الحمدلله دائما وابدا
فخور ومن اعظم الانجازات في السنة هذه
خلال 3 شهور حققنا ارقام عظيمه بفضل الله ووصلنا اكثر من 10 مليون ايڤنت وانضمو معانا في بيان بلس +100 من شركات ومشاريع وناس ورهيبه 🤍
اليوم مر تقريبا ثلاث شهور من اطلقنا بيان بلس.. وانضمت معانا مشاريع كثير ورهيبه
واليوم وصلنا لاكثر من 10 مليون ايفنت تم تتبّعه من اكثر من 200 دوله 🎉
شكرا لثقتكم ❤️
في كلام مهم من القلب وموضوع من زمان ملاحظه وودي اتكلم عنه
كثير من الناس خصوصا -تخصصات الحاسب- يعيشيون بضغط نفسي بسبب الي يشوفونه من السوشل ميديا او غيره انه مثلا هذه الشخص حقق الانجاز الفلاني او حصل على شهادة وتبدأ تراوده افكار سلبية ويشك بنفسه وقدراته وانه بالمكان الغلط
تجي انت وفريقك نهايه السمستر تسلمون مشروع ماده مايشتغل الا بالدعاء
ذاك الفريق:
مسوين AI وانميشن و 3D وتطبيق جوال ودسكتوب وباكند وفرونت اند وجايبين مستثمرين وفوق هذه مو عاجبهم
تعرّف على ناس بالجامعه، ادخل انديه بالجامعه، كون علاقات، شارك في فعاليات، تطوع، ادخل في تجارب جديده
الجامعه فيها اشياء ثانيه حلوه ومثرية لاتخلي كل حياتك فيها تروح عند السلايدات 24/7
الثريد المنتظر 🤝
- انا طالب حاسب كيف اتميز بالمجال ؟
- كيف اصير رهيب واكون علاقات ؟
- انا اول سنه بمجال الحاسب وش مفروض اسوي ؟
- وش اللغات الي اتعلمها؟
- كيف احصل تدريب او ابرز نفسي؟
هذه اسأله اعتقد ٩٩٪من طلاب الحاسب يسالونها بجاوب عليها باذن الله من واقع خبرة بدون فلسفة وهبد🧵
لو اقدر اقدم نصيحه وحدة لطلاب الحاسب بشكل عام؛ هو انه يبداون يشتغلون على نفسهم بالتعلم الذاتي ويسوون مشاريع خارجيه ولا ينتظرون الجامعه تعلمهم او الى مابعد التخرج احد يعلمهم، التركيز على المعدل وجهه نظري خصوصا كطالب حاسب ماهو مهم زي اهميه انه يكون عندك مشاريع حقيقه اشتغلت عليها.
تقريبا من سنين حاذف سناب شات وإنستقرام والسوشل ميديا بشكل عام، ما احملهم الا نادر جدا وماعندي إلا واتساب، حتى تويتر استخدمته بالمتصفّح. بدت كتجربة ولعلّها صارت عادة بعد ذلك، التجربة مو سحرية وتحل مشاكل حياتك لكن بلا شك بتلعب دور في الصفاء الذهني والحفاظ على الوقت إلى حد ما
يارب اني مو الوحيد الي أفكر بالاسئلة الي نفس كذا
- كيف سوو اول لغه برمجة بدون لغة برمجة؟
- قتهب كيف صنع بدون قتهب؟
- كيف صنع اول compiler بدون compiler ؟
- كيف اول اداة QA Testing صنعوها بدون Testing ؟ على البركة ؟
ظاهرة الخوف من انك تكون كرنج بدت تزيد، كثير يضيع على نفسه فُرص او يخاف يتكلم عن انجاز او عن نفسه او عن شي يكون بخاطره بس لان مايبي يكون -كرنج- عند الآخرين الي مادرو عنه ولا طقو له خبر، الخوف هذه ترا ماراح يحميك من كلام الناس ولا يخليك واعي ومختلف عن البقية ومميز
اذكر من ايام الجامعة كانت تكرر اسأله "كيف اوازن بين الدراسة والتعلم الذاتي او بناء ستارت اب؟" وتخرجت وللآن ماعندي أجابه
لانه ماكنت اهتم اني اوازن بطريقة مثالية بقد ماكنت مركز ومهتم اني انجز، واعتقد هذه افضل حل انه الشخص يوقف يركز الى الوصول الى أجابه وحل مثالي للسؤال ويبدأ يشتغل
"كيف اوازن بين دراستي والتعلم الذاتي؟"
الموازنة بين الدراسة والتعلم الذاتي ماخوذ عنها فكره انه لازم يتم تطبيقها بالملّي وتقسم عدد الساعات والدقايق بالتساوي بينهم، الموضوع مو كذا ابدا، طبيعي فيه فترات التعلم الذاتي ياخذ وقت اكبر مثلا بالاجازات او الدراسة في الفاينلات،مو لازم 50/50
هل مهندس البرمجيات لازم يحب البرمجة ويكون مبرمج كويس ؟
شخصيا، الجواب لا. كثير ناس ناجحين في هذه المجال ولا يعرفون ممكن الا Hello world وماشية امورهم لكن يكون تميّزهم بمجالات ثانية مثل Product management.
