Suzanne
@Suzanneib19
Followers
2,064
Following
1,967
Media
10
Statuses
20,532
Explore trending content on Musk Viewer
England
• 372246 Tweets
Noah Lyles
• 249973 Tweets
Rotherham
• 235602 Tweets
ヒロアカ
• 157430 Tweets
Polônia
• 123185 Tweets
NBA Twitter
• 103761 Tweets
World Champion
• 81072 Tweets
Corinthians
• 69362 Tweets
フワちゃん
• 68023 Tweets
Gabi
• 61265 Tweets
堀越先生
• 61235 Tweets
Thompson
• 55168 Tweets
Carol
• 48376 Tweets
Rosamaria
• 46469 Tweets
Bolt
• 41061 Tweets
Evandro
• 39504 Tweets
Wesley
• 39191 Tweets
Peillat
• 38044 Tweets
Jamaica
• 36295 Tweets
GABRIELA
• 30952 Tweets
Seville
• 29637 Tweets
#VoleiNoSporTV
• 29206 Tweets
38x36
• 28985 Tweets
thaisa
• 26799 Tweets
Tamworth
• 23270 Tweets
Simbine
• 22114 Tweets
Kerley
• 18778 Tweets
Greggs
• 17237 Tweets
Juventude
• 15459 Tweets
Solari
• 14409 Tweets
#めざましテレビ
• 14022 Tweets
Peñarol
• 13377 Tweets
神さま学校の落ちこぼれ
• 12260 Tweets
ケイくん
• 11264 Tweets
بما إنو صرلي فترة بكتب على تويتر وبعلّق لحالي بلا جميلة حدا🙂
إكتشفت إنو نحكي مع حالنا أفضل بكتير من إنو نعتزل الكلام
25
3
155
وقت ولدت بمتل هاليوم سموني أهلي سوزان
مبارح حبوا ولادي يعملولي مفاجأة ليلة عيد ميلادي بقالب جاتو عليه "هابي برذداي أم السوز"😀 طلع عندي أكتر من إسم بس وجه واحد😊
مبارح طفيت شمعة الأربعين وفوقها كم سنة ما تزيدو عليها كتير بزعل منكن😉
آخ من السنين شو عملت فينا السنين
70
2
158
راح زوجي ليدفع لصاحب الإشتراك طلع المبلغ كبير مش متوقع فقلو يلا شي ساعة وبجي بكمّلك المبلغ .
بعد اقل من ساعة بروح ليدفعلو بقلو طلع الدولار وما عاد يناسبني الدفع بالعملة اللبنانية.
بلد المافيات متحكمة بسماه مش بلد
بلد أهلو ما بيشبعوا عم ينهشوا بلحم بعض صرنا بمزرعة .
خلص الحكي
21
6
97
شكرا لكل من واسيني برحيل والدي .
كنت بوضع ما سمحلي رد على تعازيكم .
الله يبعد عنكم كل مكروه ويخليلكم أحبابكم.
48
3
88
من ساعة يللي شفت المجزرة بحق اليمنيين والضحايا أكتريتهم أطفال وسكوت العالم المخزي كرهت كل شي
هيدا العالم ما بيشبهني
صدق يللي قال العالم على أد ما معك معك
13
4
91
كان البابا يردد على مسامعنا إنو قيمة القول من قائله .
ماعرفت معناها لكبرت ولاحظت كمية التفاعل مع منشورات عادية وأحيانا سطحية لمجرد إنو صاحبها معروف أو مشهو أو صاحب حساب كبير.
الأعداد قعدوا على جنب يسعد صباح الناس المذوقين يللي بقدروا الناس وبيتذوقوا جمال المعاني قبل معرفة قائلها
18
9
66
ما أجمل الصباح حين نسيقظ ولا شيء من حولنا قد تغيّر،لكن نظرتنا للحياة هي التي تغيّرت بصفاء الذهن وفنجان قهوة من دون إضافات .
ما كان يقلقنا أصبح على خير مع إشراقة يوم جديد .
18
2
64
شو طابخين اليوم
شو رأيكن بالمدردرة مع سلطة الملفوف .
مبارح عملت عشا كمونة بندورة رحت بخيالي ع الضيعة وريحة الأرض وبعدني لهلء شبعانة .
مهما رحنا لبعيد بوصفاتنا الغذائية بيبقى مطبخنا اللبناني هو الأغنى
18
2
60
بعد ما كنت خيفانة عليه من عدوى الكورونا لإنو كان زائر دائم للمشفى ٣ مرات بالأسبوع لغسيل الكلى وقع على الأرض من كم يوم إفتكرناها رضّة، لإتفجأ بنتيجة الصورة المغناطيسية كسر بالحوض وبحاجة لعملية مستعجلة .
كإنها الأمراض عم تتناوب على إضعافه من سنين إديه بعد بيتحمل هالقلب😔
30
1
60
اليوم إبني بدو يقدّم مشروع التخرّج بالجامعة وأنا على أعصابي ما نمت إلا ساعات قليلة
شعور بالقلق ما كنت إشعر فيه وقت كنت قدّم إمتحانات
بقولوا الولد قطعة من القلب أنا بقول هو كل نبضة بتنبضها قلوبنا.هو الروح يللي بتشعرنا إنا على قيد الحياة
بالتوفيق يا ماما❤
26
0
68
داخل الكثير من البيوت أشخاص يعانون بصمت .
