انا شيعي وبيّي شيعي، جدّي وجِد جدِّي شيعة وانا كتير حزين اليوم. ما فيك تقول "يا حسين" وتضرب امراة قاعدة عالطريق. ما فيك تقول "يا حسين" وتعتدي على ناس عُزّل. الحسين (ع) وأهل البيت اكبر من هيك بكتير، بكتير 🙏🏼
ابن اختي علي... ضحية جديدة للفيروس الملعون كورونا... انا لله وانا اليه راجعون🙏🏼 انتبهوا عَلى حالكن والله يبعد الاحزان عن الجميع. الله يرحمك يا علي يا حبيب القلب 🙏🏼
فتت على محل ببيع تياب رياضية بل ABC... طلب منّي ابني (عمره ١٠) t-shirt للبرشلونة، قلتلّو تكرم عينك بابا. وصلنا عالصندوق طلع حقّو ٦٠٠ الف.... بلا طول سيرة صار ابني هلق من مشجّعين فريق شباب الساحل 😅
جبران باسيل للميادين: "الانقلاب السياسي على العهد فِشل ونحن خارج المنظومة السياسية برِمتها"
طيب في اوقح من هيك بني آدم؟ وحياة الله والنبي وجميع القديسين ما شفت بحياتي اوقح 🤷🏻
لكل يلّي عم يتمسخروا عل متظاهرين، لكل يلّي عم يروجوا انو المظاهرات شغل سفارات، رح قول شغلة وحدة: اذا سقط هالتحرك ما رح تشوفوا شي اسمه إصلاحات من الدولة. رح يرجعوا اشرس من ما كانوا ورح ياكلوا الأخضر واليابس ورح تبكوا دم على هالفرصة يلّي ما استغليتوها للمحاسبة. اللهم إني بلغت.
يلّي صار اليوم بيزلزل عروش، بيهِد هياكل، بيدمِّر انظمة كاملة... طلع مع حكامنا انو يلّي صار "غير مقبول"! غير مقبول يا عاهرات الربع؟! شوارع بيروت كأنو صاير فيها انفجار نووي... يلعن شرفكن واحد واحد يا بلا شرف يا مجرمين يا انجاس، كلكن بدون استثناء #لبنان
ما بقى حدا يعمل اغاني وكليبات تافهة لبيروت الله يرضى عليكن... فنان وبدك تساعد؟ انزل عالارض، تبرّع، ساعد، اعمل اي شي بس ما تغني وتلزِّق صور وتكذِّب عالعالم. شكراً. #بيروت
يا جماعة المستقبل، مش اذا ما عجبكن رأيي تبلشوا تكبّوا حكي شمال يمين انو لحم كتافك من ورا الحريري وقليل الوفا وما بعرف شو... ما حدا الو معي، تلفزيون المستقبل كان يدفع نص معاشات الموظفين من ورا برامجي وأفك��ري وتعبي وشغلي. متل ما استفدت منن استفادوا مني ومش صدقة القصة. خلصنا بقى.
في ولاد فلتانين على تويتر وعم يهينوا بعض بأبشع الكلمات الطائفية والعنصرية وعم يحكوا شرقية/ غربية.الكبير فيهن خلقان بل ٩٠، يعني بعد الحرب. هيدا معوّد يتخبّى ورا تليفونه مش ورا متراس ومفكّر الحرب لعبة PlayStation. روحوا انضبوا واسألو اهلكن عن الحرب والموت والقتل. خلص هبل!
شو احساسكن يا حكام لبنان انو كل المجتمع العربي والدولي عندن شرط واحد لمساعدة لبنان: انو المساعدات توصل دغري للشعب مش من خلالكن لانو بيعرفوكن حرامية سرّاقين... في ذِل الكن اكتر من هيك؟! #لبنان_ينتفض
الناس ما معها تاكل وبعض المغنيين عم يتباهوا بحفلاتن يلّي عم يعملوها بالخارج. يا اخي حقّك تشتغل وتعمل مصاري بس ارجوك ما بقى تحمل علم لبنان هونيك وتعمل فيها وطني وبتحب بلدك. يلّي بيحِب بلده صحيح بيعمل متل كاظم الساهر يلّي ألغى حفلته بالرياض احتراماً للشعب العراقي.
#لبنان__ينتفض
يلّي بيشتم الزهراء (ع) ابنة رسول الله(ص) منّو مسلم ولا الو علاقة بالدين. بدنا نكون اوعى من هيك وما نسمح لواحد منحط، تافه، وسخ، بلا اخلاق عايش بألمانيا يعمل فتنة بيناتنا 🙏🏼
بتستاهلوا البهدلة بالمطار
بتستاهلوا تعيشوا بالعتمة
بتستاهلوا ما يكون عندكن حكومة
بتستاهلوا تنسرقوا وتتبهدلوا
إنتوا الفاسدين مش المسؤولين ...
زرعتوا اصواتكن بالانتخابات وهلق عم تقطفوا يلي زرعتوه.
بتستاهلوا اكتر من هيك يا شعب لبنان العظيم.
مبروك يا جماعة، فتحوا الطرقات وانحلت كل مشاكلنا. تشكلت الحكومة، انتهى الفساد، رجعت الأموال المنهوبة، الليرة صارت بألف خير، الدين العام تسكّر والوظائف على قفا من يشيل. فعلا كانت المشكلة بهل كم ازعر يلّي مسكرين الطرقات. كتِّر خير الله خلصنا منُّن.
