[أستعداداً لحلقات مناقشة الكتب و علشان انا نفسي ناس كتير تشارك معانا، هعمل حلقة سريعة عن القراءة و ازاي ممكن نستخلص معلومات، هي محاولة انا مش مدرس، الله المستعان 😂]
الواد البراوي و درس قراءة via
@YouTube
الاكلة ديه تقريباً ٦٥٠ كالوري، فيها
شوفان، زبادي، موز، تفاح، مشمش، فراولة، بيريز، وزنها كيلو و نص و اعتقد تكفي وجبتين، ربنا يدمها نعمه
التكلفة اقل من تمن سندوتش طعمية في محل متوسط.
في شركات في امريكا بتعمل بوتكامب مدته ٩ شهور، الطالب بيتعلم فين اساسيات البرمجة و شوية حاجات السوق محتاجة
الشركات ايه كمان بتجيب شغل للطلبة، نفهم من كده ان عملياً الواحد ممكن يكون جاهز لسوق العمل في ٩ شهور و هو باديء من الصفر، المبهر اكتر انهم بيشتغلوا مع طلبة مدارس كمان
النهاردة سمعة بودكاست عن الموت وتقبل فكرة الموت، الموضوع طلع انه ليه تاثير على الحياة، لو الواحد اقر و اعترف انه هيموت قريب هيكون ديما بيسعى الي قفل المواضيع و قطع ديل اي حاجة، يعني تصفيه الخلافات، السعي لحاجة معينة الخ.
الواحد حياتة ملخبطة لدرجة ان حاجات كتير بتتنسي.
بقالي فترة ضهري واجعني، من اسبوعين حد كان كاتب تويت عن اليوجا، جربت و فعلا الموضوع سحر
انا بعمل تمارين ١٠ د يوجا الي موجودة على ابل فتنس، القفشة بتاعت الضهر راحت.
الواحد غالبا مش بيتحرك كفاية
في شركه اسمها TripleByte كل شغلتها انها بتعمل انترفيوهات للناس و تجيب لهم شغل، بصراحة النموذج ده حلو و مريح، يعني بيكونوا عارفينك و متابعينك و لما تحب تنقل بتتكلم معاهم منغير وجع دماغ، اتمنى حد يعمل الموضوع ده في مصر.
في حاجة اعتقد مهم ان الناس تاخد بالها وهي بترتبط بحد، لما حد يقول انا عايز اتجوز حد و مالوش دعوه بعلاقتي بربنا، هتعمل ايه في الاطفال المحتمل تجيهم الدنيا، يعني لو كل واحد فيكم هيقعد يتكلم شوية هتشتتوا الاولاد، هل ده منطق؟
و هنا الواحد بيحاول في اول حياة الاولاد يعلمه شوية حاجات
يا جماعة لو حد شايف تلفيق او كذب استعمل community notes ماتعملش quote retweet
الـcommunity notes هتظهر مع التويته الكوت مش بيظهر علشان بيعتبر تويته منفصلة
من ضمن الحاجات الي اكتشفت ناس كتير بتعملها في المجال بتعنا هو ان احنا بنروح نعمل انترفيوهات علشان نتاكد من "marketability" بتاعتنا، المهم ان الموضوع ده انصح بيه بشدة كل ٦ شهور او سنة بالكتير خش انترفيو
ممكن يكون تضيع وقت بس بتديك ثقة و بتخليك شغال و انت مش خايف.
النهاردة اعلنت فشلي في تعلم حاجة كان نفسي اتعلمها جداً، عملت ديليت لكل المصادر و الادوات.
حاسس اني ارتحت، ناوي احاول تاني بس مش قبل ٦ شهور و مش بعد سنة.
الله الموفق، الحمد لله.
اكتر حد كان السبب في سفر ناس كتير برة مصر و كان سبب مهم لناس كتير تشتغل في الـFANNG هو "الكوتش" شباب حاسبات و معلومات اكيد عارفينه
الراجل مش بتاع كورسات و مسمعتوش انه خد حاجة من حد، و الناس الي خرجت من عنده حاجة سوبر.
ده غير انه ليه مكانه دوليه في التدريب لـACM حسب ما اعرف
الكومينيتي نوت مفيدة و تقييم الكومينتي نوت مفيد
تخيل واحد عنده مليون متابع و بيكتب كلام كذب و الكومينتي نوت طالعة منورة، كدة هو بيتكشف امام متابعينه، أفيد من ان التويتة تتشال
من اسبوعين حد كان بيقول لحد انه مايستهلش السفر و كده.
