لا بعت قلمي ولا بعت غيرتي ولا بعت مواقفي ولا فسدت ولا ابتزيت ولا استغليت مشاعر الناس وآخذ الاف الدولارات من أجل الحسين .. ولو اريد ابيع قلمي ومواقفي چان هسة بنص بغداد واصعد احسن السيارات وعندي أرصدة اكثر منك … اليوم الك وباچر اللي ..
السيد السيستاني : لا تشتموا ولا تردوا على من يشتمكم ! سيدنا ما دخلت على حساب احد يشتمني ويهددني الا وشفت صورة ابو مهدي لو ابو فدك لو قاسم سليماني .. صرت اشك بروحي ! ولك عدنان انت كاتل العباس وما تردي بروحك ؟
الذي يدافع عن القضاء باعتباره سلطة في الدولة لا يجوز المساس بها ! ليش يريد يعقر رئيس الحكومة ؟ الكاظمي يمثل سلطة في الدولة مثل زيدان ! ليش ادافع عن زيدان احتراما للدولة واذبح الكاظمي بعيرا لها .. ..
عيب على قناة العهد ان تدفع زملاء للطعن بزملاء لهم هذا تضليل وافتراء رخيص ! الرجل طارق حرب متوفي اتهامه واتهامي بالفساد عمل معيب جدا . ارجوكم لا تعلمون زملاء المهنة يعتدون على زملاء لهم بهذه الطريقة الوضيعة جدا ..
احمد البشير لم يصنع برنامج ناجح وهوية خاصة فقط وانما نجح بخلق بيئة عمل نظيفة وجميلة جدا مع شباب رائعين ، كانت من اجمل الليالي التي قضيتها برفقة البشير وكادره الرائع شكرا الك احمد ..
البرلمان اللي ما گدر يحمي مستقبل هذا الطفل لا يستحق الاحترام .. هذي القاعة دخلت الها شكول يا شكول .. بس اصدق شكل دخل بيها هذا الطفل !! هذا وراه عائلة يعيشها بس يعيشها بشرف مو بصفقات وعقود …
اتمنى السيد عمار او المالكي او حتى ابوفدك يكتبون تغريدات بيها شحنة عاطفية من اجل هذا الوطن وهذا الشعب سيد مقتدى كتب تغريدات كثيرة شتريدون تسموها تمنيات احلام ميخالف بس تشعر بيها نفس التغيير الناس تريد تغيير كلنا اريد تغيير لا تحچون اللي بالمكون المكون ما عاد ياكل ويشرب عند الوادم
شخص واحد شخص ما غيره ! دمر هذا البلد ودمر شعبه ! غبي أحمق ! تافه متعفرت ! مئات الشباب تموت بسببه أحلام الفتيات تحطمت بجهله وسخافته ! لم يعد للعراق معنى كوطن بوجوده ولم يعد للمستقبل حضور بوجود أمثاله !
اشبيها المناظرات مو امريكا تصير بيها مناظرات حتى ينكشف كل شي امام الناس وشجاعة الذي يدعو الى المناظرة شجاع ..اذا جلسات البرلمان سادين الصوت والصورة والقرارات تحت غشاوة واللي يطلع كتاب ينسجن واللي ينتقدكم تعتبروه مؤجج ! زين الناس شلون تفهم فلوسها وين تروح وين تنصرف ؟؟
لو كنتم يا شباب العراق بحرينيين لرأيتم بيانات الاستنكار من المراجع تتوالى وخطبهم في حفظ دمكم لا تنقطع ولرأيتم البرلمان يجتمع ويدين القسوة في التعامل معكم ورفض تحقيق مطالبكم ! لكن حظكم العاثر جعلكم عراقيين ! وحكومتنا ومراجعنا لا تهتز لهم قصبة الا على البحارنة والحوثيين !!
غدا غدا اذا أراد السوداني العمل للدولة ولجم السلاح المنفلت وتطويق مافيات الفساد غدا ستنقلبون ضده .. وحساباتكم التي تروج الثقة له ستروج عمالته وخيانته .. غدا ليس بعيد .. نريد دولة لكل العراق وتريدونها دولة ( لكم ) .. نريد دولة محترمة وتريدونها دولة تضحي بشبابها وثروتها لغيرها ..
العلماء الذين يعملون اليوم في المختبرات لكي يقضوا على فايروس كورونا كفار وأنت الذي تحمل المسدس وتقتل به الشباب مؤمن !! ذاك في النار وانت في الجنة !؟ طاح حظ دينك وحظ العلماء الي تسمع لهم ،وتتبعهم ، دين الله دين اولئك الذين يشتغلون لإنقاذ البشرية مو دينك الي يعمل على القضاء عليها!
