زه ډېر ویاړم چې په سختیو او تکالیفو کې مې د جهاد و مبارزې لاره نده پریښي، هر کړاو او تکلیف مې د رب متعال د رضاء لپاره کړی، هرې سختۍ ته په کلکه مېړانه، لوړ محبت، د ځان، اولاد او مال په قربانۍ مخته شوی یم، زه د اسلامي امارت خادم وم، اوس هم یم او بیا به هم یم، زه له لومړیو مجاهد وم او اوس هم مجاهد یم او بیا به هم مجاهد یم. ما جهاد و مبارزه نه د مادیاتو لپاره کړې، نه مې د منصب لپاره کړې، نه مې کوم امتیاز پرې اخیستی او نه به یې پرې واخلم. اسلامي امارت زما کور دی، په ما باندې د خپل کور دفاع فرض ده، زه ددې مبارک ټولي ملګری وم او یم به ان شاءالله، موږ دلته بیعت په شهادت کړی، موږ بیعت په جهاد او استشهاد کړی دی، موږ نه ماتېدونکي یو او موږ هېڅکله په دې تکل میدان ته نه یو را وړاندې شوي، چې شاته دې شو. د اسلام دفاع، د اسلام لپاره قرباني او اسلام لپاره ځارېدنه د ځان لپاره ویاړ او سعادت بولم. دښمن به زموږ د بې باورۍ، تهمتونو او له صحنې ایستلو ډېر کوښښ وکړي، خو موږ لله الحمد ویښ یو او دې هر څه ته متوجې یو، لله الحمد دښمن مو دومره لویدلی دی، چې له واقعاتو ډېر لیرې غږیږي، د خبرو طرز، د حالاتو مقایسه، د خبرو له سیاق او سباقه لیرې غږیدای ېې دا ثابتوي چې دوی ناحقه دي او د مسلمانانو توهین په تهمتونو کوي.