...
لا تضيعوا فرصة تقدروا جهد حدا أو تمدحوه في إشي لاحظتوه. من فترة حد حكالي في مقابلة شغل you should be proud of what you have achieved so far وحسيت كل شريط حياتي مر قدامي وضليت ماسك حالي أدمع والإشي كان دفعة أنا محتاجها :')
بحب كيف الأطفال ما عندهم نقطة مرجعية للأشياء بالتالي لو شافوا فضائي طاير ما رح يستغربوا لإنه فعليًا كل إشي بشوفوه جديد عليهم وغريب بنفس القدر. بس الكبار بعضهم بصير ضيق الأفق لدرجة إذا شاف اختلاف بسيط جدًا عنه ما بصدقه، بنتقده، وبعتبره مرض أو غلط أو عيب
عمري 26 سنة، ورغم صغر سني إلا إني شهدت عن بعد وعن قرب عشرات الأحداث، لكن هاي المرة يشهد الله إنها غير، لأول مرة أشعر بداخلي إنه فيه أمل نشوف في حياتنا عودة بلادنا...
الذرات اللي كانت بتكون جسمك قبل 10 سنين تغيرت معظمها، يعني من ناحية مادية إنت جسم مختلف تمامًا، الإشي الوحيد اللي بربطك في الشخص اللي كان موجود زمان هو ذكرياتك إنك كنت هالشخص
يا بتلبسي الحجاب منيح يا إشلحيه وأنا بس كتبت هيك عشان ألف انتباهك وحابب أحكي إنه في ناس ممكن قريبين عليك وضعهم المادي كتير تدهور هاي الفترة بس ما رح يشكوا أو يبين عليهم فإذا بتقدروا تبادروا بمساعدتهم بادروا وإذا بتقدروا تخففوا عنهم خففوا عشان الوضع رح يضل يسوء للأسف
من سلبيات الذاكرة القوية هو إنه دائمًا في زاوية من عقلك فيه درجة ثابتة من الحزن على كل ذكرى حزينة عشتها، ثم شيء من تأنيب النفس على الحزن لإنك متذكر لحظات الفرح، ثم شيء من الحنين لهاي الذكريات، ثم شيء من الشوق، طبقات فوقها طبقات من المشاعر لا تمحوها إلا نعمة النسيان.
كل ما الواحد يكبر أكتر بصير يشوف أثر قراراته أكبر وأكبر. قرار صغير عملته وهو عمري 18 سنة حاليًا مقرر 90٪ من حياتي، معارفي، علاقاتي، أفكاري، حتى شكلي وسلوكي، ما بعرف بعد سنين قراراتي الحالية شو رح تعمل. هاي الفكرة مخيفة، بس شو ما فكرنا معرفتنا ما رح تتعدى الحاضر
يمكن من أكتر الأشياء اللي بتهمني في الناس اللي بتعامل معها ذكاءهم الاجتماعي، اللي بعرف متى يحكي موضوع ومتى ما يحكي، النكت المناسبة، ما يحرج اللي معه، اللي طول الوقت صاحي على الناس في الجلسة وشايف حاله من منظورهم
من يومين كنت بفكر وأدركت إنه حساب محمود أبو عادي (Mahmoud) هو، وبدون منازع، حسابي المفضل على تويتر، لماذا؟
لإنه ينشر بهدف المشاركة البحتة، لا تباهي (ظاهر) بمعرفته أو قراآته، يطرح الفكرة بموضوعية كما هي ولا يحولها بهواه. مش مهتم يحط صورته هو +
مرة كنت مع والدي في المحل وخلال ال12 ساعة أجى زبون واحد واشترى ب5 قروش. أعطاني أبوي الشلن أشتري إشي فيه وحكالي "لما تكون الحياة قاسية علينا لازم نحنّ على حالنا"
It's never too late to learn, to change, to heal, to move on, to reflect, to review, to reroute, to accept, to remember, to say it, to love, to forgive, to be
تعلمت إنه أول صدمة في الحياة بتضل الأعنف حتى لو صار بعدها أشياء أكبر. بعد ما تتكرر الصدمات تقبّلنا إلها بختلف، هو مش تمامًا بنفقد الإحساس إنما الموضوع كله بختلف. بتتحول مشاعر الغضب والخوف والحزن لهدوء وصمت وسكون، ثقلهم على الروح نفسه تمامًا لكن ظاهريًا ما بعود فيه طاقة نزعل.
