كن العيون من النظر عقبك ايتام
وكني ماريت الا انت من يوم ريتك
وكنك معي وانا فقدتك من اعوام
مع الخيال القاك كني لقيتك
من صعب وصلك ما تهنيتك احلام
وان جابتك فزيت شوق ومحيتك
يعني وصالك صعب واهدافي اوهام
يعني زرعتك للقدر ماجنيتك .
اليا لقوني من سبايبك مذبوح
وسهوم عينك كلها محتضنها
تراك من دمي مبايح ومسموح
جميع ما سويت معفيك عنها
قلبي كسير ولا لحد فيك مصلوح
اترك جنازة ميتٍ في كفنها
لا تكثر الويلات وتكثّر النوح
عزفتها قدام تعرف لحنها
ولا فيه شي أغلى عليا من الروح
و ارخصتها يوم ان حبك مكنها .
سقى الله يوم حبك سلوة القلب وغناة الحي
على اول حبنا قبل الجفا يذبح مشاعرنا
َ
لاتزعلك الليالي ماتغير في الليالي شي
لكن الظاهر ان حنا على الثاني تغيرنا .
فاقدك والكون بغيابك كئيب
لا أحدٍ قبلك ولا بعدك أحد
عفت خلق الله من بْعيد وقريب
وأعتزلت الناس من بعدك للأبد
كل واحد صار بعيوني غريب
مافقدك .. كنّ فاقد لي بلد
كان همّي في حياتي لا تغيب
الحياة بدون ضحكاتك نكد
ماني أول شخص فاقد له حبيب
بسّ بـ غيبتك أنا اكثر من فقد .
يا شين طبـعٍ فيك يا زيـن الأطباع
لولا الرجــاء ما كان خلّيته يفـوت
سَـنَـع يشـوّه لا تـذكّـرتـه أسـنـاع
مثل الحصاة اللي وسط عقد ياقوت
تخـفي هيـامـك وإنت ميـّـت وملـتاع
ما تـدري إنه في ملامـحـك منـحـوت
ويبخل لسانك وإنت للسمع طمّاع
والبخل في سِلْم المحبين ممـقوت .
ودعتك النسناس ياورد الأشواق
كرامتي تحكم علي بأنصرافي
قطفت منّك ما تهيّا وما لاق
ورميت باقي ذكرياتك خلافي
لا دمعة طاحت ولا خاطر ضاق
ماقول غير اللي على البال كافي
يكفي ثلاث سنين مرّت على ساق
عين فراشً لك وعينً لحافي
قال الذي مانوى يشرح معاناته
الا بسينة خبر ورموز مدفونه
همومه يكنها من ذاته لذاته
واكبر خطر للهموم تصير مكنونه
لكن وش حيلته والناس شماته
يكبت ويثبت وكان الله في عونه
يا صاحبي الله يمسيك بالخير
عقب البطى بنشدك وشلون حالك
من بيننا رفقه ومعزه وتقدير
قل إتصالي يوم قل أتصالك
أقفت بك الأيام من دون تبرير
جعل الفرح والطيب فالي وفالك
وإن بعتني من شان هرج المعاذير
ياما حكوا بك وأحتمينا مجالك .
سلم على اللي راح بالقلب والروح
وعرقى على الكبد ودبلها مطارق
وقله ترى ماعاد لي فيه مصلوح
ولو يعتذر ماعاد عذره بفارق
أتلا الفرص مرت ولابان له ضوح
لاحاول يوصي ولااوحيت طارق
سلم عليه وعلمه قبل لا أروح
قله يقول أن مركب الحب غارق
قله عسى ربي يحله ومسموح
وقله تراه بكل الأديان طالق.
احنّ وادوّر ادنى شي يِفرحها
و ان زعّلوها وقفت بفعلي السّاطي
و ان زعلتني سكتّ اخاف لا اجرحها
اظنّني مدمن رضاها ومتعاطي
تقول كم مره اغلط وانت تدمحها
واقول ماتغلطين الا من اغلاطي🤍.
