قصيدة مهداه للشيخ خالد عقيل مهنا المجلاد شيخ قبيلة الدهامشة والذي تشرفت بزيارته بمضيف قبيلة الدهامشة بقرية أم خنصر ، شكرا للشيخ خالد وأبناءه على حفاوة الاستقبال ..
سلام ياحلال عقد الشرابيك
ياشيخنا اللي في ذراك نتفيا
سلام ياشيخٍ نعزك ونغليك
ياخالد المجلاد سمح المحيا
لمن يسأل من جمهوري الغالي ..
ديواني (المحيط) سيتم الإعلان عنه إن شاء الله قريباً ، وجميع تفاصيله لدى ابني "فيصل" الإعلامي ورئيس تحرير صحيفة صحيفة عرعر اليوم الإلكترونية
@Alqeeran
#فرحان_قيران
شفت البروق وقلت معقول أنا حي؟
معقول أنا عايش وأنا ميت العام ؟
فركت عيني يوم طالعت للضيّ
ورديت ما بالذاكرة مثل الأفلام
حكّيت رأسي ثم صفقت بيديّ
ولقيتني عايش وميت بالأوهام
#عرعر #فرحان_قيران
1️⃣
اللي يبيني يدلّ البيت ويشوفه
قلبه دليله ولا يحتاج عنواني
لو دوني الناس منتشره ومرصوفه
ينشد ويرجع وينشد لين يلقاني
لو العراقيل في ممشاه مصفوفه
يصبر لها ويتخطّاها على شاني
وليا تعذّر عن المسيار بظروفه
وقّفت ركض الحياة ورحت له عاني
العذر للمملوك يدرى عمامه
والحر ماله بالمهانه معاذير
وش هي حياتي لا نسيت الكرامه
والله يقول إنه مع العسر تيسير
ياعل رجل(ن) ماتشيله عظامه
مع الغنم يجزر بحد السواطير
وياعل راس(ن) مايشوق النشامه
تحمى عليه معكفات المسامير
#فرحان_قيران
قرب العيد لكن من يهنيني
وينتزعني فرح من داخل أحزاني
وين الأفراح ياقلبي وانا ويني ؟
صدري أغلق شبابيكي وبيباني
مابقى شي فوق القاع يعنيني
كل من مرني مرّ وتعداني
#فرحان_قيران
لجميع محبي #فرحان_قيران أشكركم وبارك الله فيكم على محبتكم ودعمكم ومشاعركم التي أسعدتني بعد حلقة برنامج وينك ..
واشكر الخلوق جدا والمحترم الأستاذ محمد الخميسي على الاستضافة
@mohd_alkhamisi
اهداء لأخي وصديقي الغالي عواد نزال المضياني :
وشلون أضيق وبالبلد مثل عواد
(أخو هلاله) فزعتي عند ضيقي
راع اليمين اللي على الطيب معتاد
دايم لياضاقت لبيته طريقي
ازبن لبو ثامر على روس الإشهاد
إذا نشف من جور الأيام ريقي
الهيلعي وجه السعد نسل الاجواد
عواد بن عمي واخوي وصديقي
أشوف الأدرع يدوج ومعجبه صوفه
والجوع يطوي ضلوع الذيب سرحاني
وأشوف ناسٍ لجمع المال ملهوفه
على الردى كل واحد يطرد الثاني
يا خوف قلبي من المجهول يا خوفه
زيف الحقايق يعزّز حجة الجاني
القصد معروف والنيات مكشوفه
غلطان يالمنتظر خسران يالعاني
#فرحان_قيران
اهداء لأخي الشيخ الدكتور يزن السعدون ..
