#صلوا_على_الحبيب_محمد
#إلا_رسول_الله
صلوا فقد صلى عليه إلهنا
صلوا عليه وسلموا تسليمَ
أوما كفاكم انه علم الهدى
كان المعلم دون ما تعليمَ
ناداه إقرئ ثم اقرئ ثم قم
انذر فكبر من له التعظيمَ
بأبي وأمي انت ياخير الورى
صلوا عليه وسلموا تسليما
#أبوعلي
أنا شاعرُ القلب الجريح وإنني
ليَ هاجسٌ في كل وادْ يهيمُ
أنا إن كتبتُ الشِعر قالَ نَصفتني
وإذا تركتُ الشِعر صارَ يتيمُ
سطرتُ باالنبطيَ شعراً راقياً
وكتبت باالفصحى كلام حكيمُ
فكري له نَظم الحروف وخافقي
في جَوفهِ روح الحروفِ تُقيمُ
✍️✍️ #أبوعلي
بعض القصايد حرفها كنه اعلاج
تشفي الخفوق اللي جروحه خطيره
في قافها معنى وتصوير وخراج
من هاجسٍ حلق على كل ديره
والبعض فيها ما يسمى باالإزعاج
فيها المعاني كاالسيوف الشطيره
من شاعرٍ قلبه من الشوق يحتاج
يسمع حبيبه في حروفه زفيره
⬇️⬇️⬇️
لو شان وقتك وقرب الناس خلوك
صلي على المـقـفـي صلاة الـجـنـازه
مادامـهـم فـي ضـيقـتـك ما يلـبوك
مالك بـهـم وقـت الرخـى اي عـازه
لاتسمع اللي في الشدايد يـنـادوك
وبشدتك عـن خـوتـك في إجازه
والكفو يظهر لك مع الوقت ياخوك
ســــود الـيـالـي لـك تبـيـن طـــرازه
#أبوعلي
من يقول ان النساء ماهم سعاده
ذاك ماعـنـده مـن الـذوق اشـعـره
هم دوا مايصرفونه في العياده
هم علاج القلب والله سـخـره
قلتها واعـيـدهـا مـلـيـون إعـاده
من يقول إنهم يـغـثـون ابــقــره
يكفي ولا ازيد😂😂🏃🏃
#أبوعلي
ياقلب لاتنشد المقفين
خل المقفي على فـالـه
من لايعدك من الغالين
لا تنشده كيف أحواله
واللي يحطك بموق العين
حـذراك يا قلب إهـمـالـه
سكنه بعيونك الثنتين
ورفع مـقامـه ومـنـزاله
في هاالزمن قلو الوافين
والأب يجفونه اعـيـالـه
#أبوعلي
البحر واحد والسمك عدة أنواع
والقلب واحد والمشاعر كثيره
الجرح نازف بالحشا بين لضلاع
والروح من فرقا الحبايب كسيره
ليه القلوب الصادقه دوم تلتاع
ليه الوفا في لناس مجحود خيره
الحب صاير كله هموم ووجاع
كلن جروحه نازفه من عشيره
يتبع⤵️⤵️⤵️⤵️⤵️
ماودي اظهر في منصات الإعلام
مير ...البلا ...فارقتها ..وشهرتني
مل الورق وتكسرت روس الأقلام
من بوح شعري بعد ما فارقتني
كانت هي اميركا ونا كنت صدام
لفت على عنقي ...حبل وعدمتني
#أبوعلي
ياطبيب المحبه مامعك لي علاج
خافقي من لهيب الشوق ذاق العنا
من خيالي دماغي صار فيه ارتجاج
يزهموني ورد بهااه من هو انا؟
بيني وبين خلي ياالطبيب إندماج
كندماج القصايد واللحن والغنا
لكن ظروفنا والحظ فيها إنعواج
والزمن في المواصل واقفٍ ضدنا
#صديق_علي_الكناني
من يوم عمري صار واحد وعشرين
راسي قبل ما يزرع الدقن شيب
واليوم عمري قد تعدى الثلاثين
والحظ متردي ولا هو بطيب
ياالله بحظٍ مثل حظ السلاطين
ولا كما حظ الحبيب القريب
اللي ليا من غاب بيغيب يومين
ويعود يتهناء بحضن الحبيب
#أبوعلي
