فخور بنفسي انو مبارح قدرت اعرف تفاصيل سيرة مرضية لبنت ١٥ سنه بيدعي ابوها انو زحلقت بينما الصح انها اكلت ضرب على راسها من ابوها ادت كسر طفيف في قعر الجمجمة تم اخبار حماية الاسرة والمناوب الإداري
الحيوانات هاي مكانها مش هون ولا تستاهل زوجه واولاد حتى لو كان الثمن الطلاق بكون ارحم
بستغرب كثير وين بروح شغف البنات بعد ما يتخرجوا من تخصص الطب ؟
بدون تحيز كنت اشوف الاغلب متميزات واوائل دفعة والكل يتوقعلهم مستقبل حلو ...
بتفاجئ بس التقي بحد اسا واقصى طموحها تظل جي بي او فاميلي او يمكن ما بدها تشتغل ! وبشكل عام بتدور على راحة وبس ..
علاقة الزمالة بالشغل بالجامعه او بالمستشفى وبالذات التخصصات الطبية بيلزمها حدود من الجنسين ..
كل علاقة فوق حدود الزمالة عبارة عن سم الكم ولكل حد بشوفكم بغض النظر انك شايفها حلوه !
في مناظر بشوفها والله بتقزز.. بالاخر هي فترة زمالة ورح يجي يوم وتنتهي لان مفروض فش صحبه بين بنت وشب
بحمد الله وفضله تم قبولي في برنامج الإقامه في اختصاص" الجراحة العامة " في المستشفى التخصصي
اللهم يسّر لي بكل خطوةٍ خيراً وتوفيقا واجعلنا خفيفي الأيدي قليلي الخطأ واكتب انهاراً من الشفاء على أيدينا وسدد خطانا 🧡
ما بعمم طبعا بس جد بحب كثير اشوف بنت متميزه وطموحها ما ينتهي عند الزواج والاولاد وبس ...
الصراحه بحس كل هذا بيرجع للحدا يلي بتختاره ك زوج ... يمكن الموقف اصعب بكثير عالبنت من الشب ... بدها حد جنبها يدعمها ويساعدها بكلشي ويفتخر فيها وبشغلها وما يكون زوج وبس!!
اكثر حد بلومه هون هو اهل الزوجه يلي دايما بحكوا لبنتهم اتحملي واسترينيا بضل زوجك وبلاش تصيري مطلقه...
انت موجود لتكون سند لبنتك واختك ومش مطلوب منها تتحمل هيك عيشه ابدا والله
ام البنت صار تعيط من الفرحه ...حسيت قديشها حد بحاجة سند ويوقف جنبها واحنا والله هون لنكون مع هالناس!
لكل طبيب حاول اسمع السيره المرضيه من المريض نفسه قدر الامكان ولا تسكت على غلط ولا تبرر لانو المره الجاي رح يجي احد اولاده متوفي
ولا تحكي رح ينخرب بيتهم محدا بوخذ غير نصيبه وفعليا العيشه مع كلب احسن من العيشة مع هيك كائن
بالحياة ما في وظيفة مريحة ولا مكان آمن ولا زواج مثالي ولا صحبة رائعة ... ما في اشي كامل لانه الحياة مش ورديّة واحنا مش بالجنّة !
خفف سقف توقّعاتك لانه الكل بعاني ودائما هناك نقص ، رح تكون مبسوط لما تعيش بقناعة وترضى باللي ربنا اعطاك اياه وما تطل على حياة غيرك ورزقته🖤
لما يجيك مقيمين جداد ما تخليهم يكرهوا الاقامة
ساعدهم بكل شغلة ، علّمهم تعباية الملفات والخروجات والهستوري والاكزام و كتابة الاوردر ولا تحكي dirty work على الجونير
احنا بكل الاحوال كنا بفتره مثلهم وياما شفنا نوعيات كثيرة وكنت انبسط كثير الاقي حد لطيف بالتعامل ويحببني بالاقامة
مبارح اول مره بعمل إنعاش لطفلة 🥺
ألما عبارة عن ملاك ١٠ شهور ابوها غطّسها بمي سخنه.. أدخلت للعناية المركزه بحرق يتجاوز ال 30 % لكن للاسف دخلت بحالة سميّه وتخثُّرُ بالدم DIC أدى الى توقف القلب والرئتين 🥺
فش قوة كانت تقدر تشيل البنت من امها بعد ما توفت وظلت حاضنيتها💔
تأخرك بالتخرج مش غلط
تأخرك بالوظيفة مش غلط
تأخرك بالاقامة والاختصاص مش غلط
تأخرك بالزواج والبيت والاولاد كمان مش غلط
الفلط لما تبقى تعمل مقارنة مع الناس ومع اجيالك بالذات !
