نفسي طول ما ربنا كاتبلي عمر، أفضل انا الأخت الكبيرة اللي دايما مجمعة إخواتها و يكون بيتي مفتوح لهم في أي وقت و زوجي العزيز المستقبلي يكون بيحبهم و مرحب بوجودهم، و دايما أنا اللي أسال علي كل واحد فيهم مهما كان عندي من مشاغل الدنيا.
يمكن لسه في ناس كويسة و نضيفة في الدنيا دي تتمنالك الخير و تكون كويس مش منتظرين منك اي حاجة تانية، من كرم ربنا عليك إنك تقابلهم و يكونوا شركاء في رحلتك.
في واحدة ست قاعدة في القهوة اللي قدام باب المستشفي بعد ما فطرت هي و اللي معاها بتقول للراجل في القهوة عايزة واحد قهوة اسكِتو بن غامق محوج و حجر معسل..
هو مين لعب ف ال settings بأمانة!!!
عندي قناعة إن الصدمات اللي مريت بيها مش سببها الأشخاص بعينهم بالعكس سببها الرئيسي تصوري المثالي وإعتقادي إن الناس شبهي، إني هتقدر، أو إني هتعامل بالمِثل، فأنا اللي زرعت بذرة الصدمة دي، ولما طرحت إتفاجئت!
إن شاء الله نؤجر على الصبر على الحاجات اللي ملهاش ملامح واضحة نقدر نحكيها وتتقدر لكن بتاخد حيز كبير من تفكيرنا، ويجعلنا أقوى في مواجهة الحياة كل يوم ويرزقنا قوة التحمل ووضع الأمور في موازينها الطبيعية.