من كثرة التعفف هم أغنياء يخافون المساعدات التي ترافقها الكاميرات الموثقة للحدث المهين فيفضلون الجوع على الذل والمهابة .
فلنبعد الكاميرات عنهم ونلتقط ما تبقى من إنسانيتنا عند عتبات نفوسهم الأبية لندرك معنى العطاء ويتسلل إلينا نور الإله
12
7
66
صرلي فترة كل ما سمعت رنة التلفون بخاف ،وصار يللي كان متوقع .
البابا الصبح إتدهورت حالته بسبب الكورونا وهبط الاوكسيجين فإضطروه ينيموه وحطوه على جهاز التنفس.
تلات اسابيع ممنوعين من زيارته وما إلنا إلا الصبر والدعاء.
الكورونا كتير وجعتنا كتير قهرتنا
44
0
55
لكل شخص عم يتذمّر من الحجر المنزلي، طالما بعدو قادر يتنفّس من دون واسطة وياكل ولو أكلة بسيطة بشهية مفتوحة على الحياة، وما في سبب يهدد صحتو الجسدية ولا أمنو النفسي هو بخير حتى لو أصابه الضجر .
مية كلمة زهأت ولا كلمة آخ من قلب موجوع. #خليك_بالبيت
9
4
53
مبارح بالليل إبني قلي هالطقس بدو كستنا
المهم من مبارح عم بشرحلو عن أضرار الكستنا على الصحة وإنو البوشار مفيد أكتر😀
صح او صح؟
20
0
61
ما في شي بدوم بعد شتاء عاصف رجعت أشرب قهوتي على البالكون وكلني أمل إنو الشمس مهما غابت رح تشرق من جديد .
لنتوكل على ربنا
صباح الأمل للجميع
18
1
49
بتذكّر بعيد المعلّم بتقلي معلمة هي وعم تتمسخر شوفي هالقلم الحمرة يللي باعتتلي ياه إمو لتلميذي
كعادتي ما بساير بهيك مواقف قلتلها يمكن شالت حقو من طريق ولادها لتهديكِ ياه .
بهالوقت ورغم كل الظروف الصعبة يللي عم بمرّ فيها البلد بعدو الصباط اللامع والماركات بتحدد سعر الشخص وقيمتو
11
2
62
إبني عم تابع مع الدكتور بالجامعة دروسو أونلاين وبدو يسكتنا كلنا .
أنا شخصيا نزحت على البالكون ، كل شوي تطلع صرخة إبني التاني يللي عم يلعب مع رفقاتو أون لاين تحت تذمر خيو يللي بدو يدرس .
وأنا بين الركض من غرفة لغرفة لسكتو حاسي حالي بنادي رياضة وعصفورية
تبا للحجر .
16
2
46
مع بدء #الهجوم_البرّي على غزة دعواتنا للمقاومين الأبطال بالثبات والنصر
10
5
58
من فترة أنا حزينة لإنو كان عندي أسباب كتير لإحزن ،لكن الغريب إنو اليوم صحيت من النوم وانا حاسة حالي إني طايرة من الفرح من دون سبب .
آخ من حالي
شو هالحال المفصوم هيدا لازمو تغيير حال أو تغيير جوّ.
14
0
49
بعد وفاة الماما طلبت من البابا يأجّر بيتو ويستأجر شقةجنبي، ليضل قريب مني وإهتم فيه .
كان يحب لمّتنا بشهر رمضان وكنا نفطر سوا.
هيدا أول رمضان بكون مقعدو خالي إلا من ذكريات .
رحمة الله على من فارقونا وحجزوا بالقلب اكبر مقعد .
رمضان كريم وينعاد عليكم بالخير
21
0
48
منذ لحظة الإنفجار الذي أصابني بتصدعات في قلبي ،وأنا في منتصف الدموع ، قبل ان ندفن شهداءنا المظلومين ونلملم جراحنا ونرمم بنياننا باحثين بين الركام عن بقية الأهل والجيران ،حدث إنفجار أكبر بين أهل الوطن الواحد والدم الواحد ،فإنكسر قلبي،،وما زلت أبحث بين حطامه عن بقايا وطن .
7
5
39
كروز السيدرز صار بعشرين ألف.
حتى السيدرز صار بالعملة الصعبة😐
رضينا بالسيدرز والسيدرز مش راضي فينا
12
1
38
هالمدارس كل ما ولد عطس عطسة بيطلبوا يعملpcr
من الليل إبني عليه حرارة وعم يستفرغ دقينا على المدرسة لنبرر غيابو طلبو نعمل pcr test
فوق كل الهواجس يللي عم نعيشها بضل هالوباء الهاجس الأكبر .
الله يحمي الجميع
19
0
45
كل فترة بقرأ تويت لناس عم بطمننونا إنو رجعوا ويشكروا كل يللي سأل عنهم بغيابهم .
أنا شخصيا غير إنو لو غبت سنة ما حدا بينتبه أنا فعلا ما بنتبه لغياب حدا .
صرلي فترة مضيعة حالي عم فتش عليها لتشكرني على سؤالي عنها بس ما عم لاقيها
19
3
45
غفوة صغيرة بعد شروق شمس الصباح كانت كفيلة بإشباع روحي .