العبرة بالخواتيم ،والمهم تكون راضي عن نفسك وتختار الاشياء يلي بتحبها بعيدا عن رأي اي حد ...
في مرضى جد ما بينفع معهم المعروف ابدا ... من هيك ما عمري ما ستنيت شكر من اي حد بالعكس بحكي هذا شغلي وأجري على ربنا لا من المريض ولا من راتب
المريض اجاني قبل ٣ اسابيع وبعد اجراء اللازم شخصّته بحصوات في المراره وتم إجراء العمليه خلال موعد ٥ ايام فقط !
مش شهرين ولا ٣ زي بعض اماكن
" كل حد له نظرته الخاصة نحو أيام عمره، نحو الحُب، الزواج، العلاقات، العمل، السفر، الإغتراب، العائلة والحياة، وكل شخص له خريطته التي يتحرك بها بناء على معطياتها وتضاريس العيش فيها، لهذا لا يمكنك التنظير على الأشخاص وإسقاط نظرتك عليهم، ولا يمكنك لوم شخص يعرف ما يريد ! "
"لا تسكن الريف فيضيع علمك، من أراد العلا هجر القرى ؛ فإن الحسد في الارياف ميراث"
مع اني والله بحب المكان يلي ولدت فيه وبحب الناس واساعد اي حد ماديا معنويا وبحكم شغلي ،بس يلي ما كنت استوعبه انو ليش كل حد عينه ع رزقة غيرو !!
ليش ما كل حد يقتنع بالاشي يلي عندو ويرضى فيه ويصفي نيته!
الحياة غريبة كثير لدرجة انبسط اكثر من اي حاجه لما يحكيلي مريض ال intestinal obstructin يلي الو عنا ٣ ايام
انو passed gases and stool 😂
الاشي بخزي بس هاي حياة الجراحة باختصار🙂
- كل حد حر بطريقة حياته وبيعرف كصلحته ومش محتاج حد يوجهه
- طرحت الموضوع فقط لاوضّح انو اختيارك لشريكك هو اول خطوه لنجاحك لانو يا بكون معك وبرفعك لفوق او بيجبرك تتخلي عن شغلات بعمرك ما فكرتي تتخلي عنها
- اخر اشي ياما شفت بنات بدّعو بشغلهم وبدون تقصير على حياتهم والسبب حد دعمهم
انا لسا ما جربت حياة الزوجيه بس باذن الله ما رح اخلي اي اشي يمنعها تعمل كلشي حابيته وبتحلم فيه وحكون معها ... وغير هيك فش داعي حد يتفلسف عندي ...ما عجبك الاشي اعمل سكيب او بتفهم قصدي وشكرا ...ما رح ارد على اي حد
@Hebah_21_24
مش مجبورة ابدا تشتغل اشي برا بيتها حتى لو بيت اهل زوجها ... اذا بدها تساعد بطيب خاطر منها اشي برجعلها غير هيك اعتبريها ضيفه زي غيرها وما فيه داعي لكل هاذ
مقيم اول اسبوع عنا وبلّش من اولها معلمي وزعيم ومن تمسيح هالجوخ !!
اوك فهمت بدك تكسب ثقة السينيرات بس والله مش هيك ، احنا بالاخر زملاء وانا والله بحياتي ما حكيتها لحد اكبر مني بالاقامة او حتى اخصائي ... اعمل شغلك ولا تخلي اي نقطة عليك وتاكد بعدها الكل رح يرضى عنك ويساعدك ويعلمك
للاسف انو نشرت موقف سيء صغير مع مريضه اليوم وفتحت بلاقي هجوم مش طبيعي
طبعا مش متفاجئ من كل حد رد بطريقة اساءة ادب
الحمد لله بعرف اخلاقيات المهنه اكثر من اي حد وما نشرت اسم البنت ولا صورتها ولا اي مستشفى وانا اخر حد يدوّر على نشر محتوى
في مثل هذا الوقت، قبل يوم أو اسبوع او شهر او عامٍ أو حتى أعوام...
