ست سنين الدراسة كان ترتيبي كل سنة يتراوح من الخمسين للخمسة والخمسين، تراكمي ال ٦ سنين ال 30 على الدفعة فاللهم لك الحمد على العوض 😍😍🙏
Officially بكالوريوس الطب والجراحة 💃👨🏻🎓♥️
امتياز مع مرتبة الشرف 91.2 % 🥳🥳
اللَّهم ارزقنا التوفيق للخير فيما هو آت وارزقنا الرضا به 🤲
الأفكار دي بتخليني أصدق فكرة إن الإنسان لما ميبقاش في حياته صراع ما، دماغه بتسوقه لأفكار شاذة.
معتقدش مثلا حد في مصر مش لاقي حق رغيف العيش يصحى من نومه يقلك أنا حاسس إن أصلي كلب 😂.
وأنا في سنة تانية جيت أكسر أمبول حقنة فـ فرقع ف إيدي وخرطها دم وقطع زجاج غرز فـ جلدي ومن ساعتها عندي فوبيا وأي حد باجي أديه حقنة بخليه هو يكسره .. اليوم وبعد قرابة ثلاث سنوات قدرت أكسر أمبول الحقنة بنفسي ودا انتصار تافه صغير حبيت أشارككم بيه .
الحمد لله الذي بنعمته تتم الصالحات .. ❤️
طبيب مقيم بدرجة معيد بقسم النساء والتوليد بمستشفى سوزان المنيا الجامعي.
اللهم استخدما ولا تستبدلنا، واجعلنا من السباقين إلى الخيرات 🤲
موضوع how it started في حاجتين محيرين..
ازاي الشباب دي معندهاش fear of rejection..
وازاي البنات بتعتبر جملة من شخص حك، وهي هي الجملة فليرت صادق من شخص قد يصبح الزوج المستقبلي المناسب.
أي مريض بيخليك تفكر فـ نعمة الصحة ؛ بس فعلاً حالات النيورو بيبقى ليها أثر أكبر على نفسي ؛ مجرد بس المشي و إنك حاسس بالأرض تحتيك وقدرتك ع الكلام بسهولة ومسك الأشياء حتى اتزانك الثابت ف كل الأوضاع ؛ تفاصيل كل ثانية وحركة ف حياتك ممكن تكون عذاب وعجز لناس تانية ؛ فاحمدوا ربنا كتير .
الحركة بتاعة التوزيع الإجباري لدفعة التكليف حركة قذرة جدا
من كام يوم تصريح رئيس الوزراء عن تقاعس الأطباء، ودلوقت كل الممتنعين عن التسجيل يدخلوا على مستشفيات غالبيتها عزل بمزاج الوزارة، تخيل هيتقال ايه من الشعب لما الأطباء هترفض تروح، حملة ضغط وتخوين جامدة اليومين الجايين.
في شفوي النسا انهاردة دكتور بيسأل طالب تعريف ال endometrial hyperplasia ايه ؟
من فرحته واستعجاله على إنهاء مسيرة طب التعليمية قاله يعني hyperplasia في ال endometrium 😂❤️
كان نفسي في وظيفة لا يزيد شيفتها عن 8 ساعات بـ يونيوفوم سيمي كلاسك على مكتب أنيق بكرسي عجل في مكان مكيف بيشغل موسيقى هادئة وبيتضمن lunch break و coffee corner مع تيم ورك خفاف الظل متسعي الثقافة، بس على رأي الفنان تامر عاشور " ودي دنيا مش جنة ".
في الجانب الآخر كابوس مُظلم، بداية من أخذ القرار نفسه، لما بعد ما بتخلص، لكمية التوتر اللي ممكن تعيشها، من كمية المشاكل اللي ملكش ذنب فيها ودا الأكتر، للإرهاق والتعب الجسدي والذهني، لعدم الأمان اللي ممكن تعيشه لو المريض أو أهله اتضايقوا.
