پرمختګ ممکن دی، خو له خورا ډېرو ستړیاوو تیرولو روسته.

د ګرځندوی، مالي او اداري چارو معین او ورسره مل پلاوي پکتيا ولايت ته سفر وکړ د اطلاعاتو او کلتور وزارت د ګرځندوی، مالي او اداري چارو معین مولوي قدرت اللّٰه جمال، د مقام د دفتر رئيس احسان اللّٰه حسان، د کارکوونکو چارو رئيس مولوي نقيب الله نعمان او ورسره مل پلاوي پکتيا ولايت ته د اطلاعاتو او کلتور ریاست له چارو څخه د ليدنې په موخه سفر وکړ او د ياد ولايت له مرستيال والي شيخ انعام اللّٰه صلاح الدين او د اطلاعاتو او کلتور له رئيس قاضي ثواب جان اسلاميار سره يې د ليدنې تر څنګ د اطلاعاتو او کلتور ریاست چارې هم له نږدې وکتلې. ښاغلي جمال له مرستيال والي سره د ليدنې په ترڅ کې وويل: دغه ولایت ته یې د سفر موخه د ولایت مقام، اطلاعاتو او کلتور ریاست او ټولو ادارو ترمنځ د شته همږغۍ لا پیاوړتیا او چارو څخه لیدنه ده، نوموړي د اطلاعاتو او کلتور رياست د کړنو د غوره تر سراوي برخه کې د ولايت مقام له هر اړخيزو همکاريو مننه وکړه او زياته يې کړه؛ د اطلاعاتو او کلتور رياست بايد د رسنيو، ځوانانو، د ادارو ترمنځ د همغږۍ او نورو برخو کې ښه خدمات وړاندې کړي. د پکتیا مرستيال والي شيخ انعام الله صلاح الدين پلاوي ته ښه راغلاست ووايه او په یاد ولایت کې يې د اطلاعاتو او کلتور رياست سره د هر ډول همکارۍ ډاډ ورکړ، دغه راز يې د ښوونځيو د زده کوونکو او ځوانانو لپاره د سمينارونو د زياتوالي غوښتنه وکړه او د اطلاعاتو او کلتور رياست د احاطې او سرسبزۍ په جوړولو يې ټینګار وکړ. د لیدنې په ترڅ کې د پکتيا ولايت د اطلاعاتو او کلتور رئيس مولوي ثواب جان اسلام یار وويل: د اطلاعاتو او کلتور رياست چارې په ټولو برخو کې په ښه او منظمه توګه روانې دي، کوښښ کوو چې د سیلانیانو لپاره آسانتياوې رامنځته کړو. ښاغلي اسلاميار د رياست د مسجد جوړولو، جهادي موزيم او د ‌ګرديز د بالاحصار د بيارغونې غوښتنه وکړه. پلاوي همدا شان د اطلاعاتو او کلتور ریاست عامه کتابتون، ملي موزیم، ګالرۍ او اداراتو څخه لیدنه وکړه، د دغه ریاست کړنې یې مثبتې وارزولې او یاده یې کړه، چې په هره برخه کې به یې لاسنیوی وکړي، د دوی اړتیاوو، وړاندیزونو او غوښتنو ته به د شته امکاناتو پر مټ رسیده ګي وکړي. ۱۴۴۶/۸/۷ ق ۱۴۰۳/۱۱/۱۸ ل

د دښمن سره کسر ويل نامردي ده! اختلاف نظر د انساني ټولني يو اصل دی، په عادي حالاتو کي ې بيانول مشکل نه لري، خو چي اختلاف نظر د دښمن د تبليغاتو منبع وګرځي، بيا ې بيانول د دښمن سره يو ډول مرسته ده. چي د سدالذرائع په اصل شرعا ګڼ شمير مشکلات لري.