كنت تظن أن الأبواب مغلقة، وأن تلك الأيام لن تمر، ثم إنك بالكاد تتذكرها الآن، وقد مرّت كأن لم تكن.....
إنها القاعدة التي لا تحتمل إستثناء .... كل شيء آيل للعبور 🖤💜
ليسَ مِن شروطِ الفلاح وجود اسمك في كُلِ شيء!
{وَرُسُلًا لَّمْ نَقْصُصْهُمْ عَلَيْكَ ۚ }
لا تتهافَتْ لِتُذكَر، يكفيكَ أنَّ الله يعلم ما تصنَع، ويذكركَ في مَجلسٍ أعظمٍ عِنده. 💙
وكثير كلام جد بستحي اكتبه كله افتراء وكذب !!
الشكوى اخر همي ولا بيطلع منها اشي
بس انا بزعل والله عهيك ناس انو ما قصرنا معك ف ليش الكذب ليش عشان تقعد بالبيت وانت صحتك ممتازه ؟
بعمري ما اعطيت اجازه مرضيه بدون حق ولا لاي شخص ..بدك تزعل مني مش مهم ..المهم ضميري مرتاح وبس
للاسف كل حد بيسيء فهم الموضوع بطريقته لهيك:
- ترباية الاولاد والحفاظ على البيت والزوج هذا بحد ذاته اكبر انجاز لكل بنت
-حق البنت تاخذ راحتها بالشغل او عدمه ،وليس حق للزوج باجبارها لانو يا متعلمه ما تعبتي ٧ سنوات ليجي حد يقرر عنك
-عندي خوات وام وهذا لحاله سبب يمنعني اسيء لاي بنت
للعلم في بنات كثير صارو امهات ناجحات وولادهم مربيين احسن تربايه ودايره بالها من بيتها وحقوق زوجها وبنفس الوقت ما تخلّت عن حلمها ولا بقا تحطوا البيت حجه ... انتو سبحان الله بدكم حد راسو مربع يجي يحكيلكم اقعدو بالبيت وفش شغل وفش اقامه ...طيب بالله عليكم ما تحسوا بالظلم ؟
"لما تختار تكون أم صالحة و تربي ولادها حق التربية ( بكل جوانبها ) و تحترم فطرتها و طبيعتها اللي ربنا خلقها عليها و تحترم جسمها و صحتها و كمان عبادتها .
فهي بتكون بتسعى لطموح عظيم و انجاز اعظم من الاقامة و صعب شب يفهم هالكلام ."
عمري ما تندمت على اي قرار اخذتو كانت بدايته صلاة استخارة
"فإنك تقدر ولا أقدر وتعلم ولا أعلم"
بتلجأ فيها إلى ربنا مُقرًّا بضعفك وقلة حيلتك؛ أن يارب إنْ لم تكُن معي فأنا حائرٌ لا اهتدي سبيلا!
وحدة من اكبر نعم ربنا علينا 🥹 لا تضيعوها واستغلوها بكل قرار بحياتكم 💙
"وأعشق عمري لاني إذا مت يومًا ، أخجل من دمع أمّي" 💞
تخرّجي يستحق أن يُهدى إليكِ ولوالدي الله يرحمه
دعواتك طول ال 6 سنين مش ممكن تهميشها
الف مبارك تخرجك أمّي الغاليه 💚
الف مبارك لروحك الطاهره والدي 💚
يا رب نحس حالنا بأماكننا الصحيحة، الأماكن اللي نحكي عنها هون بلاقي حالي ...
يا رب تبعدنا عن كُل اشي يستهلك طاقتنا وشغفنا ..
يا رب يكون معنا دائما طاقة كافية لنكمِّل طُرقنا لآخرها، وما نستسلِم بنُص الطريق !
نفسي افهم شو فضول المرضى والمرافقين تا يسألني ابن مين وين ساكن اعطيني رقم تلفونك ؟!
