" فإذا عزمت فتوكل على الله "
-
تم بحمدالله تزكيتي :
عبدالله محسن الطينان العنزي
ٰ
مرشحاً ضمن صفوف #القائمة_المستقلة
للعام النقابي 2019 / 2020
-
ٰ
والله وليّ التوفيق 💛💙
ٰ
#paaet
الحمدلله أقصى مبلغ الحمد والشكرلله من قَبل ومِن بَعد
تم بحمد الله وبفضله ونعمته تخرجي من كلية
الدراسات التكنولوجية
بدرجة البكالرويوس بتخصص هندسة كيميائيه-
تكرير بترول
م.عبدالله محسن الطينان العنزي
"ربِّ إنفعني بما علمتني، وعلِّمني ما ينفعني، وزدني اللَّهم علماً"
اجزمت بـ إن العِرق مو دساس
من وضعك اللي صعب تبريره !
جدانك اللي تتعب الافراس
على العدو لا جاته مغييره
لو كان في وقت المغازي كاس
ياخذه جدك مو أحد غيره !
#عبدالله_محسن
عذرك اللي معا مسباحك تفرّه
اغبى من غيبتك لو كنت متشاطر !!
كنت اخاطر لـ اجل خاطرك كل مره
بس هالحين والله ماني مخاطر :)
ماتكسّر مجادف نفسي الحره
كسرتك فيني ولاّ كسرة الخاطر !!
#عبدالله_محسن
مصير هقواتك الواجد يجيها زوال
خذها من اللي من التفكير صابه شلل
لو شحت ايامك السوده بـ وجه الرجال
سنّد على وجه طيّب كان صابك خللّ
اللي يملّ الجمايل، في عيال الحلال
ما هو خويي من يشوف الجمايل مللّ
تر المصاب الجلل مو موت عمٍ و خال
إذا انجحد فعلك الطيب مصابك جللّ
#عبدالله_محسن
خويي ما كسبت من الليالي واحدٍ شرواي
مثل من يرتجي قطرة مطر داخل رِحم ديمه
انا لوّ بـ اتنساسى جحدة الغالين مو نسّاي
ادور لي عذر لو ينشرا لي والله اسيمه :)
ليا من ضقت اشرب ضيقتي كنها "بيالة شاي "
اللّم الباقي مني وانتهض عن "طيحه الليمه "
#عبدالله_محسن
بـ اسايرك لين تاخذك الليالي و اليين :
اوادعك بـ الوداع الي ماهو بـ سببي !!
ما هنت وانا اشوف عيونك بـ نص عين
من عقب ماكنت من عينك اعرف شتبي !!
#عبدالله_محسن
احفظ الي باقي بوجهك مثل ما تحفظ سره
ولا تكمّل والله ان هقوتك والمعروف غادي !!
قصّ قلبي .. يوم قصت رجله الثنتين جِره
و خانني كثر الي خانو بـ الامانه في بلادي :)
#عبدالله_محسن
يـ اللي ورا الناقه تدوّر محاصيل
من سيف ابن حثلين جتك الزعامه
هذا سليل آهل السيوف المصاقيل
له منزلٍ في نايفات العدامه
هذاك اخو جوزه وينبيك ما ��يل :
"نزلك منزالك " ، و هذا نظامه
ولا انت خبلٍ بين ربع و مشاكيل
" شريطي " ومالك شداد و كرامه:)
مافالتحدي ضحك سن وتساهيل
كم خشم قبلك قد فركنا عرامه
.
ماودك ان اللي عليهم مداخيل
ايعاندون اهل الضفر والقرامه
هذا وهو باقي طرف علم ماقيل
وجهه غدا من كثر ماجاه شامه 🥇🏆☝🏻
لنا الوقوف الراكز الفعّال
وقتٍ معادنّا تحكحك له
ومن بيننا قرم وكريم سبال
لا وقّف الأيام تبرك له
عليه أسمى القول والأمثال
وعليه كل الظّن والتكله "
لا تحسب ان الطيبين أشكال
الطيب واضح ونعرف شكله
" ماتضحك الدنيا على رجّال
لاشافته رجّال تضحك له
#paaet
#انتظروا_الويلان
ترا ما يرتفع قدرك إذا وقّع
وعمر الوصل مو بالنصح و التشجيع
معييّ ، و الجفون من الدمْع نِقّع
تبي تطوّعني بغيابك وانا ما أطيع !!
آفا و الله !! ، أنا ماكنت متوقّع
خذتك الغيبه الي مالها توديع !!
مضيّعني الغياب وماني مترقّع
ومن ضيّعت زولك أنا قمت اضيع !!