زارني طيف أمي في المنام ،أحضرت لي طعاما أحبه ،فرحت بزيارتها تملكتها الدهشة من فرط تعبيري وأنا التي غالبا ما أميل إلى الإعتدال في التعبير عن فرحي وحزني .
إستيقظت ورائحة طعاملها تملأ أرجاء قلبي ويا ليت حلمي طال .
15
0
44
العيش المشترك بيطرح ألف علامة إستفهام
طبيعي نكون عايشين ببلدنا على إختلاف طوايفنا بس يللي مش طبيعي إنو نتحارب بإسم الطائفية
شهدنا حروب بين الإخوة وبعتذر على كلمة إخوة طلع الكل منها خسران
شو عاملكن هالبلد حتى لهالدرجة بتكرهوه
شبع ضرب بعد بدكن تقسموه؟
9
4
46
تحيّة من القلب إلى كل معلمة ومعلّم أغدقوا علينا من قلوبهم قبل عقولهم
لأن الفكرة التي لا يقتنع بها القلب لن تجد طريقها إلى العقل .
والفضل الأوّل وليس الأخير لمعلمتي الأولى أمي التي أمسكت بيدي لأمسك القلم واختزل كل حروف الأبجدية بكلمة أكتبها بحبر القلب كي لا تُمحى من الذاكرة
5
0
36
بلاحظ عند كتار على هالموقع إنو إظهار الإعجاب بتويت بكون نسبة إلى مكانة الشخص بقلوبهم فبحطوا لايك ع العمياني . .
اللايك مسؤولية تخيلوا صديق عزيز مقبعة معو وعم بكرفت شمال ويمين وأنا اظهرت إعجاب بمنشورو معناه موافقتو
أنا مش مستعدة لأربح أعداد إخسر مواقف أو جامل على حساب قناعاتي .
10
1
36
يللي بناموا لبعد الضهر بشهر رمضان يا ريت تبعتولي الوصفة .
على السحور شو بتاخدوا شو بتاخدوا على السحور ؟
خبروني ما بقول لحدا😀
8
0
38
نمت الساعة ٣ الصبح ووعيت الساعة ٧ ،وكإني نمت دهر .
أكبر منبّه للإنسان بهالبلد هي الأوضاع يللي وضعت النوم ضمن جدول المحرمات على هالشعب
بتجي القهوة لتلطفلنا صباحنا وتقلنا إنو بعد السواد بيجي الفرج.
الفرج عم يضحك ويحكيلي قصة، القهوة دبلوا عيونها ما نامت القهوة،ولا خلصت الحكاية .
13
2
37
في شخص سألني الصبح من باب الإستهتار بإنجازات المقاومة قلي شو عم (حسن نصرالله)
هول سبعة أقمار انضموا اليوم لقافلة الشهدا يللي منفتخر فيهم
هول أحلى الشباب وأغلاهم على قلوبنا من بيروت للبقاع للجنوب عالحدود مع فلسطين المحتلة #شهداء_على_طريق_القدس #مجدالعرب
17
2
45
البابا يللي بيغسل كلى بالأسبوع ٣ مرات عم يعطيني دروس بالأمل
قلي يللي بخاف من شي بيوقع فيه
أنا مش خيفان من الكورونا ما بموّت
انا :كيف شوف إيطاليا وإيران وغبرن
قلي هوليك دول متقدمة نحن عنا مناعة ع الأمراض .
صراحة أقنعني 😀
10
0
34
مين متلي حريص كتير قبل ما يرد المتابعة .
وقت شخص لا معرّف عن حالو بإسم ولا منعرف طريقة تفكيرو يللي بالنسبة إلي كافية. ورا شو مخبا. وعلى شو مستند ليحصد متابعبين
إيه نحن على أرض الواقع منعاشر ناس سنين وبلحظة منكتشف إنو ما منعرفهم كيف بهالعالم يللي بلفو الغموض
10
1
35
يللي فرحانين إنو طلع الدولار وهنّي بيقبضوا بالدولار.
بحب قلكن يلعن أبو اللقمة يللي بدها تنزل سم بجسمي إذا جاري جوعان .
البلد عم ينهار المتاجر بلشت تقفل أبوابها القطاع الصحي أفلس. البلد ضاع وهجروه أهله .
الوطن مش إنت بس. الوطن نحن كلنا ومش كلنا منقبض دولار
بس هيك
7
3
37
من ست سنين متل تاريخ هاليوم بتذكر كان نهار جمعة بدق الباب الضهر بتفتح بنتي بتقلي :ماما إحذري مين إجا لعنا ؟ بلاقي الماما عاملتلي ياها مفاجئة ، فرحنا كتير بزيارتها تغدينا سوا وضلّت عندي للمغرب حسيتن لحظات، ولو كنت بعرف إنها إخر زيارة ما كنت إتمسكت فيها وما خليتها تروح.
