جالسة أقلب بملفات زمان وحصلت أول بداياتي في عمل الملخصات وأحس إني جدًا فخورة بنفسي!💕الحمدلله
أول صورة عملتها وانا سنة ثانية والباقي عملته في فترة قريبة
الحمدلله حمدًا كثيرًا طيبًا مباركاً فيه حمدًا تزداد به النعم وبه تستديم
الحمدلله دائمًا وأبدًا وأولاً وآخرًا
تم ترشيحي لرغبتي الأولى طب الطوارئ بجدة 🚨
دعواتكم الله يتممها لنا بالقبول النهائي 🙏🏻🤍
#Matching2024
#Emergency_medicine
( وَآخِرُ دَعْوَاهُمْ أَنِ الْحَمْدُ لِلَّهِ رَبِّ الْعَالَمِينَ )
تم بحمد الله تخرجي من برنامج بكالوريوس الطب والجراحة بمرتبة الشرف الأولى من جامعتي الحبيبة جامعة الملك سعود بن عبدالعزيز للعلوم الصحية.
الشكر والحمد لله أولاً ثم لوالديّ واخوتي وأهلي سندي الأول والأخير♥️
عشان كتير بيسألوني.. استعمل برنامج notability فقط (ومهو برنامج رسم)
وللأمانة كله بخط يدي يعني البرنامج مافيه تولز غير الpen -eraser-text وما الى ذلك
وبس والله🌝💕
١- ايام تعريفية وشغل طول الاجازة عشان المستجدين
٢- جولات وطلاب رايحين جايين مرشدين
٣-توفير ثلاث أرباع إن ما كانت كل الكتب للطلاب المستجدين ببلاش
٤-الفود تركس ترا ماكانت موجودة وعلى سنتكم صارت فيه
٥-من افضل مناهج الانقلش اللي اخذتها فحياتي اخذتها في الحرس
#ظلم_جامعة_الحرس_لطلابها
بسم الله على بركة الله اليوم حبدأ أكتب في الجورنال الجديد حقي🤓 كان من اهدافي خلال الاجازة دي اني اعمل Digital Journal بيدي وخطي ورسمي واقدر اقول الحمدلله انه
Done ✅
ودي شوية من صفحاتو💁🏻♀️💜
كمية الاستفزاز!! ماكنت بعلق حقيقي بس مصدومة من كمية التخلف والجهل اللي بشوفه🤦🏻♀️
قال صلى الله عليه وسلم:"لا يدخل الجنة من كان في قلبه ذرة من كبر"
احنا مين عشان نتكبر ونقلل من شأن احد سواء على تخصص او منصب وغيره!
كل احد له الحق يفتخر بإنجازاته بس مالك حق انت تستحقر انجازات غيرك..
دي من الأيام اللي أحس فيها فعلاً بفخر لانتمائي لجامعة الملك سعود بن عبدالعزيز للعلوم الصحية ولكلية الطب. فرغوا لنا يومين كاملة بدون دوام مستشفى ومحاضرات فقط عشان يوجهونا ويساعدونا في مشوارنا بعد كلية الطب والتخرج والكل بيعطينا كل اللي يقدر عليه. سعيدة وممتنة جدًا الحمدلله 🙏🏻♥️
أكبر تحفيز من ماما لما أوريها ملخصاتي حقت الدفعة😂💕
"خليكي كدا دايماً يابنتي ،ترا اللي بتسويه دا اسمو زكاة العلم وحتشوفي بركتها في حياتك وفي دراستك"
وبرضو من مقولاتها اللي تعيدها عليا كتير "أصحك تصيري دكتورة بدون قلب..أسلوبك وأخلاقك أهم من العلم"
ياالله!💜💜 الحمدلله اللي قدّرنا نطلع الحملة بأحسن ما يكون!
الله كان يعلم قد ايش كنت حزينة وسماع تعليق رائع زي كدا من عمر حسين
فخورة لأني اشتغلت فيها فخورة بكل شخص اشتغل فيها
#فهمك_يساعدهم ✨
سنس اني في بلوك النيورو قلت اشارككم ملخصين جديدة عملتهم في دي الكم اسبوع 🤓🎉
-Epilepsy
-Bacterial Meningitis
حطيت لكم رابط استقبل فيه الفيدباك وحقيقي يعنيلي الكثير مشاركاتكم فيه 🙏🏻♥️
هلوو🙋🏻♀️✨
نزلت كم ملخص زيادة عالدرايف
-TB
-Thalassemia
-Myeloproliferative Neoplasm
دا اجتهادي كطالبة فمرة يعني لي كثير مراجعتها والتأكد من صحة المعلومات واستقبل الفيدباك في اي شي يخص اي ملخص
وبالتوفيق لكم💜🙏🏻
أنتَ من تُصاحِب،
سبحان الله قد إيش الانسان ياخذ من طبع أصدقاءه واصحابه وقد ايش يبان تأثيرهم حتى عند الناس الغرباء او البعيدين!
اللهم صُحبتي الصالحة في الدنيا والجنة يارب♥️
دا حخليه تذكير دائم لنفسي ولكم، نجاحك ما هو الا تيسير الأمور من ربنا لك أن أنعم عليك بالبيئة الداعمة، بالوقت الكافي، بالقدرة على التحمل والصبر ،بالقدرة العقلية على الفهم والحفظ والتركيز والاجتهاد، افخر بنفسك لكن لا تغتر أو للحظة تحس إنك بطريقة ما أفضل من غيرك.