صراحة تفكير وقرار مش سهل حد ياخده أو يفهمه
محتاج study partner من نوع علاقة الأم بإبنها فـ ابتدائي بشدة .. اللي هو يشرحلي ويحفظني ويسمع عليا ويسقفلي ويقلي براڤو ويكافئني بأكل وهدايا وكدا ويقلي معلش هانت استحمل.
نصيحة عن تجربة سنوات يا شباب لما حد يقلك شد حيلك عشان نيجي نكشف عندك ببلاش، قلوله ربنا ما يكتب عليك المرض ولا الحوجة للدكاترة فعالة جداً وبتنهي الحوار سريعاً 👍
لأ يا جماعة المقصود من الصورة لو لقيت حد مطعون بأي حاجة متشلهاش وحوله المستشفى كدا عشان هي عاملة compression effect لمنع النزيف.
*بحلل فلوس كورس الإسعافات الأولية بتاع صناع الحياة*
ست سنوات وخمسة أشهر من رعاية اللّه ..
وَكَانَ فَضْلُ اللَّهِ عَلَيْكَ عَظِيمًا ❤️ ..
اللهم انفع بنا الناس واعنا على دعم الإخلاص وارزقنا الفكر والتفكير وارزقنا الجد والتجديد وارزقنا الفعل كما تريد وارزقنا القول كما تريد وافتح أعيننا إلى أفق الخير بلا حدود ..🤲👨🏻🎓
مشاعر طيبة وجميلة كعادة الأمهات..
بس الصور دي بتقهرني وتضايقني والله، كل هذا الكم من القلق والتوتر وحرقة الأعصاب، وحتى اللي بيوصل لمراده مش ضمان لسعادته وراحته وملعون نظام التعليم والتوظيف والأحلام في هذه البلاد.
قال رسول الله ﷺ أتاني جبريل فقال : يا محمد عش ماشئت فإنك ميت ، وأحبِب من شئت فإنك مفارقه ، واعمل ما شئت فإنك مَجْزِيٌّ به ، واعلم أن شرف المؤمن قيامه بالليل ، وعِزُّه استغناؤه عن الناس .
لما آينشتين وضع النسبية بأفكارها العجيبة وجاء العلم أثبتها ..ولما افترض وجود أجسام بكثافة عالية جدا قادرة على امتصاص أي شئ وانهاردة يصوروا فعلا أول ثقب أسود ..كل دا مع امكانيات ضعيفة وأوقات فيها حروب ..حرفيا ببقى موهوم بالراجل دا وازاي مخ بشري يبقى بالعبقرية والتميز دا !!❤️
عندي مشكلة في مواساة شخص بيمر بمصاب أو فاجعة كبيرة مثال وفاة حد من الأسرة، بحس إن أي كلام لا يساوي قيمة مقارنة بشدة حزنه، أكيد ببقى متأثر ونفسي أخفف عنه، بس بسبب شعوري دا كلامي له ف الوقت دا بيبقى صعب وتقيل ع قلبي وبحس لزمته فقط إنه واجب عليا بس هو غير مفيد ودا بيضايقني.
لعنة الله على بشار الكلب اللي خلى من سوريا أرض لتصفية الحسابات واستعراض للقوى !! .. اللهم أهلك الظالمين بالظالمين ولا ترينا في أهلها سوء وكن لهم عوناً ونصيراً ..
كل ما أشوف فيديو الشاب اللي باس رجل عروسته اقعد اتخيل حسرة أمه لما روحت البيت اليوم دا..مرة كنت قاعد مع عمتي وابنها ف بيوريها فيديو لأخوه وهو بيرقص في رحلة التخرج قامت معيطة عشان كان نفسها تبقى معاه ف فرحته..لو في كائن يستحق التقدير بالصورة دي معتقدش إنه ينفع يكون حد غيرها !!
