إلى كل البني آدمين اللي شعركوا كيرلي أو اكرت احب اقولكو ان أمي شعرها أكرت و أنا كنت اكرت قبل ما أبقى اقرع 😅و باعتذر لو سببت آي حساسية.. الموضوع مالوش أي دعوه بشعركوا التحفة الجميل اللي ربنا خلقه كدا .. أنا اقصد واحده بس خانفه و كارته استهزئت بمصر فقلت اردحلها شوية بالبلدي 👊🏽
أي فنان عارف انه من غير جمهوره هو ولا حاجة و صفر على الشمال وإن من تواضع لله رفعه
باعتذر بشدة لكل الناس اللي اتضايقت من الفيديو اللي انتشر و باعترف أني كنت غير موفق تماما في اختيار الألفاظ و لكن الصورة والله ناقصه و كان كل نيتي عدم تمييز حد عن حد اثناء الحفلة
انا اسف مرة تانية 🙏🏼
اسراء كانت بعتتلي على فيسبوك انها نفسها أني احضر فرحها و الحمد لله قدرت أنفذ طلبها و ربنا قدرني إني اغنيلها في فرحها امبارح هي و عريسها عمر
الف مبروك يا اسراء ❤️
النهارده قلبي معاك يا زمالك .. موسم كبير و فرقة رجالة و إدارة مستقرة .. متفائل و حاسس إن الزمالك هيجيب البطولة النهارده إن شاء الله
#الزمالك_نهضة_بركان
#الزمالك_بطل_أفريقيا
🇦🇹 🇦🇹 🇦🇹
وعدت حبيبة على تويتر إن خلاص فرحها عندي.. و الحمدلله امبارح وفيت بوعدي و غنيتلها في فرحها هي و احمد.. الفرح كان في #بنها و كان ماشاء الله تحفة و هما انبسطوا جدا الحمدلله ❤️ الف مبروك
تفتكر الرجل المزنوق في المترو عايز يتزنق في المترو .. اول اللي بيروح يقبض مرتبه في طابور مالوش اول من آخر دا بمزاجه ؟! يا أستاذ يا اللي قعد بتتفرج على نتفليكس و متضايق من سرعة الإنترنت .. عايز أقولك ان الناس دي هي اللي شايله حضرتك و من غيرهم حضرتك مش هتلاقي بلد أصلا .. شكرا
من موقعي هذا .. أحب أعلن للمرة ال ١٨ الف إن والله العظيم مافيش البوم قريب و ان انا في خلال سنتين نزلت لغاية دلوقتي ١٠ أغاني منهم ٩ متصورين فايه فكرة الألبوم خاصة مع انقراض الكاسيت وال CD .. ممكن تعملوا playlist فيه ال ١٠ أغاني و اعتبروه البوم 😊 وانا مش زعلان والله انا مش زعلان
مسلسلات حلوة و مواضيع مختلفة و حاجة زي الفل .. بس عشان تملى ٣٠ حلقة بيتم تعذيب المشاهد في مشاهد تطويل و مط بتقتل المتعة تماما .. لو رمضان اتقسم ١٥ حلقة مسلسل و ١٥ حلقة مسلسل تاني هتفرق كتير و ناس اكتر هتشتغل و المحتوي هيكون احسن بكتير
اللي نازل في مصر وفاكر انه كل مره بيعمل ثورة زي اللي مبيحرمش من الجواز .. كل لما يقولولوا بلاش يقولك بس دي مختلفة عن كل الستات اللي قابلتهم قبل كدا 🤷🏻♂️
بغض النظر عن ان الجواز حلو طبعا 😅
النقطة التانية ان حاولت أقول للشخص اللي انا كنت باكلمه ان ماينفعش نتصور عشان الناس دي كلها لازم تتصور تلات مرات برا الميك و لكن هو كان لحوح جدا و مصمم و كان صوته عالي جدا و بيزعق و انا مش عارف اغني فللأسف قلتله كدا بحسن نية و للأسف كل الكلام دا مش باين في الفيديو ..