قلبي يبي يسلك دروب المحبين
لكن عـقـلـي ينـصـحـه لا تـطـبـه
يقول ياقلب الشقا فيك جرحين
جاتك من دروب الهوى دون سبه
رد الخفوق يقول عمري ثلاثين
والعمر مره ياعزيزي المنبه
ودي أعيش الحب لو كان يومين
والجرح رح نلقى مع الوقت طبه
#أبوعلي_الكناني
دورو لي عن وليفي وين غايب
في تويتر ماله إحساس وقصيد
من فراقه شعر راسي صار شايب
وشـتـيـاقـي كـل يـومٍ لـه يـزيد
في غيابه هاجس الأشعار تايب
كيف اسطر شعر والهامي بعيد
#أبوعلي
خلو حبيب القلب لا تزعجونه
خلوه يمشي داخل القلب بشويش
يضيع عقلي في محاجر عيونه
لو غاب عني كيف انا اقدر اعيش
وانتم يعذال الهوى وش تبونه
قشو جميع انقاطكم والتفاتيش
راعي الهوى حساس لا تجرحونه
خلو قلوب اهل الهوى والدراويش
✍️
#أبوعلي
لوكنت ما تعرف لك انسان وافي
اعرف بأنك منت وافي مع الناس
وان كنت وافي مير حظك خلافي
يمكن تصاحب لك منافق ودساس
فتره ويظهر كل ما كان خافي
لن التصنع له ترى حد وقياس
تظهر لك الأيام كل الخوافي
وتعيش صدمه مير لايدخلك ياس
لن الذهب في الأرض ماهوبصافي
مخلوط مع فضه ومخلوط بنحاس
#بقلمي
ياباشة الغيد ياشيخة ملوك الجمال
ياسيدة قلبي وروحي وعقلي أنا
سبحان من صورك وعطاك عين الغزال
وعطاك طرفٍ ليا سلهمت موتي دنا
وعطاك وجه القمر في ليلة لإكتمال
لا بلّه إلّا القمر منك أستمد السنا
أسرتني والحشا قد صار فيه احتلال
ملكت روحي وقلبي قصر حبك بنا
#أبوعلي
قولو له اني امتلك قلب صافي
لا حب حب بصادق احساس وشعور
كريم طيب صادق الوعد وافي
عزيز ما يقبل مذله ولا جور
من يسكنه عاش العمر فيه دافي
ويعيش كل العمر راضي ومسرور
لا هو بــ مصلحجي ولا هو بــ هافي
ولا هو بــ متصنع ولا يشهد الزور
#أبوعلي
قام يهمس لي وقال افلان قال
مايحـبـك ون قـلـبـه مـايـبـيـك
قلت نقال الحكي ماله مجال
لاتقول افلان قال وقال فيك
قد أخذ قلبي ونا كلي حلال
والله إنه في الحشا ماله شريك
لا تعذرب حبـنـا يـبن الحلال
خل عنك الهرج يرحم والديك
#أبوعلي
صابر على جرح ،،الحشا،،، ماتكلمت
حتى لو ان الصمت ع الجرح قاسي
مابوح جرح القلب مهما تألمت
ليه أشتكي لناس،،. كل المأسي
إلا ليا ،،قلت،، الله ،،أكبر ،،،وسلمت
أبوح له ورفع،،،، كفوفي،،، وراسي
#أبوعلي
يالي سكنت القلب ماغاب طاريك
طاريك في بالي من اربع جهاته
لو غبت كل العمر ماني بناسيك
لا زال قلبي يذكرك في صلاته
اذكرك ودعي لك الهي يعافيك
وقول ياالله تسعده في حياته
#أبوعلي
من صب لي من دلة الهجر فنجال
من،، نفس ،،فنجاله ،،،أقهويه ،،دله
ما ،،،دام،،، حبي،، ماطراله على بال
انا ،،،بعد،،،، طاريه،،،، بنساه ،،،،، كله
مالي،، على،، طرد ،،المقفين،، مدهال
نفسي،،،،،عزيزه،، ما،،،تحب،،،،،المذله
#أبوعلي
والله إني ماعشقت احدن سواك
والغلا في ،،كل،، يومٍ ،،لك،، يزيد
كل مملك من غلا قلبي عطاك
كم طلبت وكم عطيتك ماتريد
