أداريك عّن ضِيقك واحنك من أدنى شي
وانا ما اتلفّت لـ الخواطر واداريها
ولا أعاتبّ الا الساعه اللي تجيبك لي
تجيبك ولا هي الراكده في ثوانيها
أحبك َوانا الليّ لو جّميلك علي شوي
قدرت أتناسى لييييييله منتّ ناسيها
وأحبكّ وانا اللي لو يدور الزمن هي هي
على حطة يدين القلوب و هقاويها ,🤍
بين جفنك وعينك ألف معنى ومعنى
وش بقى للقصايد يوم ترخي جفونك
أنت يـ اللّي بـ زينك جيتنا ، تنـتزعنـااا
وسع الصدر وارحمنا على هون هونك
( أنـت والله لـو إنّـا بـ تسـري رجـعّنا
لانتهى زين غيرك كنّهم يبتدونك )
كم بغيناك في وسط وانا اقول ضعنا
عجزت أبيات شعر معذبك يوصوفونك،،🤍
@2lwm_
يقول رشيد الزلامي الله يرحمه
العز للنفس واجـب والحيا سنّــه
وانـا يـديني مـن الثنتين مليـانـه
ورزقي على اللي ليا اعطى شي مامنّه
والا يدين العرب تعطي.. ومنّانه
وان شحوا الناس ربك يعطي الجنّه
ما يغني الا كريم الوجه سبحانـه
إذا باعك اللي مارحم قلبك الحساس
تلفّت وتلقى شمعة القلب تضوي لك
تعال وتذرى بين غصن الرجا والياس
تحت جذع صدري لين توقف على حيلك
بعدها تعرف إن الذهب ذاك كان نحاس
و لا فيه أحد كثري من الناس صافي لك
على سور قلبي لا تغرك جموع الناس
ترا ما ورا بيبانه إلا . . .مداهيلك
صبـاح
عطيته سلامٍ بالإشارة وهِن عجْلات
ورد السلام بطرف عينه يحيّيني
ونرجي عسى عاد الليالي لها دورات
تزيَّن لنا عقب أختلاف الموازيني
وليفٍ معي ذكراه تصبح معي وتبات
معي في المنام وله خيالٍ يبارين��
غدوا في محلٍّ مالنا صوبهم حاجات
ولا به سلومٍ صوب بيته تجرِّيني
عامر بن نوطان رحمه الله
لو تعرفين شكثر احبك بكيتي
عن كل يومٍ فيه ما كنت احبك
ولو تلمسين أشواق قَلبي نسيتي
أمك و أبوك ولو لا الإيمان ربّك
ولو تَلبسين أوراق شِعري سميتي
عن كل شخصٍ بـ البِسيطه يسبك
مَرّه : جبرتي خَاطري و إنتحيتي !
ومن يومها مملوك طيبك و طبّك،،🤍
يابوضحكةٍ ماتعترف في وطن وحدود
تمر القلوب الصادقه .. دون تأشيره
ٓ
وانا واحدٍ قلبه نظيفٍ وعِرفه ،، زود
مهو ب لاحقك شره إذا ما الحقك خيره
ٓ
يشوف السنين اللي معك هي عمر و وجود
وباقي السنين اللي بليّاك تقزيره
ٓ
جعل وجهك أبيض من كثر ما يديك تجود
يا ويش الشعور اللي معي منك تأثيره 🤍🕊️
يا مرحبا يا دفـا قلبي و مْـا عيني
من دمعة الشوق لـ بحة معاذيرك
حيّ الله الغاااالي . . إلّا سيّد غاليني
أشتقت لك كثر غيباتك و تقصيرك
إجلس بـ جنبي و هات إيديك بـ إيديني
و سولف عليّ جعل ما يسولف عليّ غيرك🤍🕊️.
