بالرغم ان قد اي ليالي الامتحانات تقيلة وقد اي بتكون حالتنا النفسية والزهنية مش ف احسن حالتها ، بس هي دي الحاجة اللي محسسة الواحد انه لسة عايش ولسة بيعافر عشان يوصل لهدف مهما كان الهدف بقي سواء تقدير او مجرد نجاح ، استعن بالله وكمل وكدا كدا ربنا مش بيضيع تعب
مش متخيلين اجمل لحظة الواحد ممكن يعدي عليها بجد لما يفضل هو وصحابه يودّعه بعض عشان الترم الجديد بدأ وكل واحد بيروح بقي ف حتة وكلية وجامعة مختلفة بعد ما كنا مش بنسيب بعض غير ع النوم ، عشان نستني الاجازة الجاية واحنا بنفس الشغف ونفس المعزة نقضيها سوا زي المعتاد
الايام اللي قبل العيد كل سنة دي بيبقي ليها ذكري فريدة معايا اوي وبفتكر كل لحظة حلوة فيها وبتفضل ف بالي فترة طويلة ، لو مثلا شوفت فيلم معين او كلمت حد معين بتفضل ف بالي افتكرها او افتكر الشخص دا كل دخلة عيد ..
سبحان الله بجد ، مفيش اجمل من ان ربنا يبعتلك الحاجة اللي تخليك تغير من نفسك للاحسن وغصب عنك كمان وانت بكامل الرضا 😂 حقيقي فعلا زي ما ربنا قال " ليس عليك هداهم ولكن الله يهدي من يشاء "
اكتر حاجة بتزعلني في رمضان اني مبعرفش ادعي لنفسي ، حتي مفيش في نفسي حاجة معينة ادعي بيها ، فبدخل ادور علي ادعية في كل حتة وارددها ، وبخلي حبايبي والقريبين يدعولي ويمكن هما بيدعو اكتر مني ، يارب انت اعلم بكل دعوة تحتبس في قلوبنا ولا نعرف كيف نرفعها اليك
طبيعي ان كل طرف ف الاول يبين مزاياه ويداري عيوبه ، طب وبعد الجواز طبيعي العيوب تبان طب افرض اتكعبلوا ف عيل او اتنين وبعدين سابوا بعض لانهم مش متفاهمين اي الحل بقي ! انا مش بأيد جواز الصالونات الا لو الاتنين اختاروا انهم يتنازلوا