أتبع سكينة شعورك قرب وبَعد
ولا تعتذر للوجيه اللي تودعها
لا طاب قلبك لكل الناس ما تسَعد
بعض الاوادم يتعبها تواضعها
البرق لولا غيوم السيل ما يرعد
والعين لولا الحزن جفت مدامعها
" الرزق له موعده و الحب له موعد
أرزاق ربي على العالم يوزعها "
صغيـرٍ بسنّـه غير عندي ما هـو بصغيـر
يا مـغلاه في قلـبي وياكبر مـنزلـتـه
أجمَع له سمان الهرج خوفٍ من التقصير
واذا جيـت ابـشـرح له كـلامي تهيـزلـْته
يجيني منَه هيبة معزه سحى تقدير
اقـابله ( عـندي علم ) واروح ماقـلـته
كثر ما عندي مزاجية وعندي ميول
يوم أكذّب نفسي أقدر على تصديقها
كل يوم يمر في داخلي أربع فصول
و الحياة تطيقني بس أنا ما أطيقها
تكبر أحلامي و أضحك و أنا أردد و أقول
خالق الأحلام .. قادر على تحقيقها
مايسدك عن رضى نفسك رضا الأقصى والأدنى
و لا يزيد رضاك عن نفسك سوى مرضاةّ الله
كل ما أستغنيت عن غيرك أوادم صرت أغنى
وكل ماحبيت نفسّك .. زاد كرهك للمذلـه .
في قصيدي مالحقته ولا اطوله
بس ذِكره ب القصايد يجملها
ماقدرت اكتب جماله على اصوله
راح يكتب لي جماله . . وكملها
عاد لو ياطى على القاع برجوله
ارسلت غر السحايب . . همايلها
لاتكحل يا اريش العين وشهوله !
دام ربي يا حبيبي . . مكحلها