المهم افتكرت ان الشهر الي سافرت فيه، الحلاق الي كنت بحلق عنده ربنا كرمة و تم اختياره في اليانصيب بتاع امريكا، سافر قبلي باسبوعين.
محدش يستاهل حاجة، الموضوع ارزاق، هارفرد بيزنس ريفيو كانوا كاتبين مقال و بيقول تطورك فيه "حظ"
10/ Without brave victims like Ahmed Tantawy getting checked & coming forwards, these recent exploits would not have been found.
Billions of apple devices would still be vulnerable.
Including yours.
بمناسبة ٦ اكتوبر، العالم كله كان بيقول ان الساتر الترابي مصر عمرها ما هتعرف تعدية و مع ذلك حصل.
٢٥ يناير كله كان بيتريق لحد ما مبارك مشي.
ربنا يجعل الانتخابات ديه بداية لحاجة كبيرة، مش لازم يمشي بس الدنيا تعرف انه محدش عايزة و لا حتى رجالتة
إنجلترا و امريكا و ألمانيا معتمدين بشكل كبير على المهاجرين و مبيحصلش الكلام ده، لسبب بسيط جداً و هو درجة العنصرية المنظمة (الحكومة و ممثلينها عنصريين)، ده غير ان فرنسا لحد دلوقتي بتسرق الدول الي المهاجرين دول منها، لما بشوف حد كاتب الكلام ده بستغرب جابوا منين المنطقة ده، لو مشيت
انا منبهر بالناس الي بتقول لي و ذنب الشركة ايه
ذنب الشركات انهم بيعملوا ضغط نفسي و رعب غير مبرر علشان تاخد شرف التعيين
نظام رأسمالي لو مستواك في الشغل قل كام شهر ورا بعض يرعبك اكتر و يهددك بتدمير مستقبلك
العلاقة نفعية مبنية على عقد، و انت بتحاول توصل لاحسن عقد، بس كده.
من ضمن الحاجات الي اكتشفت ناس كتير بتعملها في المجال بتعنا هو ان احنا بنروح نعمل انترفيوهات علشان نتاكد من "marketability" بتاعتنا، المهم ان الموضوع ده انصح بيه بشدة كل ٦ شهور او سنة بالكتير خش انترفيو
ممكن يكون تضيع وقت بس بتديك ثقة و بتخليك شغال و انت مش خايف.
بقيت كل ما اسمع اي أغنية بضيق من نفسي، يعني في ناس بتتفجر و بينخسف بيها الارض و انا هنا مروق، بقيت اسمع قرآن اكتر و دعوات كتير على كل مفتري و ظالم و متواطئ.
أزيدك من الشعر بيت، هل تعلم ان المفروض الشركة تعمل على تطوير الموظفين (في اروبا في قوانين لكده على حسب علمي)
الشركة لو مش بتطورك الي بيحصل ان انت بعد شوية مش بتبقى متواكب مع التكنولوجيا فا بح.
و مش المفروض وقت بيتك و عيالك يروح للمذاكرة و مش المفروض شاب يسيب حياته علشان الشغل
الواحد ابتدى يستوعب ليه الناس لما بتكبر بتتجه للخلوة اكتر و اكتر، الإتصال مع الذات بقى محتاج مجهود، تخيل في كمية الخناقات الي موجودة كل يوم، الواحد بيبعد عن نفسة الهادية الحلوة.
المياة بتتعكر و الدنيا بتاخد وقت علشان ترجع زي ماكانت.
أنا عايز اقول ان انا تعبان بس مش حاسس اني معا كريديت كفاية علشان اقول انا تعبان.
ديماً لسة في كتير يتعمل و ديما الواحد متاخر و ديما في حاجة نسيتها.
بصراحة بتمنى افهم ازاي الناس زمان كانت ريقة اوي كده.
عارف الرد بتاع "مكنش عندهم انترنت"، بس اعتقد الموضوع اكبر.
تخيل بعد ٣ او ٤ سنين و حماس بتتفاوض و العالم بيقول عليهم ابطال و تعبوا علشان القضية.