وليش اقول لا ؟ لانه تخصص هندسة البرمجيات ≠ برمجة
الاندية الجامعية/الهاكاثونات/الايڤنتات وغيرها فُرص عظيمة لك انك تتعرف على ناس نفس اهتماماتك وممكن اهدافك وتوجّهاتك وتكوّن علاقات، هذه غير انك راح تقدر تطور مهارات كثيره اهمها التواصل.
وايضا قد تفتحلك فرص عظيمه ماكنت تدري عنها، واسال المجربين!
وكثير Founders عرفو بعض كذا.
انا ماني مطور Flutter بس السوق عندنا بالسعوديه فيه شح مطورين Flutter،
ما اتوقع في مكان اعرفه الا ويطلب مطورين Flutter،ايضا حتى المكان الي اشتغل فيه، وكثير شركات ستارت اب وغيره اعرفهم يدورون عن مطورين Flutter.
التقنية سوقها كبير عندنا بس تحتاج مطورين Flutter حقيقين مو بس "يعرفها"
احد اكثر الاسباب الي تخليني اشوف مبرمجين مايتطورون
هو الخوف من الخطوة الثانية يخلي كثير من المبرمجين يعلقون في نقطه البدايه، فا لو تعلّم اساسيات لغه برمجة معينه على سبيل المثال عن طريق مقطع يحس انه ماتعلم صح ويرجع يشوف مقطع ثاني وثالث والخ.. بدال مايوقف ويبني مشاريع ويتطور صدق
اكبر مشكله يعانون منها طلاب الحاسب في السنوات الاولى هي التشتّت بسبب كثره المجالات والتفرعات الموجودة
(وهذه شي طبيعي جدا)
لانه المجال ضخم وتخصصات جديدة تطلع كل فتره.
خذ من كل بستان زهره، جرّب المجالات الي تحسها مثيره للاهتمام، وبعد فتره راح تعرف وش المجال الي تميل له وتستمر معاه
من اكثر الأشياء الي فادتني بالبدايات والي انصح فيها اي احد جديد بالبرمجة، اول ما بديت أبرمج اني جلست فترة طويلة قبل ما ادخل اي مجال ادخل مواقع فيها تحديات برمجية مثلا Leetcode واقعد احل حتّى اطفش.-السبب الرئيسي انك تطوّر الحس البرمجي المنطقي عندك-هذه اكثر مسحوب عليه و underrated
واقع واتمنى طلاب الحاسب يستوعبونه
انه اغلب الشهادات والدورات الي تشوفها ولها علاقه البرمجه (مالها قيمه ولا احد يهتم لها)
اكيد في استثناءات، بس لحد يلعب عليك وتقعد تصرف مبلغ وقدره على شي تتوقع انه بيوظّفك ولا يميّزك. اذا تبي الدوره عشان تتعلم ايه ممتاز بس الشهاده غالبا ماتعني شي
مدري كيف اقولكم واصارحكم بس كثير شركات خصوصا الستارت ابز يدخلون الشخص اذا سوالفه حلوة والڤايبز حقته رهيبه ويناسب جوّهم والتناغم مع الفريق عالي ويهم اكثر من المهارات حقته
اما المهارات ذي تجي معي الايام 🤣
مؤمن انه كثير اشخاص عندهم إنجازات عظيمة لكنها اندفنت ومحد يعرفها لانه اصحابهم اهملو الحديث عنها ونشرها
مهما كان حجم إنجازك لاتخاف عن الحديث عنه او تشيل هم رده الفعل الناس، إنجازك هذه قد يكون باب لرزق ولعلاقات وفرص جديدة
-الإنجاز ماراح يتكلم عن نفسه اذا انت ماعطيته حقه وسوّقت له-
لو الشخص بيجلس ينتظر يجيه محفّز - Motivation عشان يكمل طريقه او هدفه، سنوات ممكن تقضي وهو لسى ماجاه ال motivation هذه.