20
0
42
حدا بيعرف إسم دوا فعّال للعيان النفس
حبل قلبي من داليا أحمد😏
مسخرة ومستوى متدني بالأخلاق
14
2
41
هول أهل الجنوب يللي ما بيركعوا إلا لله وحده
هيدي الصلّة بالأرض والحفاظ عالإنتماء والهويّة يللي بتحكي تاريخ من النضال والصمود ،وهيدا الفرق بين صاحب الأرض والمحتل
5
3
45
مع #غزة_الآن : أيها الغرب هل تريدون إذكاء نار الحرب بين الصليب والهلال شعبنا لم يمت #اردوغان
هيدا يللي بيطبّق عليه المثل :صمت دهرا ونطق كفرا
ليه ما جبت سيرة الصهاينة يللي عم يرتكبوا أفظع الجرايم بحق المسيحيين والمسلمين بغزة
بعنصريتك البغيضة بشو بتفرق عن العدوّ الإسرائيلي؟؟
15
0
47
لإني واضحة وصريحة كل شي بكتبو هون بعبّر عن قناعاتي وبتحفّظ على بعض الجوانب من حياتي الشخصية
وقت نرد المتابعة لشخص معناه تبادل أفكار وحوار هادف وراقي .هالشي ما بيعطيه الحق يتسلل عالخاص
أنا مش هون للتعارف ولا من هوايتي القيل والقال
مع إحترامي لكل شخص بيعرف حدودو
15
0
42
كان عاما مليئا بالخيبات
رحل أبي في هذا العام وأُقفل برحيله باب الدار الذي أصبح فارغا إلا من ذكريات أهله
كان ينتابني الشعور بالخوف والحزن على عائلتي وأحبائي وعلى وطني
سترحل أيها العام أما أنا فسأتهيأ للعام الجديد بكل ما أُوتيت من صبر وسأعيد ترميم بنياني النفسي من جديد
22
1
46
عم حس من فترة على هالتويتر متل يللي بيحكي حالو😂
رح إختصرها وصير إحكي مع حالي وبلا تويتر بلا وجع قلب.
10
2
42
من الأردن عبر سوريا
من سوريا إلى لبنان
زيادة تغطية شبكة الكهربا بلبنان والنتيجة ساعتين كهربا يوميا .
منفرح أو منبكي
15
0
40
.
هل هرِم الوطن أم نحن من إنتهت صلاحية افكارنا
لقد هرمت النفوس ،،وما زال الوطن طفلا صغيرا لا يعرف لغة الحقد، ولا يعترف بالحدود . ما زال في طور النموّ ،وعلى قيد الإنتظار .
فكوا القيّد عنه ،أعيدوه إلى خانة الإنسان واملأوا الفراغ بالكلمة المناسبة أو أكتموا أفواهكم عنه ..
9
1
38
في الوقت الذي تُقصف فيه قرانا في الجنوب اللبناني على الحدود مع فلسطين المحتلة لم نسمع من أهل الجنوب أهل العزّ والكرامة إساءة للمقاومة بل قالوا بيوتنا وأملاكناا فداءا لها المقاومة اللبنانية التي كانت وما زالت تُقدم الكثير من الشهداء لم نسمع من عوائلهم إلا جميلا وللحديث تتمة
4
1
46
عادة بس يزورونا الناس يللي منحبهم بالمنام منفرح خاصة إذا كان الحلم هو هو الوسيلة الوحيدة لنلتقي فيهم .
رؤية الماما بالمنام الليلة فرحتني لحد ما أهدتني شال لخيي يللي إتوفى قبلها من سنين وضعتو على اكتافي كان مخطوط عليه كتابات وإسمو .
قلبي عم يخفق بسرعة وأفكاري مشوشة
14
0
36
إتركونا من السياسة والكورونا في شي محيّرني ما عم لاقيلو جواب .
يللي إخترعوا طبخة الورق عريش والملفوف إديه كان بالهم فاضي .
نحن وبطور التحضير وقبل ما نبلش نلف منضل وقت طويل عم نحضّر ومنستوي قبل ما نخلص الطبخة .
الله يرحم جدودنا كانوا أصيلين بس بحبوا التعب
9
1
33
يعني بعد ما سمعت الدكتور ضيف طوني خليفة كان عندي شوية أمل طاروا بالهوا.
كيف يعني الكورونا بينتشر بالهوا يعني منقطع عنا الهوا ما عم بفهم
يعني ممكن يعربش ع الحيط يوصلنا من نوافذ البيوت من عتبة الباب من خرم الإبرة
بعد ناقص كتدابير إحترازية يقولولنا إقطعوا النفس وقاطعوا الهوا.
11
0
32
الوجع النفسي لمريض الكورونا أصعب من الوجع الجسدي .
محجورة بغرفتي ما بطلع منها حتى ما إنقل العدوى لعيلتي .
القهوة يللي كنت إفرح فيها الصبح عم تسببلي لعية نفس وبالليل بنام كم ساعة من ورا وجع راسي ومفاصلي .
إنتبهوا على حالكن الصحة أهم من كل شي بالدنيا
16
1
34
هول كتبهم البابا للماما وهلء راح لعندها وتركلنا الحنين🖤
أحيانابكون الحنين.جارحا كالسكين..
مشتاق شو مشتاق صبحية
اوعى ع صوتك عم ينده عليي
وبيقول يلا خلصت القهوة.
وبدون كسل عجللك شويي
وهالصبح ما بروح من بالي
يللي بغيابك سائت حوالي..
برتاح لما بشوفك قبالي...
