Ahmed Samir Ead
@ahmedsamiread
Followers
330K
Following
46K
Media
5K
Statuses
39K
I teach lots. Host of #1 podcast in Egypt on @applepodcasts. Dude behind the Egychology channel on @Youtube. Views are my own.
Joined July 2011
و بفضل الله نجحنا و بقينا اقرب لاننا في يوم من الايام نكون دكاترة جامعة. رحلة نور الظلمة تستمر!.شكرا لكل الدعوات! ممتن ليكم جميعا! :)
613
243
24K
كمان ٤٨ ساعة هكون بمتحن اخر امتحان ليا في حياتي. ديه اخر مادة في الدكتوراه و بعد ٢٠ سنة تعليم، اخيرا وصلت لآخر المطاف. اللى يشوف التويتة ديه يدعيلي ربنا يكرمني و يوفقني في الامتحان ده ان شاء الله، و يجعل الخير كله في الخاتمة. شكرًا!.
408
981
16K
ازاي يذيعوا حاجة زي ديه؟.
- لا خلاص بنتنا كبرت و عقلت .- طبعا .*after 5 minutes*
154
511
15K
الحمد لله رسميا بقيت master of science بعد حصولي على شهادة الماجيستير!.رحلة كانت صعبة بس اتعلمت كتير و شكرًا جدا لكل الناس اللى وقفت جنبي و ساندتني.
521
500
15K
التايملاين كله فرحة من اهل فلسطين و سعادة غامرة. الحمد لله على نعمة فلسطين و اهل فلسطين. عيدكم مبارك يا اهل فلسطين و قريبا هنفرح فرحة الانتصار على الاحتلال.
65
2K
15K
انهاردة اديت اول محاضرة ليا كدكتور و الحقيقة يعني حبيت اشارك معاكم فرحتي بالتدريس و اطلب منكم تدعولي بالتوفيق التيرم ده. :).(و لسا طبعا هيبقى في حلقات ان شاء الله في ايجيكولوجي و بودكاست علمي جدا)
413
160
13K
في وسط صوركم الجميلة في العيد، اسمحولي اشارك صورتي. عيد مبارك و منوّر عليكم يا ناس يا جميلة. :)
127
57
12K
في وسط صوركم الرهيبة، اسمحولي اقول عيد مبارك و منوّر عليكم يا ناس يا جميلة. :)
132
31
12K
عمرك ما هتكتشف قد ايه انت بحب شخص لحد اما تلاقي نفسك بتدعيله/بتدعيلها في السر و بتتوسل من ربنا كأنك بتدعي لنفسك.
43
2K
12K
خلال مغامراتي في الماجيستير، اتعلمت حاجات كتير جدا و فرحتي بالشهادة لا توصف. بس كم الحب و الدعم اللى شوفته هنا في اليومين اللى فاتوا فكرني قد ايه ربنا كارمني بناس بتفرح لفرحي. انتوا جزء كبير في رحلة نوَّر الظلمة و انا فعلا ممتن لكل واحد فيكم. الحمد لله، بقيت Master of Science!
265
505
11K
اطفال بتموت في فلسطين و في ناس تقولك "لازم تبص على الموضوع بحيادية." مفيش حيادية تبرر قتل اطفال. مفيش حيادية تبرر انتهاك اعراض الفلسطينيين و مقدساتهم. الموضوعية اللى البعض بيتكلموا عنها حجة للهروب من الحقيقة البشعة اللى اهلنا في فلسطين بيمروا بيها دلوقتي. #فلسطين.
122
3K
12K
بمناسبة الهالوين و الخوف و كدا، في دراسة سألوا الناس عن اكبر مخاوفهم. و بالرغم من ان في ناس قالت الموت مثلا، اكبر خوف عند الناس إحصائيا كان فقدان حد عزيز. بمعنى اننا بنخاف نخسر الناس اللى بنحبها اكتر من اننا نفسنا نموت. و ديه فيها لفتة إنسانية جميلة جدا.
