الادمي يدله مع الايام
لو موته اقرب من زرار الثوب
اصحو من الغفلات يانيام
مافيه واحد ماعليه اذنوب
العمر يطوا مثل طي الخام
والمسعد اللي ينتبه ويتوب
سرحان الوذيناني
الحقيقه ماوراء الدنيا وزينتها خلودي
كل يوم الموت يفطر ويتغدا ويتعشا
ماوراك الا حساب القبر في ظلماء اللحودي
اما جنة خلد ولا طحت في نار ٍ توشا
سرحان الوذيناني
من يكنز المال لاجاء الموت مافاده
أشارة ٍ كافيه لاصحاب الاموالي
العمر زرع ٍ يجيله يوم حصاده
تمر الايام كل ٍ داله ٍ سالي
كون من الارصده طاعات وعباده
هذا الرصيدالحقيقي طيب الاعمالي
سرحان الوذيناني
الشعر لاجاء لزومه بان مفعوله
مهوب كله نمشي به مصالحنا
اليا استوى القاف والابيات مفتوله
اندرجه مثل ماتدرج مسابحنا
نهديه للي يشد الناس بفعوله
اليا مدحناه يستاهل مدايحنا
سرحان الوذيناني
#كلنا_ثقه_في_محمد_بن_سلمان
ياولي العهد حنا معك مهما يكون
بالثقه والبيعه اللي قرناها سواء
في يمينك سيف ٍ اجرب وشعبك يقدمون
خلنا ناطاء على خد ملعون الثواء
سرحان الوذيناني
كم واحد ٍمن جور الايام مجروح
ماحصل أعلاجه طبيب الجراحه
اليوم مالك فالمخاليق مصلوح
الارض ماضقت كبيرة مساحه
لاتشغل افكارك ولا تتعب الروح
لقيت فالعزله عن الناس راحه
اللي غلط قله مسامح ومسموح
مافيه اللذ من العفو والسماحه
سرحان الوذيناني
كل واحد يريد الطيب والطيب كايد
يقدر الطيب رجل ٍ ماتردى عزومه
لا وقف في لوازيمه وسيع البنايد
بان فعله وميقافه وكمل لزومه
كل مازادو اهل الطيب تلقاه زايد
لادعى الماقف الغصاب نفذ كمومه
سرحان الوذيناني
الحقيقه واضحه مايصح الا الصحيح
انشروها فالسنابات عبر التقنيه
لاتميدح وانت ماانته بكفو ٍ للمديح
جدك الله يرحمه مايهوش مع الميه
استرح يالاجودي لاتقوم ولا تطيح
وش تسوي شهرتك في مجال التنميه
سرحان الوذيناني
مع زحمة الشعار والابداع والشعر الثمين
يطربني الشاعر ليا غنا وعنده موهبه
نقول صح الله لسانه والمصافح باليمين
اللي رصيده من ذهب ياخذ ذهب مثل ذهبه
سرحان الوذيناني
#حبيب_العازمي_العلامه_الفارقه
الشاعر حبيب العازمي علم من اعلام فن المحاوره يعتبر المجدد ويعتبر مدرسه شعريه مستقله اذكي وادهى شاعر في فن المحاوره يمتلك موهبه وخلق عالي يشار له بالبنان في كل مناسبه يحييها يغرف من بحر اذا فتل افحم واذا نقض اللجم اطال الله في عمره على طاعته…
انتقلت والدتي الى رحمة الله تعالى أسأل الله العظيم رب العرش العظيم أن يرحمها رحمة واسعة اللهم ارحمها وعافها وعفو عنها وأكرم نزلها وسع مدخلها وغسلها اللهم بالماء والثلج والبرد وأنقيها من الذنوب والخطايا كما ينقى الثوب الأبيض من الدنس
من بعض الاصحاب عفت وغاسل يديني
مثل ماتغسل يدينك من مرض معدي
اللي منول غلاهم في شراييني
اليوم شفت الردى في دمهم يعدي
خلاص روحو ولا واحد يباريني
معاد تبرى الجروح الا مع البعدي
سرحان الوذيناني
يقول الأصمعي:
كنتُ ماشيًا في طريقي فرأيت أخوين يتخاصمان، فقال الأخ الأصغر لأخيه: واللَّه لأهجونك،
فقال له أخوه: كيف تهجوني وأبي أبوك وأمي أمُّك، فإنْ هجوتني سيرتد الهجاء على أبينا وأمنا و عليك؟
قال له سأقول:
لئيمٌ أتاه اللؤم من ذات نفسِه
ولم يأتِـه من إرثِ أم ٍ ولا أبٍ!
التجارب علمتنا كل ليل وكل يومي
واستفدنا من دروس الوقت والنيه سليمه
صحبة ٍ تبنا على ساس المصالح ماتدومي
جعلها ترحل من الدنيا وفرقاها غنيمه
سرحان الوذيناني
#حفل_تكريم_الشاعر_حبيب_العازمي
حبيب العازمي اسطورة شعر المحاوره علم من اعلام شعر المحاوره ولن يتكرر. يعتبر مجدد في مناهج شعر المحاوره بل يعتبر مدرسه من مدارسها. الحديثه. اذكى شاعر. وأدهى شاعر. سواء. في النقض أو الفتل. طور وأضاف. الالحان. تكريمه تكريم الأدب الشعبي يستاهل
#شاعر_الخليج_حبيب_العازمي
يستاهل ابو فيصل الشاعر العملاق والعلم حبيب العازمي ويعتبر مدرسه من مدارس شعر المحاوره في الجزيره. العربيه. حبيب جدد وطور ونقل شعر المحاوره للأحسن ويستحق كل لقب يطلق عليه فعلًا. شاعر الخليج يستاهل ابو فيصل