وبشوف بسماتك بعينيي
21
0
37
نصيحة مش كل ما شفنا شخص عم يسعل نفكر إنو مصاب بالكورونا ممكن يكون غيّر دخانو من المارلبورو للسيدرز بسبب جشع التجار يللي أصابهم الوباء بضميرهم #لا_داعي_للهلع
6
1
29
بدي إحكي كلام من القلب للقلب
الثورة من دون وعي ولا رسم أهداف هي تضييع إخر فرصة من حياة هالبلد ،هي لعب بالوقت الضايع .
نحن بعمرنا ما إخترنا طريقة عيشنا لكن رجاءا خلونا نموت ع الهدا وما يشمت فينا عدو ولا يشوفنا حداّ.
حدا بثور ضد أهلو وبلدو ومشان مين مشان زعما طوايف .
11
2
33
بكون متعاطفة مع رب أسرة عم يشكي وضعو الإقتصادي الصعب وخاصة وقت يقول: أنا بي لكم ولد ،لحد ما يقول ومرتي حامل بيتلاشى عندي الشعور بالشفقة .
إذا الظروف جارت عليك ليه بدك تجيب نص دزينة ولاد على هالدنيا وتعذبهم .
الله يرحمك يا أبا العلاء المعري شو كنت تفهم
8
1
39
بما إنو البنت هي الضحية بالمجتمعات يللي بتفتقر للوعي وبتزوّج القاصرات بحجة السترة وبيقبض البيّ تمنها وبتدفع هي التمن الأكبر
بترحم على البابا وقت كان يقلنا: إنو لو إنوضع أمام خيارين تعليم البنت أو الصبي لإختار الأوّل ،لإنو تطوّر المجتمع بيبدا بتثقيف المرأة مربية الأجيال
7
2
39
بضحكوني الأشخاص وقت نسأل عن إنسان عم بعاني حرمان وعاجز عن ت��مين أبسط الحاجيات الأساسية لأسرته وبقولولك :فلان 'كافوري' شو بدك فيه
أنا ما سألت مين بيعبد ولا شو بيعبد بيكفر بيؤمن هيدي علاقته بربه
أما علاقتي بالإنسان فبتكون من منطلق إنساني ودافع اخلاقي.
ما أكثر المتفلسفين بالدين
7
1
38
صباح الخير للناس الحقيقيين بعصر المادة بتمنى من الجميع ما حدا يضيفني على لوائح دعم أنا برفض أنحصر ضمن لائحة أو دائرة وما بدي كون رقم ينضاف لحساب اي شخص غير إنو الحسابات الكبيرة تعب قلب ع الفاضي بدي عيد النظر بالناس يللي أضفتهم .
تابعني بتابع ومش اتتبعك اخبارك وتتبعني
18
1
30
يكفي أن نسمع بخبر قصف إسرائيل لمعبر رفح لمنع وصول المساعدات إلى الشعب الفلسطيني لنتأكد من أن معاهدات السلام هي رضوخ وإستسلام للعدوّ الإسرائيلي
لا سلام ولا تفاوض مع العدوّ ،وحدها المقاومة قادرة على إنتزاع حقها بالقوة ....
5
1
41
اليوم عملت أكلة حلو مشهورين فيها أهل بيروت .
فتت عند عمو يوتيوب وطلبت منو الوصفة وما بخل عليي فيها 😀.
إسمها مفتقة بتعمل فتق وتشنج بالعضلات لتخلص بس صراحة بتستاهل تعب .
12
1
30
لقد إستنفزت كل ما في جعبتي من كلماتات ورخصت عندي الكثير من المشاعر حتى التفاعل مع الناس يحتاج إلى قدرة أشعر انها تخونني وتصيبني بالإرهاق .
لم أجد متنفسا إلا الجلوس مقابل السماء لألمح وجه قمر حديث الولادة ولساني حالي
ربّي "أني مسّني الضرّ وأنت أرحم الراحمين"
7
1
33
وقت كنا صغار كان لشهر رمضان نكهة مميزة .
كانت الماما تفيق قبلنا كلنا، إستغرب وقلها نامي بكير ع الفطور ،كانت تكتفي بإبتسامة فهمت معناها وقت صرت أم .
هيدا رابع شهر رمضان بمرّ علينا من دون ما تجود علينا ببركتها وبكل لحظة تعب بتذكرها وبتأكد إنو:
ليس بالخبز وحده يحيا الإنسان
8
1
37
شو يعني خلّي السلاح صاحي ؟
نحن بمعركة بتطلب وعي وبصيرة مش سلاح .
مش كل شي بدنا ندخّل السلاح .
ناموا بعد بكير للإفطار وبس تصحوا من النوم خلوا العقل صاحي والضمير صاحي .
بعدنا بأول يوم من هالشهر الفضيل ما بدنا طوشة بارود .