#عبدالله_محسن
يمينه البذّاله ... الـ لطامه
ما لكـلك ! بـ يمكنّي و لكني !
يلعب بـ خصمه مثل لعب الدامه!
مرات احس إني مخاوي جنّي ..
ولا يجمّل..شكله و هندامه
يجمّل المحتاج و المتعنّي
القامه اللي ما وراها قامه
لا صرت قدامي بـ يضحك سني
اي والله إنك يا خويي هامه
جاريتك و طلعت أطيّب مني :)
لو يبلش بحمل الثقيل شعيل
ما يبلش بـ حمل الخوي متني
انعتني لا من صار مابك حييل
وإن زانت ايامك لا تنعتني :)
أبركب ظروفك ركوب الخيل
وبواجه الضيقات لا جتني !
لو هانت الدنيا ردي الحيل
أيامي السوده ما هانتني
أوقف لها و أقعد لها وأشيل
وتسمع صدى صوتي لا نادتني :)
#عبدالله_محسن
الشكر لله أولاً
شكراً لـ عنزه
شكراً لـ 5841 صوت
شكراً لـ جميع كوادر
#القائمة_المستقلة 💙💛
شكراً لـ جميع من ساندني و وقف معي
" ولكم في رقبتي دين "
و الخيره في ما أختاره الله سبحانه ..
و أبارك لـ أخواني في القائمة المنافسه الفوز
و اسأل لهم التوفيق و السداد ..
#PAAET
تمنيت لو احذف من العمر خمس سنين
ولا اعيش موقف لو حصل ما تمنيته !
خويي و كنت أعدّه السيف ابو حدين
يجي قبل ل�� احتاجه ، بـ فعله و تضحيته :)
مثل ما تعلّق صدري العف بـ التدخين
تعلقت فيه من المراجل و ماشيته ..
و أنا واحدً لو يلحقه من خويّه شين
ما غيّر خويّه مثل تغيير باكيته
حنا هل الكلمه بـ وجهك إذا جيت
و الموقف اللي نوقفه يحتمينا !
تبطي و لا تضحك علينا الشماميت
ولا تشق صفوفنا و تهجينا
حنا نشتت ، لا حصل فيه تشتيت
واللي نوى يضرنا ضاع فينا
حق الدخيل إنا نزبنه بـ البيت
ماهو فضل هذي حقوقه علينا
#عبدالله_محسن
اليا ركبنا الخيل جاها هفافي
تاطا شخانيب الوعر من ذعرها
يا خيلنا ياما وطت من فيافي
تاطا على كالدوح ناعم شجرها
قول ٍ بلا فعل ٍ علينا يشافي
يعطي لسانه لسنة ٍ من ذكرها
إن كنت أبو مشهور واحسب سنافي
إني لـ اورد سابقي في نحرها
الشيخ مشعان إبن هذال
المّ نفسي عن غثا لمة احباب
ماهم حبايب لي و اعيش إنعزالي
لي وجه عند عيال عمي والاجناب
ما سمته لـ دلاّل و السوم غالي :)
حافظك حفظٍ ماهو بـ حفظ الألقاب
ما انت بـ ذنب ياراسي و(راس مالي)
جابك لي اللي ما يثنّي اذا جاب
من خيرة بطون النسا و الليالي !
#عبدالله_محسن
لـ مقام
عمي الشيخ د. عويّد المشعان الهذال
@DrOwaedAlHathal
و لـ عمي عبدالله عويّد
@AbomohammadQ8
بمناسبة تخرج أخوي الغالي
ملازم حقوقي .. محمد عبدالله عويّد الهذال
#عبدالله_محسن
تثاقل خطوتك عن باب عذره ليه
خذتك أعذارك و لاجيت من دونه
تشوفه كل يوم و لا تقول شفيه ؟
ما شفت الضيق والحرمان بعيونه !
ولا همك مع إنك همه و تكفيه
وكل اللي يهمونه و يكفونه :)
تخليه أنت ، و حتى صوتك يخليه
لوّ تخليه يزعل ، لا تخلوووونه !
#عبدالله_محسن
يا مرحبا بـ البيت أبو أطناب
عند اللي مرحب و هو كايف ..
معروف بيت الطيب ، ماله باب
يزبن به ، المحتاج و الخايف !
الله يدوم الطيّب اللي جاب
شرواك يا مشعل ولد نايف :)
@MeshalMeshaal
صاحبك كثر الكلام الي يجي له ضرّه
إكرب لسانك ترا لسانك ماهو متكرّب
دام كافي خير ظنك إكفني من شره
و لا تجيني جيّة الصامل من المتهرّب !