بعد هذا الحب تحرمني لقاك
ليه يامن كنت للخفاق سيد
#أبوعلي
ماني من اللي يستحقون الإهمال
ولآ من اللي في محبته يهمل
ون كنت ما تدري بقلبي ليا مال
اعلمك قلبي ليا حب ما مل
مشاعره تلفي كما السيل لا سال
كريم ما يحسب ليا من تجمل
يعني ليا منه عشق يقبل اقبال
ون طاب طاب ومن يحبه ترمل
#أبوعلي
قبل احبك كنت انا شاعر خيال
اكتب احروفي بليا ملهمه
في الغزل ووصاف ربات الجمال
كانت افكاري تدرهم درهمه
وبعد ما قلبي تعلق بك ومال
استبحتي هاجسي يا مجرمه
لا كتبت الشعر في ايت مجال
صرتي انتي روح حرفي ونسمه
#أبوعلي
تكفون كان احساسكم حي تكفون
يـامـاخـذيـن الـقـلـب لاتجرحـونـه
حنو على قلبٍ من الحب مجنون
تـرفـقـو بـه دامـكـم تـمـلـكــونـه
ون كانكم بحساس قلبي م تدرون
تفحـصو نـبضـه وشــوفـو عـيـونه
#أبوعلي
أآه يهل المحبه ليتني ماهويت
ليتني ماعرفت الحب ولّا شقاه
والله إني بعد فرقاه حيً وميت
لا طرت ذكرياته كـنـها لـي حياه
ولا طرالي وداعه والفراق الـممـيت
ما يداوي جروحي غير فرض الصلاه
#أبوعلي
تابعني الشيخ ابو ممدوح
شيخً يقولون روحاني
قال ابشر بشوفة المملوح
من بعد ماعشت وحداني
قلت انت شايف تكلم لوح
تضحك على مين ياالداني
تراك مشرك برب الروح
سبحان من لا معه ثاني
#أبوعلي
دكتور قلبي تراه ايون
في ونته صار له مده
اكشف على خافقي لكن
لا تلمس الزين في يده
غض البصر عن صغير السن
سماعتك لا تجي عنده
قلبي معه في يده ويحن
والجرح ينزف سبب صده
عالج خفوقي بذوق وفن
مادام بيحت لك سده
#أبوعلي
ياوليف الروح مهما غبت غالي
كل يوم يزيد في قلبي غلاك
طيفك اللي قد تربع في خيالي
وفي المسامع دوم يتردد صداك
ليت تسمع ونتي ياوجد حالي
من فراقك ليت قلبي ماهواك
والله إن القلب يصلى فيه صالي
رغم هذا ماقدرت أمشي وراك
#أبوعلي_الكناني
أقسم برب الكون ماني بناسيك
في كل سجده أدعي الله أشوفك
في جنة الفردوس ربي مهنيك
ياواحدٍ ما فارقتني طيوفك
الله يرحمك ياأخوي
ويرحم جميع أموات المسلمين
#أبوعلي
سألت خلي عن أخباره
يازين كيفك وكيف الحال
داري بعيده عن دياره
ورسلت له ياعرب مرسال
مارد والنفس محتاره
وش فيه مارد ع الجوال
مدري المرض ياعرب زاره
ولا همومه تهد اجـبـال
ولا رمو الـنـاس سـنـاره
صادته سنارة الـعـذال
أو نفـسـه اليوم مـكـاره
وده يفارقني المـحتـال
#أبوعلي
ياصاح قلبي في محبتك يا صاح
ما ظن به قلبٍ بحبه يساويه
يحس لا دمعك على وجنتك طاح
ويحس لا منك كتمت المشاريه
حبي اندماج احساس وشعور ورواح
حبٍ قديمٍ يضربون المثل فيه
#أبوعلي
#الكناني
ألشعر،ينفع،للقلوب،الجريحه
ولّا يزيدالقلب ع الجرح جرحين
قلبي جهاز وجرح قلبي شريحه
والرقم فكري والكبدوالشرايين
جرحٍ تكنه في الصدر ما تبيحه
لنه لفاك الجرح من ناس غالين
وجرحٍ تبيحه للوجوه المريحه
لأنهم قطرة شفا داخل العين
ناسٍ من جروح الزمن مستريحه