5
2
30
مين فيكن بعد ما خلص من كورونا صار عندو دقات قلب سريعة وتعب عند بذل أقلّ جهد؟
بتمنى من يللي عندو هيك تجربة يفيدنا
30
0
33
ولا تهنوا ولا تحزنوا وأنتُمُ الأعلون إن كنتم مؤمنين * إن يمسَسكُم قرحٌ فقد مسَّ القومَ قرحٌ مثلُهُ وتلك الأيَّام نداولها بين النَّاس وليعلم اللّه الذين آمنوا ويتَّخذ منكم شهداء واللّه لا يُحبُّ الظَّالمين *
6
2
41
اليوم فتلت بالسوق لجيب هدايا لولاد اختي وخيي المهم البيجامات بين ال٢٠٠ وال ٣٠٠٠٠٠ ليرة
إيه لو جمعت ال٣ ولاد ما بيطلع سعرهم بسعر بيجاما 😂
قلت بزيادة عليهن جوز كلسات طلع حقو ٥٠٠٠٠ وحجة التجار إرتفاع سعر الدولار .
إنتهت كل الحلول الأمر متروك ل بونجيسة الهرم هدية العام الجديد
7
1
36
الليلة سنقوم بتقديم الساعة لننعم بنهار طويل ونحن ما زلنا غارقين في الظلام نستجدي النور ليطيل من عمر أملنا ويمحو ذاكرة ليل طويل عبث بأفكارنا حتى بتنا لا نميّز بين الأيام التي تسير بوتيرة بطيئة وبخطوات متسارعة نحو المجهول وننتظر دقة الساعات لتخبرنا اننا ما زلنا أحياء .
8
0
34
ما حدا بحبنا بصدق متل الأطفال ،لإنهم بقدروا المشاعر الحقيقية وما بيستغلوا طيبتنا ،ما بيعرفوا يكذبوا بتعابيرهم ولا يبيعوا حكي .
هني هيك ملايكة بعذبوا بس لولاهم ما كان لوجودنا معنى .
وقت طلّ على ولاد اختي وخيي بلقى ترحيب ما بليق إلا برؤساء دول.
بحسسوني إني جايي من المريخ😍
5
1
29
اللبناني على التويتر
الصبح الكل متفائل بين أدعية او فيروز وعلى شوي رح يسقيك من إيدو القهوة
الضهر الكل عم بكرفت بالعبري من الغلا
بعد الضهر إستراحة ونفس عميق قبل الخوض بالمواضيع السياسية وهون منشوف العجب
بالليل حنين ورومانسيّة
خلطة غريبة عجيبة، صار بدنا عجيبة...
11
2
34
.
هل شربت القهوة وحيدا وإكتفيت بها ، متجاهلا ما قد سيأتي ،،متناسيا كل ما مضى وتطاير رماد السجائر من حولك فأطفئت به ظلام الليل وعرفت معنى الوجود .
على أنغام أغنية عش أنت
أنا وقهوتي والصباح القادم وصوت أنقى من الفجر الضحوك وأرق من طبع النسيم يسأل :هل أعرت الورد خدّك ؟
5
2
31
الحمدلله خلصت من شبح الكورونا وطلعت نتيجة الفحص سلبية .
عقبال ما نتطمن على البابا ويطلع قريبا من المستشفى ،الله يشفيه ويشفي جميع المرضى .
الكورونا كابوس يا رب نخلص عن قريب منو ،،ولكل يللي راحوا من هالوباء ما راحوا تركوا غصة بالقلب ووجع كبير الله يرحمهم
بتمنى السلامة للجميع.
15
3
34
جرت العادة إنو ليلة العيد نزور أمواتنا لنشعر بالعيد بجانبهم ،وإنو بعدنا على قيد الحياة ،لأول مرة بحس إنو هني رح يطلعوا يقرأولونا آيات من الذكر الحكيم لراحة أنفسنا ويمدونا بشوية أوكسيجين داخل الكمامات الكاتمة على أنفاسنا والعابقة بريحة البخور.
عيد مبارك ما إستطعنا إليه سبيلا
9
2
32
يوم المرأة العالمي
عيد المعلم
عيد الطفل
عيد الأم
وبداية فصل الربيع
معاني بيحكوا عن حالهم وبعبروا عن حالنا .
إذا هني بخير المجتمع كلو بخير .
#يوم_المراه_العالمي
8
0
33
صلى الله على محمد
صلّى الله عليه وآله
مبارك عليكم مولد رسولنا الأكرم ❤
10
1
37
@AmmarNa53604753
بوافقك انا زوجي من الطايفة السنية الكريمة ولا مرة حسيت في فرق او حتى حساسيات حتى اهلو وإخواتو ساكنين بالضاحية لا حدا طلب منهم يتشيعوا او بيسمحوا لحالهم يتدخلوا فيهم .كلنا أهل وعايشين مع بعض كلو حكي فاضي لإثارة النعرات المذهبية وتعمية القلوب
6
0
38
كل ما إسمع عن إنسان مات بالكورونا بينتابني حالة هلع .
مين قال نحن مننسى نحن متناسى لنستمر .
بتذكر الأسابيع يللي قضيتها على أعصابي كل شوي إتصل بالمستشفى لإتطمن على حال البابا .
إتمنيت شوفو ولو لحظة ،كان الجواب ممنوع حتى تطلعوا على الطابق .
ضحايا الكورونا بروحوا من دواع😥
11
0
35
هل طبيعي الوجع الكتير بعد جلسات العلاج الفيزيائي للديسك .
يا ريت حدا عندو تجربة يفيدني وشكرا سلفا
17
0
28
أحيانا تمطر عليناالأفكار كسيل يجرفنا إلى المغالاة في البوح حتى السقوط ،ثم يعود الصمت ليعيدنا إلى بدايتنا الأولى حيث الإرتقاء والسكون.