وحتى ولو اخذت جرعات تحفيز بيروح الحماس بعد فتره وبترجع على وضعك الطبيعي
الاهم هو الثبات - consistency على طريقك مهما صعبت الظروف وتقلّبت نفسيتك، عليك بالسعي.
ممكن تمر في مرحله صعبه في مسيرتك الجامعية تبدأ فيها تشك في قرار اختيارك لتخصصك وقد تكون بسبب درجة معينه في ماده او انك ماصرت تستمع زي الاول في تخصصك وتحس انك فقدت الشغف، حاب اقولك انت ممكن مافقدت الشغف انت بس مُرهق وتحتاج فتره راحه.
ودرجاتك ماهي دائما انعكاس لقدراتك بالتخصص
مهم جدًا في بدايه شغلك كمهندس برمجيات تشتغل مع ناس Seniors وناس عندهم خبره تقدر تتعلم منهم وتستفيد،
*لاتكون انت احسن واحد في المكان خصوصا في البدايه*
انت تحتاج احد يوجهك، يهزئك على كودك اذا كان سيء،او طلعت bugs او اي كان
الشي هذه بيسرّع التعلم عندك وتتعلم كثير وبسرعه ولو كان صعب
ثريد دسم وحليو لمطورين الويب 🧵
الفترة الي فاتت كنت اسوي مقابلات لمطورين ويب بخصوص React واختبر فهمهم وصراحه كنت انصدم من ضياع الاساسيات..
فا فيه بعض الاسألة والمفاهيم بشاركها بتفيد ان شاءالله الشخص الي بيتجهز لمقابلة فيها اسأله React او شخص ودي يقابل واحد ويشوف فاهم اولا
فيه اسالة دايم تكرر بخصوص التقنيات وش اكثر فريموررك/لغة مطلوبة بالسوق عندنا بالسعودية؟ ومن خلال معرفتي وملاحظتي خلال سنين
بخصوص الباكند
الاكثر انتشار في الجهات الحكومية والهيئات .NET
الستارت اب والقطاع الخاص: فيه تنوع بس كثير Django و Laravel وبعض الشركات الكبيره Spring Java
شعور FOMO من اكثر الأشياء الي تشوفها تتكرر بين الناس
Fear of missing out
وهو الخوف انه يفوتك شيء، سواء فُرصة او حدث وينتج عنه قلق يلازم الشخص لانه يحس ان ضاعت منه فرصة او انه ندم انه ماسوّى ذاك الشي او اتخذ قرار معين خصوصا مع وفرة الفرص الموجودة اليوم
في مقولة عظيمة تقول أنت نِتاج ومتوسط أقرب خمس اشخاص إليك وتقضي وقتك معهم، لاتقلّل من أهمية العلاقات في حياتك الي بيكون لها اثر عليك على المدى الطويل. مايعني هجر الناس الي مايتماشون مع مبادئك او رغباتك ولكن انك تكون حريص بقضاء وقتك مع الأشخاص المناسبين وهذه حقيقة ولو أنها مرّة
الشي الاخير، اذا بدت تراودك شكوك ذكر نفسك بالانتصارات الي حققتها حتى الآن سواء على الصعيد الشخصي او المجال نفسه وكن ممتن لها.