خلينا نحط السياسة على جنب والمواقف والقناعات والربح والخسارة… هيدا الزلمي تعرفت عليه كإنسان و على الصعيد الشخصي وصدقوني انو اطيب من العسل… كريم النفس ومحب وآدمي ومتواضع وما بيعرف شي اسمو حقد. يمكن الظروف ما ساعدته، يمكن يلي حوله ما كانوا قد المسؤولية، بس يلي بعرفو انو سعد
بموضوع الكوميديا وحرية التعبير… بكل تواضع النا اكتر من ٢٥ سنة بهالمجال وعملنا آلاف الحلقات والمسرحيات والstand up كوميدي بعدن لهلق بذاكرة الناس. ولا مرّة سبينا الدين او رجال الدين او احتقرنا الطقوس الدينية… الكوميديا يا جماعة مش بإسقاط الاعضاء التناسلية بين الكلمة والكلمة ولا
اذا مزبوطة تسمية محمد الصفدي رئيس للحكومة المنتظرة بتكون الطبقة السياسية فعلا عم تلعب بالنار. من يومين كانوا الناس عم يتظاهروا بالزيتونة باي يلّي بيملكها الصفدي.
#لبنان__ينتفض
في بعض "اعلاميات" تويتر عم يسألوا بعد استشهاد فرح وربيع شو جدوى وجود الصحفيين بالجنوب…
شو المطلوب؟
انو يغطّوا احداث الجنوب من شقة حقها ملايين الدولارات عَ الروشة؟
شو رأيكُن كمان نطلب من الصحفيين يلّي بغزة انو يغطّوا الاحداث من فندق خمس نجوم بِتل ابيب؟!
وقحين فهمنا، بس بلا
والله العظيم انو نحنا شعب ما بيستاهل وطن. هلق علقانين مع بعض اذا الرد الإيراني كان على المستوى المطلوب او ضعيف. انو شو جايينا من الموضوع كله؟ يا خيّي ايران قوية كتير واهم دولة بالعالم واميركا دولة عظمة وبيّو لترامب اقوى من بيّي. وبعدين؟ اكلنا؟ شربنا؟ إجِت الكهربا؟ والله شي بيبكي.
متل اليوم بِل ٢٠١٣ رحلت أمي واخدت معها قلبي وآخر حُب بلا شروط بحياتي. اشتقتلِّك يا ماما والحياة بلاكي وبلا صلاتك ودعائك صعبة كتير 🙏🏼 الله يرحمك يا أغلى الناس ويرحم الزميلة #نجوى_قاسم يلّي رحلت اليوم ويرحم امواتكن جميعاً.
من بعد ارزاقنا اليوم سرقتوا ارواحنا، اهمالكن وفسادكن دمروا بيروت، مش ضروري تضربي موانئنا يا اسرائيل الفاسدين والكلاب يلي عنا قاموا بالمهمة بنجاح #مرفأ_بيروت
الشعب يلّي بيقبل يعيش ٢٤/٢٤ بالعتمة ما بيستاهل الحياة. الشعب يلّي بيقبل يناموا ولاده بالبرد وشايف الزعيم وولاده دفيايين بقصورُن ما بيستاهل الحياة. شعب طائفي بيسوى قشرة بصلة. #لبنان
ليش في ناس بيعتبروا اذا جابوا صورة او فيديو لوزيرة جديدة عم ترقص او تغني بسهرة او عالبحر لابسة مايو انو هيدي فضيحة؟ يا اخي يرقصوا يسهروا يسبحوا بس المهم ما يسرقوا!
فكرة برنامج تلفزيوني:
المشتركين ١٠ سياسيين وكل واحد بيطلعلو ٧٠٠$ بالشهر بدّو يعيش فيهن ويدفع أجار وكهربا ومي وتليفون ومدارس وطبابة ومواصلات ... المشترك يلي بيتديّن قبل ما يخلص الشهر بياكل فلقة على قفاه وبيكتب "ما بقى اسرق من المال العام" ١٠٠ مرّة على اللوح.
شو هل الجحيم يلّي مش عم نقدر نطلع منه... الثورة سقّطت حكومتين لهلّق وبعدن الطبقة الحاكمة ما فهموا انو المنظومة القديمة انتهت. بعدن بيجتمعوا نفس الاشخاص والاسماء بنفس القصور ليحموا حالن ويرجعوا عالسلطة وكأنو ما صار شي. دوامة ما الها نهاية.
اي سياسي بيقول انا مع الناس وخايف عالبلد بزقوا عليه...
يلّي خايف عالبلد كان شكّل حكومة فوراً
يلّي خايف عالبلد كان بلّش بالمحاسبة
يلّي خايف عالبلد كان أعلن حالة طوارئ اقتصادية وجبر مافيا المصارف يحلّوا مشاكل الناس
إنتوا مش خايفين عالبلد، خايفين على كراسيكن وبس.
#لبنان__ينتفض 🇱🇧
شوارع واشارات مطفية واحياء معتمة، الناس بالبيوت بلا كهربا... النوم بعيد والبال مشغول على بكرا والحالة نفق مظلم بلا بصيص امل. التاريخ رح يكتب عنكم يا فاشلين يا حرامية يا بلا ضمير انو حوّلتوا لبنان الجنة الى جحيم وكابوس.