63
4K
11K
تخيلوا معايا كدا خوف بنت راجعة من الجامعة بليل و الشارع ظلمة و في شوية شباب قدام بيتها. تخيلوا خوف بنت بتركب وسائل مواصلات و هي محشورة بين ٥ رجالة و كلهم بيبصوا عليها. ازاي حد يبرر الخوف ده؟ ازاي يبرر ان بنات الناس تعيش في الرعب المستمر ده؟ و يحاربوا عشان الخوف ده يبقى؟.
102
1K
11K
باقي من لحظة كتابة التويتة ديه ٢٢ ساعة و نص بالضبط على امتحان الدكتوراه بتاعي (اللى مدته ٣ ساعات). اسف اني ازعجتكم بالموضوع ده كتير، بس مش حابب ان حاجة كبيرة زي ديه تعدي من غير ما الناس الجميلة اللى على تويتر تكون جزء منه. و جزء الدعاء ده جزء لو تعلمون عظيم. كل دعوة بتفرق. :)
347
155
11K
انهاردة في صلاة الجمعة الخطيب قال حاجة اسعدتني جدا: لو انت من الناس اللى بتلجأ لربنا في وقت الحاجة او الضرورة، متتكسفش من كدا. اه المفروض تكون قريب لربك طول الوقت، بس فكرة انك بتروح لربنا لما بتحتاج مساعدة معناها انك مؤمن فعلاً انه الوحيد اللى يقدر يحل مشكلتك. لفتة جميلة بصراحة.
30
3K
11K
جمال ده ولا مش جمال بالله عليكم؟.
92
1K
11K
هل الدكاترة/المدرسين بيتلذذوا كدا لما يحطوا امتحان الطلبة تطلع منه مش طايقة نفسها؟.فين المنطق في انك تخلي شاب/شابة يندموا على الكلية/التخصص/التعليم من اصله؟.ليه نِفسك كدكتور تثبت ان المذاكرة لا معنى لها؟ ايه المغزى؟ مين المستفاد؟.التعليم المفروض يشجع الناس مش ينفرهم منه.
197
3K
10K
كمان ٣ ايام بالضبط عندي اكبر امتحان في حياتي و في مهنتي لان اكون دكتور جامعي ان شاء الله. الضغط اللى الواحد حاسس بيه مع الارهاق النفسي و الجسدي اللى وصلتله مش لطيف خالص، فلو تسمحولي استأذنكم تدعولي بالتوفيق، هبقى ممتن جدا. شكرا. :).
349
147
11K
بننسى نقول الحمد لله و نعم ربنا علينا لا تعد ولا تحصى.
32
3K
10K
السوشيال ميديا غيرت مفاهيم كتير اوي. الجمال بيتقاس قصاد ممثلات بيدّفع فيهم آلاف عشان يتعملهم شكل معين لمجلة. النجاح بيتقاس بعدد الناس اللى بتابعك مثلا. الغنى بيتقاس بالمكان اللى بتعيش فيه. حتى مفهوم "الصح" دلوقتي بقى قابل للتغيير بناء على ما يراه الناس مقبول. و ديه حاجة محزنة.
50
3K
10K
شوف لو حتى الحاجة الوحيدة اللى تقدر تعملها للقضية الفلسطينية هي انك تنشرها و توعي الناس بيها، فده برضو افضل من انك تتقبل الوضع و متحاولش تغيره بحجة ان موقفك مش هيفيد. موقفنا بيمنع ان القضية تموت و ده في حد ذاته مهم.
60
3K
10K
انهاردة انا نجحت في مناقشة الماجيستير و أصبحت Master of Science الحمد لله!.(ده السيف اللى دافعت بيه عن بحثي)
312
526
9K
خطيب صلاة الجمعة قال حاجة جميلة انهاردة: اَي مشكلة انت بتمر بيها اعرف ان ربنا سبحانه و تعالى هو اللى عايزك تقع في المشكلة ديه لانه عارف ان في نهاية الامر في خير ليك. مش مهم تعرف ايه الخير، المهم تفتكر ان ربنا سبحانه دايما واخد باله منك. المصائب و المتاعب هتمر. توكل و اصبر.