Don’t let your mind tricks on you
نصيحة اخ وكلام بخاطري من زمان
الي توه بادي بالبرمجة او مجال جديد ومتحمس انتبه الحماس ياخذك بزياده too far وتترك اشياء كثيرة بحياتك علشان بس تقعد وتتعلم، يعني اذا انت تحب الرياضة او القيمنق او الرسم اي هوايه او انسان عندك علاقات اجتماعية لاتضحي بالاشياء هذه عشان برمجة او غيره
بسولف اليوم عن مفهوم من اهم مفاهيم عالم تطوير الويب وله الي هو PWA، قد سمعتو عنه؟
الي بالفيديو هذه تطبيق ويب ماهو جوال، بس
كيف كذا محمّله بالآيفون؟
كيف التصفّح والتنقل فيه كانه تطبيق جوال؟
كيف صفحه التحميل هذه موجودة؟
هذه هو PWA بإختصار يسمحلك تحول موقعك إلى تطبيق جوال/دسكتوب 😍!
انا طبيعتي اتكلم مع نفسي بصوت عالي اذا جيت افكر سواء بالسيارة او اي مكان واتفاعل معاها بحماس ومع لغه الجسد وعادي اضحك وكاني اسولف مع شخص قدامي
اذا احد طالعني واستغرب اسوي نفسي اكلم ايربودز او جوال احاول ارقعها….
انا لحالي ؟
لو اقدر اقدملك نصيحة وحده بس بتكون هذه 👇
يقولك انه ال Compound interest هو الاعجوبه الثامنة في هذه العالم، وبالنسبة لي اعتقد مفروض تدرّس بكل مكان،
لو طبقت هذه المفهوم في اغلب جوانب حياتك راح تتحسن بشكل افضل مما تتخيل بإذن الله.
- الجهود الصغيره المتراكمة تؤدي الى نتيجه كبيرة -
الشي الثاني، رزقك وانجازاتك راح تكون معاك يوم ما باذن الله الاشياء الحلوة تاخذ وقت، مو منطقي تقارن نفسك بواحد صارله سنوات بالمجال اذا انك انت جديد لانه حتّى هذه الشخص كان بمكانك زمان، هذه موسم حصاد مازرعه خلال سنين، وانت ان شاءالله جايك رزقك وماتحب باذن الله
كنت أشوف خريطة Airbnb وبما اني اشتغلت على شي مشابه فا بسولف كيف ممكن تسوي شي نفس كذا Engineering perspective.
لو افترضنا عندك خريطة، بغض النظر عن الخدمة، سواء اسعار عقار، او اسعار مطاعم في الأحياء، او شقق. او اي كان المهم كيف تظهر الاسعار بطريقة مرتبة.
وناخذ Airbnb كمثال
صلاح ب 2020 : مايطيق Firebase ويكره طاريها
صلاح ب 2023: يستخدم Firebase باغلب بروجكتاته ومع شركات وصار يقدم عنها دورات
الدرس انه التقنيه الي تكرها اليوم، ممكن تكون اكثر تقنيه تستخدمها وتحبها بعدين😂
لاتصير افضل واحد بالمكان الي انت فيه خصوصا بالبدايات، ممكن تحسه انه شي كويس تصير افضل واحد او انك تمسك منصب بس بالنهاية انت مو جالس تتطور كثير، لو انك اكثر شخص علمًا بالمكان مين الي رايح يعلمك انت ؟
فا لاتستعجل على المناصب وخلك دايم بعقليه الطالب الي يبي يتعلم، كل شي بوقته حلو
لإنتاجية أفضل لك ولفريقك، قبل ماتسوي اجتماع فكّر:
١- هل ممكن الاجتماع يُستبدل برسالة نصية؟
٢- هل ممكن الاجتماع يحل محله مكالمة هاتفية مختصرة؟
٣- هل ممكن استبدل الميتنق بفيديو Loom؟
اذا وجدت الاجابة فا فوق فا ممكن مايحتاج اجتماع.