Green, in her great grief and anger, knew how to escape, thanks to her partner. "To answer wrong, is the way out. But I won't, I will answer right, because on me, a very bad microbe lives, diarrhea will be, my ultimate revenge!". 7/7
من أكبر النعم اللي صعب جدا تنعرف قيمتها بدون فقدها هي وجود إنسان مرشد إلك في الحياة، تسأله لما تحتار، يطمنك لما تخاف، يحميك لما تضعف. الحياة صعبة صعبة لما تحس إنك مكشوف بدون غطا أو سند أو دليل
من المعلومات اللي حبيتها لما درستها إنه بعض الحوامل بعد ما تولد بشوي جسمها بصير يرجف، في أكتر من سبب لهاد الإشي بس أحدها بقول إنه جسمها بحاول يصير أدفى عشان لما تحضن المولود تدفيه، وما بعرف ليه حسيت هاي الفكرة كتير لطيفة
عمان بحاجة لمبنى مكتبة عامّة كبير، في منطقة وسطية قريبة على أكتر السكان (نسخة مكبرة عن شومان) بقدروا الطلاب يطلعوا يدرسوا فيها بكلفة بسيطة بدل ما يحطوا مصروفهم على المقاهي، فيها كتب ومصادر الكترونية للي ما عنده، فيها قاعات وموارد تعليمية، و ممكن يلجئلها البردان في هيك وقت
الناس لازم تتعلم فكرة الهجر الجميل، يعني إذا الحياة ما وفّقت بينك وبين شخص وافترقتوا، ما في داعي هالإشي يصير بطريقة سيئة، ما في داعي تكرهوا بعض وتصيروا ذكرى سيئة لبعض، والله عادي ممكن الناس يفترقوا ويضلوا طبيعيين مع بعض لإنه الواقع هيك ومش دايمًا الحياة زي ما بدنا
Here's my Step 1 experience as many people have requested it. I have no other place to post it other than twitter so sorry about that. And I am sorry in advance as I won't be very available to answer many questions about it currently. Good luck everyone!
اللي مهتم يعرف كلفة طريق التخصص في أمريكا (الأرقام تقريبية وممكن تختلف من شخص لآخر):
أولًا الامتحانات: حاليًا مطلوب منك امتحانين أساسيين، step 1 و step 2 ck في السابق كان فيه امتحان step 2 cs عملي لكن التغى، وما عندي فكرة دقيقة عن كلفة بدائل هذا الامتحان (مثل الOET) +
للطلاب المقبلين على امتحان step 2 CK، أنا عملت مسبقًا كورس في مادة الباطني (30 حصة) وكورس في مادة الجراحة (20 حصة) مسجلين وجاهزين ومتوفرين بسعر قليل، همة موجهين لأي طالب مرحلة سريرية ومفيدين برأيي للي بحضر للCK. المهتم يتواصل معي.
ريتويت لو سمحتم
أنفك فيه فتحتين عشان لو ضليت تتنفس من فتحة وحدة رح يصير فيها جفاف وتقرحات، فالأنف بضل يبدل بين كل فتحة (بسموها nasal cycle) وأغلب الأوقات إنت فعليًا تتنفس من فتحة وحدة. مشان هيك في الرشح لما تسكر جهة بتقدر تتنفس من التانية بس بصير فيها جفاف
لأ، عشان الصيف عبارة عن 5-6 أشهر جو حلو وسهرات وطلعات ونهار طويل وليل جميل ولبس خفيف وشمس وضو وقلة أمراض وأكم يوم بالسنة زي ما بتحكي، الشتا عبارة عن أشهر نكد وبرد وطين ومرض وعتمة، وكل خمس ست سنين إذا حظك منيح بيجي يوم بتثلج فيه وبكون حلو غير هيك قرف
هديك المرة كنا في عرس إجت وحدة معها شب عرفتنا عليه عأساس خطيبها، طلعت جايبته بس عشان تغيظنا. المهم بعد فترة إجاها واحد يتقدملها بس هي ما بدها فطلعت عشان تحكيله لا، طلع العريس تبع العرس الأول! ومرته طلع مش متزوجها والعرس عمله بس عشان يغيظنا. بعد فترة طلعوا كلهم أخوة بالرضاعة!