المتاجرة بالشيعة والتشيع ما راح تخلص هذا تاريخ طويل من التكسب ! التكسب بدموع الفقراء بحاجتهم بلوعتهم وهم اكثر شيعة في المنطقة مهضومين ومظلومين ومحرومين حتى الطريق الى الحسين لو ما بيه فايدة ما بلطوه … الحسين مو بكربله الحسين ببيوت الفقراء ! اشبيكم ما توصلون الها ؟
في زمن صدام كانت المعارضة الشيعية تستخدم اسماء وهمية ( جواد المالكي جواد جميل ) في زمن ما بعد صدام ( المسيطر عليه شيعيا ) ايضا يستمر استخدام الاسماء الوهمية صالح العراقي وابو علي العسكري ! زين ، شوكت اطلعون للعلن ؟ اشوكت تصيرون حقيقيين ؟ شنو ذنب ناسكم اهلكم ؟ شنو مصيبتكم ؟
يارب العباد .. أي قذارة نحن فيها .. تتظاهر انت امريكي ! تحاصر قنصلية انت صرخي ! تعترض انت بعثي ! تشترك في التحرير انت مندس ! تكتب لصالح شعبك انت عميل ! طيب أعطوني طريقة أقول فيها لكم انتم خربتم كل شيء دون ان تتهموني بشيء ؟؟ كيف ؟
لو لا رونالدو ما حصل الهدف .. هذا اول هدف بالتاريخ يسجله لاعب دون ان يمس الكرة .. مثل اهداف الاطاريين تجيهم حكومة جاهزة مبلمه مسلمه على الجاهز وهمه خسرانين اللعبات كلها ..
يمكن راح احول على البرامج الرياضية واترك السياسة ..والله انا خوش مقدم رياضي بس احتاج اعرف اسم اللواعيب زين مثلا هاشم الكندي وين يلعب احمد الشريفي شبه يمين يسار عالية نصيف وين اخليها بالجمهور خارج الملعب ! خلي اشوف ادارة القناة اذا يوافقون .. اتوكل على الله ..😬
اول من بدأ بالمحاصصة هم الشيعة ! عندما اصروا على ان يكون رئيس الوزراء منهم لا من غيرهم ! كيف بعدها يطالبون باقي الكتل بالتنازل عن حصصهم ؟ انت ماخذ حصتك لگدام ؟ وتريد اتنازل عن حصتي ؟ طيب ليش ؟
الامريكان نجحوا بزراعة قلب خنزير لانسان والتجربة مستمرة ونجحوا قبل ايام بارسال اكبر تلسكوب يرصد بداية نشأة الكون . وعلى الجانب الثاني السيد على الطالقاني لديه زيارة في جنوب العراق لمواجهة الشباب المنحرف وفق رؤيته طبعا ! ندعو الله بالتوفيق لرحلة السيد الطالقاني ورحلة تلسكوب جيمس !
بعض ضيوف البرامج السياسية لا يرغب بمقدم برامج يحاوره ويجادله بالمعلومة يريد مقدم يستمع الى خطاباته ويشيد بتصريحاته ، وهذا لا يتماشى مع مقدم برامج مثل نبيل جاسم . أسفي الكبير على عبد الكريم خلف كان صديق نأخذ منه المعلومة والموقف تحول مؤخرا الى شخصية غريبة تماما عما كنا نعرفها !
ما تسعفني الذاكرة هل هناك صورة للسيد مقتدى مع بريمر ؟ او مع جنرال امريكي ؟ لدي عشرات الصور لقادة شيعة مع جنرالات ودبلوماسيين امريكان ! بس ما شفت بيهم مقتدى !! مجرد سؤال لا تاخذوها لصالح هذا او ذاك !
القشة التي قصمت ظهر البعير
والتي عجلّت باستقالة وزير المالية
قيمة عقد شركة عشتار ٦٠ مليون دولار
معدل الربح السنوي ٣٥٠ مليون دولار
الارباح المتراكمة خلال مدة العقد ٧ مليارات دولار
معدل العائد / الاستثمار ٥٨٣٪
فترة استرداد رأس المال شهران
هذا هو الاستثمار في زمن الفساد د .المرسومي
تگعد من صبح الله كلك قلق وضغط وتفكير وتتصل بفلان وفلان وتحاول توصل لمعلومة ودقق بيها وتحللها وتختار عناوينك واسئلتك ! لا ماخذ منصب ولا متورط بمال عام ولا مشترك بحزب .. وبنهاية اليوم تشبع سب وشتم من هذا الطرف وثاني يوم تشبع سي وشتم وتخوين من الطرف الثاني .. يا ولحظ اي والله !!
الجهة التي قتلت سارة وحسين في البصرة واستعانت بالقناصين في قتل الشباب ولجأت الى حركات الملاهي لتشويه التظاهرات هي ذاتها التي خطفت #صبا_المهداوي .. عرفتوهم ؟؟ عصابات وبيدهم سلطة !!
سبحان الذي جعل الصين الشيوعية خط احمر ! وهي تقتل المسلمين وتحرقهم مع اطفالهم ! وجعل من امريكا التي تضم اكبر تجمع للرفحاويين واكبر ممارسة عالمية لطقوس عاشوراء في ( ديترويت )خط احقر !! سبحان مقلب العقول !
لا أبالغ اذا قلت ان هذه أجمل أيام العراق لم اتوقع ابدا ان بطولة الخليج العربي ستخلق فينا هذه الفرحة وهذا الأمل الكبير بعد يأس طويل..لحظتان لن أنساهما أبدا لحظة تشرين ولحظة خليجي 25..شكرا للبصرة ولمن عمل على هذه البطولة شكرا لكل عنصر أمني يحافظ على فرحة العراقيين من سراق الفرح..