يارفيقي .. كل حزنٍ يفرح الشمّات خبّه
ودك ان اللي يعاني ما يقول انه يعاني
لو بسولف بتعبي و اسمّع اللي ماتعب به
کني اللي حط فوق الجرح الاول جرح ثاني
الاكيد ان اللْيال .. اوضح من اللي كنت احبّه
والدموع اصدق من البسمات في يوم التهاني.
ياعين ياللي سهرها مايفارقها
ليا نامت عيون خلق الله سهرانه
كم أمنيات عجزنا لانحققها
لكن رجانا برب البيت سبحانه
لو ضدنا رزت الدنيا بيارقها
بالعزم نضحك لها ونقول خسرانه
والعين ماسج من زولٍ يسارقها
طيوف خل ٍتعمدني بهجرانه
يوم الموده بديت أخيل بارقها
قالت ظروفي لا تفرح مالها خانه.
وامـر بيتك من بعيد ولا اجيه
وانـا لو انه فـي يدي ما اتعداه
حتى تواير موتري تلتفت فيه
تبغي تلف ويستحي العقل والجاه
وصلك يخيط الصدر والبعد يفريه
ويابري حالي كان صديت برياه
ويلي على ادري حبنا ويـش تاليه
ويلي على ادري وش ورى الغيب ويلاه .
عطيتك اللي ما عطيت اقرب الناس
وعلقت فيك احلام عمري وضاعت
لي قلب ما يقسى وصادق وحساس
ولي عين ما صدت وخانت وباعت
ولك قلب طيب بس ما عندك احساس
ولك عين ما شافت جروحي وراعت
جيتك على وضح النقا رافع الراس
وطوعت لك نفس عزيزة وطاعت
ابعتبر حبك مثل غلطة احساس
وأنت اعتبرنيّ فرصة وضاعت .
أدخل حساباته الي كان مهملها
يا نازح البيد ، بعدك ويش تاليته
َ
امرّهـاا من بعييييدن وأتأمـلهاا
واراقب آخر ظهوره ويش توقيته
َ
مرور عودٍ لــ ذودٍ في مهاملهاا
ينبّهاا من بعييد ويسرح لـ بيته
أحط راسي على كتف الكرامه وأنام
لا دلهم الليل و أحتاج الخليل الخليل
ٰ
أغناني الله من اللي يدّعون الغرام
والعالم اللي يحطون المشاعر سبيل
ٰ
علاقة الحب لا خلْيت من الإهتمام
ما كنها الا شجرةٍ .. ما تحتها مقيل .
لدِّي النظر يا أم العيون اللي نهايتها إحتلال
ملامحك لا شافها المخطي يبادر بالعذر
انتي اليقين الراسخ اللي ما يشوبه احتمال
وأنتي الثواب اللي تجلّى لي بعد شدّة صبر
من حقّق الله حلمه و نالك رغم أنف المحال
يستاهل يعيش الحياه و بداخله نشوة نصر .
أثر بعض الحسنْ فيه العيان أبلغ من التعبير
يا وجهٍ كن ما لـ الصبح ضيّ .. إلا من شْعاعه
من اللي ما يحبّك ؟ يا مزيج النور و النوّير
ملامحك النديّة .. فيضة الحالم و مرباعه .
فاقدٍ لي تحفةٍ نسيانها ذنب وظليمه
الوطن هذا وطنها والبلد هذا بلدها
الشموخ اللي محبتها ولو غابت مقيمه
بينها وبيني مقادير الزمن تبذل جهدها
هي عظيمه بس والله مادريت انها عظيمه
ليين قالو مايعرف الحاجه الا من فقدها.
من يلوم إللي خذيتيه من دُنيا الضياع
لين صار فقربك يعيش وأختارك قدر
ومن يضيق به الصدر وأنتي عيونك وسَاع
ياخذ من عُيونك الواسَعه وسِعة صدر
والشجاع إللي يقولون فالهيَّه شجاع
قدم رمِشك يرفع إيديه وسلاحه حدر!
والبْدر لا طل في حضرتك زاد الشِعاع
فوقنا بدرٍ يشعشع وفي وجهك بدر💛.