بين الهبوط والإرتفاع مساحة تسمى بالإعتدال فلنكن معتدلين في مواقفنا وعواطفنا ،فلا لهيب الكلمات يُحرقنا ولا سيلها يُطفئنا.
12
1
34
عندما تحين ساعة إستيقاظ الأم يُعلن الصباح قدومه ويستريح الليل .
تُشرق شمسها مترافقة مع دق الطناجر ورائحة القهوة .
عندما يسكت العالم بأثره ويأخذ العمال إجازة ويُحال البعض منهم إلى التقاعد ،وحدها الأم لا بتوقف قلبها عن العطاء ، ولا تعرف نهاية خدمة ،فنهاية خدمتها تعني موت الحياة.
7
1
34
من كتابات والدي في لحظات مرضه،وما زلنا ننتظر شروقه 😢.
تشرق الشمس
لا ترى عيوني نورها
بل يحرقني وهجها
كل شيء يدور حولي
يقلقني ولا يفرحني
حتى الورود تجرحني
أحيانا اخنق صرختي
حتى لا أُلام
ليس العمر حقيقة
أخاله أقل من دقيقة
وليست الحياة
سوى سراب
نشقى ونتعب
وان الآخرة
تحت التراب....
17
3
35
شكرا لكل إنسان بيتفاعل مع خيّو الإنسان ولو بكلمة صادقة من القلب بعيد عن المصالح .
بعض الأشخاص منعاشرهم على أرض الواقع سنين ومنشعر كإننا ما منعرفهم، و ناس بيدخلوا قلوبنا بفترة قصيرة منشعر كإننا منعرفهم من سنين .
إحساسنا صعبة يخوننا وهو يللي ببرشدنا على حقيقة مشاعر الناس إتجاهنا
8
0
33
من كتر ما قرأت تويتات صلاة وأدعية حسيت واجبي قوم إتوضا لشارك الاحبة الدعاء والصلاة .
اليوم الأحد بزمن الكورونا بيشبه يوم التنين بغير أيام
صباح الخير والأمل للجميع
13
0
25
صباح الخير للناس المقهورين ويللي رغم وجعهم ما ببيعوا مدينتهم ولا أهلهم ،والله لا يبارك بكل مين عم يعبث بأمن طرابلس وعم يعمل على تشويه صورتها الحلوة .
وجع طرابلس هو وجع كل لبناني وطني حدودو أكبر من منطقة أو مدينة،هو وجعنا كلنا.
9
1
32
هيك هيك محجوزين بالبيوت ومحكوبين بالسجن ليه ما منقترح ع بعض أكلات نحضرها تفكيري محصور بهالوباء وما عم يخطر ببالي ولا طبخة
هيك منستفيد ومنفيد بعض وبيصير بيناتنا خبز وملح
8
1
28
بعمرو إحساسنا ما بخيب في ناس على هالموقع بكنلهم كل المحبة والإحترام بفتقدلهم بغيابهم وبفرح وقت يطلوا وهنّي نفسهم إستفقدوني وقت غيابي وإتطمنوا عليي ومشانهم حابي إرجع وبتمنى إرجع متل قبل .
كل مكان ما في ناس هو مكان خالي من الحياة بتشكركم على سؤالكم ،وإنشالله ما بتشوفوا إلا الخير
7
0
32
ما قادرة إسكت بعتذر منك يا سيد حسن
شو مشكلة العربان مع المقاومين والأحرار
معقول لهالدرحة بيستفزوكم بذكروكم بذلكم وبجبنكم
كل العرب بدهم السيد يدافع عنهم وهنّي قاعدين بالمراقص والملاهي
إذا بتعتبروه رافضي حسب زعمكم هبّوا يا عرب لنجدة اهل غزة 😡
5
2
38
في شخص عندو موقع ع تويتر عملّي فولو وانا رديت بالمثل .
انا كل فترة بدخل على صفحات الأصدقاء لاقدر تابع أكبر عدد ممكن بلاقيه لاغي المتابعة
المهم انا من جهتي ما لغيت حتى كل ما اقرالو تغريدة أضحك
هيدا متل يللي عمل بئوسة ليعرفنا على موقع ويحصد متابعين يا حرام 😀
5
0
25
في خطابة عاملتلي فولو قال زواج سريع 😂
أنا رح يصرلي ربع قرن متزوجة وما كنا مواكبين مواقع التواصل الإجتماعي ،كانت المكالمة بالتلفون قصة كبيرة وحلوة .
حتى الخطبة والزواج صاروا يخضعوا للمعايير التكنولوجية.
يلعن أبو هالحضارة نزعت كل شي حتى الرهجة ضيّعتها .
تخبزوا بالأفراح
7
1
33
قال حسب ال Mtv :بكرا ما بدنا نخاف نسمي الإشيا بأسمائها.
وبما إنو دايما التُهم معلبة وجاهزة يعني حزب الله .
غريب حتى الإسم كان يرعبهم
يا حرام كيف عم بسيسوا أكتر قضية إنسانية أصابتنا بصميم قلوبنا.
1
4
34
اليوم كنت عم بتخانق مع الكورونا عم بتعامل معها كإنها إمرأة شريرة وحطيتا براسي .
