ربنا يرحمه ويرحم الجميع، حاسس انه واجب عليا أقول؛ ان كل الناس المساجين والمعتقلين دول، إخواني بقه إرهابي داعشي شيطاني قتّال قتلا أيا كان؛ الكلام اللي بنسمعه عن معاملة أي حد مسجون بالعزل بالسنين وحرمانه من الزيارة والعلاج والكلام مع الناس، وإن كان مذنب، ظلم ما بعده ظلم. الله قريب.
إبراهيم فايق أول مذيع برنامج كورة في مصر أحب اتفرج عليه، شاطر وحاضر ودمه خفيف وبيتكلم في الكورة بس مش من تحت لتحت ولا جو اللامؤاخذة ده اللي اللي مغرق برامج الرياضة. 👏🏼
@IbrahimFayek
إلى نواب البرلمان المصري، من غير رغي في المتعاد ألف مرة؛ ده نداء لحضراتكو انكو تحترموا المكان اللي انتو فيه، أو تحترموا الناس اللي ماتوا، أو الناس اللي عايشين، أو تحترموا مصر أو التاريخ أو الأمانة أو المسئولية، أو أنفسكم! احترموا أي حاجة وماتعملوش المصيبة اللي قالولكو تعملوها دي!
بصوا بقه لازم نتفق على حاجة نبقى كلنا عارفينها؛ لو قفشت نفسك في أي لحظة، في أي ظرف، متلذذ ومستمتع ومتسلّي بألم ومعاناة أي حد في الدنيا، عشان بتعتبره عدوك. تبقى انت مريض في نفسك وفي قلبك وفي روحك وفي إنسانيتك، وماتعرفش أي حاجة عن الأدب. عالج المرض ده أهم من أي حاجة تكون بتعملها.
دلوقتي حنعمل ايه في المشكلة المنيلة بستين نيلة بمبي دي؟! لعيبة من غير راس وأوحش لون في كل الألوان على لون ال T-shirt اللي هي أصلا من غير راس! متشكرين أوي اتحاد الكورة (صاحب أوحش لوجو في التاريخ) ومتشكرين أوي شركة presentation sport عالمأساة دي. ألف ألف شكر
الحب 'مابيتعازش'، ماينفعش تعوز حب، الحب أصلا عكس العَوَزان.
الحب بيحصل، يحدث، يقع، مالكش انت دعوة خالص بيه، ماتقدرش تعمله، ماتقدرش تخلقه، ماتقدرش تشده. كل اللي الناس بتتكلم عنه كتير ده، مش الحب خالص.
التجربة هي أهم حاجة في ابن آدم. آدم أصلا ربنا قاله ماتاكلش من الشجرة فجرّب! احنا الكائن المُجرَّب، اللي كل ما يجرّب كل ما يكبر؛ مش كل ما "يمر" بتجارب كما يقال، لأ كل ما يجرب. كل ما يعيش تجربة يحاول يفهم بيها نفسه وربنا والكون فهم أعمق، وأكثر حقيقةً. ماتخافش أبدا من التجربة. جرّب.
دي أمنية للمبسوط يبقى ممتن وحامد على انبساطه، والزعلان ربنا يطبطب على قلبه، والخايف ربنا يطمنه، والمكسور ربنا يجبر بخاطره.
العيد زيه زي كل حاجة مش براك، جواك! اعمل عيد صغنن كده جوة قلبك وخلي اللي حواليك يشوفوه، يصبح العالم أكثر سعادة.
كل عيد وكل الناس أسعد من ذي قبل ❤️
ماتقولش "وجدتها" أبدًا، بل "أُلقَت إليّ". ولا تقول انك عملت، ولا تقول "انا سوّيت". نِعَم كلّها، كلّها كلّها أرزاق.
واحد أحد كُنيته الرزّاق.