48
3K
9K
شوف لو مشهد زي ده شوفته و قررت اراديا او لا اراديا تسكت، فاعرف ان المشكلة مش بس في الصهاينة. #انقذوا_حي_الشيخ_الجراح #فلسطين_قضيتي #فلسطين.
218
5K
10K
في اللحظات اللى بدخل فيها لايفينت، بحس بمشاعر كتير. سعادة، فخر، قلق، توتر. بس مهما احس بيه دايما بلاقي الابتسامة مش عارفة تفارق وشي. اللهم اجعلني كفؤاً لحب الناس. اللهم استخدمني و لا تستبدلني. اللهم أكرمني في رحلة نوَّر الظلمة. #ايجيكولوجي
134
408
9K
بعض الحقائق اللى غالبا محتاج تسمعها:.- عادي يكون جسمك مش احلى حاجة.- عادي تكون بتoverthink حاجات حصلتلك او احتمال تحصلك.- عادي تحس انك مش محقق اللى عايزه في السن ده.- عادي انك فجاة تحس بقلق بدون سبب. السوشيال ميديا ممكن تحسسك ان الحاجات ديه مش عادية. بس الحاجات ديه عادية جدا.
32
2K
9K
اقوى اكونت على تويتر بلا منازع.
أردت الذهاب الى السباحة لكن أمي منعتني فقلت لها لماذا؟.فقالت لأن السكر يذوب في الماء .
50
637
9K
اسوأ حاجة في الارق هو انك من كتر التفكير بتتعب. بتحس بهبوط من كتر ما مخك عمال يقلق من حاجة على الاغلب مفيش في ايدك حاجة تعملها. بتوصل لحالة من الزهق مش من اللى مضايقك، بس من مخك. من نفسك انك سامح لمخك يعمل فيك كدا. و احساس العجز امام قدرة مخك على التفكير الهوسي صعب جدا الحقيقة.
53
3K
9K
المفروض و انت بتفتح انستجرام مثلاً يبقى فيه تنويه بيقول حاجة زي: "مثالية انستجرام التي تراها ما هي الا تزييف لحقيقة العالم، فلا تقارن حياتك او تسعى لهذا التزييف.".
42
2K
9K
والدي قبل امتحان امبارح بعشر دقائق بعتلي قالي انه عايز يقولي حاجة: قالي اني عملت اللى عليا و انه راضي عني. لما اهلك بيقفوا جنبك بتحس بان الخير كله موجود في حياتك. حتى لو انت عارف ان حياتك فيها مشاكل، رضاهم بيغني عن كتير من ارق و هم الدنيا. الحمد لله على نعمة اهلي.
47
1K
9K
انت متخيل انك دلوقتي حالا ممكن ترفع ايدك و تطلب من ربنا يغفرلك كل ذنوبك و في لمح البصر كل حاجة تتشال؟ كل غلط يتغفر؟.نعمة التوبة ديه حاجة عظيمة والله لو نعلم بس. .
22
2K
9K
فكرة ان شخص بياخد من وقته و حياته عشان يرد عليك on time لما تبعتله ديه حاجة جميلة جدا. بتحسس الشخص اللى باعت ان انت قيم عنده لدرجة ان الnotification بتاع اسمك كافي اني يترك اللى بيعمله و يرد. تقدير الشخص و احترامه مش لازم تبقى حاجة معقدة.
51
3K
9K
قصة احتلال فلسطين، خلال اليومين اللى جايين ان شاء الله.
192
311
9K
لو انت بتقرأ الكلام ده، فحابب يعني افكرك ان هموم الدنيا لا تساوي شيء. عارف انك غالبا سمعت الكلام ده و لكن الself care في هذه الفترة المليئة بالصعوبات مش حاجة اختيارية بس حاجة اجبارية. للتذكرة يعني مش انانية خالص انك تاخد بالك من صحتك الجسدية و النفسية. :).
30
2K
9K
سايكولوجية لوم الضحية ديه لازم تتدفن. علماء النفس بيشرحوا الموضوع بانه محاولة من العقل لتفادي التفكير في احتمالية ان ده يحصلك. بس الكارثة ان بالسكوت و بانك بتلوم الضحية، انت بتشجع الفعل الفاحش. بتشجع الغلط و بتساهم في نشره لحد اما لا قدر الله هتبقى انت الضحية. اقفوا للحق.