والله إنك في سباق الطيب ما لِك جره
و ما يدش الشوط غير السابِق المتدرّب
يوم دور بين وقفاتك وقوف يسرّه !
شاف بـ إنك سيف عرضه ما أنت سيف مجرّب !
و الله إن صدري مشرّع ما تغيّر
تاخذ علومه و لا تاخذ همومه !
مثل طيّب دون ربعه ما تحيّر
لا دعت و قفاتهم شمّر كمومه
من كثر ما يدهل بـ بيته مسيّر
لا قدر يـ رممه ، و لا يسومه :)
عليك عبره تخنق الصوت من غير صوت
و عليك مزنة دموع ولجّ برق و رعد
إرقد يمال المعزه و الأجر و الثبوت
إرقد يمال الوسيعه والفضا بـ اللحد
واذا لحق روحك وزولك من الله موت
ما مات من سِمعته عطره وخلّف ولد
وقفتك وقفة والدك بـ الضبط
كرسيه و التاريخ بـ يعيدك
اسفط يا بو مشعل عدوّك سفط
مثل الملّف اللي تحت إيدك :)
#الشيخ_طلال_الفهد_الصباح
#راعي_الحرشا
#رئيس_المجلس_الاولمبي_الآسيوي
تحاشيت كل اللي ينزل دموعي لييين
يمر ذِكره و دمعي نزل ما تحاشيته !
لو إن جاتني من غير طيّب و أحمر عين
عسى الله يلعن ساعتي كان خليته :)
أحط الخوي في خانة الشك و التخمين !
الييين يتبيّن فعل يمناه خاويته ..
#عبدالله_محسن
تكالب عليه هموم بقعا ، وسوء ظروف
و حنا مانسمع فيه ، وأذونا طرشا !
هذا فعله الي فارق ، و بيّن و ، معروف
هذا راعي الحرشا ، تعرف راعيّ الحرشا ؟
#عبدالله_محسن
#أحمد_الفهد
و غضيت طرفي وانا ماني قصير إيدين
لأني طويل ايدين لي طرف غضيته
نسيته ، وانا ماشوف نفسي مع الناسين
انا والله اني ما نسيته ، تناسيته !!
له من القدر ما تنحني له دموع العين
و له أسمً ليا من ضاقت الأرض ناديته ..
تعديت مرحلة المفارق و وضعي زين
بس آحس تأثيره عليّ .. ما تعديته :)
انتي عزاوي هل الردات ، بـ ام الكحل
تردك القوم لو يلحق مردك دمار !!
تحسسيني ، و ضميني ، و صدري محل
و من كثر ما تسكنيني صار صدري قفار !
تجين تحتي مثل ما تجين تحت الفحل
الين بيّن بوجهي من الوانك سمّار :)
#عبدالله_محسن
قلبي على الطيب ما ينطر زلّه
أنا أعرفه ، طيّب و متغاضي
أنغاض منّه ..لا تعكر دلّـه
و لو جتني من غيره ماني منغاضي
سلام يـ اللي لا زعلت أدلّه
و أجيه زعلان و أعوّد راضي
يا محزمي لا صاب ظهري خِله
كيف إتخاصم مِعك وأنت القاضي
الدمع أهلّه ، و القصيد أهلّه
و شرواي ماعمره بكى من فاضي
خشوّ ردي الربع يالربع خشوه
ولا تذخرونه حزّة اليوم الأغبر !
و الأجدر الطيّب لو الربع حيّوه
ماهي غريبه دامه اطيّب و أجدر
لا غاب عنّك لا تلحقٌه مشروه
بـ يدخل عليك بـ كل مكان يتعذر :)
#عبدالله_محسن
هلي الدمع يا( شيخه ) و أبوج الفقيده ..
يا النهار الحزين ، الأسود ، المدلهمّي
بـ أسم ( فيصل ) نسمي كل قرم و وليده
و إذا ماهو مثل ( فيصل ) أبد ما نسمي
مثل دمع العضيد اللي مودّع عضيده
أبكي والله على الطيّب من عيال عمي
#عبدالله_محسن
#فيصل_مطلق_الشحيمه
من وقت ابن هذال و ابن غبين
و ربعي محد يقدر يحاربها
و الساعه اللي لـ الرجال تهين
نوّقف و توقف عقاربها !
جرّب رضانا و الله إنه زييين
و لحظة زعلنا لا تجربها :)
#عبدالله_محسن
@BinHathaL
@ha443x
أقول عمي ، ولا أنا ماني بخيل
خلني أقول الشيخ أو ، وجه السعد ..