سبحانه صاحب الأفضال، وسلامٌ على المرسلينَ، والحمد كلّه لله رب العالمين. ♥️
من الحاجات المهمة اللي أكدت نفسها في الأيام اللي فاتت ان أي إخواني عنده ذرة من العقل أو الوطنية لازم يحلّ نفسه من الجماعة المجنونة دي حالا، بغض النظر عن حيحصل ايه بعدين. طول ما فيه جماعة طول ما كل محاولة للتغيير حتتوسخ بيها؛ مش انها مصدر الوساخة الوحيد طبعا بس دي وظيفتهم الوحيدة.
سلام لنُبل ٢٥ يناير
وبراءة ٢٥ يناير
وسذاجة ٢٥ يناير
وتضحيات ٢٥ يناير
سلامٌ سلام، لحلم ٢٥ يناير
(كل الحاجات الوحشة بقه اللي جت مع دول مالناش دعوة بيها دلوقتي، الخير فقط هو ما فعلا يَبقى :)
كل سنة وانتو طيبين.
#25
يناير
لذيذ القلب لما "يتخطف"
(كل التصرفات العبيطة اللي ممكن تصدر منك بعدها، لو عقلك اتخطف كمان زي ما بيحصل عادةً، ده موضوع تاني) لكن من قبل تدخّلك انت خالص، الخطفة نفسها مذهلة! ❤️
واحنا صغيرين كانوا يقولوا الكذاب حيروح النار وكده، لأ لأ، الكذاب هو النار. ابن آدم مليان عيوب وقادر عالبدع، إلا اللي يكذب في وشك وهو عارف انه بيكذب ده، ويكذب تاني وعاشر ولألف سبب بيحلل بيهم الكذب لنفسه. أردأ أنواع البشر.
You don’t have to be strong by the way, you can be weak all you want, you’re a mere human. Allah is strong enough for all of us, be with God and be invincible.
الله أكبر ❤️
دول مش خاطفين الناس بس حاطينهم في الأتوبيس عشان يصوتوا دول خاطفين الأتوبيس نفسه!! السواق بيقول "واخدين بطاقتي وحاجتي". إيه الرخص ده! انشالله يكون حاكمنا المبجل مدى الحياة المرسل من الإله لإنقاذنا، مبسوط وحاسس بالانتصار على قوى الشر.
أنا راجل مُعبّر جدا، كنت دايما أحب اقول أفكاري بصوت. الستات علموني ماعملش كده، مش مفروض تقول كل حاجة بتفكر فيها! مع الستات كل ما تتكلم أقل كل ما يبقى أحسن. (مش بكروتة، تتكلم بحضور واهتمام) ثم اكتشفت ان دي أصلا قاعدة تسري على كل الكلام مش مع الستات بس. شكرًا لكل من علموني. 🙏🏼 :)
ليه كل الإخوة "المرابطين" في سوريا والعراق وسينا، (المجاهدين من أجل الإسلام ها) ليه مابياخدوش كل السلاح والبمب اللي معاهم اللي بيحاربوا بيه بلادهم وناسهم ده ويحوّدوا على اسرائيل يدافعوا عن القدس والأقصى؟ ليه ها؟ ليه؟ كلكو عارفين ليه، وهم كمان عارفين.
"إذا زلزلت الأرض زلزالها •وأخرجت الأرض أثقالها•وقال الإنسان مالها•يومئذ تحدّث أخبارها•بأن ربك أوحى لها ..." الأرض حتُخبر عننا إيه؟! حتقول عنك انت شخصيا إيه "الأرض" شخصيا؟!
The Real played a good game, never the less
@SergioRamos
wins
#DirtyPlayerOfTheYear
You have no honor, enjoy the cup!
No tienes honor, ¡disfruta la copa!