أي أكلة ف العالم جميلة مادام معمولة بشكل جيد وبحرفية ابتداءً من العدس والفول والقلقاس لحد البيتزا والشاورما وبابا مكدبش عليا لما قالي نعم ربنا كلها حلوة
عن السيدة عائشة قالت : " قلت: يا رسول الله ادع لي فقال :"اللهم اغفر لعائشة ما تقدم من ذنبها و ما تأخر و ما أسرت و ما أعلنت" فضحكت عائشة حتي سقط رأسها في حجر الرسول من الضحك، فقال : "أيسرك دعائى ؟ "، فقالت "و مالي لا يسرنى دعاؤك ،فقال: والله أنها لدعوتي لأمتي فى كل صلاة " ❤️
من صور الحب والإخلاص واحد معاي ف الراوند كتب اسم خطيبته فـ ورقة غياب الأولاد فـ بقله يبني البنات كتبو ورقة لوحدهم .. قلي ما عشان لو سهواً متحضرتش هنا تتحضر هنا 😂❤️
كان نفسي أبو جبل ينام مبسوط والله، كان نفسي البطولة دي تبقى من نصيبنا وتبقى بطولة أبو جبل، زي بطولة جدو كدا.
قدر الله وما شاء فعل وان شاء الله نعوضها بالصعود للمونديال.
قال ﷺ : والذي نفس محمد بيده لن تموت نفس قبل أن تستكمل رزقها فاتقوا الله وأجملوا في الطلب ولا يحملنكم استبطاء الرزق على أن تطلبوه في غير طاعة الله فما عند الله لا يؤخذ إلا بطاعته .
في تشبيه قرآني في غاية البلاغة والعظمة حابب أشاركم به أتمنى تبحثوا في سبب نزوله وقرأنه في عالمنا.
"واتل عليهم نبأ الذي آتيناه آياتنا فانسلخ منها فأتبعه الشيطان فكان من الغاوين ولو شئنا لرفعناه بها ولكنه أُخلد إلى الأرض واتبع هواه فمثله كمثل الكلب إن تحمل عليه يلهث أو تتركه يلهث"
اعتقد الشغف لدرجة معينة بيقتل الخوف ويتغلب عليه..
والقبول بيحلي الشخص اللي قدامك وبيخليك تتقبل منه ما لا تتقبله من غيره..
ودا إن دل على شئ فهو إن مشاعر الإنسان أحيانا كتير بتسوق المنطق وتغلب عليه
اللي ربنا هيديله طولة العمر والنفسية من جيلنا لحد ما يتجوز وي��لف عمره ما هيشعر بالملل أثناء الجلوس مع أبناءه وهيلاقي ١٠٠ حكاية ورواية وموضوع يحكهملهم، وقد ايه كان وقتاً عصيباً ولكني تجاوزت هذا كله.
لما بسكرول على أي app وأصادف إمرأة من ذوات الحُسن : بسم الله ما شاء الله وهوب بكمل سعي عادي، صبا مبارك بقى ببصلها كأنها خطيبتي بعد علاقة حب دامت سبع سنين مثلاً، جل من سواها فعلاً ❤️
فإن المصيبة حق المصيبة، مصيبة الدين، ومهما بلغت مصائب النفوس والأعراض والأموال؛ فإنها لا تساوي أن تكون مصيبة العبد في دينه، وإن من أعظم مداخل الشيطان على قلوب المؤمنين أن يُسخطهم أقدار ربهم، وإن أكثر العجز والشر يكون من شكوى الأقدار، وسؤال الله عما يفعل ..
منتخب بينهار لمجرد إن دخل فيه جون مع إنه فاضل أكتر من نص ساعة عشان عارف إنه قدرته الهجومية متأهلوش إنه يقلص .. وشعب مات م الفرحة عشان ضربة جزاء لمجرد إنه يجيب جون ف البطولة .. في رأي منتخب لا يستحق إنه يكمل فيها !!
مينفعش والله أدام عملنا مسلسل لازم نطلع صورة المتدين الملتحي إنه متذمت ومتعصب وإرهابي كمان ؛ عشان تعرف إن الدين الصح الجميل لازم يبقى زي بتاعنا وما عداه هو فجور وتشدد وبعد عن السماحة معلش يعني !!