ياللي لك الشعر يُكتب و المشاعر تذوب
الشوق ماهو بـ يرحم و الطواري بلا
تعال، ما فيه واحد خالي من الذنوب
اما كذا مواصل العشاق ولاّ فلا
ان كان للحب دوله تستضيف القلوب
من غيرك اباييعه و اقدّم لْه الولا
انا معك خاطري واسع و صدري رحوب
حتى لو اني حزين و خاطري ما سلا
يا ظني ليا من خبت بقول لك معذور
انا عند كشف الاقنعه ما معي خبره
من الضيقه اللي قد لها حول ٥ شهور
حسدت المهادي… يوم ما ملّ من صبره!
ادور على اللي يجبر الخاطر المكسور
و اثر خاطري المكسور ما ينلقى جبره
يا ليت القلم يقدر يلّخص جميع شعور
بـ صدري كلامً لو كتبته خلص حبره
اهمّ من الجروح الموجعه ضيعه هقاوي الحب
و لا اهمّ من الهقاوي الضايعات الا،، مضيعها
مريض الحب لو ياخذ جميع الادويه فـ الطب
علاجه : كلمةً ما ودّه ان الناس تسمعها
الجديد قبل رمضان😅
اللي يقول الحب كذبه جات من وحي الخياال
ما جرّب شعور السهارى في الليال المظلمه؟
القلب تقدر تخلف شعوره ذعاذيع الشمال
وشلون ما تخلف شعوره ضحكه.. ترد نسمه!!
اييييه ياللي كل ما جيت ابالغ في القصيد
شفتك ابلغ من قصيدً على بالي طرى
فارق بـ منطوقك اللي على ��ينك يزيد
مثل ما يفرق عن المدن صيت ام القرى
انت لو تغيب عنّي و تتركني وحيد
والله ان يبطي بي الجرح منّك ما برى
حافظً حبّك و مخفيه في مجرى الوريد
كن ما به عين شافت ولا حيً درى
يا ليت حلم الحقيقه مثل حلم المنام
ان طال ماياخذ الا يوم و احققه
يا حلمي الصعب تستاهل جزيل السلام
انا جعلتك صعب لأن عندي ثقه
بحققك بـ العزم واصير قد المقام
ما هو بـ انا اللي تثور فـ الخبا بندقه
الحلم لا صار ليلً مغتشيه الظلام
العزم مثل الصباح وشمسه المشرقه
الشعور اللي يجيني بعد فرض الصلاه
ليته يجيني ليا جات حزّات القشر
اتصدد من كلام الضعيف و من خطاه
ماهي بـ صدة مروّج سمع صوت فلشر
صدة اللي لا لقى ما ينزّل مستواه
يترفّع كنْه عايش مع خير البشر
الغبي لا جاته الزلّه يبيّح خفاه
و الذكي يكتب على الصدر ممنوع النشر
يا حظ اللي يجيه الحزن بس تالي عصير
انا خاطري ما يربط الحزن في المدّه
اعيش الامل و اتصنعه في عيون الغير
لو ان الحزن في خاطري واصلً حدّه
معي حسن ظن وطيب فال و سعة تدبير
و بيتً ليا حدتني ايامي اعدّه :
ورا كل جانب شر لا بد تلقى خير
و ورا كل جانب خير خيرات ممتدّه
كلام الردي لا يمكن يضايق الرجال
انا والله ان كلمته بالعكس تفرحني
تقفاّني الحاقد بعد مالقى مدخال
وهو يحسب انه لا تكلمّ بيجرحني؟
يجيني ويمدحني واثر نيته يحتال
وانا قبل مدحه فعل يمناي مادحني
مدحته و انا اللي كنت احسب انْه طيب فال
عسى الله في ما قاله لساني يسامحني
مثل ما يخاف الذيب من ريحه البارود
انا اخاف من طاري المفارق ومن وقته
يا من تخطف قلوب البشر ب العيون السود
ما خفت الله ب قلبً مع الحب وهقته؟
طواري وحزن وضيقهً مالها مردود
هذي كلها فـ القلب من يوم فارقته
هقاويّ خابت فيك يا مقدّم الاعذار
تحسب ان خطاك.. اعذارك العوج دامحته؟
تهقويت فيك وقلت هذا الرفيق ( البار )
اثر فيه حرفً سود الايام ماسحته!
سألت الزمن عن طبعك وقال بـ استهتار
بعد شفته يهوجس و يلعب بـ مسبحته
"رفيق المصالح كل ما جا و لف و دار
عطه ما يبي خلّه يفارق ب مصلحته"
ماطاح عزم الكفو لا طاح عزم الضعيف
مع كل صعبه يقوى بالعزم مرتبه
واجه ظروفك وخلكّ ب المواجه عنيف
والي يردي عزومك حاول تجنّبه
الوقت مثل المعزب وانت محسوب ضيف
والضيف دايم يجي في حكمه معزبه
ليي
@almhawrat
استلم
الشايب يدورّ عجوز ولا يدور عيطموس
يقلط لها اللي داخل الميدان يعجب عينها
ان كان ماتقدر تلبسها من جداد اللبوس
الله يعينك والعجوز الله عليك يعينها
مافيه بشر ما احتاج او مرت عليه الحاجه يوم من الايام فلذلك يقول خالد بن مبارك
الحاجه ام الاختراع ، والاختراع
مايدري ان امه تهين الطيبين
شاركونا افضل ماقيل في الحاجه
جزاكم الله خير جميعاً و اشكر كل من شاركنا التعازي بالحضور و الاتصال و الرسائل و اسأل الله ان لا يريكم مكروه في غالي او عزيز , و رحم الله موتانا وموتى المسلمين اجمعين
ادعوله بالرحمه لعلها ساعه استجابه
انا لله وانا إليه راجعون
انتقل الى رحمة الله
عمي ووالدي مبارك محمد ال خشمان
نسأل الله له الرحمه والعفو وأن يسكنه فسيح جناته
الدفان بعد صلاة العصر
العزاء في المقبره
51616101
66511101