د امیر ��لي شیر نوایي او زهیرالدین بابر د فرهنګي او علمي هڅو په یاد غونډه ترسره شوه پنجشنبه( ۷ د شعبان ۱۴۴۶) په کابل کې د ازبکستان سفارت په ملاتړ د امیر علي شیر نوایي او زهیرالدین بابر د علمي او فرهنګي هڅو په یاد غونډه ترسره شوه، چې پکښې د اطلاعاتو کلتور وزارت د هنر او کلتور د معین مولوي عتیق الله عزیزي ترڅنګ په کابل کې د ازبکستان سفارت سفیر ښاغلي ایبک عثمانوف، ګڼ شمېر ادیبانو، شاعرانو، لیکوالانو او ځوانانو ګډون کړی وو. غونډې ته د وينا پر مهال د هنر او کلتور معین مولوي عتیق الله عزیزي وویل: د افغانستان او ازبکستان ترمنځ ګډ فرهنګي او علمي میراث خورا غني او ژور دی، دواړه هیوادونه د اسلامي تمدن په زوړ عصر کې د علم، ادب، فلسفې او هنر په برخو کې سترې لاسته راوړنې لري، د دواړو هیوادونو ترمنځ د تاریخي اړیکو د یوې مهمې برخې په توګه، د امیر علی شیر نوایی او زهیرالدین بابر په څیر ستر شخصیتونو د فرهنګونو په پراختیا کې مهم رول درلود. ښاغلي عزیزي زياته کړه؛ د افغانستان او ازبکستان مشترکات د شعر، ادب، او فلسفې په برخو کې نه یوازې له تېر څخه تر نن ورځې پورې پياوړي پاتې شوي، بلکې په اوسني دور کې يې هم د دوه اړخیزو همکاریو په پراختیا کې مرسته کړې ده، د یادو شخصیتونو میراث ته په پام سره د دې فرهنګي اړیکو تقویه او د علمي لاسته راوړنو، ادبياتو، او تاریخي ارزښتونو د پیاوړي کولو لپاره به نور هم کار کوو. همدا راز په کابل کې د ازبکستان سفیر ښاغلي ایبک عثمانوف وویل: هېواد یې د تاریخي او فرهنګي اړیکو له مخې د افغانستان سره په دې برخه کې ژورې اړیکې لري او د دواړو هېوادونو د مشترک فرهنګي میراث ساتنې او پراختیا ته به ځانګړې پاملرنه کوي. په غونډه کې ګڼ شمېر شاعرانو او ادیبانو هم د دې دواړو شخصیتونو د علمي او فرهنګي کړنو په تړاو مقالې ولوستې. ۱۴۰۳/۱۱/۱۸ ل ۲۰۲۵/۲/۶ ز

د هرات د والي شیخ مولانا اسلام جار صاحب سره مو په کابل کې وکتل او پر بېلابېلو موضوعاتو مو بحث ورسره وکړ، همداشان مو هرات کې سیلانیانو لپاره د ډېرو اسانتیاوو او معیارې هوټلونو پر جوړولو او د داخلې تولیداتو پر حمایت او په دې برخه کې د رسنیو پر رول خبري وکړي.

غزني کې به جهادي موزيم نږدې راتلونکي کې پرانېستل شي چهارشنبه (۶ د شعبان ۱۴۴۶) د اطلاعاتو او کلتور وزارت د ګرځندوی، مالي او اداري چارو معين مولوي قدرت الله جمال او مل پلاوي د یو رسمي سفر په ترڅ کې د غزني ولايت له مرستيال والي حافظ عبدالرشيد عمري او د دې ولايت د اطلاعاتو او کلتور رياست له رئيس ملا حميداللّٰه نثار سره په ليدنه کې وويل: غزني کې د جهادي موزيم چارې بشپړې شوي او نږدې راتلونکي کې به پرانېستل شي. مرستيال والي حافظ عبدالرشيد عمري د ليدنې پرمهال خپلو خبرو کې د اطلاعاتو او کلتور رياست کړنې وستايلې، د دې رياست چارې يې مهمې وګڼلې او زياته يې کړه؛ غزني ولايت يو له هغو تاريخي ولايتونو څخه دی، چې د سیلانیانو راتګ ورته ډېر شوی، هڅه دې وشي چې سيلانيانو لپاره ټولې آسانتياوې برابرې شي، ولايت مقام به په ټولو چارو کې همکار اوسي. د ګرځندوی، مالي او اداري چارو معین مولوي جمال خپلو خبرو کې وويل: هڅه کوو چې د غزني ولايت د ټولو لرغونو سيمو ساتنه وکړو او د هغوی د بيارغونې په برخه کې جدي ګامونه واخلو، د هېواد په کچه د سیلانیانو لپاره د اسانتياوو رامنځته کولو لپاره ډېرې هڅې شوي او لا هم روانې دي، د غزني ولايت لپاره جهادي موزيم کې د بېلا بېلو جهادي آثارو د ساتلو لپاره غوره او مناسب چاپيريال برابر شوی دی. ۱۴۰۳/۱۱/۱۷ ل ۲۰۲۵/۲/۵ ز

د یادونې وړ ده چې ددې شبکې فعالیت د بلوچستان په ایالت کې د داعش خراسان څانګې او د دوی تر شا د ځینو استخباراتي جهتونو د هغې ستراتیژۍ یوه برخه وه چې غوښتل یې د افغانستان په شمال کې ځیني پېښې ترسره کړي، د امنیتي وضعیت په اړه تشویشونه... 🔗پاته ولولئ