من الحاجات اللي صارت تخليني ابطل اجاوب على سؤال what is your interest
انه مهما كانت اجابتي حيقولوا الناس كلام محبط او يصعّبوا التخصص ويعطوني آراءهم عن التخصص ومنه كلام سلبي(بغض النظر هو واقعي او لا) بس صدقوني في هذه الفترة احنا في ضغط نفسي وأتعبنا التفكير
ادعولنا بالتوفيق يكفي🙏🏻
الحاجات اللي ربنا اكرمكم بيها من يوم ولادتكم كالعيلة الطيبة والنسب والبلد الخيّر اللي عايشين فيه الرزق والبركة في المال والأولاد دي نعم احمدوا ربنا عليها كل يوم وكل لحظة وافرحوا فيها من حقكم بس مو من حق اي احد فيكم يتفاخر على غيره او يستحقر ناس غيره انحرموا من دي النعم اللي عنده.
إنا لله وإنا اليه راجعون
انتقلت الى رحمة الله دانة باحاذق
اللهم ارحمها واغفرلها ووسع مدخلها
اللهم نقها من الخطايا كما ينقى الثوب الابيض من الدنس وابدلها خيرًا من دارها
ولا حول ولا قوة الا بالله
في وقت الكل يقول فيه نفسي نفسي فيه ناس من خيرة الناس يذكروك انه عادي تقدر تكون شاطر في دراستك ومجتهد والاول عالدفعة كمان وفنفس الوقت تكون متواضع حسن الخلق مع الناس وتحب الخير لغيرك وتعطي وتساعد.
محد بياخذ رزق احد وكل انسان ربنا راح يعطيه قد ما يسعى
شخص قالي قبل.. لما الناس يتعودوا على الخير والعطاء من شخص يبدؤوا يحسوا انه حق من حقوقهم الخدمة او الشيء اللي بيجيهم، بدون حسبان او مراعاة لظروف الشخص وكأنه واجب عليه رغم انه كان بالأساس تفضلاً و احساناً منه.. كلنا عندنا ظروف وكلنا عندنا امكانيات ومقدرة معينة.. لازم نراعي بعض.
فيه كم شي كان يسبب لي ازمة افهمه وانا طالبة قدرت افهمه واتعلمه واحبه وانا انتيرن
رسالتي لكل طالب وطالبة يخافوا انهم
Not enough
حتقدروا على كل شي ان شاءالله
It’s never too late
2017: كنت من الحضور
2018: مقدمة الحفل + قدمت ورشة للطالبات
2019: نائبة قادة معرض نادي الطلاب
2021: قائدة برنامج بداية خير
جدًا ممتنة للفرص الجميلة دي وممتنة للعالم الرهيبين اللي استقبلونا وعلمونا نستقبل الطلاب والطالبات الجدد بكل حب♥️♥️
لكل من حضر او شارك في برنامج بداية خير خلال الاعوام الماضية 💫
شاركونا تجاربكم والمواقف الطريفة التي حصلت معكم باستخدام الكت تويت او على هاشتاق #بداية_خير_مبتغى ☁️🤩
ماما بتحاول دايماً تسوي محفزات لطالباتها في التحفيظ بتقعد طول وقتها بتفكر كيف تقدر تحببهم وتحفزهم يحفظوا ويتقنوا، محفز الترم دا هو ان كل وحدة تعمل حاجة مميزة وتتقن تاخد وردة ونهاية الترم كل وحدة تعمل لها باقة، دا حصاد الترم دا، مشاعري متلخبطة..فخورة فيهم وفخورة بماما قد الدنيا
A gentle reminder:
Stop trying to be better than people. Try to be the best version of yourself. Keep on learning, work hard, practice to master skills, discipline your behaviors, and control your thoughts, emotions and actions.
الكلمة اللي ممكن ترميها ولا همتك وولا شايف انها تأثر ممكن تبني او تدمر حياة انسان.. انتقوا الكلمات اللي تقولوها للناس انتبهوا لمشاعر اللي حولكم ي جماعة..
والدنيا تدور ترا وترجعلكم كل الاعمال اللي سويتوها خير كانت او شر.
تعلمت من شخص حكيم جداً😌 ان المبادرة جزء مرة مهم للوصول للشي اللي تبغاه، لو انتظرت احد يطلبك او يعطيك فرصة لشي تبغاه حتستنى كتير ويمكن ينتهي الحال وانتا ما حصلت شي.
ماحب اتفلسف واقول كلام واضح ومنطقي بس فعلاً محاسبة النفس والاعتراف بأخطائك ومحاولة تصويبها والسعي الى أن تكون أفضل نسخة من نفسك هو أفضل شيء تعمله في حق نفسك.
حبايبي سنة أولى فعلاً كانت سنة صعبة خاصة مع الظروف الحالية، ألف مبروك لكم التخصيص، إيش ماكانت النتيجة الله يبلغكم ويرضيكم ويوفقكم🙏🏻♥️♥️
ومبرووكك برضو للي خرجوا من كوشب وانضموا للناجيين😍😂♥️وراكم حياة حلوة صدقونيي
بسم الله ماشاءالله 🥺♥️♥️التايم لاين اليوم فعلاً يفتح النفسس! فاء وsynapse ودُمُغ اليوم ابدعتوا بما تعنيه الكلمة، فعلاً غلطانين اللي يحسبوا الناس في المجال الصحي بس يعرفوا يذاكروا، تراهم مبدعين ملهمين مصورين رسامين مصممين وكل حاجة ممكن تخطر على بالكم
Congratulation to all residents who matched. And special congratulations to those who matched to our center!
At King Abdulaziz Medical City, MNGHA-Jeddah, we envision excellence and train residents to become leaders in their field.
Welcome home dear residents!
الحمدلله على التغير اللي يصير في حياتنا، الحمدلله اننا مو نفس الشخص اللي كان السنة الماضية ولا اللي قبلها.
لما اشوف بعض من شخصيتي واسلوب كلامي قبل سنوات ما اقدر اتقبل ديك البنت😂