بعض النقاط الي فوق تسمّى Asynchronous meetings
مافي ازين من انك تعرف بكل مجال شخص/اشخاص اساطير بغض النظر عن المجال سواء AI، ستارت ابز، استثمارات، ماركتنق، قيمنق، استشارات عامة بالحياة او اي شي عشوائي يخطر على ببالك 😂 سرعة حصولك للمعلومة is underrated رسالة ولا رسالتين ولا مكالمة وخلصنا
بتخرج قريب من علوم الحاسب وماعندي شي في سيرتي لاني كنت مركزة ع المعدل واحس وقتي فات💔 — وقتك مافات ابدا it’s never too late ولا عليك من المحيط الي حولك ركزي على تطوير نفسك وتطوير السيره في الفتره الجايه
وكثير اشخاص اعرفهم مرو بهذه الموضوع وتأثروا منه وبعضهم كان بيترك المجال بكبره. اسمع مني، اولا مو كل شي تشوفه بالسوشل ميديا صدق حتى الشهادات والانجازات احيانا مالها قيمة بس يحب يهوّل بالموضوع عشان تسويق شخصي وبراند وبغض النظر صح او لا هذه موضوع آخر
ماشفت أشياء تخلي الشخص يتطور بسرعة ويتميّز سواء بالجامعة او بسوق العمل كثر:
١- تكون Proactive - سبّاق بالخير
٢- اخذ زمام المبادرة في الأمور ولا تنتظر احد
٣- تعرف كيف تتكيّف وتتعايش مع زملائك وتملك قدرة اجتماعية تتواصل معهم.
مهاراتك جزء من المعادلة، بس ابد ماكانت كل شيء.
اغلب طلاب ال CS/Software engineering الي اعرفهم من اكثر الناس الاجتماعيين الي قابلتهم
مدري مين زارع الصوره النمطيه انه المبرمجين انطوائيين ��قدام الشاشات 24/7
هذه اشاعات متبرين منها
فكرتنا وتطبيقنا تطبيق "جسور"
يهتم بالصحه النفسية للطالب الجامعي عن طريق ربطه مع معالجين نفسيين مع المحافظه التامه على خصوصيته،
والميزه الاعظم 🤍
وهو الخيار المحادثه مع شخصيتنا
Eve وهي ذكاء اصطناعي AI مهيئه ومجهّزه لمساعده وتوجيه الطلاب الجامعيين وتعزيز صحتهم النفسية
أشوف كثير مُقبلين على فترة تدريب في الجامعة عندهم واشوفها فترة مهمة تساعد الشخص على تحديد توجّهاته المستقبلية.
وفي كم نصيحة عشوائية لطلاب SWE/CS.
بخصوص فُرص التدريب ووش أفضلها وكيف تعرف الممتاز فيها إذا أُتيحت لك الفرص
الكورسات بالجامعه وحصولك درجات كامله عليها ماينعكس مدى خبرتك في الحاسب والبرمجه ابدا.خصوصا اغلب كورسات الجامعه قديمه وماتواكب التقنية، اشتغل على نفسك من انت بالجامعه،شوف وش السوق يتطلب وادخل في المعمعة هذه اغلط وتعلم وسو مشاريع لين تكبر، عشان لاتنصدم بالواقع والحياه العمليه بعدين
بعد سنوات في عالم التواصل بين الفرونت اند والباكند.. نعرف انه غالبا يتواصلون عن طريق API، لكن
- كيف ماتنكد يامطور الباكند على حياة مطوّر الفرونت اند ؟
- لكن كيف افضل طريقة يتم فيها التواصل ؟
- كيف تتاكد الطرفين سعيدين بالتواصل والكل فاهم على الثاني ؟
الشي الثالث، التخصص في تنافس وانا اتفهم جدا وخذ الشي هذه من جانب ايجابي انه دافع لك انت تصير افضل مو شي سلبي يحطمك وياثر على نفسيتك بشكل متكرر، وتذكر دائما بيكونون فيه ناس افضل منك انت مستحيل تكون الافضل بكل شي، انت هدفك تكون افضل مما كنت عليه سابقا
الحمدلله بعد الشغل لفتره طويله،
اعرّفكم على مشروعنا بيان بلس !💜
تحليل مواقعك وزوّارك اليوم صار اسهل بكثير، نعطيك زبدة البيانات الي تحتاجها بدون اي تعقيد.
