فيصل وخلف :
نجوم نحتوا اساميهم في ذاكرة كل مشاهد
نجوم من العيار الثقيل ، تعلمت منهم الشي الكثير كسبت خوتهم ومعرفتهم ولله الحمد مع باقي اخواني المشاركين 🤍
انتوا النجوم وانتوا الفرسان ❤️
#فلاح_بن_فراج | #فيصل_بن_طلال |#خلف_القحطاني
ياجاعلٍ قلبي على ركبه وساق
لا ياوجودي من غيابك ويا مل
مشتاق لكن ما اقدر اقول مشتاق
على العموم اقلط وسط قلبي وزل
ادريبك تجاهد غثى وقتك الشاق
انسف همومك لا تضيق وخذ وخل
راقب شروق الشمس في وقت الاشراق
وتفائل وخلّك طموح وصم وصل
صدقني إن أول محطات الاخفاق
ايمانك ان المشكلة مالها
نايف الرفيدي :
غير عن افضليته في الريلتي يعتبر من المواهب
اللي اثبت نفسه وتوافقت عليه الآراء
سواءً في مبادراته او فقراته اللي يقدمها
له مستقبل كبييير باذن الله ❤️
صبحتوا بالخير ياخواني وخواتي طلعت من القناة لمدة 24 ساعه لظروف خاصة، لكن الظروف ماتمنعني اخذ علومكم خلكم قريب يمكن افتح سبيس او بث ❤️
#البزنس62 #فلاح_بن_فراج
المدعو : خلف القحطاني
بالرغم من اختلافي الكثير معه ومشاكلنا الكثيرة
ولكن هذا الشخص يمتلك كاريزما عظيييمة
قدام الشاشة
والله انه مكسب حقيقي و والله اني فرحت له❤️
من بكرة ابتدي مشوار جديد مع اخواني
النجوم في برنامج الروشن على قناة الواقع
واللي بيكون طيلة شهر رمضان .
يارب توفيقك ، دعواتكم يا غالين🤍
#فلاح_بن_فراج_فالروشن
صديقي اللي ما اشوف انّه على ما يرام
حنّا ترانا على كل الخطـاوي سوا
امّا اعتبرها نصيحه لقّـهـا الاهتمام
ولّا اعتبرها هروج ولقّـهـا للهوا
اذا تبي الشهرة اللي ما عليها كلام
اتعب على الطيب لا تتعب على المحتوى :)
شفت مقطع للمتسابق : احمد بن خلدا
وقال للجنة قصيدة ومنها
بيت يقول :
جيت واحلامي تحت رجوا ثلاث شهور
هاتوا التسعين يوم احقق احلامي !
احفظوا الاسم هذا زين .. بيكون خطير جدا جدا :)
#سكربت2
الحمدلله دائماً وابداً ..
خطوة جديدة وتحدي جديد ❤️
ترقبوني في تقديم فقرة المضيّف في قناة الواقع برفقة الغالي
@alp7e7
اربطوا الاحزمة واستعدوا لـ الاقلاع ✈️
تخيل ان "كذبة ابريل" حقيقة وتقدر تستخدمها :
بحيث انك تختار موقف او حادثه صارت لك
وتكون تقدر تخليها "كذبة ابريل" ويكون هذا الحدث كذبة وينمحي من حياتك .. وش راح يكون الحدث او الموقف ؟
عرفت ابو هذال في فترة قصيرة
ولكن يعلم الله اني شكرت الايام اللي عرفتني
عليه .. ومن خلال معرفتي به عرفت انّه شخص
اذا دخل "معترك" لايقبل إلّا بـ الاول 🥇
من هنا اقول : مبروك لـ شاعر المليون تواجد
الجميل والغالي #عمر_هذال ❤️
@omar_hathal
#شاعر_المليون11
يسألني صديق عزيز علي جداً وابي مساعدتكم 👍🏻
يقول لي :
ابي اسوي خبيئة تكون بيني وبين الله سبحانه
لعلها تشفع لي عنده .
-السؤال :
وش افضل خبيئة ممكن تكون بينك وبين الله ❤️ ؟
لو لم أخرج من هذا البرنامج بغير كتابة هذه الكلمات الراسخة في ذاكرة جميع من شاهد هذه النسخه لكفتني ❤️
" واقعيتنا على الواقع جميييله "
#فلاح_بن_فراج #البزنس72