54
2K
9K
انهاردة مشرف الدكتوراه بتاعي كان بيتكلم مع طلبة جديدة معانا في المكتب و في نص كلامه شاور عليا و قال: "اللى انت شايفينه ده مستقبل التعليم. ".و كمية السعادة و الفخر اللى كنت فيها لا توصف. الحمد لله.
118
267
8K
انهاردة في صلاة الجمعة، الخطيب كان بيتكلم عن الحمد و قال حاجة جميلة جدا. قال "الحمد لله ان ربنا كل يوم بيدينا فرصة نبقى احسن". و في وسط نعم ربنا الكتير، ديه نعمة المفروض مننسهاش ابدا والله. الحمد لله.
16
2K
8K
مين هيكون عيد ميلاده الليلة اسعد الاعياد؟.انا! ذا بيرثداي بوي. :)
315
48
8K
بزعل اوي لما بشوف ناس فعلا جميلة مش حاسين بقيمتهم بسبب انهم "لا يقارنوا" بالمشاهير و الinfluencers اللى بوظوا مفاهيم الجمال عندنا. جسمك لازم يبقى بالشكل ده و شعرك بالشكل ده، الخ و لو انت مش كدا يبقى انت اقل. حالة عدم الرضا اللى الناس بقت فيها بالنسبة لشكلهم حاجة حزينة للغاية. :(.
64
2K
8K
الواحد في ظل الصعوبات اليومية بينسى قد ايه نعم ربنا محيطة بيه من جميع النواحي. فالحمد لله دائما و ابدا.
19
2K
8K
لسا قارئ تويتة فكرتني بحاجة مهمة و هي ان احيانا بننسى ان كتير من النعم اللى مبسوطين بيها دلوقتي كان في فترة كنّا بندعي ربنا يكتبهالنا. :).
17
1K
8K
في وسط صوركم الجميلة اللى على التايملاين، اسمحولي اقول عيد مبارك و كل سنة و انتوا في نور يا ناس يا جميلة :)
90
16
8K
امبارح طفل عنده ٩ سنين مات محروق نتيجة لتنمر زملائه. لان والده بيجمع زبالة، زملائه رموه في صندوق زبالة و ولعوا فيه. اخر كلماته كانت استنجاد بامه. تربية الاطفال على احترام الاخرين مش تكرم من الاهل، بس واجب. الاولاد مسؤولية و الواحد خايف يسأل نفسه لو الجيل بتاعنا قد المسؤولية ديه.
52
2K
8K
و انت بتقرا الكلام ده، اخواتك في القدس بيضّرب عليهم و بيحاربوا عشان يحافظوا على المسجد الاقصى و على بيوتهم. كن جزء من القضية و ساهم في نشر الوعي. الموضوع موضوع انساني بحت.
85
2K
8K
بحس ان السوشيال ميديا ليها دور كبير في احساسنا بعدم الرضا بحياتنا. لما بتتفرج على حياة الناس (المثالية) اللى بيعرضوها هنا او على انستجرام، احتمال تحس ان حياتك اصعب من غيرك. بس بعيداً عن مشكلة الselective content اللى بنشوفه، افتكر ان ربك عادل. و ان نعمه عليك لا حصر لها. :).
45
2K
8K
الموضوع بيبقى صعب ساعات، بس يا ريت كل واحد يبقى عنده شخص في حياته يقدر يحكيله كل حاجة بصراحة. لما يسألك "انت كويس؟" تقدر ترد ب"لأ" عادي جدا و تشرحله الأسباب. ككائنات بتحرص على نفسها، نادرا ما هتلاقي الشخص ده. بس لو لقيته، تمسك بيه. الناس إللى بتشجعك تتكلم عن مشاكلك هدية من ربنا.