والبعض جرحه في خفوقه له سنين
قد صار لي أسبوع وانا مكرون
فيروس كورونا مكسر عظامي
كل ما أقول اليوم وضعي تحسن
ترجع لي لأآاام حامي،، بحامي
يارب عبدك من لضى هالمرض ون
يامن جعلت النار برد وسلامي
يارب تشفي من دعاء وحسن الظن
يامن شفيت ايوب ياخير حامي
#أبوعلي
اعتذر سيستمر الغياب إلى أن يمن علي الله باالشفاء
صابر على مر اليالي والأيام
وعلى الجروح الكايده والخطيره
الوقت متخصص بتحطيم الأحلام
والحظ مثل سلاح مابه ذخيرة
ياالله قوّم حظ طايح له أعوام
ويالله عسى في تالي الصبر خيره
#أبوعلي
ريـانـة الـعـود غابت عني الـبـارح
والشوق في القلب تتلاضى لواهيبه
وامسيت أقلب هواجيسي ونا سارح
كيف الصـبر لو يطول خـلـي الـغـيبه
واقـول لابـد نـتـعـاهـد ونـتـصـارح
واقول له ياحبـيبي ويـن هاالـغيـبه
بُعدك عن العين لو ساعه تـرى جارح
قلبي بغيبتك نار الـشـوق تسـطـي به
#أبوعلي
قلبي يبيك ولا يبي غيرك إنسان
لا تبتعد عني ترى القلب ضامي
ضامي لوصلك حيل باالحيل عطشان
قدرك ترى في داخل القلب سامي
تعال يامن شوفتك تجلي احزان
والجرح يبرى والهموم العضامي
مشتاق لك والشوق في الصدر بركان
يشرب من اعروقي وياكل عضامي
#أبوعلي
تعالو تعالو ودنا نكتب الإبداع
عن الحب وحساس القلوب الهوايه
يقولون من يسلك دروب المحبه ضاع
ونا قول درب الحب نعمه إلهيه
#صدّيّق_علي_الكناني
هاه وش رايكم الحق معي😁ولا معهم😅
الغلا والحب وحساس الغرام
هم هبه ماهم ذكاء او موهبه
كلهم لو ما سبقهم اهتمام
بُلْ بالما حب قلبك وشربه
والمشاعر تبرد وممكن تنام
لكن الإحساس يصحى صاحبه
الغرام احساس وشعور وهيام
ماحدن يعطي ولا احدن يطلبه
#أبوعلي
كل الكلام الي يقولونه الناس
لاحبابهم ما جازلي لش اقوله
ابي كلامٍ فيه من صدق الإحساس
ما يجعل اهل الحب كلٍ,, يقوله
من صادق إحساسه يجي مثل نسناس
ياتي بعد غيثٍ,, تصافق سيوله
#أبوعلي
سلام يوصل جميع الناس
من .. الديار .. الجنوبيه
مدد ... بليا ..عدد ...وقياس
على .... اللحون ..الهجينيه
من شاعر الحب والإحساس
طيب وفيْ صافي النيه
✍️
#صديق_علي_الكناني
لو بنيت ابني العلاقه على وضح النقا
ما احب ابني علاقه مع احدٍ زايفه
والله إن قلبي من الطيب عايش في شقا
كم تهقوى الطيب في ناس مير اتخالفه
كل ما بيض ملفات بعض الأصدقا
سودوها لين صاروا دفاتر تالفه
#أبوعلي
من لا يقدر خوتك لا تخاويه
حتى لو ان بينك وبينه قرابه
واللي يمن بما عطا لا تماشيه
ما فيه حي لا عطا مادرابه
والصاحب الي يجحدك ونت تعطيه
هذا ردي في شيبته وبشبابه
صاحب صديقً باالشدايد تلاقيه
وترك صديق المصلحه والرحابه
#ابوعلي
حن ورجع لي يطرق الفكر طرقا
من بعد غيبه جابه الحب والشوق
قلت انت وش جابك بعد طول فرقا
قال الغلا قلت الغلا كرت محروق
قال الحقيقه جيت محروق حرقا
ماجيت من كيفي ترى جيت مخنوق
#أبوعلي ⬇️⬇️⬇️⬇️