لك بيت أدلّه ، كان ضيّعت الدليل
و لك خشم أحبه و احتمي له و استعد !
رايك يوجهنّي على الدرب الطويل
و انا بعد كلمتك ما أشاور أحد !
على ظهر صالون ، ولا ظهر خيل
و انتو يا بو ناصر تحلون العقد ..
تجاهلني ، وأنا معروف عني ما عليّ غبار
تباشر بي ربوعي لا حضرت ، وتِعلن قدومي
على اللي صار ماني معاتبك ، اصلاً على الي صار ..
وأنا من كثر ما قدري كبير ، "أكبّر هدومي! "
#عبدالله_محسن
مافيه لا بعدك و لا قبلك
لأنك على العليا .. طويل ذراع
"صالح "و أسمك فيه من فعلك
عز الله إنك "صالح" و" نفاع "
بمناسبة حفل زفاف ولد عمي
الغالي
صالح نفاع المغرنج
@s_naffa
خويي ترا بعض السوالف لاجات تهين
ماودك تطريها على الشخص لا جيته :)
تقفاني بـ ظهري و انا أطيّب من الباقين
ما حطيت شان و قدر لـ اللي تقفيته !
يزل الصديق الباخص و أعتبرها دين
و انا واحدٍ ما ارتاح والدين ما اوفيته !
أجيبه على ظنه ، و آحطه مابين أثنين :
متى ما قدر يرد كِلمته ، رديته
أنقلني من جو الحزن لو كنت :
قبلك محد يقدر على نقلي !
ماني بـ ليّن و إن سمعتك لِنت
مع الكلام إن جيت تنطق لي !
قلت لك أخذني "قد عقلي" و أنت :
خذيت مني ... قلبي ، و عقلي !!
#عبدالله_محسن
والله اني من جمايل وقفتك ماكل و جارع
جرعةٍ في عزّ طيحاتي تشافي كل جسمي
انت واحد ما تواجهنا معاه بـ نص شارع
خوتك كني موثقها معاك بـ عقد رسمي
#عبدالله_محسن
شيلة بمناسبة حفل زفاف اخوي و ولد عمي
"بدر نايف الزارع "
الرابط :
" مصير عمري " ، و مادونك ملاذ و مفر :)
و مفرّط بـ أغلب الأشياء ، إلا المصيير ..
عيونك السود ، و تذكرتي ، و ربع السفر!
ثلاثه فـ : ذمتي ، الين أرجع بخير !
#عبدالله_محسن
يا ماجد شلون أوصفك و إنت فكره
تخلّي بناخيك ، طيّب و مرموق ..
لك حق أفاخر فيك منّا لـ بكره !
و أنا ما حب يصير بـ رقبتي حقوق
و اللي يخلّف طيّب يشيل ذِكره
لو إنْه تحت الأرض ، يبقى ونِعم فوق !
@msabuadl
لوف قلبي .. والليالي دايره و تهيّب
والله إن ما غير ربعه يجرحه و يلوفه
والله إنك يا خويي عشت دور الطيّب
مادريت إنك معَ طيبك ، دعمت الطوفه!!
#عبدالله_محسن
بيت طيبٍ يتعب الناصي بوصف وصوفه
شوفه مطرّف يشدّ اللي زبن و العاني
فاتحه راعيه ما حطّ العذر بـ ظروفه
و قال : يا ضيفي تعال لـ مجلسي تلقاني
عنده عياله تباشر دلته و تحوفه
حوفة الطيّب ليا من سيّر المتفاني
"مرحبا و نفوسنا رحبّه ماهي مكلوفه"
مرحبا يا مرحبا يا مرحبا يا اخواني
وفق فتوى عضو هيئة كبار العلماء الشيخ سعد الشثري نظراً للظروف الراهنة يجوز صلاة الغائب على أخوكم
حامد خالد الطينان في منازلكم .
ادعوله بالرحمه و المغفره و الثبات ..
وضوح الي بقلبك ، بوجهك هْذا احسن شي ..
يخليني أعرف جوّك .. إن صرت متعكّر!
لا تقعد تفكّر ، والله إن دام راسي حي :)
أنا صاحبك يا خوي و تفكّر ؟؟ .. تفكر !!
#عبدالله_محسن
لا شفتو طيّب و ما عرفتو شسمه ؟
نادوه بأسم " الطيّب الجنفاوي"
#عبدالله_محسن
في مقام العم محمد مدلول الجنفاوي
و أخواني
أحمد محمد
@A_M_ALJENFAWI
و فهد محمد
@FAljenfawi
بـ مناسبة حفل زفافهم ، الله يوفقكم
ويبارك لكم يالغالين