هتقولي بطل هبل، هقول لك لحد ٢٠٠٨ نيلسون مانديلا كان بيعتبر أرهابي، طالما معاك القاموس العب زي ما انت عايز على غرار الورق ورقنا و الدفاتر دفاترنا
نفسي اشوف منظر وزير خارجية المانية و هو بيسلم
في عشريناتي مكنش عندي work life balance كنت بنام في المكتب، لو العالم كله ماشي بسرعه معينة علشان تسبق محتاج تتعب شوية، دية اسمها ترتيب أولويات، واحد عايز يوصل بسرعه و بعد كده يريح وحد تاني عايز ياخد الطريق واحدة واحدة.
ديه تضحيات و كل واحد بيقيس و يشوف ايه المناسب، في ناس بتحب
اعتقد للمرة التانية ان اليد الي بتحمي كبيرهم خلاص مش موجودة، الفضايح الي ورا بعض ديه مش طبيعيه لان العك ده بيحصل طول الوقت و مش بينفضح (اختراق اجهزة او فساد في امريكا)
مش عايز اكون متفائل و اقول ان الانتخابات فعلاً ممكن تشألطة، شكلة لعب مع حد غلط
الناس و هي بتتكلم عن Gen Z انا مش قلقان من حاجة اد ان جيلنا لما يقرر يتقاعد الشباب دول احتمال يصوتوا باعدامنا علشان "ليه نصرف على حد تاني و انا ممكن اصرف على نفسي".
عدم الانضباط و عدم الاكتراث بالقوانين و النزعة الفردية و الي بتصل الي تقديس الذات توقع منهم اي حاجة.
كنت بتكلم مع صديق مش متجوز و بيدور و عدينا على مدى صعوبة ابهار البنات دلوقتي، يعني دلوقتي المفروض الراجل يدخل يقدم ايه في حياة البنت، خصوصاً ان الصورة النمطية الموجودة عن البنات انهم بيحبوا يختاروا مش مجرد حاجة تمشي الحال و خلاص.
كانت حوار شيق بصراحة و اتقال فيه كلام سوبر.
من الواضح ان ميكروسوفت دلوقتي حاطين على آبل و جوجل و أمازون، و اعتقد مفيش حد هيعرف يوقف القطار ده في المستقبل القريب.
حقيقي الواحد نفسه في وقت ما ساتيا نادالا يكتب كتاب عن ازاي نقل ميكروسوفت النقلة ديه، شيء لا يصدقة عقل.
أصحابي محبي ويندوز، البراوزر ده احسن حاجة استعملتها من فترة كبيرة، حرر نفسك من كروم :D (انا مش بحب كروم)
اخوتنا الي في الـFront End ربنا يكون في عونكم، منفاخ جديد 😀
انا كنت هتقلب بالعربية، عربية وزنها طن و ٧٠٠ كيلو طارة في الهوا وفقدت التوازن تماماً، كل ده بسبب حرف بلاعة، الحمد لله كله تمام، لولا اني ديماً مكلبش في الدركسيون كان زماني كنافة شعر.
شغلي في ٢٠٠٧، كنت بعمل سوفتوير لماكينات دفع الكتروني لاحد دول الخليج
في الايام ديه مكانش في فينتك و لا غيرة :D كنا بنطلع شغل لبلد كاملة و عادي نروح و ننام و نصح تاني يوم :D و لا غيرنا الكون و لا حاجة.
اعتراض الناس على افعال الناس بتفكرني بالحديث ده «إذا قال الرَّجُل: هَلَكَ الناس، فهو أَهْلَكُهُم»
المعنى فيه بصراحة مرعب، لو الواحد عرف هيبطل تنظير على الناس في امور الدين و كده
"وقال العلماء في معنى الحديث أنّ المقصود بالذمّ فيه من قال ذلك على سبيل ازدراء الناس ...
حد كان عامل شير لمقطع بلال فضل بيقول فيها، انه بيبدي اكتساب الخبرات على الفلوس، يعني اصرف الي معاك و عيش تجارب و كده.
انا مش مع الكلام ده، انا مع دراسة كيفية تكوين الثروة و كيفية الحفاظ عليها، و لما توصل للمكان ده كل الخبرات الي انت عايزها هتيجي لحد عندك.
مع ارقام الضرائب في مصر الي تقريبا دلوقتي زي اروبا و امريكا، هل "هل" """""هل"""" الواحد هياخد خدمات زي اروبا و امريكا و لا الواحد مضطر يدفع لكل حاجة علشان يعيش؟
مش عارف ابطل تفكير عن الموت من ساعة ماسمعت خبر وفاة تهامي.
