نصيحتي في المذاكرة ،
افطروا بالعافية وانبسطوا مع اهلكم لين العشا وصلوا التراويح وبعدها حاولوا تنامو يعني على الساعه ١٠ م كذا، واصحو عالساعه ٥ص اتسحرو وصلو الفجر وبعدها ابدأوا المذاكرة مره وحده لين الظهر، صلو الظهر وناموا لين العصر وبعدها بيكون عندكم وقت لين الفطور سوو اللي تبون
كلنا قد مر علينا اشخاص يغشون في كل اختباراتهم ودرجاتهم مهي مستحقة لجهدهم، كنت دائما اتساءَل هل من الغباء ان الواحد ما يكون زيهم ويكرف ويتعب على الفاضي وفي الاخير درجاته ممكن ماتكون كاملة؟
محاولاتهم للغش وكسب النتيجة بغير حق وتشوف عندهم شهادات ودرجات عالية ولكن مالهم فائدة، مثل (الزبد)شكل فقط..
ومحاولة الشخص المجتهد في التعلم وكسب المعلومة بكل وجه حق هو المكسب الحقيقي للانسان وهو العلم اللي راح ينفع به الناس ان شاء الله.. اي هو العمل الدائم ليوم القيامة.
لوحتي بعنوان 'خيال اصلُه تُراب'.
الرسمة تعبر عن مهما اختلاف الوان البشر وعرقهم، فكلنا عندنا ادمغة مليئة بالخيال والابداع والقدرة على التعلم، لذلك افتح عينك وتعّلم فكلنا خلقنا من تُراب.
انتهت اجمل سنة دراسية في حياتي، اجمل دفعة وافضل قروب واحسن رفقاء، سنة مليئة بالتجارب والذكريات.
اللهم ادمها نعمة علينا واجعل طلب العلم شعارنا ومنهجنا في الحياة 💓.
@iibrhom_
انا بهتم بالجودة ولكن اتوقع بعد فترات من الزنقات اتوقع انو اذا تركز بكميت المذاكرة افضل، يعني مثلا عندك ٣ محاضرات شوفها كلها في يوم واحد حتى لو مافهمتها كلها وذاكرها مره ثانيه اليوم اللي بعدها بتلاقي انك فهمتها كامله، اما لو تبغا تمسك محاضره كاملة دسمة تفهمها كلها راح تضيع وقت
@SaAlabdli_
للاسف موضوع ان مافي اي فائدة من شرح دكاترة الجامعة فكرة زرعت في عقول الطلاب المستجدين من طلاب سابقين.
الفهم نعمة من الله وتوفيق منه، وتيقن الكثير من الطلاب انه لن يكتسبوا اي معلومة من شرح دكتور راح تخلي المكسب صفر، لان مافي نية الفهم.
الي ابغا اقوله، حطو النية، وربكم يوفقكم.
@shitthefq
شخص يدور على لقمة عيشه وتأقلم مع الظروف وساق دباب رغم انه خطير وبالفعل كان خطير وسوا حادث زي ما صار في المقطع، ما اتوقع ابدا ان الموضوع يضحك، لا من صاحب السنابه ولا من الي ماخذينه محتوى
@roz5899
النصيحة الي ذكرتها حاولت اجمع اهم ثلاثه اشياء في اليوم ( الدين - الاهل- العمل/ مذاكرة) انا عن نفسي في فترة مذاكرة لاختبار فطبيعي مراح اهتم اني احط ساعات كبيره في عزايم، يعني هي المسئلة اولويات، وكل شخص على حسب ترتيبه لها.
@fpxkkm
الرسول صلوات الله عليه كان ينام ثلث الليل والنهار، والطريقه اللي ذكرتها توافق السنة (ان شاء الله)، يعني انت بتنامين في الليل تقريبا ٥- ٦ساعات ، وبعد الظهر بتنامين ساعه او ساعيتن.
وفصل النوم بهذي الطريقة جدا مفيد راح يحسسك انو يومك ٢٤ ساعه + النشاط الجبار اللي بيجيك.
حمدلله اختبار اليوم ماعرف كيف عدا على خير مع اني ما ذاكرت مذاكره ترضي ربنا، ولكن التوفيق بيد ربنا وحمدلله نيتي في الدوام كانت لطلب العلم وربي ما خذلني بالتوفيق في اختباري ، لا تهملون لُبْ الاعمال وهي النية🫡