94
3K
8K
الخطيب انهاردة قال حاجة جميلة جداً في صلاة الجمعة: لو انت كانسان قيمتك متوقفة على غيرك، عمرك ما هتكون سعيد. بمعنى انك لو مستني الناس تعلق على شكلك و تحب صورك او كلامك او اي حاجة من تصرفاتك، هتلاقي نفسك دايماً تعيس. متخليش اي حد يتحكم في احساسك بقيمة نفسك.
27
4K
8K
في ايام كدا تحس ان الدنيا ضيقة جدا عليك. مش بالضرورة في حاجة مضايقاك، بس حالتك النفسية مش مرتاحة لسبب انت مش عارفه. مهما تعمل، كل حاجة عبارة عن حاجة تلهيك شوية عن حالتك، و اول ما تخلص الحاجة ديه، ترجع تفكر في حالتك تاني. بس كله بيعدي. مهم نفتكر ده.
50
3K
8K
البشر ساعات بيفكرونا قد ايه العالم بقى مكان مرعب لنفسك و لأهلك.
22
2K
8K
مجرد بس الاخبار اللى بتيجي عن فلسطين بترهق الواحد نفسيا و جسديا فالواحد مش قادر يتخيل اهل فلسطين بيمروا بايه دلوقتي. اللهم حرر فلسطين. اللهم فرحنا بالعيد بتحرير ارض فلسطين. يا رب هونها عليهم. #GazaUnderAttack #Gaza.
271
2K
8K
انهاردة في صلاة الجمعة الخطيب قال حاجة عظيمة جدا: "قبل ما تخلي حاجة تضايقك او تسببلك ضغط، اسأل نفسك ايه مدى قدرتك في انك تغير الحاجة ديه. و لو لقيت انها برا ايديك، توكل، لان القلق مش هيفيدك اطلاقا.".
30
2K
8K
افتكروا ان من اسماء الله "العدل". ربنا مش بيضيع تعبك و مجهودك. اسعى و ربك عمره ما هيضيع سعيك.
32
1K
8K
و انا شايف الناس بتنفعل لفلسطين و بتشارك بقوة في الموضوع، حابب اذكر نفسي و اياكم ان كلنا علينا مسؤولية نزرع مشاعر الوفاء و الحب لفلسطين في اولادنا. القضية تورث و لن تموت. #فلسطين_تنتفض #فلسطين_قضيتي.
51
2K
8K
أحب اشجع كل طلبة الجامعة اللى بيقرأوا التويتة ديه بأنهم لو مشتركين في نشاطات غير مذاكرتهم يعني يستمروا فيها. الشهادة مهمة اه، بس مش كل حاجة. كم المهارات اللى ممكن تكتسبها لا يوصف. حتى لو انت بتحب اللى انت بتدرسه، أفتكر ان الدنيا فيها حاجات اكتر بكتير من مجرد مجال دراستك.
100
1K
7K
في حاجة في العلاقات البشرية مش واخدة حقها و هي الطمأنينة: فكرة انك عارف كويس ان مهما حصل، شخص معين هيسندك و يكون موجود. متخانقين، متصالحين، متعرفوش بعض كويس، بس عارف ان الشخص ده انت مطمأن ليه. و الصفة ديه لازم تنتشر اكتر. عرفوا الناس من خلال أفعالكم، مش أقوالكم، انكم اهل للثقة.
38
3K
7K
الواحد نفسه لما ربنا يتوفاه يكون راضي عن اللى عمله في الدنيا ديه. يعني نفسي اثري يكون عبارة عن نور. الناس لما تفتكرني، تفتكر الخير اللى ممكن اكون عملته و تدعيلي حتى لو كنت مقصر لاني عارف اني مقصر.
33
2K
8K
في ناس جريئة اوي بصراحة: بشوف ناس بتكتب حاجات زي الحمد لله ان رمضان بيخلص و حقيقي حزين. حزين ان الجرأة على الدين وصلت لمرحلة ان الناس تتكلم بالشكل ده. سبحان الله في الوقت اللى بعض الناس بتتمنى انها تقرّب شوية لربنا، في ناس تحسهم العكس تماماً. اياماً معدودات.