يعني والله ما رح اشيل المرارة بدون جراحة او عن بعد لو طلعت بتعرفني ...انا حد اجتماعيا زيرو ما بحب اعمل علاقات ولا اخذ واعطي ..الك اعمل واجبي بدون تقصير وكل المرضى عندي واحد سواء قريب او غريب
شلون نقنع الناس والقرايب يشيلوا من راسهم فكرة إنّا اشي كبير وفلوس وبريستيج وكل مستشفيات البلد بتستنانا ومجهزيتلنا مكاتب ورواتب ولا بالاحلام !!
انو لسا مناخذ المصروف من اهلنا ومدعوس علينا وع كرامتنا
والإقامه فوق ما اغلبها واسطات ومحسوبيات رح تقلب كلها unpaid بكل الجهات 😘
بحس اهم شغلة بعلاقات الحب والا��تباط انك تكون واضح قدام الحد يلي قبالك ، ما تستغل حبها الك وانت ما بتبادلها اي اشي لانو فقط رح تفهم انك ثقيل وانت هيك بتاذيها كثير... كون واضح وبس حتى لو الاشي بزعل بس عالاقل ما بتضل عايشه بوهم وعلى امل ورح يجي وقت تلومك ليش ما حكيت من اول!!
اللهم لا تعلّق قلوبنا بما ليس لنا واجعل لنا فيما نحب نصيب 🖤
اللهمّ لا تشغل عقلي بما يقلقهُ، ولا قلبي بمن لا يرحمه، ولا وقتي بما لا ينفعه .... كن لي وكن معي واجعلني بك أقوى وبك أغنى وارحمني رحمةً تُغنيني بها عمّن سِواك
ع قد ما شفت الفرحه عوجه امي مبارح كان باين بعيونها غصّه 💔
عرفت انو والدة زميلتنا دانا اجت قعدت جنبها ،أمي بهالساعه عاشت كل لحضات الألم والوجع وتحاول تخفيها بس مشان تخفف عن الأم💔
والله والله مهو اشي لطيف يلي عملته عمادتنا تستدعي أهلها ،جرحهم كبير ومكفيهم💔
نعوذ بالله من أعِين تترقب حياتنا و كأنها تنتظر تدميرها ومن أنفس تحزّن لتوفيقنا و كأنها تسعى لمنعها ..
نعوذ بالله من قلوب يملؤها مرض الحسد وينقصها ما عندنا رغم ما عندها ..
اللهم أكفنا إياهم اللهم أكفنا شر خلقك و أشغلهم في أنفسهم
انو جد لدرجة حتى الفيميل قاعدين يعملوا هجوم مع العلم انو بحكي اشي من صالحهم ...بس لا خلص لازم احكيلهم البنت مكانها بيتها وأولادها وعادي جدا تعب ٧ سنوات يروح هباءا منثورا !
قال تعالى :(وأن ليس للانسان الا ما سعى وأن سعيه سوف يرى ثم يُجزاه الجزاء الاوفى )
بفضل الله تعالى ومنّته ودعم الاهل اجتزت امتحان البورد الأردني في الجراحة العامة الجزء الأول 😍♥️
اللهم انفعنا بما علّمتنا، وعلّمنا ما ينفعنا، وزدنا علما يا رب العالمين ♥️♥️
نعوذ بالله من أن نعتاد إِلْف النعم فلا نذكره إلا عند حدوث النقم
وأنْ نركع عدة مرات في اليوم ولا يستقيم فينا إلا ظهرنا
وأن يمتلئ قلبنا بالكتمان فنطرق غير باب الرحمن 🥹
مبارح اجاني عالعيادة وحالته ممتازه جدا بعد استراحه اسبوعين ، فحصته وقررت يرجع على شغله ك معلم ، ما عجبه الاخ انت بتضيّق علييه ليش ؟رصيد اجازاتي كثير اعطيني كمان اسبوعين ! ليش يروحو عالفاضي
بس ما سمعت منه
بتفاجئ بشكوى بنهاية الدوام ، دكتور مثنى ما فحصني ولا طل علييه ولا فحصني
كل جمعة بمر على هاي الاية وبوقّف !