#اعتذار
انا بالنسبالي انه #محمد_صلاح بيقول لجماهير #مصر مستنينكوا في كاس العالم اللي جي دي بارقة الأمل في الكورة المصرية اللي هاعيش عليها.. #تقدر #تقدر_تاني_يا_صلاح ودا مايمنعش ان #كوبر بردو ابن وسخة و خلاني اشتم لأول مرة على تويتر مرتين في ساعتين
هو الناس بتحور في ايه ؟ تحرش يعني تحرش !! هنجمله و هنبرره ليه و الأهم من كدا إزاي .. ؟ المتحرش دا ميني مغتصب .. المتحرش دا مش مريض .. دا مرض لازم يتشال و يقتلع من جذوره .. الست زي الرجل تعمل اللي هي عايزاه زي ما الرجل بيعمل اللي هو عايزه .. كفاية ازدواجية و جهل بقى
في واحد يقدر يستحمل و يدوس على نفسه و يقلل مصاريفه و في واحد هيستغنى عن بعض الرفاهيات و هيبقى تمام و في واحد هتبقى مش فارقة معاه خالص و في واحد متشعلق في قشاية و مش عارف هيعوض فرق الغلا دا منين.. يا ريت كل واحد يخلي رأيه لنفسه عشان احنا مش عايشين في بيوت بعض والبيوت والجيوب اسرار
هحاول اقولها تاني.. لو كل إنسان شاف الإنسان الآخر زي مابيشوف اللي جوا نفسه نظرته للحياة و البشر هتختلف.. يعني يبرر اخطاء الآخر زي ما بيبرر لنفسه، يقدر ضعف الآخر زي بيقدر ضعفه، يطلب المغفرة و الفرص التانية للآخر زي مابيطلبها لنفسه كانت حياتنا بقيت مسالمة و بسيطة جدا
الإخوة اللي عايزين يبقوا ملحنين أو شعراء اللي بيبعتوا على الواتس الآب الخاص و يكلمك فجأة على انه متربي معاك و إنكو كنتوا مع بعض في المدرسة و يبعتلك إسهال من الأغاني و سبحان الله كلهم الجو بتاعك و لايقيين عليك و باعتهملك مخصوص .. بلوك مع جزيل الشكر
#اسمع_الخيال_دا_يانجم
صاحبي و اخويا الكبير النضيف الجدع الطيب..لسه زي ما هو ما هو من أيام المدرسة ..شرف ليا ان أنا أكون جزء من تاريخك الكبير و ونعمل الأغنية دي و احنا كبار و محققين أحلامنا زي ما كنا بنتخيل و احنا صغيرين
و بصراحة طلعت مخرج جامد اوي يا تيمو
#اختراع نازلة بكرة ان شاء الله
@tamerhosny
انا اسف أني نزلت صورة شخصية على الانستجرام .. انا برا مصر و لسه عارف من شوية اللي حصل في #محطة_مصر
تم ازالة الصورة و بأعتذر مره تانية ..
رحم الله الشهداء و ربنا يصبر الجميع
طول مانت باصص للي حوليك مش هاتعرف تتحرك، تركيزك هيبقى مع حركتهم مش حركتك و لو باصص تحت رجلك هتحس انك مشلول و هتتعكبل، و لو باصص وراك هتخبط في اللي قي وشك.. فبص قدامك و امشي في سكتك.. بص يمينك و شمالك و انت بتعدي الشوارع بس ..
اللي خلق الإنسان مصنفوش على اساس دينه او لونه او عرقه او شكله او فلوسه او شغلته او أفكاره او تعليمه او بلده او فرقة الكوره اللي بيشجعها ! التعصب بينسينا إن اللي خالقنا موجود جوا كل واحد فينا، كل نَفَس على الأرض عايش فيه الخالق. كفاية بقى إساءة آدب مع الكون و قوانينه الفطرية.
انا اللي بحب أشكركم على التويتات الحلوة دي و إن اَي فنان من غير جمهوره بيبقى ولا حاجة معلش هي جملة ملزقة شوية بس دي الحقيقة 🤚🏼و ان الجمهور هو البنزين اللي بيخلي الفنان يحاول و يعافر ر يطلع أحسن ما عنده و بعدين إنتوا مش عارفين ان انتو نور عنينا ولا ايه😅
#في_حب_الجمهور❤️
محمود العسيلى – ملايين | (Mahmoud El Esseily – Malayeen (Exclusive Music... via
@YouTube
الصيف داخل .. متهيالي دا وقتها .. 🕺🏽 💃
#ملايين أغنيتي الجديدة ❤️
إن شاء الله تعجبكوا 🙏🏼🙏🏼
الخطوط التركية حولت إجازتي اللي مستنينها من اول السنة لكابوس .. رحلة القاهرة اتأخرت فضيعوا عليا رحلتين ترانزيت و تاني يوم ضيعولي شنطي كلها و ونزلت اسبانيا مش حيلتي غير الهدوم اللي عليا و بقالهم ٣ ايّام محدش عبرني.. رتويت عشان #هدوم_العسيلي_ترجع 😂