68
898
7K
خلال اليومين اللى فاتوا، في تويتة ليا ضايقت بعض الناس لان لغتي فيها مكانتش صح. اسف لو كان فيها اي تعالي او تكبر، ده مكانش القصد اطلاقاً. ربنا يجعلنا دائماً مصدر نور لنفسنا و لغيرنا. ربنا يسعدكم، عيد مبارك و كل سنة و انتوا طيبين. :).
117
130
7K
بحب اوي فكرة ان ربنا وعد انه دائماً قريب. و من غير شرط. مش مهم تكون كويس او وحش، المهم ان انت عندك حاجة. ده كافي جداً ان ربنا سبحانه و تعالى يقف جنبك و يساندك. كم رحمة لا مثيل لها. و اعرف ان لو ربنا سبحانه و تعالى ساندك، مفيش حاجة في الدنيا ديه هتقدر تقف قصادك.
28
2K
7K
المفروض مستوى الامتحانات تبقى بمستوى شرح الدكتور. لو الدكتور مش كويس في الشرح، ليه يبقى في توقع ان الطالب يبقى شاطر في الاجابة على سؤال الدكتور معرفش يشرح اجابته؟ .منطقياً كدا، لو الدكتور نفسه مش فاهم الحاجة كويس عشان يشرحها كويس، ليه الطالب متوقع يبقى كويس فيها؟.
129
967
7K
في ناس ذكية جداً في حياتها الاجتماعية: عندهم قدرة غريبة يوصلوا احساسهم للشخص اللى قدامهم بشكل غير مباشر. ممكن تكون مشاعر ايجابية او سلبية او ممكن يبقى مدح او عتاب، بس بحس ان الناس ديه عبقرية. انك تقدر تخلي شخص يفكر في اللى بتفكر فيه من غير ما تقولها حاجة في منتهى الذكاء والله.
42
1K
7K
المقارنة سبب رئيسي في الشعور بالتعاسة و عدم الرضا في حياتك.
29
2K
7K
في اقل من ٢٤ ساعة هكون بمتحن امتحان في مادة للدكتوراه مش قادر اوصفلكم قد ايه ثقيلة. اللى يقدر ياخد دقيقة من وقته كدا و يدعيلي دعوة حلوة من قلبه ان ربنا يكرمني، يا ريت لا يبخل. انا عارف اني قرفتكم بالموضوع و ارجو انكم تعذروني، بس عشمي في الناس الجميلة اللى هنا كبير. شكراً جدا.
272
569
7K
كارثة محطة القطر انهاردة حاجة مؤسفة و ربنا يصبر أهالي الناس اللى ماتت و اتصابت. لكن المرعب في الموضوع هو رخص حياة المصري. قد ايه حياة انسان عنده أسرة و بيخرج و بياكل و بيتعامل مع الآخرين ملهاش اَي قيمة. فقدنا انهاردة ارواح ثمينة لكننا تذكرنا رخص حياة المصري.
26
2K
7K
في خطبة الجمعة انهاردة الخطيب اتكلم على الاية اللى بتقول {أَلَا إِنَّ نَصْرَ اللَّهِ قَرِيبٌ} في سورة البقرة و قال ان نصر الله هنا ممكن يكون معناه نصر على هفوات نفسك. لو بتعمل حاجة غلط او في حاجة مش ماشية صح في حياتك، اتأكد ان نصر ربنا قريب منك. و ديه فيها طمأنينة غير طبيعية.
13
2K
7K
حد يقنعني ان في حاجة اهم في حياتنا دلوقتي من اننا نقف مع اخواتنا اللى بيصحوا على قصف بالشكل ده. اقنعني ازاي "الحيادية" بتاعتك بتبرر ده؟ او قولي ليه انت معندكش معلومات كافية عشان تعترض على المنظر ده؟ محتاج معلومات ايه بعد الفيديو ده؟.#GazaUnderAttack #فلسطين.
