مفيش أي مبرر يخليكي تستهزأي بولد معجب بيكي وأنتِ مش حاباه وتقعدي تنزلي screen shoots على جروبات البنات وأنتِ بتردي بقلة ذوق عليه وتقولي لما الاهتمام يجي من الشخص الغلط.. غير إنك مش متربية ولا عمرك شوفتي تربية الحقيقة .
بحب الشات اللي بندخله من غير احم ولا دستور، اللي هو.. بقولك؟ شوفت اللي حصلي؟ عايز اخد رأيك، بص الصوره دي…
وده شات مبنخرجش منه غالباً ،هو يعتبر نوت كبير مريح بين شخصين مش متكلفين ابداً
عارفين لما تحسو ان حياتكم واقفة من ساعة موقف حصل اللي هو غير كل حاجه في لحظه و انت حياتك اتعملها paused خلاص ومهما شرحت واتكلمت مش هتعرف تفهم حد حاجه .
بحترم جداً الشخص المعترف بالحلال و الحرام و الصح و الغلط و العيب و الأصول ، و لما بيغلط بيقول أنا مقصر أنا غلطت و ادعيلي بالهداية ، مش بيجادل و بيحلل و يحرم إللي يعجبه و إللي على مزاجه و إللي على هواه .
الحقيقه إن مهما فضلنا ندور ونجرب هيفضل أجمل إحساس في العالم إن الإنسان يكون مطمن، مش خايف، مش قلقان من حاجه ،مش بيخوض معارك مع عقله كل ليلة، يكون مطمن وبس .
انا حرفيا بخاف جداً من فكرة إني ابقى مع حد وقت طويل من حياتي و أحكيله عن كل اللي بيفرحني و اللي بيزعل و أعمل معاه ذكريات و في النهايه يمشي سواء بسبب أو من غير سبب ، سواء أنا السبب أو هو ، الفكره نفسها مُرعبه بالنسبالي .
في كده مشاعر عمرها ما هتتنسي؛ أول مرة صعبت عليك نفسك، لما هونت علي حد كنت فاكر إنه بيحبك، لما قعدت تربط الأحداث واكتشفت قد إيه أنت اتأذيت، حتي لو تجاوزت الموقف وسامحت الشخص، هيفضل احساسك وقتها جواك، وهيخليك تحارب علشان متقعش فيه تاني .
لازم تتقبل فكرة الرفض .. عادي جدا ان الشخص اللي قدامك مبقاش حابب وجودك ف حياته واكيد هو حر وده قراره ولازم تتقبل ده وتعرف انه حر وتاخد جنب وتبعد وقتها بكل احترام