اما دعاء السديس اليوم فما أظن مر على الحرام دعاء أشمل منه ولا أكمل منه ولا ابتذال ولا ابتهال ولا خنوع ولا خشوع ولا خضوع ولا فصاحة ولا بلاغة أكثر منه في وقتنا ..
نصيحتي استمع له متى ما تفرغت ، وآمن ..
تاريخهم كله وبطولاتهم كلها بلا استثناء جاية بنفس هالتفاصيل اللي يصيحون منها ، وان ناقشتهم قالوا تخلّص من تفكيرك هذا واهزم الخصم والحكم ، ها الحين لا تصيح وتقبّل الخمسة ، والا تدري صيح الله يديم صياحك ..
لو اني من الهلال اسوي تمثال لتركي آل الشيخ عند مقر النادي ، هو صانع أمجاد الهلال الحديث وهو عراب عالميتهم ، وكل ما يزنقون هو اللي ينتشلهم ، أعظم رجالات الهلال على مر التاريخ ..
رضيتوا والا ما اعجبكم الكلام ، اللي قدمه الصليهم في هالمباراة يسوى كل مباريات الحسن وانسيلمو مع بعض ، شال الوسط لحاله وكان نجم المباراة ، سقراط ♥️♥️♥️ ..
اكثر لاعب يتعرض لإنتقاد ما يستحقه أبدًا ، ماله أي ذنب في شكل الفريق الهجومي ، لكنه أساس وركيزة النصر فالوقوف بالكورة وفي التحكم برتم المباراة ..
اللاعب الوحيد في هالمباراة اللي قدم كورة محترمة وحاول مع بروزو انهم يسيطرون على القيم ، بدونه المباراة بتصير مراكض رايح جاي ..
يا نصراوي ، فترة التوقف وماش محتوى لذلك قضوها بأهداف ولقطات ولحظات وملخصات البطولة العربية ، اللي دقينا فيها الهلال بـ ١٠ لاعبين ..
ونبدأ بهذا الملخص الجميل للنهائي ، بالتعليق الإيطالي 💛 ..
كاسترو والنصر ..
يوم طلع اسم كاسترو، تمنيت يكون خيار ثالث لأسامي افضل منه مثل "سباليتي -بيليقريني" ، ماهو لسوءه ولكن لأنهم افضل منه تجربة ..
اكثر شيء كان يقلقني بخصوص كاسترو انه افضل مسيرته كانت مع ناديين هم الأفضل في دورياتهم، لكن تجربة بوتافوقو اظهرت تنوع ممتاز عند كاسترو 👇🏼
أي كورة محترمة للنصر ، وأي بداية هجمة مرتبة تلقى بدايتها من أقدام هالعملاق ، برج المراقبة والسيطرة على مجريات اللعب ..
الكورة معه تبدو أسهل تبدو أجمل تبدو أكثر هدوءًا ورقي ، الكورة مع لابورت متعة بصرية ، لابورت ينفع يلعب وهو لابس كرفتة ..
ماهو سهل ابدًا تلعب بدون الظهيرين الأساسيين وهم ركائز مهمة في اسلوبك وشكلك وطريقة لعبك، ومع ذلك تلعب بهالمستوى والجودة ..
اثنين من أكثر اللاعبين فاعلية فصناعة الحلول، ومع ذلك النصر بدونهم قدم مستوى ممتاز جدًا وخلق فرص تهديفية ما تم استغلالها، قيم ممتاز فنيًا ويارب دايم كذا 💛 ..
محظوظ ميسي ماراح يجيه ملامة ولا انتقاد ولا راح يقولون انتقل لدوري مغمور ، بالعكس بيقولون انتقل "للدوري اللي يلعب فيه رونالدو" لأنه هو كذا من يوم طلع وهو في ظل القوت كريستيانو رونالدو ..