يسعد لي مساكم،،🤍
أنا وين أبهرب منك مافي هروبي فود
فؤادي معاك وفي هواك انفتن جدّا
الاقيك في مطلع قصيدة ونسمة نود
وفي البدر لا ضوّى .. وفي الورد لا ندّى
وفي كل طرف أدعج وفي كل ضامر عود
وفي وجه من لبّى وفي صوت من فدّى
وفي حلمي الغادي وفي نصفي المفقود
وليل ٍ هقيت .. إنّه يعدّي ولا عدّى ،،🤍
😌
يشوفني عينه ولا آغلى من العين
و آشوف فيه اللي محد فيه شافه
عند الزعل ناخذ لنا شوي و نلين
البعد لو هو ظرف ساعة نخافه
كنا ولا زلنا حبايب بسيطين
محدٍ على الثاني يطيق الكلافه
حنا فـ بعضنا طيبين و وفيين
وعلى بعضنا ما نشيل الحسافه،،،🤍
جعل عذبات القصايد مداوية الكبود
فدوة الرمش الجري والحجاج المنتبه
احفظي مبخوت الابيات في طابوق عود
والا خليها على الصدر سلسال رقبه
بري حالي كل ما هب من مرباك نود
والله لو ان الهواء ينقضب لي لا اقضبه
وانتي ابعد من شعور الرضى على الحسود
واقرب من الفوضويه لـ باب الموهبه ،،🤍
المحبه كان ماهيب لك يعني لمن
شوف عيني كم لها في عيونك سارحه
ما تنسيني جمايلك دورات الزمن
لين راعي الجرح ينسى ملامح جارحه
معك للايام لذة و لـ اللحظة ثمن
انت ضحك اليوم على دموع البارحه ،،
مسـاء الخيـر ,,🤍
أنت شي من الحقيقه و ضرب من الخيال
صفوة التالين و آخر بقايا الاولين
معك يازين التطرّف و شين الاعتدال
حتى لو تطغى وتسلب حقوق الآخرين
أنا ماعندي جوابٍ على قد السؤال
وأنت ما لازم تكرر سؤالك مرتين
قبل اعرفك كنت بين الهدايه والضلال
واهتديت .. الحمدلله رب العالمين
جابر النشيرا
يا حبيبي والمحبة مواطنها القلوب
والقلوب إليا تصافت يزيد أشعافها
والله إن حبك سعادة وذنب من الذنوب
سكةٍ فيها الركايب يطول أوقافها
مايتوب القلب من حب خلّه مايتوب
لو تتوب الناس من حقها وأعرافها ،،، 🤍
مساكـم الله بالخيـر،،،🤍
مساكـم الله بالخيـر ,,🤍
أنا طفل قلبك ومستقبلي في يديك
إن قلت لك خبني في داخلك خبني
شكراً على اشيائي الحلوه وشكراً عليك
وفداك من يفرح لمدحي و من سبني
و تعال عندي أنا عندي مشاعر تبيك
عشان اعلمك كيف تحبّني ؟ حبني :)😉🤍🤍
يا فاتنه والعيد باقي له ايام
ان كان ما انتي راجعه علميني
ما ودي اعيّد مثل عيدي العام
يوم ان حزني فاضحه دمع عيني
في جيّتك تبنى طموحات واحلام
مري علي ابصورتك واذبحيني
بعيونك النجلا وزين التبسام
والحاجه اللي عاد بينك وبيني،،🤍
تباهي وغني واضحكي لايهمك شي
لامالت ظروفك فيك لك من يعدلها
بتلقين لك في جوف قلبي براد وفي
هنا منزلك والناس تعرف منازلها
ماتقدر تزعلك الليالي وراسي حي
لو تزعلك سود الليالي بزعلها..😌😌
مساكـم الله بالخيـر،،🤍
يسوقني طاريك لمشـاهدك سوق
وأشفق على لمسة يدينك شفـاقه
زرعت لك زرعن .. له أثمار وعروق
وقدمت لك من زهرة العمَر بـاقه
وأن كان عندك شك لاناشك العوق
في قلبي اللي لك يزيد أشتيـاقه
الشوق مشتاق لك أكثر من الشوق
شوق بدويٍ ضاعت أغلى نيـاقـه .🤍
واهني الداله . . اللي عن التفكير ساج
مابعد جرب عنا الوقت من يومه صبي
ولا أنا ماغير أدور من الضيق الخراج
و كل ليل يزيد همي و ضيقي و اتعبي
علةٍ في خاطري . . مالقيت لها علاج
من سبب ميلات الأيام ماهي بسببي !