*قوقل اناليتكس ما عاد تحتاجه*
وصح! كل الي تحتاجه عشان تضيف بيان بلس بشكل كامل فقط سطر واحد من الكود واترك الباقي علينا
تعبت من قوقل اناليتكس؟ بيان بلس وصل 🎉
مع بيان بلس نساعدك في تحليل موقعك والتعرّف اكثر على مستخدمينك مع توفير كل المزايا الي تحتاجها
- سهل الاستخدام 🙌
- بيانات مفهومة و واضحة 📊
- ما نستخدم كوكيز 🍪
- اقل من ثلاث دقائق لاضافته في موقعك 🔥
لازم تستوعب أن الي تشوفه في السوشل ميديا مو دايم يعكس حياة الشخص كاملة، تشوف شخص حقّق إنجاز عظيم او حصل على شهادة قوية او اي كان، ماتدري التضحيات الي قدّمها الشخص والعقبات والايام الصعبة والفشل الي مر فيه حتّى حقق الي جالس تشوفه.
- انت غالبا جالس تشوف النتائج مو السعي -
في منصه
@SAFCSP
دخلت مجال اكتشاف الثغرات من باب الفضول والحمدلله بعد مرور تقريبا سنه من الدخول حطو التصنيفات واكتشفت اني تقريبًا من
top 0.3% Security Researcher
بالمنصه كلها، حققت هدف ممتاز ولله الحمد وجبت شويّه فلوس معها،كان تجربه جميله جدا من دخول المجال هذه حتى تحقيق الهدف 🤍
شفت الاسبوع هذا واعرف فرص كثيره تتعلق ب Product في ستارت ابز، لكن مافي كفاءات كثيره أيضا.
مستغرب انه مجال مافيه كثيره اعتقد وعي او انتشار عندنا بالمنطقة، اغلب ال CS/SWE غالبا يتّجهون ل Development وقليل جدا الي يروحون Product، ال Development صار زحمه وال Product فيه فرص كثيره
Sharing thoughts💆♂️
Yesterday at
@getBayanplus
we hit around 500k request a day with 100% up time. It’s insane!
And we don’t use AWS, docker, Kubernetes, none of these tools
And (the irony) we use firebase -that doesn’t scale
You need good engineers to scale not tools.
في كم واحد في مجال Software & AI & Hardware، أعرفهم شخصيا، عجيبين جداً.
ماشاءالله من اذكى ماشفت على الإطلاق في المجالات.
ماهم حول السوشل ميديا تماما ولا الظهور الإعلامي ومنعزلين، يشتغلون على أشياء دقيقة جدا وكل شغلهم يتعلّق ب innovation.
ولايهتمون كثير للفرص الي تجيهم قد مايهمهم
دايم بتويتر احب اكون على طبيعتي واغرد عن اهتمامي مثلا البرمجة، الستارت ابس، البزنس، الجامعه واشياء شخصية بشكل عام. مو لازم اغرد ١٠٠٪ عن الستارت اب حقي عشان ابيّن جديتي او اثبت شيء والى آخره. وبرضو احب الحسابات الي كذا تكون مكس حلو مو كل شي لازم يصير جدّي وبروفشنل عشان تطلع كويس🤝
يمديك تبني شركة مليارية 🦄وهي عبارة عن API Wrapped لخدمة ثانية!
- أمثلة حقيقة عندنا خدمات مثلا
@vercel
و
@Netlify
وخدمات كثيرة لاتحصى كلها
مبنية فوق AWS وكلها يونيكورن
- نفس الشي على المنتجات الحديثة ال AI الي تكون مبنية فوق GPT
- ايضا ال Fintech مع ال open banking
س:وش الشي ممكن انت كطالب حاسب في بداية مجالك يميّزك وتزيد فُرصك؟
ج:مجال واحد تستثمر فيه اكثر من غيره،التنوّع بالمجالات وتجربتها طبيعي ومطلوبة،بس وجود مجال ولو واحد تملك فيه خبرة افضل من مجالات كثيرة خبرتك فيها سطحية وأساسيات فقط. مافي شخص كويس بكل شي،بس فيه الي مميّز بشيء.
مثال: