Human full with flaws Real as it can get happily unhappily unwhiny person أنا مش جاية هنا عشان نتعارك لو واقعك مخليلك نفس تتعارك في السوشل ميديا ديرلي بلوك
لفة علي البرودكتس والدكتور بتاع الجلدية المتخصص في التجميل بتاعك وفواتيرهم وتكاليف الاكل اللي يخلي البشرة هكي وبعدها نحكو عن البساطة
مزعج فكرة وضع ضغط ضمني علي ناس ماعندهمش مواردك وتحسيسهم ان الموضوع مجرد تقصير او كسل
اللي ينادوا بعدم تعليم النساء..هل وصلتهم المعلومة كيف دورنا أساسي في حياة بعض في المجتمع؟شايفين نداءات نقص دكتورات وسيدات يغسلو..شايفين ان ماحدش عرف نواقص السيدات في المنطاق المنكوبة إلا نساء زيهن فعالات ومتعلمات يعرفن الحياء بس يعرفن ان مش هذا وقته ومكانه.
الليبي البيدوفيلي مافضحكمش فضح روحه الكاتب الليبي هشام مطر مارفعش روسكم بجائزته رفع راس روحه نحن مانش جسم واحد متعدد الرؤس فبطلو تتحسسو أو تفرحو من كونهم مشتركين معاكم في اللقب او المدينة أو تفرحو
الزعل والفرح يعود عليهم مش عليكم
لما شفت اللي نشره تركي الشيخ عن بدأ للإحتفالات عندهم فكرت ممكن التبلد اللي هما فيه للفاجعة في غزة لأنهم ماقاسوش زينا معظم الإقليم من القبلي (الربيع) العربي.. بعدين ردلي عقلي وتفكرت الإنتفاضة ومحمد الدرة ووقتها كنا مستقرين وفي أمان وبرضو كانت إنهيارتنا علي فلسطين زي هذي..
الموضوع من كثرة ما مفروض مايصيرش وأنا كيف حاكية عليه تحسه مفبرك ..المهم توا طالعة بالأولاد نبي نغيرو جو قدام الرياضية سيارة نيسان بلا طارقة لحقتنا ولما هديت درست تستني فينا رفعت موبايل كأني نصور عشان يهربو المهم جرو شوي وبعدين هدو السرعة وطالعولي مسدس درت اربع فليتشات ونزلت
سؤال هل تاخذو تويتات العنصرية بتاع طرابلس احسن من بنغازي وبنغازي احسن من طرابلس بجدية؟ يعني شايفينها مؤشر واقعي عن نظرة سكان المنطقتين بشكل عام ولا تشوفو فيها أراء فرديه؟
"لقيت روحي في الشارع الساعة ثلاثة الفجر نحق في صبايا ورجالة كما خلقتني السيل خذا دبشهم نقول لروحي هذا يوم الحشر بس كيف نعرفهم (جيران وهل ) كانا يوم الحشر ؟ماسكة في عويلتي ومش مصدقة اني نجيت نا وياهم" وبعدين اضافت المرا اللي تحكيلنا في العزا الصبايا يحكن وعينهن هكي وأشارت بيدها
اللي قال ماوصلتش الإعانة صادق
واللي قال وصلاته الإعانة صادق
لسبب بسيط التنظيم وإدارة الأزمة غالبًا حيكون عشوائي وفيه مية رايس زي اي مناسبة او حدث مر عليكم في بلادنا.
الدبــيبة | سوف نخصص الي جميع النازحين الفلسطنيين في كل ليبيا أماكن سكن و سوف يتم منحهم الجنسية الليبية ولا يوجد فرق بين ليبيا و اي دولة عربية اخرى #ليبيا #طرابلس #غزة_تُباد
#مستشفى_المعمداني #صحار_تنتفض_لغزه
الكارثة مايندارلهش وزن الا لما تكون عظيمة علي المدن الكبيرة.