ماشاء الله كمية الناس الي جيبين سيرته بالخير كبيرة جداً، الله يرحمة.
كنت فاكر نفسي جامد بس جالي بتاع ٥ بانيك اتاكس، الواحد مش جهاز لحاجة زي كده.
ان لله و ان اليه راجعون
امبارح قابلت مجموعة من ريادي الاعمال السعودين و اعتقد ان مستقبل الشرق الاوسط هيكون في السعودية، التطوير و العدد و التعليم بيفتح فرص كتير.
ماشاء الله التعليم و الاستثمار في العقول مبهر.
حد كان بيسأل السن المناسب للجواز بس بصراحة مش عايز ارد على التويتة، بس السؤال حلو و ليه أبعاد كتير
١٨ سنة او اول ما يبلغ، المشكلة الأساسية هي مش مشكلة سن او بلوغ، هي مشكلة نضوج فكري و نفسي (يكون متربي بشكل يخلي نفسيته و تفكيره يعرف يتعامل مع المسؤلية)، من ١٠٠ سنة كان ١٨ سنة
مساء الفل،
نشرنا
@MahSayedSalem
التقرير عن عدم المساوآة في المرتبات مابين الجنسين في السوق التقني ، بصراحة النتايج بالنسبالي كانت مفأجأة شوية ولكن حسيت اننا محتاجين حاجة زي كدة تكون قدامنا طول الوقت علشان نعرف اجابات اسئلة كتير
تقدروه تقروه من هنا:
نصيحة اليوم و كل يوم
"Don't take your self too seriously"
واحد من الحاجات الي ملاحظها في المجتماعات التقنية و مجتمعات ريادة الاعمال المصرية هو ان مفيش مجال للسخرية من اي فكرة و الموضوع بيتاخد بحساسية شديدة و اي نقض مرفوض.
ده غير ان وصلنا لمرحلة معاقبة الناس بعدم مساعدتهم.
اعرف واحد معاه دكتوراه في الرياضة و بيعمل سوفتوير لمحاكاة الفيزياء، معرفش يعدي انترفيوهات جوجل و ابل و كام شركة تانية.
منطق الانترفيوهات فيه مشاكل كتير و كله بيشتكي منه، فكله بيعمل الي يقدر عليه علشان يعرف يكمل لتاني يوم
من اصعب الانتريفوز الي عملتها كانت مع جوجل مع واحد تنين مجنح بيطلع نار حتى وهو بيقول صباح الخير، كنا في ٢٠١٧، السؤال كان ازاي تعمل محاكة لفيزياء كور بتملى مستطيل، الكور ديه فيها صور من Google Photos، كان المطلوب تصميم الحل و الالجورزيم بتاعت ازاي تملى الفراغات (حساب المساحة
حد من عائلة بسيطة، عايش طول حياته في منطقة بسيطة و متعلم في جامعة حكومية، قوم نقول له "اصرف فلوسك على السفر و الخبرات و المش عارف ايه"
يعني الناس المفروض انها متعلمة، و كمان حد عامل فيدوهات عن ايام الكحرتة، يقول الكلام ده.
الناس بتنسى، عن نفسي شايف التخطيط المالي و المعرفة ...
تخيل انت بقى، كل شوية شريك حياتك يجي و يقول "لا يا بني الكلام ده مش منطقى للاسباب ديه"
و بما ان الموضوع مش عملي و شخصي بيكون محير ومتعب لاولاد.
في حاجات معينة في الارتباط مطلوب ان يكون متفق عليها قيم و مبادئ البيت بيتبني عليها
ده لو اتنين بيتشركوا في مسمط بيكون في قيم مشتركة
كان عندي الم رهيب في كتفي، رحت لسمكري البشر (كايروبراكتك) الراجل عمل شقلبظات في ظهري و لوح الكتف، و في اقل من ٣٠ ثانيه الألم راح
الدكاترة بيحدفوني يمين و شمال، العلاج الطبيعي (متحركش ذراعك و اعمل التمارين)، الراجل شرح لي بالتفصيل ايه الي هو عمله ووراني على صور موجودة عنده
انا خريج معهد "مش محصل جامعة" و الحمد لله، اعتقد انه موضوع سعي.