من يسلفني سعة بال و أخلاق و مزاج ؟
و ياخذ الضيقه و ياخذ عليها اللي يبي🤍
ياعنيدة مامعي صبرٍ مثل صبر المهادي
لاتعذرتي مثل عذر المعقد بالعقيدة
َ
في رجاء الله مايخليني لجدّي واجتهادي
مارجيت الا وعده ولا خشيت الا وعيده
المصافح فالقلوب اصدق من مصافح الايادي
اسمحي لي كل يوم اصافحك وانتي بعيدة ):🤍
صالح النشيرا .
مرحبا يا أغلى من الشوف لعيون الضرير
المشاعر في حضورك تبدي لْك إعجابها
ما أنت عادي والذي حط لك رمشٍ غفير
أنت فرصة عمر يا سِعْد من يحظى بها
أخاف لا مريت، قلبي من ضلوعي يطير
وأقوم أفتّش في زواياها.. وأقفّل بابها ،،،🤍
يموت النقص ويعيش الكمال بخير
لا شفتك وإبتسَمْ لي وجهك الهادي
وأسولف للسحايب، والشجر، والطير
وأهيم بـ ضحكتك .. ماهيم فالوادي
لو إني فـ إتجاهاتي .. عكست السير
أنا أكثر شخص مستمتع وهو غادي !🤍
صبـاح الخيـر،،،🤍
انتبهو لبعض الكلام ،،💔
يقول
صالح النشيرا :
القلب يكسره اللسان ولا تجبره اليدين
ماهوب عظمٍ كل يوم تكسره وتجبره
وبعد لصالح النشيرا :
الكلام يهون كلّه و البلا .. من كلمه !
تطلع من الغيض مطلاع السهم من قوسه " .
أنا أقدّرك — لكنّ نفسي لها مقدار
حفظت الوصية فأول العمر من بدري
ترا أسراري اللي تحت سترٍ من الستّار
إلا ماغدت سيفٍ علي نزلت قدري
تصبر تراني واثق أنّ الزمن دوّار
ولا أحدٍ درا عن ضيقةٍ ضيّقت صدري
مثل ماتجيك الكربة اللي بدون إشعار؟
يجيك الفرج من خالقك وأنت ماتدري
راشد بن قطيما
لا اندبل كبد البنادم وملّ من القصيد
ما ازين من الغيبه اللي مايدرا وينها
الغياب ابرك من الحاجه اللي ماتفيد
والخواطر تنجبر لا انكسر روتينها
مابغيت اقاطع المجتمع واجلس وحيد
لين شفت النفس مالله عليه يعينها
من تبع شف العرب من قريب ومن بعيد
ماقدر يملك رضاها .. ويملى عينها .
✋🏻
تجيك المشاعر طوع ماكنها الا لك
توارد كما ورد الضمايا ومستنه
عليك الفواد منين ماسج يبرى لك
تجاهل نصايحهم إيلين أيسوا منه
أشوف العرب مناك وأشوفك لحالك
تبدى مثل فرق الفريضه على السنه،،🤍
أشهد أن حبه خذا بالمعاليق اتساع
جعل عيني ماتخسره ولا تبكي علِيه
احفظه حفظ الامانه بقدر المستطاع
واعشقه عشق الاجاويد بيضان الوجيه
صرت ألبّي لَ دعاني وكل أمره مطاع
مثل من قضّى حياته لطاعة والديه..!
مسـاء الخيـر،،🤍
يُقولون لا فارقت غالي يقل الود
وأنا أقول كم ليّ والأحاسيس جيّاشة ؟
أنا كنت أحبّه والمواصيل " يد بْيَد "
وحبّيته أكثر والمواصل " ورى الشاشة " .🤍
مسـاكم الله بالخيـر،،🤍
تاقف الدنيا عليك وترتبك من صدك
خل عاد اللي يشوفك مصدر استمراره
كيف ياخذك الزعل مني وكيف أردك ؟
وأنت ما تاخذك قوم ولا تردك غارة ،،🤍
صبحكـم الله بالخيـر ،🕊️
على نور الصباح و هبّ ذعذاعه و صوت الطير
ثلاث أشياء .. كفيله تنعش أشواقي و تحييها
صباح الطيب ولا الفل ولا الحب ولا الخير
تخيّر في الصباحات الجميله و أنت راعيها ،،🤍
يوم أنا ماني بـْ طامع عن كثير الماء قليلة
لو تهادى صوتك الأخّاذ ظَلّ الغيم دوحي
ما وقف دون آمنياتي لا ديار، ولا قبيلة
والله إن اللّي وقف لي زلةٍ هدّت صروحي
وجهك اللّي كل ما جاد الصَّباح، وجا يشيله
كنّ ربي كاتبه في عارض أيامي ، ولوحي ،،🤍
صبحكـم الله بالخيـر ،،🕊️
انتصفت الدرب .. لين الدرب وقفني هنيّا
احسب اني كنت ادل ومدري اني كنت غادي
يوم شديت الرحال إلى الغياب .. وقلت هيّا ؟
صار كوكب الأرض بعد مفارقك سجن انفرادي .
" لا تزعّلني و تحكم عليّ .. إني زِعول "
و أنت تدري مستحيل أزعل إلّا من بلا
و العذر في بعض الأحيان ما يَلقى قِبول
في وِسع صدرِِ تحمّل زعل .. لين إمتلا
مشكله غلطتك ما تقبل أنصاف الحلول
و المصيبه لك .. معزّه .. و تقدير .. و غلا ،🤍
عندها🤍🐪
مبرومة الخصر وش يرضيك غير القصيد
اشوف حتى اعتذاري فالخطا ما كفا
القلب قطعة لحم ماهوب قطعة حديد
عليه تثر مشاريه الزعل والجفا
وشلون ترضى علي انام واصحى وحيد
معقوله الشوق ماحرك ضميرك .. افا
فلي حجاج الرضا دام الزعل صار قيد
الطيب الطيب اللي لا تضايق عفا ،،🤍🤍
أحلى شوي من العسل وألذ من طعم الحليب
وأحر من همسة شفايفها وغمزة عينها
ومجدلن يوم أنتثر كله ماغير يفوح طيب
يطيح لو ما تفهقه ،، بيسارها ويمينها ،،🤍😌
مسـاء الخيـر،،🕊️
هرجته لا طعمتها تنقش عن الكبّد اللوايم
مايعرف يزل مدري زلته ماهي بزله
أدري أنه لا فقدني كنه من الزاد صايم
ويدري إني لا فقدته مابقى الا الدمع أهله
الخليل زيارته تلزم قبل كل اللزايم
الله يقرب بعيده والله إني مشفيٍ له .🤍
- سفر الدغيلبي
رهيف شعُور و يداري شعُور الخاطر المكسور
رغم كِل " الشدايد " ما تنازل عن طموحاته
⠀
بنا مستقبل أحلامه من أفكار و صور و شعُور
إذا الواقع قسى ، يرحل و يسكن في خيالاته…
صبـاح الخيـر،،🤍
يسوقني طاريك لمشـاهدك سوق
وأشفق على لمسة يدينك شفـاقه
زرعت لك زرعن .. له أثمار وعروق