لابد ان نتحدث عن مباراة النصر بلغة عدم الاستهانه والتقليل من الخصم .. هذي اللغة الانسب للحديث عن مبارتنا معهم .. لا ان تعامل على أنها مباراة صعبة أمام نادي كبير .. هذا الفريق ولد من الدرجة الثانية .. واول بطولاته كانت دوري الدرجة الثانية .. هذا ليس تقليل منهم إنما هو واقعهم ..
أشهر مكالمة في تاريخ كرة القدم السعودية، المكالمة اللي نقلت كنو من النصر للهلال ونقلت رونالدو من الهلال للنصر.
تاريخ الرياضة السعودية بعد هالمكالمة بيكون عكس ما قبلها، مكالمة غيرت مسار التاريخ الرياضي ولن تنسى.
شكرًا ابن نافل شكرًا كنو شكرًا المفرج، وشكرًا للمتصل المجهول 💛💛..
لو تقرأ الكتاب اللي كتبت فيه أساسيات المحور المتكامل ، بتلقى ان اللي ألف الكتاب هو الإسطورة أمير الكروات مارسيلو بروزوفيتش ..
تكامل فني هجومي ودفاعي ، قدرة طاغية على التحكم برتم الفريقين وتسيير شكل المباراة على مزاجه ، لاعب وسط لكن عن فريق كامل ..
أوهمونا في ما مضى أن بعض العقوبات تشترط وجود لقطات من الناقل أو أن يكون قد دوّنها الحكم في تقريره ولكن …
مفردة "اللوبي" هي مصطلح انجليزي يعبر عن جماعات ظاهرة أو خفيّة وقد تكون متنفذة ، ولها تأثيرها على تغيير القرارات والأنظمة والتحكم بها ، وهذه أحد الأمثلة ..
#عاجل| مصادر "الرياضية": لجنة الانضباط تتجه لإيقاف البرتغالي #كريستيانو_رونالدو قائد #النصر مباراتين وغرامة مالية بسبب سلوك غير رياضي
(من:
@k7aled_otb
)
#النصر_الشباب
لم يكن جبانًا ، ولكن كان يحاول جاهدًا ان يصنع فريق بطل بقائمة مليئة باللاعبين الجبناء، كان ينافس بفريق لم يكتمل بعد ..
لم يكن المشكلة ابدًا ، ولكنه كان يحاول يستر عورة ادارة لم تقم بعملها كما يليق ، فـ ابعدوه وانكشفت سوء عورتهم ..
الحل رحيل، من وقف في صف أشباه اللاعبين ضده ..
ما أجزم ولكني اظن ظن قوي ان هذي اكثر مباراة تم تناقل الكرة فيها في تاريخ بطولة آسيا ، النصر لعب 784 باص وهذا رقم كبير وقياسي في الكرة الآسيوية ، ودي حقين الإحصاء ينورونا ..
بسم الله وعلى بركة الله، أول حلقات بودكاست نصر، تكلمنا فيها عن محاور عديدة، من المعسكر والفوز بالبطولة العربية إلى مباراة الإتفاق القادمة ..
تطرقنا لمحاور كثيرة ومنها تاليسكا والمنظومة وفوفانا والدكة والمشاكل الدفاعية، ما نستغني عن دعمكم وتقييمكم ..
القضية كانت هل فعلًا سلطان قال نصًا "يا ألعب أساسي أو لن انضم للمنتخب" مثل ما يقول مانشيني أو لا، وسلطان صرّح بأنها كذبة ..
اما محاولة إدانته بأنه أظهر للمدرب رغبته باللعب وخدمة المنتخب فهذي تصير من أي لاعب، وأي مدرب يتمنى لاعبين بهالحماسة ما أحد يبي لاعب ما تفرق معه لعب أو لا !
النصر أعاد الحياة لرونالدو ، أعاد له البسمة والرغبة والشغف، رونالدو استعاد شبابه مع النصر وجمهوره.
اتابع كريس من يومه ناشيء واعتقد انه يشعر بأن هذي الفترة من أفضل أيامه كرويًا، حماسه ورغبته وحتى احتفاله بأهداف غيره.
