Writings & Speeches of Father of Tamilnadu, Leader of Self respect Humanist movement in South Asia, Champion of Social Justice, Reforms, Women Empowerment.
தமிழ்நாட்டில் பிறந்த ஒரு வருக்கு தமிழ் படிக்கத் தெரியவில்லை, தமிழ் பேசத் தெரியவில்லை என்றால், அதற்காக வெட்கப்படுவதில் வேண்டுமானால் நியாயம் இருக்கிறது. தமிழ்நாட்டில் பிறந்தவன் தனக்கு இந்தி வராது என்று கூறுவதில் என்ன வெட்கப்பட வேண்டியிருக்கிறது?
( குடிஅரசு ~ 14.8.1948 )
எனது 40 ஆண்டு பொது வாழ்க்கையில் ஒருவனைக்கூட உதைத்ததில்லை; குத்தியதில்லை. ஒருவனுக்குக்கூட ஒரு சிறு காயம் கூட பட்டதில்லை. கலவரமில்லாமல், நாசமில்லாமல் எவ்வளவு தூரம் நடக்கலாமோ அவ்வளவுக்கவ்வளவு நல்லது என்று விரும்பி, அதன்படி நடப்பவன்.
~ (தஞ்சை திராவிடர் கழக சிறப்பு மாநாடு 3.11.1957)
நான் பார்ப்பானைத் திட்டுவதாக, இராமனைக் கொளுத்துவதாக, இராமாயணத்தைத் திட்டுவதாக, பார்ப்பனர்கள் போய் நேருவிடம் முறையிட்டார்கள். அப்போது அவர் சொன்னார், "எனக்கே இராமாயணம் படிக்கும் போது கோபத்தால் இரத்தம் கொதிக்கிறதே, அவர்களுக்கு எப்படி இருக்கும்? என்றார்.
(விடுதலை - 03.10.1957)
ஒரு ஆணின் அல்லது ஒரு பெண்ணின் அன்பு, ஆசை,
காதல், காமம், நட்பு, நேசம், மோகம், விரகம் முதலாகியவைகளைப் பற்றி மற்றொரு பெண்ணோ ஆணோ மற்ற மூன்றாமவர்கள் யாராவதோ பேசுவதற்கோ நிர்ணயிப்பதற்கோ நிர்பந்திப்பதற்கோ சிறிதுகூட உரிமையே கிடையாது என்றும் சொல்லுகிறோம்.
ஒருவருடைய எவ்வித அபிப்பிராயத்தையும் மறுப்பதற்கு யாருக்கும் உரிமை உண்டு. ஆனால் அதை வெளியிடக் கூடாது என்று சொல்வதற்கு எவருக்கும் உரிமை கிடையாது.
(குடி அரசு - 13.04.1930)
“தி.மு.க ஆட்சி, இனியும் குறைந்தது 10 ஆண்டுகளுக்காவது இருக்கும்படி, மக்கள் பார்த்துக் கொள்ளவேண்டும். எனக்கு இதற்கு மேல் கருத்தும் ஓடவில்லை; எழுதவும் முடியவில்லை.”
( விடுதலை, 31.07.1969 )
எங்கள் பிரச்சாரமே கடவுள், மதம், சாஸ்திரம், முன்னோர்கள் நடப்பு இவற்றை ஒழிக்கப் பாடுபடுகின்றோம். இதன் காரணமாகவே எங்களையும் நாத்திகர்கள் என்று கூறுகின்றார்கள். நாங்கள் கவலைப்படவில்லை. கவுரவமாகவே ஏற்றுக் கொள்ளலாம்.
~ விடுதலை 6.9.1961
ஜாதி என்பது சுத்தப் புரட்டு. அயோக்கியர்களால் கற்பிக்கப்பட்டு, முட்டாள்களால் ஒப்புக்கொள்ளப்பட்டு, மானமற்ற மக்களால் நடைமுறையில் பின்பற்றச் செய்யப்பட்டு வருகிறது.
( உண்மை - 14.1.1973 )
சிலர் கடுதாசி எழுதும் போது கடவுள் துணை என்று தான் எழுதுவது வழக்கம். கடவுளே துணை என்று ஏன் எழுதுவதில்லை தெரியுமா? கடுதாசி போய் சேருவதற்கு ஸ்டாம்பு துணை, சரியான விலாசம் துணை, தபால்காரரின் நாணயமும் துணை என்றாலும், கடவுளும் துணையாய் இருக்கட்டுமே என்பதே அதன் பொருள்!
குடிஅரசு- 2.11.46
கடவுள் சொன்னது; மகான் சொன்னது; ரிஷி சொன்னது; அவதாரப் புருசர்கள் சொன்னது என்று பார்க்கிறார்களே ஒழிய தன் புத்தி என்ன சொல்கிறது என்று பார்ப்பதில்லை.
( விடுதலை - 03.04.1961 )
எந்த ஒரு மதம் ஒரு மனிதனை, ‘பிராமணனாக'வும் ஒரு மனிதனைச் சூத்திரனாகவும் அதாவது தொழிலாளியாகவும் பாட்டாளியாகவும், பறையனாகவும் உண்டு பண்ணிற்றோ, அந்த மதம் ஒழிய வேண்டும் என்று சொல்லுகிறேன். ஒழிய வேண்டுமா வேண்டாமா?
~ சென்னை தொழிலாளர்கள் கூட்டத்தில் 30.6.1946 அன்று ஆற்றிய உரையிலிருந்து.