وقدمت لك من زهرة العمَر بـاقه
وأن كان عندك شك لاناشك العوق
في قلبي اللي لك يزيد أشتيـاقه
الشوق مشتاق لك أكثر من الشوق
شوق بدويٍ ضاعت أغلى نيـاقـه .🤍
عليك من الرضى ما لاعب الغربي غصون الطلح
و ما هل المطر و ابتلت القيعان و اخضرت
حبيبي لو تبادر بالعطا و تمد كف الصلح
تبادلك اليمين اللي لا قرت بالقسم برت
وش أحلا من ملامك غير وجهك و أنت كلك ملح
لك اجباه الصعايب تحت رمشك ساجدة خرت
,,,🤍
يا بو وجهٍ اجمل من تغناجه .. مزوحه
ولا ينشبع منه .. لا واجد .. ولا شويّه
ابي الجيّه اللّي ما يجي بعدها .. روحه
مابي الروحه اللّي ما يجي بعدها .. جيّه !🤍😌
مساكـم الله بالخيـر،،🤍
يقول دهيمان الهوامله :
تل قلبي من محله لارعى الطرف الحور
الحواجب سود والموت فالنجل الوساع
رمش عينه يوم يغضي على الخد العفر
غيمة ٍتضفي وتحجب طرف شمس الشعاع
دوّر الخلاق وجهه على دورة قمر
من شعاعه راح قلبي ضياع ٍ في ضياع ،،🤍
تجيني والحياة ف يد والموت الحمر في يد
*تسكرها وتقول اختار حظّك هذي او هذي
*.
*نسيت انك حبيبي وأجمل حظوظي أباً عن جد
*اشوفك راحتي حتى لو انّي فيك مستاذي ،،،
مسـاء الخيـر ,,🤍
احياناً التعلق الزائد والتقرُب يقتل الأنبهار ويُفسد جمال الشيء، لذلك بعض الأشخاص من بعيد أجمل
وما قيل في ذلك؛
"اللي منعني لا أجي واقرأ تفاصيلك..
إحساسي إني أشوفك من بعيد أجمل"🤍
الغرام من أريش العين نارٍ حاميه
والمواجه خُلد والبعد ويل وزمهرير
كل ما أرسل من عيونه سهومٍ ساميه
ما جعلها إلا القلب والضلع القصير،،🤍
شاعر يام
علي بن بلال الله يرحمه
دارت أيامي وخانتني سنيني
والهوى يطغى على حاليه..مُرّه
قالت..إنسى اللّي مضى بينك وبيني
السما به جارحا صيّاد غره
لو يجيك الشوق حاول ماتجيني
لا تحِن ولا تغار ولا تشرّه
قلت..والله لو شعوري في إيديني
لمسح الماضي بخيره قبل شرّه
إمنعي طيفك يتوب ولا يجيني
عقبها ماعاد أمر البيت مرّه🕊
- جابر الدجران قال :
شبع قلبي من ملاوّع الضيق والتفكير
إلين أكتفى ولا أنت ، ماينشبع منك،🤍
- عبدالله ال لزيوح قال:
حاشمك من رجعتً ، ماضيك أجمل منها
من متى والغالي أللي راح يّرجع غالي ،🤍
- صالح النشيرا قال:
تقولين وش حّدك على طردة المقفين
وأنا ماطردت من المقفيّن كون أنتي .🤍
والله إني في محيا وجهك الطاهر .. أماري
وكل زين يمرني عقبك … أمره و أتعدا..
ياحبيبي ؟ واغلب العشاق من بايع وشاري
يوم انا . . من كثر ماني واثق فيييك اتحدا
َ
انت مثل الحاكم اللي دون شعبه نهر جاري
وانا مثل الصامل اللي دون حاكمه يتفدا ,,🤍