298
2K
7K
لو لقيت حد في حياتك بيبذل مجهود في انه يسأل عليك و يطمأن، حاول متحسسش الشخص ده ان مجهوده مش متقدر. عيب انك تقول انه مش "الشخص الصح" اللى عايزه يسأل عليك. في ناس فعلاً الصداقة بالنسبالها مسؤولية، و تقدير الناس ديه اقل ما يمكن فعله تجاه شخص كل اللى بيبسطه هو انه يعرف انك كويس.
31
2K
7K
ظروف الكورونا اظهرت جانب مظلم جدا من الناس. طول عمره موجود، بس حقيقي بقى بارز جدا. كم كراهية و تنمر ظهرت مش طبيعية. الحجر المنزلي زوّد بشاعة الجانب المظلم ده و اللى بدوره بيتعب الناس اكتر ما هي تعبانة. شوية رفق مع بعض مع تطبيق "فلنقل خيرا او لنصمت" مهم جدا و خصوصا في الاوقات ديه.
28
1K
7K
الoverthinking حاجة غريبة جدا: فكرة ان مخك بيكون عامل زي سجن يقعد كدا فيه مع نفسه يفكر مرارا وتكرارا في حاجات معينة غالبا مش هتفيد و غالبا مش هتفتكرها كمان سنة. و بالرغم من كره الواحد للoverthinking الا ان صعب "تقنع" مخك يبطل يفكر مثلا. أزمة والله.
53
3K
7K
عودة الدحيح ببرنامج على اسلوب Night at the Museum بس بلمسة الدحيح بتاعنا فكرة رهيبة و متحمس جدا اشوفها!.تابعوه قريبا على شاهد VIP!
57
251
7K
الخطيب انهاردة في صلاة الجمعة قال حاجة مهمة جدا: انت مش بس المفروض تشكر ربنا على الرزق، انت المفروض تدرك مسؤولية الرزق ده و تعطي منه. و الرزق مش معناه فلوس بس، معناه صحة تستخدمها لخدمة اهلك، ذكاء تستخدمه عشان تبقى انسان افضل، الخ. النعمة مسؤولية.
25
2K
7K
كان نفسي والله الشهر الكريم يدخل عليا و حالي افضل من حالي، بس الواحد والله تعبان و مجهد صحيا و نفسيا جدا. يا رب الشهر ده ينقينا و يصفي بالنا و يريحنا من شقاء الدنيا المستمر.
41
2K
7K
عن الرسول -ص- قال: ."يأتي على الناس سنوات خداعات يصدق فيها الكاذب و يكذب فيها الصادق و يؤتمن فيها الخائن و يخون فيها الأمين و ينطق فيها الرويبضة. قيل: وما الرويبضة؟ قال: الرجل التافه يتكلم في أمر العامة.". خلوا بالكم من الرويبضة يا جماعة.
13
2K
6K
لما اهل الشخص يكونوا كويسين، بيطلعوا حد عنده استعداد ينجح في حياته عشان يشوفهم مبسوطين. التربية الكويسة بتطلع شخص مش بس بيسعى لتحقيق غاياته، بس بيحاول دايماً ان الابتسامة و الرضا لا تفارق اهله. شكراً لاهلي انهم بيشجعوني اتعب عشان انجح في حياتي و اسعدهم. الحمد لله عليهم.
19
1K
7K
فكرة انك تاخد قفزة ثقة و تختار شخص عشان تتكلم معاه عن مشاكلك فعلا بتبقى حاجة صعبة. و المشكلة ان اول ما الشخص الاخر مش بيبدي استعداد تام للانصات بتحس ان الشخص ده غير كفء انه يسمع مشاكلك، دلوقتي او في المستقبل. يا ريت تهتموا بالناس اللى بترتاح بالحكي معاكم. ديه أمانة والله.
27
2K
6K
حد بيحس انه شاطر اوي في تقديم نصائح لكل الناس بس برضو شاطر جدا في انه مياخدش بنفس النصائح بتاعته ديه؟.
137
914
7K
افتكروا دايما ان ربنا ممكن يكون بيحط حد في طريقك مش عشان يساعدك، بس عشان انت تساعده. و الله في عون العبد ما كان العبد في عون أخيه. لا تبخلوا على الناس بالمساعدة. :).
20
1K
7K