که بې سانسوره سیاسي بحثونو پسې خپه شوي یاست نو زموږ د سیاسي بحثونو دا لړۍ هم مه هېروئ. زموږ د دې اوونۍ دا تود بحث درسره خامخا وګورئ

د پ��تو ادبیاتو د نړۍ دوه عالمانو اسدالله غضنفر او نجیب منلي صیب د ادبي مرکو او بحثونو کتاب چاپ شو. د ازادۍ راډیویي مجلې د دغو مرکو په راغونډولو مازیګر کتاب خپرندوی یو نیم کال زیار ګاللی دی.

امربالمعروف وایي، تخار و فاریاب کې یې څلور نعتخوانان نیولي، چې نعتونه یې د سندرو په طرز او سټایل کې ویل. بلخوا خلک وایي، دا خلک خو یو یا دوه نه دي، ټولې ترانې یې تقریبا د سندرو کاپي ده.

د مصر د شمالي سینا ولایت والي جنرال خالد: د اوربند له پیله تر اوسه غزې ته د مرستو ۳۳۰۰ نه زیاتې ټېلره لارۍ رسېدلې دي. وایي، ۴۳۰ لاریو کې بشري مرسته، ۲۳۸ لاریو کې سون توکي او نورو لاریو کې سرپناه او صحي مرستې رسیدلي. په پام کې ده چې غزې ته د مرستو ۳ زره پروازونه او ۲۲ بحري کښتیو کې بار مرستې ورسي.

ټرمپ: پوتین سره د اوکراین د جګړې ختمولو په اړه غږېدلی یم. وایي، پوتین هم غواړي چې اوکراین کې د انسانانو وژنه ودرېږي.

د پیسو نړیوال صندوق پاکستان ته مفتش پلاوی استولی تر څو معلومه کړي چې دا هېواد یوازې دوی نه قرضونه وهي او که په مالي او شفافیت برخه کې وعدې هم عملي کوي؟

مزار شریف کې د ایران قونسل علیرضا احمدي: موږ ته خامنه یي امر کړیچې افغانستان سره تر حده زیات تعامل وساتئ. وایي، موږ په دې باور یوو چې د سیمې مشکلات باید د سیمې هیوادونو تر منځ حل شي.

ټرمپ له جوبایډن وروسته د انټوني بلینکن او د امنیت شورا د مخکني سلاکار جک سالیوان په شمول د څو چارواکو امنیتي مجوزونه لغوه کړ��. دوی نور هیڅ د امریکا محرمو معلوماتو ته لاسرسی نه شي لرلی.

ترکیه کې د جنورۍ له ۱۴ مې تر ننه د زهرجنو شرابو له امله ۱۰۰ تنه هلاک او ۲۳۰ نور روغتونو ته رسول شوي. ۷۰ تنه په استانبول او ۳۳ نور په انقره کې مړه دي خو ډاکټرانو لا هم د ۴۰ تنو وضعیت نازک ښودلی. ترکیې چې تازه یې په شرابو لوړ ټکسونه لګولي، خلکو یې ارزانه لارو ته مخه کړې.

په زړه پورې: د زابل نیازیو ځوانانو لومړی په خپل لاس ښکلی د کرکټ جام جوړ کړی بیا یې خپل منځ کې کرکټ سیالۍ ورته کړي چې د همدې کلي یوې لوبډلې ګټلی دی.

چین ته د پاکستاني ولسمشر د سفر بل اړخ: زرداري د چین له ولسمشر هیله کړې چې د ۳،۵ ملیارده ډالره پور د ورګرځولو موده کې ورسره مراعت وک��ي. وایي، اوس یې نه لرو بله نېټه راته وټاکئ.

د اوسني حکومت ویاند: د ټولو ادارو د جدي د میاشتې معاش ورکولو لړۍ نن پیلوو. وایي، خو د نظم لپاره مو تقسیم اوقات ورته جوړ کړی او ادارو ته مو سپارلی.

د ترکیې د احصایې اداره: ترکیه کې له عراقیانو وروسته تر ټولو ډېر مهاجر د افغانستان دي. وایي، دا مهال ۱۳۹ زره او ۲۵۱ افغانان ترکیه کې دېره دي. دا په داسې حال کې ده چې ترکان د افغانانو په جبري اخراج هم نور ستړي شول.

د امریکا نوی دفاع وزیر پیټ هګز: د افغانستان په ناکامیو بیا کتنه کوو او په ناغېړیو کې ښکیلو کسانو سره حساب کوو. وایي، افعانستان نه د وتلو شېوې، د غزې و اسراییلو تر څنګ د اوکراین و روسیې شخړې امریکا نړیوالو ته کمزورې په پام ور وستې.

د ملګرو ملتونو د کډوالو عالي کمشنري: پاکستان نه یوه میاشت کې ۱۸ زره او ۳۰۰ افغانان اخراج شوي. وایي، دې ډله کې هغه زر تنه افغانان هم شړل شوي چې څو اوونۍ وړاندې یې اسلام اباد او راولپنډۍ کې نیولي وو.

د سوریې د نوي جمهوري دولت د مشر جولاني احمدالشرع د میرمنې راښکاره کېدو ځینې پوښتنې پیدا کړې وې چې د سوریې نوي دولت ځواب کړي. د احمد الشرع میرمن لطیفه الدروبي د سوریې د نامتو قاري عبدالغفار الدروبي د کورنۍ غړې ده او په عربي ادبیاتو کې یې د ماسټرۍ تر کچې لوړ تحصیلات کړي دي. هغه کومه بله بنه نه لري او درې اولادونه لري.

پاکستان فضا ته په پردیو ماموریتونو کې د تګ خوند واخیست. دا ځل د چین په فضایي راکټ کې خپل موټرګی لونر روور استوي چې د سپوږمۍ په سطح تحقیقان وکړي. دې نه مخکې یې خپل سیټلایټ د چین راکټ کې استولی و.

ټرمپ د یو فرمان له مخې د جزا نړیواله محکمه باندې بندیزونه ولګول. وایي، کارونه یې امریکا او اسراییلو ته په زیان وو او زموږ پر ضد یې پلټنې کولې. دا فرمان د جزا نړیوالې محکمې د شتمنیو له کنګل نیولې د محکمې د اعضاو کورنۍ هم امریکا ته له سفر را��رځوي. دې محکمې د نتنیاهو او پوتین په شمول د کابل د اوسنیو واکمنو د نیولو فرمان هم ورکوی و.

بشپړه مرکه پر لینک کتای شئ.

سپینې خبرې د ملي سرود شاعر او تاریخپوه عبدالباري جهاني سره دا جالبه او په زړه پورې مرکه دلته وګورئ.