ياضاق صدري من همومِ تجيني
عديتها من ضيق صدري (لأبو سيف)
شيخ ليا ضاقت يجي عن يميني
ذراي عن نكبات الايام والحيف
(يزن) ليا جارت عليه سنيني
مثل الذرى عن لاهب الحر بالصيف
ليا احتجت شي وقل ما في يديني
وجيته ترد هموم وقتي مناكيف
#فرحان_قيران
بمناسبة تعيين أخي مطلق الاسمر الشراري بمجلس الشورى
تستاهل أكثر ياحميد السجايا
يامطلق اللغبه سلايل هل الجود
غلاك خلف ضلوع أخوك الحنايا
مادام يطرقني هواء بارد النود
واللي بيده أرواح كل البرايا
الخوف مايطري علي وانت موجود
يابو مشاري ياسليم النوايا
عساك طول العمر من زود في زود
مع اخوي وصديقي الغالي : عواد نزال المضياني ، صاحب المواقف المشرفه معي
.
.
ياما براسك (يابوثامر) من الطيب
لو هي بلد في ذمتي تستحله
تفتل شنب تفداه بعض الأشانيب
اللي تربت بالخنا والمذله
اقلط هلا يامرحبا بك تراحيب
تزه��ك ماتزهى القلوب المغله
أتقدم بخالص التهنئة لنادي النصر وجماهيره بمناسبة تحقيق كأس الملك سلمان للأندية العربية
هذي عوايد نصرنا يرفع الراس
واليا بغاله شي لازم ينوله
في ساعة التتويج حنا هل الكاس
واليا قضت جوله بدينا بجوله
#فرحان_قيران
#النصر_الهلال
فركت عيني يوم طالعت للضيّ
ورديت ما بالذاكرة مثل الافلام
حكيت راسي ثم صفقت بيديّ
ولقيتني عايش وميت بالاوهام
بالله من يكسرك يا قيد رجليّ
مليت من سجنك تكرم بالاعدام
اللّه من هم طوى خافقي طي
بين الضلوع المهدفة هوش وزحام
#فرحان_قيران
سلام ياشيخٍ بك العز مقرون
(ياشيخنا خالد عقيل المهنا)
مافيه غيرك شيخ مهما يقولون
يتبعك ياشيخ الجهامه ضعنا
كل دهمش لأمرك ورأيك يطيعون
شيبانا راحوا وهالحين حنا
واللي بيده الكون واللي على الكون
فلا تشوف اللي يكدرك منا
#فرحان_قيران
واللي نزل وحيه على صفوة قريش
مارد لك لواقضي العمر شاقي
يوم القطامي للهوى عرض الريش
ماجاك علمه لو تحذا الطراقي
وداع يابرق المزون المراهيش
دربي يماني وانت دربك عراقي
تدري مثل نقل الخوي ناقصه أيش
يامن تركني فوق روس السناقي
أوقف وخذها كاش من دون تشويش
ماني (غريب) وأنت مانت الشلاقي
تشرفت ليلة البارحة بحضور زواج الابن المهندس مشاري ، ابن أخي وصديق عمري المهندس مطلق الاسمر الشراري بمحافظة طبرجل .
كل الشكر لقبيلة الشرارات الكرام على حفاوة الاستقبال وكرم الضيافة ، مع خالص الدعاء للابن مشاري بحياة سعيدة وبالذرية الصالحة
يالشعر ياسلواي أنا حيل مفجوع
ولافيه أحد غيرك نشد عن حوالي
ياللي غلاك بداخل الصدر مطبوع
لولا وجودك يعلم الله بحالي
خذني معك شفني على الوجه مصفوع
خذني وحلق بي بروس العوالي
على الضماء نصبر ونصبر على الجوع
لكن بياض وجيهنا حيل غالي
#فرحان_قيران
يصادف اليوم زواج الإبن : بدر سعد الشمري بمدينة حائل ويعلم الله انني حاولت الحضور لولا بعض الظروف التي حالت عن ذلك ، فأرجو منه قبول العذر ، وسلامي الخاص لحائل وأهلها ، بدر من الشباب الذين نفخر بهم وأهدي له هذه الأبيات
.
.
(مرفق الأبيات أسفل التغريدة⬇️)
من أمسيتي بشتاء درب زبيدة بلينة :
جابتني القدرة على شمعة الحي
ليتك تناظر (فتنة الصالحيه)
سبحان من جمع بها الليل والضي
الليل خلف الشمس والشمس حيّه
الردف يطوي ثوبها يامشت طي
وجه(ن) بشوش وكلها قابليه
#فرحان_قيران
من شان (أبوي) احرص على سحر الألباب
واتعب على اللي يعجب السامعينا
أبوي قال الشعر يازاك الأنساب
عليك به لايشمت الشامتينا
إما انتزعت من الرجاجيل الاعجاب
بقبورنا ياوليدي استر علينا
لبيه يا أغلى من فقدت من الاحباب
ياللي بظله بالمعزه ربينا
#فرحان_قيران
#تكفي_ياعيد_الحطاب
ما طلبت إلا كريم ولانخيت الا شجاع
طالبك ياعيد بن حطاب تعفي عن طلال
ياولد عمي ترى منزلك عندي بالرفاع
وادري أنك ساعة الشدات شيال الثقال
كآن خليت بن عمك ياسليل الطيب ضاع
اعتقه والعفو عند المقدره طبع الرجال
يعطيني الدنيا مع الفجر يالاح
وبالليل ياخذني كثر ماعطاني
مر وكتبني بالورق فوق الالواح
لكن بدون أسباب رد ومحاني
المعذره بيتين من القصيده نسيتهن
لاني أكتب من الذاكره والكبر شين
هذه من اقرب القصائد لقلبي لأنها برفيق عمري واللي يعادل روحي ابومشاري المهندس مطلق الأسمر الشراري
بالتسجيل هذا هو جنبي ، واخوي الشيخ الدكتور يزن السعدون وابنه مشاري
ببيت الشيخ يزن
اليوم يافيصل مهو مثل الأيام
والليله الدنيا هواجيس وهموم
والله لو ان اليوم هذآ من العام
مانمت متكدر ولانمت مهموم
ليت (العديلي) ماتنهض ولاحام
ولاراح مع جو الفضا وادرج الحوم
لو ان ناصر حي مانمت منضام
وهو حي مآني بالهواجيس ملزوم
#فرحان_قيران
تشرفت بتلقي دعوة زواج الابن الغالي بدر سعد الشمري بمدينة #حائل بعد عيد الأضحى ، وبإذن الله سبحانه سأتواجد مهنئاً ومباركاً ..
اللهم بارك لهما وبارك عليهما واجمع بينهما بخير
تقرر ان شاء الله ان يقام حفل والدي الشاعر #فرحان_قيران بمناسبة صدور ديوانه (المحيط) يوم الجمعة 1443/11/4
الموافق 2022/6/3 وذلك بقاعة (أحلى مساء) بمدينة عرعر .
لقد حان وقت تكريم هذا الرمز الشعري الكبير والاحتفاء به ، حفظك الله يالغالي لنا ، وأطال بعمرك ❤️
كانت أمسية مختلفة بكل شيء ، شكراً لكل من حضر ، شكرا لهيئة تطوير محمية الإمام تركي بن عبدالله الملكية على تنظيم الأمسية ، وشكرا لمن كان معي بالأمسية الشاعر عقاب الربع ، والمذيع محمد عثمان ، والمنشد عبدالعزيز العليوي
@ITBA_SA
@alrob3_3gab
@a_alolaiwi
@Mo7md_686
ونحن بصدد حفل تكريم الوالد الشاعر #فرحان_قيران لابد من استذكار محطة مهمة بحياته الشعرية عندما غنى من كلماته الفنان الراحل : سلامة العبدالله (رحمه الله) أغنية "كفكف دموعك" وذلك في العام 1985م اي قبل أكثر من 37 عام .
أنا متاكد ان المعلومة هذي لايعرفها الا الجيل المخضرم 😍
أدري اني مقصر معكم بتويتر لكن حبيت أعايدكم وكل عام وانتم بخير ينعاد عليكم بالصحة والعافية
الصورة الاولى مع شقيقي سعد وابناءه
والصورة الثانية مع ابني فيصل
#عيد_الاضحي_المبارك
#كشخه_العيد
ابيات جديدة 🌹
وجدي على البنت هذي يارجاجيل
ليت الحفر لجلها يقرب هنيا
وجه (ن) كما البدر وعيون (ن) مظاليل
ياجيت أبيها خريف العمر عيا
في صدرها شي يمكنه فناجيل
أو يوسفي من مزارع ماربيا
من الورد فيها وفيها ريحه الهيل
مهره من مهار اهلها اهل الحميا
#فرحان_قيران
من لا يشكر الناس ، لا يشكر الله
والله الواحد يوم يشوف الحضور الكبير مايقول الا اللهم لك الحمد انتم المكسب وراس المال بهالدنيا
اشكر الداعمين والحضور واخواني الشعراء الله يعطيكم العافية جميع
#ليلة_المحيط
عساه يرحمك اللي ماله بحكمه شريك
وبرحمته يجعل الفردوس لك منزله
يافيصل العدل والقانون يبن المليك
اللي حمى دار جاره ساعة الزلزله
الحق والعدل والإنصاف منك واليك
والهيبه الواضحه والطيب والمرجله
ياسيدي مانت فيه وبس أدور عليك
محتاج لك قبل واحتاجك بها المرحله
@nawafbinfaisal
2️⃣
كانه تجاوز خطايه شفت معروفه
ما يرصد أخطاي غير قلوب عدواني
ومن لا بغاني لو الطوفه على الطوفه
تروح الأيام لا جيته ولا جاني
يا صار باللون الأسود صابغٍ جوفه
مـا تصنع الود (بيبانه وبيباني)
،،،،
وسلامتكم #فرحان_قيران
والله ياجماعة الخير لي يمكن 20 سنة مقفل باب الامسيات بعد حبكم الكبير بحفلي وطلبكم اليومي بالعودة قررت لكم وعلشانكم ارجع
كل شيء إلا زعلكم انتم رأس المال الله لايخليني ولايحرمني منكم
واعتذر من كل وجه لي دعوة للمساحات انا احب اشوف محبيني والتقي فيهم بأمسية
(وراح تبقى في قلبي وذهني طول حياتي)
فجعني وأحزنني خبر وفاة الغالي ابو بندر حمود عشوي والله أن خبر فقده هزني كل التعازي لابنه بندر وجميع عائلته
لا أحد ينسى ابو بندر من الدعاء
#حمود_عشوي_العنزي
تشرفت بزيارة الشيخ جمال هجرس الديدب بعد اجراءه عملية تكللت لله الحمد بالنجاح ، ماتشوف الشر يابو فواز ..
يا أخو نجمة فيك أنا ثابت وراسي
ما عليّ من الزواريب وعملها
أنت يالديدب عوض ربعي وناسي
أنت نقاض العقود ومن فتلها
كل صدرك حزن ولغيرك تواسي
حي رأسً مايوطيها سهلها
فقدنا اليوم شخصية كبيرة ورجل الأخلاق الفاضلة الشيخ : فرحان بن مناحي البكر
أتقدم بأحر التعازي لأبناء الفقيد ولقبيلة السويلمات عامة ، انا لله وانا اليه راجعون
#تكفي_ياعيد_الحطاب
لي حق عليك ياعيد تقرأ كلامي أنا ابن عمك وسايق وجهي عليك انك تعتق طلال ، ولدك اللي فقدته يعلم الله أني أعتبره من عيالي لكن أمر الله وصار ، والله ان عائلة الحطاب كلها غالية عندي ورجال فيهم خير كثير ، عسى ربي يفتح على قلوبكم وتفرحونا
لارحت أنا يمه برجلي ولاراح
ثابت وأنا مثله ثبت بمكاني
لوشفتني ياصادق الود مزاح
آخذ من اطراف الدقايق ثواني
الغبه اللي تلتهم كل سباح
عيت توديني بعيد المواني
صادفت أنا فيها تماسيح واشباح
يارب صبرني على مادهاني
تدري ظلوعي سدها ليه ماباح
القلب ثابت والمحاني محاني
تشرفت هذه الليلة برفقة شقيقي سعد والابن فيصل بزيارة لأخي الشاعر والاديب فهد أبوشيبة واخوانه الكرام بديوانهم العامر بمدينة عرعر وبتواجد أخي الغالي صاحب القلب النقي الشاعر رضا حليس الرويلي والشاعر عطالله المضياني ..
كانت ليلة شعرية من ليالي العمر