رونالدو سعيد بتمثيل شعار النصر 💛 ..
مقتنع قناعة تامة ان الهجوم عليه وتضخيم سلبياته هي مجرد حالة غضب ، زي اللي مر فيه العمري ، نحب نطيش ونزعل ونوجه الغضب لشخص واحد ..
فالشتوية عندك أولويات أولها انقاذ كاسترو من عديم الإمكانيات فوفانا وثانيها حل مشكلة الظهير في آسيا ، العقيدي الى الآن ضحية لسوء الفريق دفاعيًا ..
لم يسبق في تاريخ رياضتنا ان تتفق هذه الأندية بإداراتها ومنسوبيها على أمر واحد ، ولكن لأن الظلم استشرى وأصبح سمة تدار بها مصالح ذلك الفريق ..
الكره والمحبة لا شأن لها بهذه البيانات ، هذه الأندية بينها مشاكل عدة، ولكن هذه الوقفة لأنهم علموا وتيقنوا أن المنافس هو من يدير اللعبة ..
عاد اسخف شيء اللي يقول لك الناديين ملك الصندوق ومن حقنا نلعب في نفس الملعب ، اجل مرة وحدة كل جولة نعطيكم رونالدو وتعطونا نيمار وتنويع وفلة وشغل عيال ..
الله لا يعاقبنا على زرفتنا للإنتر ، الكورة اللي يلعبها بروزو والقيمة الفنية اللي يقدمها ، تستاهل أضعاف اللي دفعناه لهم ، مارسيلو بروزوفيتش محور الأرض 💛..
جناح ايسر مهاجم ثاني جناح ايمن ، النصر بتعاقده مع ساديو ماني كسب لاعب عن خط هجوم كامل ، النصر كسب لاعب بقيمة وشخصية فنية عالية جدًا جدًا جدًا ، الأسد ساديو ماني أفضل لاعب افريقي فالعالم 🦁💛..
هذا المقطع فيه اكثر من ٨٥ هدف محقق تم اضاعتها ، بقيادة "مدرب جبان" بينه وبين المتصدر ٣ نقاط فقط ..
يذكر ان هذا الفريق لا يمتلك اي محور هجومي ذو جودة عالية ولا يمتلك جناح ايمن ، ومع ذلك هو الفريق الاقوى هجوميًا مع ضياع كل هذه الفرص ..
@saifmoalsaif
بس انت قبل تصريح سلمان اللي حلف فيه بكذب مانشيني ، ما كنت تقول يجب التحقيق ، كنت تطالب بالضرب بيد من حديد وبدون ذكر أي تحقيق ، وش اللي تغير بعد تغريدة سلمان ؟ ليه الحين لازم تحقيق أول ؟
مفاوضة ناديه لا تكفي
مفاوضته شخصيًا لا تكفي
الإتفاق المبدئي لا يكفي
الإجتماعات لاتكفي
التوقيع وحضوره للمعسكر هو مطلبنا وهدفنا ، جملة "ساديو ماني لاعب نادي النصر السعودي" هي اللي ترضينا وتكفينا ..
#ماني_مطلب_نصراوي 💛 ..
اعتذر بالنيابة ، فنحن جمهور أدمن القلق ولم تعد السعادة موضع طمأنينة لنا، تصبغات الزمن لطخت ثقتنا بالسعادة، فلا نرتاح ولا نهدأ الا بالقلق ..
جمهور فريقه في آخر ١٤ مباراة فايز ١٣ مرة ومتعادل مرة وحدة بس، ويعجز عن رؤية الإيجابيات ويتشبّث بالمجهر على السلبيات، أقين آسف يا مستر ..