يعني ناس كتير مصريين في اروبا و امريكا و الناس بتعمل شغل جامد.
لو في مكان ثقافته كده امشي احسن، ده طبقية و الله اعلم في قرف ايه اكتر من كده.
علمونا في مصر "من البيت للشغل و من الشغل للبيت" و بعدين تطلع على المعاش تموت من القهر علشان الحاجات الي فيها كل هويتك Identity خلاص راحت منك و الناس حرفياً بتتجنن
الشغل مش محدد لهويتك، الشغل ليه مساحة و بس، الي بيحصل ان الواحد بيعمل كل حاجة لخدمة العمل و الانتاجية ده حرق للبشر
امبارح قابلت زميل مصري في ابل، قال لي ان سبب سعيه ورا الشغل في ابل الحلقة بتاعت
@Bashmohandes
في ٢٠١٨
قال "اداني امل ان ممكن اكون هناك"
"And as we let our own light shine, we
unconsciously give other people permission to do the same."
Our Greatest Fear —Marianne Williamson
الناس الي بتنصح بوظائف ليها علاقة بالبرمجة، النصيحة ديه هتودي ناس كتير في مكان ملهوش مستقبل.
خلال ٥ الي ١٠ سنين شغلانة الفرونت اند هيتعمل لها اوتوماشن (من ادوات التصميم)، الكلام ده كمان لنسبة كبيرة من تطوير تطبيقات الموبيل.
الـAI هيحصل فيه تطور جامد و هيكون ابسط من ما هو عليه…
فالراجل القال انه ممكن يتعلم في كام شهر، هو مغلطش، الموضوع بيتحسب بكمية المجهود الي بتحطة مش بالوقت
ممكن تقعد ٤ سنين نص يومك في الكافيتريات و مع الشباب و اسمك قي الجامعة بس في الواقع انت بتضيع عمرك
تغطية صحفية: قائد سلاح الجو الألماني يصل إلى "تل أبيب" ويتبرع بالدم لجنود جيش الاحــتــلال الإسـرائـيـلـي، الذين يشنون عدواناً على قطاع غزة أدى لارتقاء آلاف المدنيين والأطفال.
من الضمن الحاجات الي الراجل الايطالي كان بيعبر بيها عن اهتمامه انه كان بيطبخ للبنت و كان بيعمل جو و لا احلها مطعم.
كان بيحسس البنت انها هدية من السماء و بيعملها بشكل يحسسها بكده، عمره ما كان قليل الزوق معاها حتى لو هو مضايق او تعبان
ابني بيسألني "ليه محدش بيدافع عن فلسطين؟" حاولت افهمه الموضوع من اول الحرب العالمية التانية، قال لي في الاخر "إسرائيل ارهابيين"، و دخلنا في ليه امريكا مش بتوقف العنف، و دخلنا في هري السياسة و مين بيتحكم في مين.
الكلام مع العيال بيفتح أسئلة و حاجات الواحد مفكرش فيها من زمان.
من الحاجات الي عملتها بردة و ساعدتني اني عملت انترفيو مع TripleByte هما دلوقتي جزء من و الفكرة انهم بيعملوا انترفيو و بيدور لك على شغل و بيقولوا لك المشاكل فين
ده طبعاً بيكون حاجة مفيدة جداً ليك و ليهم، لانهم بياخدوا عمولة على تعيينك.
و هما كمان
استخدام الـLLM في الشغل، انا معجب جداُ بالاداة ديه علشان ممكن تشغلها بدون ما تدفع مليم، ده كوبيلوت الغلابة
- Continue Extension for VSCode
- Ollama (available on Windows and MacOS), to host models
زي ما انت شايف، ممكن تتكلم مع
ديفيد بن جورين الي هو كان رائيس عصابة (الهاجاناه) لما اسرائيل اعلنت استقلالها كان هو آول رئيس وزراء لاسرائيل، هما اول من اخترع الارهاب الحديث (قنابل و تفجير و حزام ناسف و الذي منه)
التاريخ مزور بشكل مرعب ولولا وجود ناس بتحكي مش عارف الكلام ده ممكن يكون محفوظ ازاي، دور و لو حد
و انت فاضي افتح اي سورس كود و اتفرج، اي نعم الواحد مش فاهم حاجة بس بيحصل معلومة تجي لك و فجاءة كل حاجة بتنور.