كيف ما إفتل بالبيت طس كلور وماي وإتخيل كيف عم تتفلفل بين إيديي .
كان طالع ع بالي إحجرها بشي زاوية وفضي كل الساحات منها ونرجع نتلاقى مع الأحباب بعد طول غياب .
معركتي مع الكوروما ما إنتهت .
مستمرون
10
1
30
ما قصّر الرئيس عون وقت نشر جنبلاط وجعجع ورياض سلامة على صنوبر بيروت .
أهضم كلام وقت قال بتتحيّر مع أيّا حنبلاط بدك تحكي من كتر ما هو مزاجي 😂
4
0
32
تحيّة لكل معلمة ومعلّم بأدّوا دورهم بأمانة وضمير.
بفترة دراستي بالجامعة علّمت كم سنة ،وكانت بالنسبة إلي رسالة قبل ما تكون مهنة .
بتذكّر ولد قلّي: أنا حبيت مادة الرياضيات بسببك .
بعدها إتزوجت والله رزقني ب٣ ولاد . تابعتهم بكل مراحل الدراسة ، وحصدت الحمدلله نتيجة تعبي.
12
0
32
نظرت من أعلى قلبي المطلّ على فلسطين المحتلة بعيون الحق لم أجد مستوطنات بل شاهدت فلسطين وإستنشقت هواءها العليل. يفصل بينها وبين الجنوب اللبناني خطوات حب وقصبة زيتون وحكايات كانت منها البداية ولم تنته الحكاية .
هل بإستطاعة قلبي الوقوف على الحياد ما دمت حيّة .
.
6
3
31
رحت لزور الماما وإشتريلها شوية أغراض لقيتها بمحل الخضار قاعدة على كرسي قلتلها خليكي مرتاحة أنا بجبلك ياهن وبطلعن عالبيت .إلتفتت ما لقيتها موجودة عرفت إني صحيت من النوم ويا ريت ما وعيت عالحقيقة المرّة إنو بيت اهلي تسكر برحيلهم وإنو صاروا الحلم
16
2
32
تعاهدا على أن يسيرا تحت المطر .
حان موعد المطر تنبهوا لقدومه ،حمل كل منهما مظلته وتهيؤوا للقاء ،وإذ برياح تهب تقتلع معها الوعود وتنذر بإشتداد العاصفةفتتجمد المشاعر وتتلاشى الوعود ،فيعود كل منهما إلى حضن منزله الدافئ، بذاكرة مبللة بالحنين،وحكاية لم تكتمل فصولها .
5
1
31
ولادي عندهم كوكوتييل من عشر سنين عم يهتموا فيه وكتير بغنجوه أكل خصوصي وألعاب وبطيروه بالبيت
هو تعلّق فيهن كتير وخاصة بإبني الوسطاني يللي وقت سافر كم يوم هلكنا هو ويرفرف ويعمل أصوات غريبة من كتر ما فقدلو
وقت رجع ابني ما كان يتعاطى معو قال هو زعلان منو😀 فقرر
3
0
36
وقت بريطانيا تطلب من مواطنيها عدم السفر إلى لبنان إلا للضرورة معناها عارفين ما وراء الك��اليس وشو عم يتحضّر للبنان.
بعد الحرب الإقتصادية علينا ومحاولة حصارنا وتجويعنا شو في بعد؟
أنا بقول العصفوريّة
5
0
32
جنبلاط:جايين على أيام صعبة جدا
منفهم إنو نحن بمرحلة الصعبة ورح نتاهّل لمرحلة الصعبة جدا .
تقولوا هالمسؤولين عنا إختصاص نق كلن بيحكوا بالمشاكل وما حدا بارع بتقديم حلول
4
3
33
سيجمعون ثيابهم وحقائبهم وسيرحلون من حيث أتوا وستعود فلسطين لأهلها كما عاد #الجنوب لأهله
حاويات القمامة التي أصبحت مخبأ لبعض المستوطنين لن تتسع للمزيد منهم
هم أضعف وأجبن من المواجهة لذلك نراهم يفرون من ساحات المعركة ويستقوون بطائراتهم على المدنيين # #طوفان_القدس
7
6
36
شيا ليه مصرّة تحتفل معنا بعيد الأستقلال؟
حدا يخبرها إنو نحن مش قابضين الإستقلال جد
يعني مش معقول نضل نتنقل بين إستعمار وإحتلال وإستحمار وتسوّل وتوسّل ونحكي بالسيادة والإستقلال .
طفرانين يا بلدنا مقهورين ومديونين من ورا زعما سراقين...
3
5
32
ما بيصلح حال هالبلد إلا وقت يصلح حالنا .
وقت يصير الولاء لطايفة والإنتماء لمنطقة هو معيار للإنسان بهالبلد ، يعني بيننا وبين معنى الوطن فيه سوء فهم تعوا نعالج السوء ونتصالح مع الفهم .
7
2
29
يللي عاملين حفلة وعم يرقصوا إنو الدولار صار ب ١٠٠٠٠ ليرة قبل ما يصير .شو النوع يللي عم يتعاطوها إديه سعرو ؟؟؟؟
الكبت بيعمل أكتر من هيك .
فيقوا بنصحكم بالقهوة السادة فكرة بعد سكرة
11
1
27