بس الغرق والموت في القري عادي كأن الناس بتاعهم فلم أسود و أبيض ناقص جوده وناس المدن فلم ملون الاداء فيه أجود
المهم وليدي سالني سئلني سؤال اول مره يفحمني قال:
يا ماما هو ليش ربي اختار حطني في بطنك انت بالذات ليش ما اعطاني لحد تاني هو مش يوزع فينا ليش انت عطاني لك؟
ما عرفتش انرد بس قلت لها انت احلى هديه من ربي
مرة قريت إقتباس عن أن الشخص يعتقد أن حر لما القيد أو السلسلة اللي مربوط بيها أطول شوي من سلسلة الأخرين
وهذوم الناس اللي مايحسوش بمعاناة غيرهم وينفو وجودها عشان حبلهم عاطيهم مساحة أكبر أن يشعبطو زي العنز فوق الشجر ويشوفولنا من فوق ..بس يظلو عنز
في النجوع والبادية أكثر صابايا(ورجالة) يزوجن ويطلقن ومايصبرنش علي الراجل المش مسقم تلقي الجيل القديم كله عنده عرم خوت من أمه وباته والحياة لوز
الحداثة والتمدن(بالطريقة الليبية) هي اللي فلقت المفاهيم هذي
زمان الحب والعلاقات والزواج اكثر سلاسة ومش دليل علي النقاء من عدمه ولا الفشل
@bas8hir
لا أرى عيب في خضور زواج أمي من رجل أخر طالما هي سعيدة وتزوجت عن قناعة وكون زوجها رجل صالح ذو سمعة جيدة ويخاف الله فيها، اذا الله احل لي هالشيء منو العبد عشان يجي يمنعه؟
كلامك مستمد من قانون النجع، والنجوع لا تبني مجتمعات
نصنعو واقع قذر نسلعو فيه النساء بالسن والعذرية ومش يالقيمة اللي تضيفها بفكرها وشخصها للعلاقة ومن ثم التفضيلات الأخري ولما يجي شخص بدائي يفقشها زي ماهي نستخدموه كمنشف للمسح في أسلوبه الغبي وإستنكار واقع المنظومة الإجتماعية الفاسدة
كلمة ديوث إستحدثت بعد الثورة في الشارع الليبي؟ مش متفكرة قبل ال 2010 نسمع في شباب عادي يلبس سبور ويدخن يستعمل فيها.. ممكن مقابلها محرار أو دمه حامي بس ديوث جت جديدة.. ومانحكيش من منطلق شرعي.. نحكي علي اللي معاييرهم مزدوجة ويستخدمو فيها
يا��ااناس اللي يقدر العيل هذا يقابلني😂
روح سلح دبشة في وسط الحوش ورماه علي الارض والكنبه داروحي بنجيه باللسان المره هذي مش التلعليع عشان يلم
قتله انت شوف المنظر بروحك واحكم هل جميل ولا لا
فرد وقالي ياماما لو انت واقفه فيه جميل لو طلعتي شين
والله لخبطني الكلب😂❤️
مش لأنك تتكلم انجليزي وسافرت واحتكيت بثقافات اخري وحتي عشت عندهم بوجهين وجه متقبل إختلافهم ومدين أي إختلاف لبنو عرقك يخليك انسان فاهم مرات عزيز من قعر الخابية تفهم أفكار خير منك
قعر الخابية قد لا يكون بقعة جغرافية قد يكون مخ شاب متأمرك الجلدة شلاكي الروح والأفكار
يا ليبيين (بصوت أونسي) تعلمو تديروا محادثات قصيرة عامة عن الموضة أنواع الاكل السيارات ..اما وين راجلك حوشك ملك ولا لا درجتك الوظيفية مرتبك هذين أسئلة إستخبارتيه يندار بيهم تقرير أمني عشان يقدرو يستخدموه ضدك ..ماهوش أخذ وعطا بطلوا تكونوا مريبين وقليلين ذوق
المهم سيارتي انسرقت يوم 16 /2 وقبلها اغلب الحاجات اللي صارنلي ومابريتش منهن غلبتهن
وقياسي اني بريت اني نحكي علي الحاجة كقصة نسردها كأن ماصرتليش انا .. وتوا كل ما نرد علي تلفون حد يواسيني او نحكي عنها نبكي بكية الحد اللي مابرش
استدراج الأطفال او grooming هكي شكله في مجتمعنا، نكره التهم العشوائية بدون تلبس بس في اشتهاء الأطفال واجب يكون استباقي ولازم حتي الشخص الكويس و مش واعي بسلوكه، يتوعي ان مريب ويبطل!
عندي كمية غضب مع التسامح مع السلوك الخاطئ لانك تعرف صاحبه كويس، مدام كويس نبهه وماتخليش على عماه
شريت لوليدي القصص اللي كنت نقرا فيهم في المدرسة العربية بتونس في حصة القرائه وانا في عمره.. اسم السلسلة المكتبة الخضراء وانا نقراله منها امس فهمت منين اسلوبي في الالقاء جاي ومفرداتي واني نسخة عن نسخة عن نسخة..
ممتنه لطفولتي
أتمني من أصحاب المقهي والفتيات لو كانن بالغات سن الرشد يتجمعو في قضية واحدة لرد الشرف ويدان فيها شخص معلوم بوجهه وشخصة عشان يكون عبرة لغيرة من الناهشين في أعراض الناس لمجرد الأختلاف في أسلوب الحياة وطريقة التفكير #تجمع_بنات_التويتر #كلنا_كازا #مدنيه_وإن_طال_النضال
أمس من مسافة المحل للسيارة اللي مدرستها قدامه حد طلع راسة من سيارته اللي ماره وسبني يا"ق" وكمل امتليت غضب وسبيت بصوت مش مسموع وركبت السيارة وجيت بنسأل هنا كم مرة شاب جرب وهو مار ينسب بسبة مخلة للشرف من بنت مارة بدون سبب وبعدين فكرت