🚨🚨🚨🚨🗣️- كاسترو :
لماذا جماهير النصر قلقه من الدفاع والاشياء السلبية لماذا لاينظر للامور الايجابية، نحن مصدرين مجموعتنا في آسيا ومركزنا الثاني بالدوري وحققنا 14 انتصار ، اذا فيه شخص يقدم أفضل عادي يجيبونه
خاص ومؤكد :
النصر هو النادي الوحيد اللي يملك موافقة بايرن واللاعب ساديو ماني ووكيل أعماله ، والمفاوضات كانت بشكل رسمي ومباشر وبدون تدخل الصندوق ومازالت مستمرة وفي مراحلها الأخيرة ..
طبعًا صياح الإتحاديين بالرغم ان مافيه اخطاء تحكيمية اليوم ، هو فن تعلموه من السروق الأكبر ..
"صيح وخل الناس تنسى فضايحك" ، عشان حجازي يكمل على وضعه ويكون حارس ثاني للفريق ..
نادي من الدرجة الاولى ، وقع مع ميندي وفيرمينيو وقريب من التوقيع مع محر�� ، والنصر مازالوا يتمنون عليه بكريستيانو على آخر أيامه ..
النصر نادي سعودي ويستحق الدعم اكثر من الصاعد ، ومن مخالفي الأنظمة اللي كانوا موقوفين وقت صفقة رونالدو ..
#ماني_مطلب_نصراوي 💛 ..
يحب النصر أكثر من بعض جمهوره ويوصي اللاعبين ينضمون له ، من سنتين وهو يلعب مع نادي اجنبي وللحين ماغير الأفتار والهيدر في حسابه
@NAmrabat53
..
اتمنى اشوفه مرة ثانية فالنصر ، اداري مدير كرة خوي مشرف فريق اي منصب بس ودي انه ينتمي للنصر مرة ثانية 💛 ..
اكبر مشاكل النصر آخر ٢٠ سنة فالدوري انه يخسر نقاط كثير من اندية غير منافسة ..
هذي احصائية لخسارته للنقاط من غير اندية الـ Top 5 أول ٢٢ جولة، في المواسم اللي "حقق فيها الدوري" فقط :
١٣/١٤
خسر ٤ نقاط
١٤/١٥
خسر ٦ نقاط
١٨/١٩
خسر ١٢ نقطة
الموسم الحالي :
صفر زيرو سيرو زيغو 0000 ..
لا شبيح ولايدافع ولاهو متهم اصلا للنصر، بس يقول كلام يفهمه اللي يتابع كورة، وما يفهمه اللي مشخصن ويبي كل المباريات انتصارات ساحقة ..
منافسينك تظهر مشاكلهم بالغيابات، اما انت اصلا قائمتك فيها مشكلة من بداية الدوري وانت ما استفدت من ٣ أجانب+ظروف الإصابات ..
النصر الأقل صرفًا، بروزو وفوفانا بمبالغ معقولة وتم دفع مثلها في مواسم قبل ثورة الصندوق ..
ماني بمبلغ غالي ولكن اقل بكثير من اجنحة أندية الصندوق، اوتافيو مبلغه على ثلاث سنوات ولابورت من ميزانية النادي ..
#قدوس_يالجنه_الاستقطاب
#رفع_ميزانيه_النصر_مطلب
الإضافة والقيمة الفنية اللي يقدمها لابورت للدوري وجماليته بشكل عام وللنصر خصوصًا، تعجز الحروف عن وصفها وتعجز الأوصاف عن شرحها ..
النصر كسب لاعب بقيمة فنية وشخصية قيادية عالية، تأثيره ماهو مقصور عالجانب الدفاعي فقط، حتى استحواذك وشكلك الهجومي يرتكز على إمكانيات هذا الأعجوبة 💛..
"ان لم تحقق الفوز على منافس ، فلا تخسر منه" ..
مقولة عظيمة والمفروض تتعلّق وتتبروز على مدخل غرف ملابس اللاعبين، مقولة تحاول ترسّخ مفهوم ان الخسارة مرفوضة ..
