واحد من الجيران في العمارة بقاله حوالي ٦ شهور مش بيدفع مصاريف الصيانة، وحصلت مشاكل كتير ما بينه وبين المسؤول عن العمارة.. وكانت الخناقة شغالة على جروب الواتس اب بتاع العمارة.. ومن حوالي شهرين كنت طالع من الشقة وشوفته بيضرب قطة برجليه عشان بتقطع اكياس الزبالة، لومته وقلتله حرام

البلد أصبحت عبارة عن مجموعة كافيهات ومطاعم وعربيات ثابتة لبيع المشروبات والذي منه.. المخالفة أصبح مقابلها شهرية أو تصالح .. والأحياء بتبيع الرصيف وجزء من الشارع.. والمواطن عايش حالة مطاردة مابين الشحاتين وبين العربيات اللي ممكن تدوسه في أي لحظة لأنه مش لاقي رصيف يمشي عليه!!

@sussannaabhh قصة صعبة، بس عندك حق.. ساعات يكون الوجع هو علاج وجع تاني!

من كل الأحداث الصعبة، سامح طلع منها شخص جميل.. عملية إنقاذ صعبة ومعقدة!! يمكن مكنش هيفوق غير بالطريقة دي! طب ما هو ضاع من الأول عشان رحيل والدته المبكر!! حكمة ربنا أكيد فيها اكتر.. يمكن هو كان أصلاً هيمشي في السكة اللي مافيهاش خط رجعة.. يمكن كل ده مرسوم عشان إنقاذه! الله أعلم!

لكن محدش يقدر يصدر حكم صحيح على حياة كاملة، لأن فيها كل حاجة ونقيضها.. أتذكر هذا الشخص العزيز، كان غاية في الكرم حتى في الفترة اللي ابتعد فيها عن الناس..سمعت عنه قصص كتير، واضح ان قلبه كان حلو! كنت قاعد وافتكرته..ياااه، الحياة دي غدارة جدا، مالهاش أمان..شوية دخان بيختفوا في الهوا