أمي: إبني صار دكتور قد الدنيا وهسا رح يفيدنا بعمله
أنا: بتعرفوا إنه الواحد بقدر يشرب من عينه؟ المي بتمشي في القنوات الدمعية وبتروح عالأنف واذا رفعنا راسنا بنبلعه
حدا: please help I was shot and I am bleeding
الشعب: طيب يعني ليش بتحكيها بالانجليزي والا يعني عشان تبينلنا إنك مثقف وهيك أحسن منا
حدا: please I'm dying
الشعب: طب شو رأيك إني قدمت توفل بال96 وجبت 51 وحضرت مرة فلم بدون ترجمة؟
When my father died, I knew he had many dreams and hopes hanging. After many years some of them are being achieved through me. Not only because I am his son, but he also could pass his influence onto me. We may not achieve all that we want, but we may leave some seeds behind.
الطب عبارة عن حدا بعرض عليك يضربك 7000 شلوط ويعطيك ألف دينار، فإنت بتحسها إشي كويس، لبين ما توصل الشلوط رقم 700 وتدرك إنه قرارك كان غلط بس صرت ماكل شلاليط وحرام تضيعهم
بدي أورجي هاي التويت لمقيمة جراحة الأعصاب سنة خامسة اللي كانت on call من شهر ونص وهي حامل في الشهر الثامن، علمًا إنها عملت سنتين أبحاث عشان يطلعلها إقامة و٦-٨ سنين كلية وطب قبل هيك
النقطة إنه دراسة الطب بحد ذاتها ما بدها كتير إبداع أو حتى ذكاء، بس طريقه كتير بتستهلك حياة الواحد
عنا مرض اجتماعي بدي أسميه "هوس التنكيس". إذا واحد عمل إشي متقن ومرتب لازم لازم حدا ينط ينتقده أو يحكيله ترا فيه أحلى ومش تصدق حالك علينا ترا كلنا زي بعض فشلة. وإذا انشهر بإشي بحبه الناس بدها تنزله. وإذا كان شوي بفهم بشغلة بده يحسب مليون حساب قبل ما يحكي بلاش الناس تحكي عنه مفلسف
الناس مفكرة إنه كل تنين قدروا يخلفوا بني آدمين خلص صاروا مؤهلين يربوهم ويعيشوهم. والله لو بإيدي بعمل تقييم شامل لكل بني آدم قبل ما ينسمحله يفكر تفكير إنه يخلف
بدي أحكي إنه هاي الفترة مش سهلة على أي حد، الحبس والخوف وتعطيل الحياة مش بسيط. طبيعي جدًا تكون مضغوط ومتضايق، طبيعي جدًا وضعك النفسي يتأزم، أوعك تحاول تخفي هالأشياء أو تتجاهلها. وبدل ما تشد على حالك كتير، استغل هالفترة بإنك تسترخي، واعمل اشي بتحبه، يمكن هاي آخر عطلة إلك لوقت طويل
قد يعتبرها البعض مبالغة بس صراحة أعتقد العقاب لهيك أشياء لازم يكون شكل من الإخصاء، يعني هاد الجهاز الوحيد في جسم الإنسان اللي مش ضروري ليضل عايش وتانيًا ما دامه مؤذي فبلاه، صدقوني لو طبقناها ليصيروا مؤدبين
مرة كنت ماشي في الشارع إجى واحد أعطاني كيس فيه أغراض، عسل وزيت وملح، وحكالي ممكن تحمله شوي بدي أقضي مشوار وأرجعلك، حكيتله أكيد. بعد حوالي ربع ساعة رجع وناولته الكيس فيه زيت وملح، حكالي وين العسل؟ حكيتله بقرأ التويت هاي حاليًا، صباح الخير 🌹