تقول للمنافسين، يا انا أفوز عليك يا مالك فرصة بالفوز علي، مقولة ممكن تخسر فيها كم نقطة لكن تكسب فيها دوري بإذن الله ..
اللي سواه الكرواتي بروزوفيتش، تغيير كامل لجميع مفايهم لاعب الوسط، مستحيل تقدر تصنف العمل اللي سواه بالمسميّات المعتادة، صعب تحصره بمسمى محور ٦ أو ٨ ..
هذا الرجل عن خط وسط كامل لحاله، كان طاغي فالملعب، حجّم وسط الخصم كامل وشال فريقه على ظهره، أعظم صفقات الوسط بتاريخ رياضتنا 💛 ..
كلين شيت آخر متتالي وبحضور وتجلي وإبداع وتميّز من نواف العقيدي ، كلين شيت يستحقه بشكل خاص ..
يستحقه على تصدياته وردة فعله الرهيبة في كثير من الهجمات ، حتى فنيًا كان حاضر مع الفريق فالبناء وفي كسر الضغط بتمريرات مميزة جدًا ..
بروزو ضد باريس الشوط الأول :
19/20 تمريرات صحيحة ( 95% )
2-2 تمريرات طويلة ( 100% )
تدخلات ناجحة ( 100% )
كرة القدم تبدو أجمل بوجود محور فاهم كورة 💛 ..
انا ممتن لأسد التيرانقا ، ممنون له وهو يحاول ألف مرة ومهما اخطأ يرجع يحاول أكثر ، لاعب ما يكل ولا يمل ..
حتى لو خسر كم كورة تلقاه يرجع يقاتل ويكمل يلعب بثقة ويصنع ألف حل وحل ، شكرًا للساعة اللي جابتك يا ساديو ماني 💛 ..
في قديم الزمان كان فيه نادي صغير تافه ، وكان عنده جار داعسه بعدد البطولات وياخذه رايح جاي ، وبعد الألفية قرر ذاك النادي يشتري الصافرة ويسلب التاريخ من جاره ، هذي قصة الأزرق المرتشي الصغير مانشستر سيتي 👎🏼
رغم قوة الضغط اللي واجهوه إلا ان بروزو واوتافيو قدموا مباراة طيبة وطلعوا كور كثير ، لكن اللي خذلهم هي نقطة ضعف النصر ..
تركيبة النصر الفنية تفتقد اللاعب اللي يحتفظ بالكرة في منطقة الخصم حتى يصعد معه الفريق ، السوء كان في مستقبل الكورة ما كان فيهم ..
رونالدو المنتهي بعمر الـ ٣٩ :
هداف الدوري بـ ٢٩ هدف
أكثر من صنع أهداف بـ ١١ أسيست
الأكثر مساهمة فالدوري ٤٠ مساهمة
باقي ٦ أهداف ويكون أكثر من سجل في نسخة واحدة
باقي ٤ مساهمات ويكون أكثر من ساهم في نسخة واحدة فالتاريخ
لكن النصر يحتاج تغيير هالمنتهي بمهاجم نشيط يركض واجد ..
في زمن الأسود والأبيض وفي زمن الـ HD ، بالتحكيم التقليدي وبالـ VAR ، فضايحك ما يغطيها شيء يا هلال ، ولا تفوز علي الا بالظلم والصافرة .
مستحيل أفوز عليك بالغش لأن :
"قميص النصر أصفر ، قد يتلطخ بالوحل ، بالعرق أو الدم ، ولكنه لا يتلطخ ابدًا بالعار"..
زي ماصاروا يقولون سيلفا مضمون للهلال وهو باقي ماجاء ، ومحرز مضمون للأهلي وهو باقي ماجاء ..
المفترض ان ساديو ماني يكون للنصر ، ويكون هو هدف النصر اللي يشتغل عليه ويسعى له ، ساديو ماني قادر يقود خط هجوم النصر حتى بعد رحيل رونالدو ..
#ماني_مطلب_نصراوي 💛 ..