بخاف كثير أفنى عمري وحياتي بانجازات وهمية وما يكون الها وزن عند ربنا !🥺
يا رب اعوذ بك من ضياع السعي وقلة الإخلاص وفقدان الدليل
يا ربّ تقبّل مُحاولاتي وتقبّل قليلي، يا ربِّ بارك في الوقت والجُهد 🖤
جمعة مباركة 💜
لا سكينةَ إلا بك، ولا تعويل إلا على جُودك، ولا سعادةَ إلا منك، أنت الذي لولا فضله ورحمته لهُتِكت أستارنا، وفُضِحَتْ أوزارنا، وأظلمت أنوارنا!
لا إله إلا أنت، أنت البر الرحيم، الحَيِيُّ الجميل الكريم!
سبحانك وبحمدك لا نُحصي ثناءً عليك! أنتَ كما أثنيتَ على نفسك!
اخر اشي انا مش جاي من عدم ولا جاي من الشارع لحتى اقلل من مكانة البنت ك ام ...عندي ام بفتخر جدا اني وصلت لهون بسببها ..فلا تيجوا تتفلسفوا لانو واضح التناقض بحياتكم وما بعجبكم اشي .طبعا ما بعمم وانا حد بتمنى جد نصيبي يكون حد مش مغسول دماغه بقصص البيت والاولاد وبس وتنسى نفسها 💔🙏
توالي سادسه ...💔
عن شغفك اللاإرادي بانك تستغل كل يوم وكل لحظه مع جروبك ،دفعتك ومع الدكاتره♥
تلتهي بأي إشي بس لأجل ما تستذكر مستقبلك الجاي وشو ربنا مخبيلك فيه
كل يوم بتتغير آرائك،افكارك ،قناعاتك وأولوياتك ..
إيش ما كان فهو واقع بدنا نعيشه
والله يختارلنا الخير والأفضل جميعاً 💚
لكل من يرى أن عمره قد فات ولم يتجاوز ال ٣٠ بعد
انظر لمن بدأ حياته و عمره ٤٠ عامًا
هاجر بعمر ٥٣ عامًا
فتح مكة بعمر ٦١ عامًا
و نوّر كل الكون قبل الوداع
من وُلد يتيمًا و عاش صادقًا أمينًا
من كان أميًا و علمنا كل شيء
1446 عاما على هجرة نبينا المصطفى
عام هجري مبارك ♥️♥️
بتقعد تعيد توجيهي ٤ و ٥ مرات عشان تدخل طب وبتفكرو انجاز ؟؟؟
ياخي والله الحياه اكبر واوسع بكثير من مجال الطب ..عالعكس انت بتفوت حالك بحياه كلها عذاب وبال ٤ سنين هظول يلي ضيعتهم كان ممكن تعمل اشي كبير فيهم
قيل في أدب الاختلاط:
لا تُطل النّظر، ولا تَستبح الحديث، وكُفَّ عن المُزاح، والزم الكُلفة
واجتنب حُدوث الأُلفة، وإيّاك والخُلوة والكلام الذي يحمل معنيين واترك مسافة كافية ...
وإلّا فاحفظ نفسك ونفوس من حولك ولا تختلط !!
الله لا يحوجنا لأحد، أن نظلّ نشمخ في الحياة بكدّنا وجهدنا وذراعنا، أن نأخذ حقوقنا دون ذل وحاجاتنا دون مَنّ وأن نبقى في معيّتك تحت رعايتك دونما تخدشنا الحياة بما نسعى ونحتاج ونحب
بدك تعرف بني ادم مزبوط شوف خيره لامه وابوه ، لانو والله يلي ما فيه خير الهم ما رح يكون فيه خير لغيرو
وما رح حد يفهم هالاشي غير يلي جرب يفقدهم !
قال رسولنا الكريم " رغم أنفه ، ثم رغم أنفه ، ثم رغم أنفه ، من أدرك أبويه عنده الكبر أحدهما أو كلاهما ، ولم يُدخلاه الجنة "
يا ريت نقدر نقضي على النفسيات المريضة يلي بتسلّطوا على الجونيرز وكنو عبيد عندهم ...
اقل اشي بتقدر تعمله تحافظ على نفسك وما تنعدي منهم ولا تتوارث هاي الاشياء وتطبقها بيوم على الاصغر منك ❤️
تاكد انو الاقامة بتكون هينة وبتمر بسرعة لو يلي حواليك نظاف والبيئة نظيفة