أنا عايز اقول ان في الظرف الرهيب اللي احنا فيه ده، الرهيب! تحية كبيرة جدا لكن الناس اللي بتخلق حاجات حلوة، وكل الناس المخلصين، وكل الناس اللي بيحاولوا، وكل الناس اللي مابيخونوش نفسهم ها، اللي مابيخونوش نفسهم فبالتالي مستحيل يخونوا حاجة. عالراس والله، سلام ورحمة عليكو جميعا. 🎩♥️
بشوف ان الإسلام "السلفي" واسع الانتشار والتأثير استثمر في فكرة "لا تنشغل بالدنيا وانشغل بالله" ثم للأسف قدّم منهجا وفلسفة وطريقة لذلك، حوّلت متّبعيه إلي الانشغال "بالدِّين" عن الله! بالإسهاب في التفاصيل والشكل والشكليات عن كل ما هو قلب دين التوحيد فعلا. فانسلخت عنه روحه.
جميل اللي بيحصل في وداع #أحمد_خالد_توفيق ربنا يكرمه ويكرمنا جميعا.
كثير من الوفاء والتقدير والاحترام والحب، كثير من القصص، كثير من الصداقات مع ناس عمرهم ما قابلوه؛ حتى الموت ممكن يبقى جميل.
اللهم ألقِ علينا محبّةً منك
من محبّتك لكليمك موسى،
وآتنا وجاهةً من وجاهة ابن مريمَ عيسى،
وسلّم وصلّ وبارك علينا ولو مرّةً
شفاعةً لصلاتنا على المحمودِ طه
لسنا أهلا لها
ولكنك أنتَ، لنا أهلا
♥️
بيضيع أغلب عمر ابن آدم بين اللي خايف منه، وبين اللي عاوزه 'عشان خايف منغيره'. الوقت الوحيد اللي فعلا تقدر تستمتع بوجودك بلا شرط هو الوقت اللي انت فيه مش عايز ومش خايف. الحياة قصيرة جدا على انها تضيع في الخوف، عيش بس، حس بالحياة وقدْرها وقدّرها بس، حتلاقي المشكلة الكبيرة اتحلت. ❤️
أنا أكتر حاجة بتخوفني على مستقبل مصر (مش اللي اللي انتو فاكرينه لأ 😂 دي حاجات بتروح وبتيجي والتاريخ طويل) اللي بيخوفني هو العدد الرهيب من سواقين الموتسيكلات (والأقل رهابة من سواقين العربيات) اللي مابينوّروش النور أكيد عشان بيوفّروا، بجد. بخاف جدا منهم، ومن خلفتهم كمان! :)
فيه موضوع مهم جدا وماحدش بيتكلم عنه خالص! المانجة الفونس خلصت! سيدة المانجات كلها، المانجة القوية الواثقة أم لحم طري بس مشدود أم سكر ومَزازة بيرقصوا باليه مع بعض بلون برتقالي بديع. ♥️ هي الدنيا كده، الحاجات الجميلة ماتستناش كتير. وداعا أيها الفونس، ألقاك السنة الجاية انشالله.
وياريت الدولة اللي قد الدنيا اللي بتاعة الضرايب والاسفلت والكباري دي تهتم بموضوع النضافة ده عشان احنا كلنا الحقيقة عايشين في مزبلة لحد ما كل الناس اتعودت ومابقوش شايفين الزبالة أصلا عشان كده كله بيزبّل! وطبعا عشان النضافة مابتجبش فلوس فهو موضوع مش مهم لدولة لم الفلوس بتاعتنا دي.
أوحش مرض مصاب بيه مجتمعنا ان ناس كتير أوي مشغولين دايما بإنهم يلاقوا حد يتضايقوا منه أو يشتموه أو يكرهوه. سيبك بقه من المرض اللي عند الناس ده، خليك في حالك، صلح من عندك، ابدأ انشغِل بحاجة عندك انت بدل ما تنشغل بالحاجات اللي عند الناس.
كم من الدنيا رأينا؟
كم مَشَينا؟
كم تَبَقّى؟
هل رَضينا؟
هل فرِحنا؟
هل تلوّعنا بحـُبٍّ؟
هل نسينا؟
وهل قبلَ أن نُنْسَى، ذَكرْنا؟
هل رأينا اللّهَ؟
وهل لمّا رأيْناهُ، عرَفنا؟