تخوفنا من عمره ولياقته ، لكن كل مرة يثبت انه مكسب وقائد وسط بالفطرة ، ضد باريس قوستافو افضل لاعب بعد القوت ..
لاعب تحصله في كل جزء من الملعب ، يقطع هجمة الخصم ويبدأ هجمتك 💛..
مباراة اجمل من سابقتها بكل المقاييس ، كورة اجمل ترابط افضل تنوع لعب صناعة فرص ، جودة بالكورة وبدون كورة ..
العيب الوحيد كان لياقية الفريق الشوط الثاني ولا يلامون اللاعبين ولا المدرب ، وان شاء الله القادم أفضل ، تحية وتقدير واحترام للسيد كاسترو 💛 ..
اليوم تكلمت عن بروزو وكيف اني احسه ما يعرف يلتزم بمنطقة معينة، كيف انه يمشي ورى الكورة وين ماراحت وكيف يساعد كل لاعب معه الكورة ..
هالدقيقتين الكورة مرت على جميع اللاعبين، اللاعب الوحيد اللي انتقل معها من منطقة لمنطقة وفي كل اجزاء الملعب هو بروزو 💣💛 ..
ستسمر بتغيير المدربين وستسمر بالفشل حتى يرث الله الارض ومن عليها، فما بني على باطل فهو باطل ..
قبل ان تظلم المدرب القادم كما ظلمت من سبقوه ، ألق نظرة على المراكز الحساسة واداء لاعبيك فيها، فريق بهذه المحاور والاجنحة لن تقوم له قائمة ..
انقذوا نصرنا، وانقذوا تاريخ الدون 😔 ..
قلنا هالكلام عشان نبين ان اللاعبين قاعدين يخذلون انفسهم ويخذلون المجموعة ، وقالوا "تبرير وتطبيل" ..
امحطوا فالمدرب بكيفكم ، بس ترى دوره يخلق شكل وموقف تكتيكي يكون فيه اللاعب ١ لـ ١ ، دوليينكم يخطون فالباص السهل ويتحملها المدرب ؟
لكل من يشكك ويتباكى ويقول ان الصفقة مدعومة من الوزارة ، وين ممثل الوزارة في هذا المحفل العالمي ؟
صفقة نصراوية بتمويل نصراوي بحت ، ونرجع نقول الله اللي عزنا ما لـ أحد منة 🤩💛 ..
ترى طفشنا من هالمفاوضات ، لنا شهرين وحنا نفاوضه ، ودام ناديه وافق وهو موافق ، احسموها وخلصونا ، ورانا شغل وصفقات ثانية ، نبي نشوف وضع المدافع والحارس ..
#احسموا_صفقه_ماني_للنصر
مساعد كاسترو له تصريح عظيم يقول "هاجم المساحة واذا لم يكن هناك مساحة فـ إصنعها وهاجمها" هالهجمة المكونة من ٣٠ تمريرة واللي أصبحت عادة في كل أشواط النصر ، تترجم تصريحه على أرض الملعب ..
ماهو وقت منطقية ، هذا وقت صناعة نصر تاريخي ، باقي صفقتين ما تقل أهمية عن سابقاتها ..
يوم كان كارفاليو وزاها منطقي وبروزو وماني مستحيل، حصل المستحيل وصاروا نصراويين ..
النصر اقتصد في صفقاته بمبالغ معقولة ، المدافع والجناح لازم يكونون قادة مثل ماني وبروزو ويضيفون لشخصية للفريق ..
آخر ١٧ مباراة تفوز في ١٦ وتتعادل في واحدة فقط، بمستويات ممتعة ومقنعة للمشجع ، حتى في اسوأها كنت تطلع بفوز مستحق ..
الشكر والتقدير والإمتنان ما يوفيك حقك يالمستر، صنع نصر ممتع وقوي ومخيف لكل الخصوم وأثبت علو كعبه على جميع منافسيه، بإذن الله يتوج هالمستويات بالبطولات الكبرى 💛 ..