بيت واحد يقدر يوضّح لك معاناة الابن آدم في الحياه و من مواجهة مصاعِبها و مشاكلها و تأثيرها واضح في وجه الانسان يقوله :
الشاعر : خالد بن طفلان *
@bin_tflan95
*
ما دريت ان الزمان .. ايتعبّث فـ الوجيه
لين ما دققت في صورتي ، بعد وقبل :)
الماضي الجميل او ذكرياتك الجميله لها اثر في النفس حتى و لو كان حاضرك اجمل ،
و يقول المُبدع ابو عمير *
@2wl02m
*
عشت مع ذكرياتي في صباح و بيات
نفسي الضايقه كان الله بـ عونها
كل ماجيت ابنسى معظم الذكريات
جات * ذكرى السناب * تعد طلبونهااا
ياحبيبي صاب منزلك بالصدر انهيار
صرحك اللي قد بنيته .. وراك تدمره؟
اتفاخر في محبتك .. لكن باختصار
صرت مثل اللي يحصد الهوى ويغمره
كان باقي لي بمهجتك .. لو كبر الزرار
اعتذِر ، والمنزل اللي دمرته : عمّره
- عبدالله بن زويبن
على وين ما اسج القدم شرق ولا غرب
اشوف الليالي ما تشابه سنا ،، ليلك
قضى ثلث عمري بين ضيقة و حالة حرب
مابين احتقار الناس و مابين تبجيلك
انا وين الد العين منّك و ادور درب
و كل الدروب اللي تودّي ،، تودّي لك
عصريةً فيها من الغرب ذعذاع
على وطن ماهو بيشبه وطنها
ٓ
هَبت وانا ضايق لو فجوجي وساع
ضوّي تشب .. ودلتي محتضنها
متركزٍ ماني بحب الترباع
على عصاي أمر من العصر وأنهى
بن الذيب
خذيت الهوى طيش و عبث حب و استهتار
على قولة البدوان ،،، عيب و عليه شهود
تبرّيت مني ،،، و الوفا فيك طير و طار
عساك آخر العنقود منت آخر العنقود
مخليني اعجوبة زمن في طريق المار
مضحّك بي العاقل و مشمّت بي المقرود
لاني داخل الصوره ولا خارج الإطار
حبيبك و انا غايب عدوّك و انا موجود
يمكن انك تقابل في حياتك شخص واحد و معه " مفتاح سحري " قادر انه ياخذك لـ حياة تغيّب عن وعيك و عن حياتك الاساسيه من جمالها ، و يمكن بـ ذا المفتاح يقفل كل شعور بعده ، و يصير ختام احاسيسك و تعيش بعده بلى شعور ، و سفر الدغيلبي يمثّل لنا هذا المشهد و يقول :
لا والله ماني مرخصك بالموادع بس
أنا لا كبر همي بقلبي قعدت أضحك
خطاويك كانت واضحة كيف صارت همس
كأنك تفكر في خساراتك و ربحك
نسيت اللقا و الحب ولا نسيت تحس
أثاريك حتى من ملامي على جرحك
كل ما قلت أنا سامح و نفسي معيفه
آنتكس و أرجع أحبّك و لا أدري علامي
- بندر الدويش
كل ما أستغفرت من ربي و قررت أتوب
قامت أنسام الهبايب عليك ، تردني
- راشد ال صبيح
انا قلت شبت و هوّن القلب بعد الشيب
و جاتني بنات الغي تومي بـ اياديها
لو اروح عن مربى الصبى و اغترب و اغيب
ياعنك الحرار انها تولّع بـ اراضيها
- سعد بن جدلان
ما كتِب لي صوب خلي مراح ٍ ذالزمان
لا زهمت الربع قالو دبشنا بيغدي
ما يقرب ديرة الترف في ذاك المكان
غير شغموم ٍ يبوج الخلا مثل مهدي
- عبدالعزيز ابن دخيل الله
ويلي على اللي غطاها الستر والعفّه
ما غير من بيت ابوها لبيت جدّتها
من دونها الشايب اللي هي في ضفّه
والديره اللي غذتها ؟ مااا تعدّتها
لو تستر الخشم والحجان والشفّه
البرقع احيان يفضح نوض خدّتها
انا اللي ما تنوخذ بندَقْه من كفّه
جتني هنوفً ، تقيّدني قلادتها :(
البارحه من جمرةٍ تكشف الزيف
ماهوب من يوم الخلايق ،، نيامى
عيّت نسانيس البراد آخر الصيف
عن الخطايا يوم جيت ،، اتعامى
قمت اتسامى عن كلام الملاقيف
لين احسبوها ضعف و انا اتسامى
كلامكم ،،، يا مقولبين السواليف
على عيال الطيب برد ،، و سلامى
غشّوا بعضكم يكرمون العواريف
اللي على خطّر
نديم الاحلام . . . ما مرّت عليك الطيور
وايامي اللي مضت . . . ما عاد تشتاقها؟
.
ما عاد انا على خبرك ، شجاع . . وجسور
سمحت . . . من كل غيمة . . . لاح براقها
.
وعن الضحكة الحلوه اللي تستفز البحور
رميت . . في صوت عقلي . . كف حداقها
التواضع بشكل مبالغ فيه بـ علاقاتك الاجتماعية هو تقليلاً من ذاتك ، خير الأمور أوسطها
قال محمد ابن الذيب :
التواضع حد الإفراط في بعض الأمور
يقذف بـ صاحبة لـ اعلى جبال الإحتقار
يقولون لا طال الجفا بالحبيب انساه
وانا وين ابنسى صاحبٍ ما تناساني
تغرّبت بالدنيا و هو ما بخل بخطاه
يسوق القدم في يمّتي .. لين يلقاني
يقولون ولا مايقولون عن لاماه
احبه كثر ماهو بفرقاه عناني
من عيونه السود افهمه سيدي واقراه
ومن عيوني الحمر المعنّاة يقراني
- حمد السعيد
توّنا … يا ظبية البان لا تستعجلين
اتركينا نسهر الليل هذا ،،، للنهار
كلها ساعه .. او اكثر شوي بـ ساعتين
الاكيد ان قلعة الطين . تاليها دمار
لا مواساتي غنيمه ولا عذرك سمين
الغنيمه بسمة الوقت يوم الوقت دار
عادني تارك همومي على رفْ الحنين
كان مريتي عليها عمارٍ في عمار
عمر