بخصوص البنات اللي بتقعد تقول أنا عايزة واحد دمه خفيف و بنات تانية تقول أنا عايزة واحد دمه حار .. أنتي بس هاتي واحد عنده دم و بعدين نتفاهم علي درجات الحرارة .
مضحك أوي حوار إنك تشوف أكتر حد مؤذي في حياتك عايش في دور الضحيه وماشي يدراما عالناس وإنت قاعد بتلم حق الثيرابيست عشان تحاول تتجاوز التروما اللي هو عاملهالك .
يا جماعه انا بعشق الناس اللي روحهم خفيفه اللي تغيب و يغيبوا و ترجع تتكلموا من غير ما تشيل هم كلامه
الناس اللي بتكلمهم بمحض ارادتك عشان وحشينك مش عشان هيضايقوا لو مسألتش عليهم . ❤️
اكتشفت إن في ناس طريقتهم في التعبير عن الحب إنهم يضربوك ضرب خفيف أو يعضوك أو يقرصوك أو يزغّدوا فيك عموما وأهو أي عنف وخلاص، لأ ودي محبة عارمة كدا بالنسبالهم، وتحس إنك مصاحب قطة شيرازي وعلاقة كلها فرهدة والله
الانجاز مش في انك تخرج للمجتمع محوش فلوس أو معاك أعلى شهادة في التعليم.. الإنجاز بجد إنك تكون سوى نفسيًا وتربي أولادك على الادب والاحترام في وسط زمن مليان بقلة الأدب والفُجر.