@TurkishAirlines
لو فكرت شوية: إن كل إنسان عنده نقط ضعف زي مانت عندك نقط ضعف.. إنه عنده عيوب زي ما حضرتك عندك عيوب.. انه بيخاف من حاجات مالهاش مبرر زيك بالضبط .. بيعمل حاجات وحشة اوي.. بيغير و ينفسن و يكره و يغلط بس في حاجات حلوه اكبر بكتير بردو زي اللي عندك
لو شوفت دا .. الحياة هتبقى اسهل بكتير
الله على #مصر و هي متجمعة و على إستاد القاهرة اللي كان منور امبارح و شكله زي أي استاد من الإستادات الكبيرة اللي في أوروبا .. الله على حفل افتتاح عالمي يمكن يكون أحلى من افتتاح كاس العالم اللي فات .. فخور بولاد بلدي اللي اشتغلوا على كل دا .. حاجة تفرح و تشرف
اعزائي طلبة تجارة إنجليزي بني سويف ..باشكركم جدا على الهاشتاج #وافق_يا_عسيلى و المجهد اللي إنتوا بذلتوه .. و انا حاولت إني اشوف حل في يوم ٧ ٤ و لكن طلع صعب جدا عشان عندي ارتباطات تانية و للأسف انا مشغول جدا لغاية رمضان .. بحبكو جدا و تتعوض ان شاء الله ❤️❤️❤️
#محمد_صلاح هتفضل فخر مصر و احنا وراك لحد جائزة احسن لعيب في العالم ولو حد هاجمك عشان انت بجد كبير اوي اوي و المسؤلية عليك كبيرة
هتفضل #حلم_ال١٠٠_مليون
@MoSalah
🇪🇬
كنت بقرا لابني سلسلة كتب قديمة للأطفال كانت عندي .. و من ضمن القصص قصة قارون .. استوقفتني القصة دي عشان الجبروت بتاع البشر لما يفتكروا انهم آلهة على الارض و بينسوا انهم في الآخر بشر ممكن ينتهوا في لحظة.. غرور البشر الخطيئة المفضلة للشيطان .. اللهم احفظنا
يعني ايه ان احنا ممكن في #سنة٢٠٢٠ نمنع نوع كامل من المزيكا و لا وايه اكتر نوع مزيكا مسموع في الشارع المصري .. ليه منقننش الأوضاع و البلد تكسب منهم فلوس و هما يعمله فلوس و يبقى في رقابة عادلة و مظبوطة على المحتوى بدل ما ندبح جيل كامل فيهم ناس موهوبين بجد و ان كانوا قلة..
بعد كدا اشوف واحد بس فيكو بيشتكي من كتر الشغل او زعلان انه مش فاضي او ان السكة زحمة او انه زهق من الخروج .. حسابه هيكون عسير .. عسير جدااا 😀
الحياة بصعوبتها.. بحلوها و مرها نعمة كبيرة اوي الواحد ساعات كان بينسى انه يقدرها و يحبها
في الحاجات اللي انا باتفرج عليها #طايع اقرب مسلسل لمستوى الحاجات اللي بنشوفها برا .. سريع و غير متوقع و اهم حاجة مشاهد الحشو اللي فيه تعتبر قليلة اوي .. و احلى حاجة ان كل الوجوه الجديدة اللي فيه وحوش تمثيل و #عمرو_عبدالجليل .. حضرتك #في_حتة_تانية
تحياتي إلى كل فريق العمل
#ادعم_محمد_صلاح الرجل المحترم .. اللي عمل لمصر حاجات معملتهاش اجيال كاملة في جميع المجالات .. مالكوش دعوة بالرجل دا 🇪🇬
#صلاح_في_حتة_تانية #صلاح_خط_احمر
@MoSalah
اول ماتلاقي بنتين حاطين بوستات لبعض على الانستاجرام :
My angel
The cutest
The purest
اجدع واحدة
احلى واحده.. والذي منه
تعرف ان بنسبة ٩٠ في المية في ضرب نار هيحصل و قريب
لينا: احمد إديني الفوطة اللي جنبك دي..
احمد: مين حضرتك ؟
لينا: انا لينا يا بيبي .. لولو حبيبتك .. مالك في ايه.. ؟
احمد: انتي أكيد مش لولو .. لولو في البحر
لينا: ايوه يا بيبي مانا كنت في البحر و طلعت
#قصة_قصيرة_حزينة
انا اكتشفت ليه بحب اسافر كل لما اقدر .. لقيت انه السبب الاول و البسيط جدا إن انا بسافر عشان أفتكر اني بني آدم ليا حقوق المعيشة العادية جدا .. بأعرف امشي على رصيف في الشارع و باشم هوا نضيف و باركب مواصلات عامة زي الفل و باتفسح في جناين ببلاش و بامشي في الشارع على رصيف .. اه تاني