في حل المشاكل حاول تكون رخم، كل ما هتكون رخم و ماشي واحدة واحدة هتحل مشاكل ناس كتير بتزهق او بتلصم.
و اعتبر كل مرة كانّها اول مرة و اسال ليه كتير.
ازاي مش مهم زي ليه.
لما كنت في الدنمارك شغال مع ستارت اب بوت-كامب، كنا بنعمل حاجة اسمها "ليلة الفشل"، كنا بنجيب حد فشل في شركته و يحكي للناس ايه الي حصل
و كنا ديما بتقول "و ديه طريقة حاول تبعد عنها"
لان الناس الي كانت بتحكي كانت بتذاكر فشلها
أحلى أنترفيو عديت بيه في حياتي، كان في تويتر سنة ٢٠١٦، الراجل دخل عليا بلابتوب و قالي عايزين نشوف في مشاكل ايه في الكود ده، المهم قعدنا Pair Programming session و كنا اخر انبساط و كنا شبطانين في بعض :D
الجيل الذهبي في تويتر اعتقد.
كلام الناس عن رفض مشاركة الثروة مع الزوجة الي عايزة تطلق بيدل ان الوضع مزري، يعني لو ست سايت حياتها علشان دعم الراجل و الاسره، من الطبيعي ان يكون على الاقل يكون في دعم لحد ما تكون جاهزه تقف على رجلها
لكن تاخد واحدة توقف كل حاجة و بعدين ترميها و هي تتسول، هل ده عدل؟
في ناس لما بيسمعوا غرناطة او إشبيلية او الاندلس، تحس ان في نار مولعة فيهم.
لما حد بيقول استعمار المسلمين في اسبانيا، بستغرب جدا لمحاولة التضليل، يعني المسلمين عملوا في اسبانيا زي ما انجلترا عملت في الهند و الصين؟ الاتنين اسمهم استعمار صح؟؟؟
الجامعة كافكرة او مشروع تستثمر فيه وقتك و مجهودك مبقاش عالي القيمة زي زمان
الوقت ده بيكون حرفياً وقت ضايع لو لم يتم استخدامه.
لحد في مصر، الشهادة مطلوبة في اجراء الفيزا للعمل، لو هتفتح شركة في مصر وزارة الاتصالات هتحتاج شهادة (وزارة الاتصالات طلبوا شهادة تخرجي في F16Apps)
الانترفيوهات الي كنت بعك فيها ديماً فيها عامل مشترك
- عملت فيها فلوطة و حاولت اقدم اصعب حل ممكن (علشان اوريه اني بفهم و جامد)
- متكلمتش كفاية و مسألتش أسألة ممكن تسهل المطلوب
- مش بتكلم كفاية مع الناس الي معايا في الاوضة
- افتراضات كتير معظمها غير صحيح
اول غطس في الثلج (نزلت و طلعت يجي ١٠ مرات كل مره ما بين ٥ الى ١٥ ثانية، بصراحة كنت خايف يحصل لي حاجة 😂 جسمي كله بيخشب بعد ١٥ ثانيه)
تجربه جديدة و بصراحة حاسس اني شارب يجي ١٥ كوباية قهوة بعد ما عملتها
في حاجة اسمها كرايوثيرابي و بيكون علاج بدرجات حرارة قليلة جداً
انا متفهم الناس الي مضيقين من الناس الي سابت مصر و كل شوية يكتبوا مش عارف البلد الفلانيه فيها ميزة ايه و مش عارف ايه.
الناس نزلوا مصر زيارات و المقارنات اشتغلت بدون مبرر.
الموضوع ده بيعمل ضغط نفسي على الناس الي في مصر و معندهاش مقدره تسافر.
اللي عاجبني في الاداة ديه ان الواحد ممكن يستخدمها في التمرين على الـPublic Speaking هي بتحلل و بتطلع المشاعر المسيطرة و ديه حاجة ممكن تساعد جداََ غير الاجتماعات الي ممكن تديك نكملة للصورة
كل ما يحصل موقف للمقاومة الواحد بيشوف كمية دعارة فكرية مش ممكن تخطر على بال حد، يعني ابداع في الحك الواحد مشفش كده، طيب حكها بس بشوية كرامة، خليك ليك سعر.
هذا و ان دل يدل على انبطاح تام، يعني مفيش بخمسة جنية تفكير في تاريخ او حتى انسانية.