شفت من الشباك جارتي الثمانينية وحدها بالطريق، فهمت انها ضايعا.نزلت عملت حالي عم اتمشى لصرت حدا سلمت عليها، قالتلي "خالفت اليوم وضهرت بدون المساعدة لأن صرلا يومين حابستني بالبيت"
خبرتا انه المصعد كان معطل واليوم تصلح
فارتاحت انه هيدا عذر مقبول.
رجعتا عبيتا وهي مبسوطة انه شاغبت 😅
كلام للكبار فقط:
لمّا جيت عفرنسا كنت استغرب كيف الشب والصبية بيبوسوا بعض بالطريق وعالرصيف.
بهالإيام صرت اشعر بالسرور بس شوف شب وصبية عم يبوسوا بعض وين ما كان وبدعيلن كمان الله يديم محبتن،
قد ما صار في شذوذ بهالبلد كيف ما بتبرموا، وبالدعايات وبانويات البلدية، حتى عند المراهقين.
هل تعرفين ما هو الوطن يا صفية؟
الوطن حضن الأم، وعناق الأب وطبطبة أخ وضحك حتى وجع الخاصرة مع أخت، وأصحاب الماضي وأحباب الحاضر،
وزوايا تنتظرك فيها الذكريات❤️
عزيزتي الإنفلونسر الحديثة الشهرة
كفي عن خداع الفتيات الناشئات. المستقبل لا يبنى على 100k متابع ماكياج وسفر، هذا ليس عملا.
دعيهم لدراستهم الحياة جد وتعب وليس
نوم حتى الرابعة بعد الظهر وأزياء وسهر على نرجيلة حتى الصباح بدعم من"البابا سكر"السبونسر.
أرجوك ارحمينا!
قال سيدة أعمال!!
هنا الأصل. الغربة استثناء، نحن نعود الى أرضنا وأهلنا وبيئتنا الحاضنة لأشواقنا وذكرياتنا. هنا الأصل مهما بعدنا.
لسنا برعايا ولا سائحين، حصار قيصر لا يعنينا. باقون ❤️
صباح الخير 🌷
انا وجاي عالجنوب اخدنا ساندويشات عند الجواد بصور. لمًا وصلنا عالضيعة بالليل بنتي انتبهت انه وقعت محفظتها منها فيها يورو ودولار
اليوم الصبح حكيتن قالوا المحفظة لقوها وضبوها
لما جبتا العامل لي لقاها قلي "مدام متل ما هي سلّمتا للكاشير بدون ما افتحا"
اخلاق عالية بتكبر القلب برافو🙏🏻❤️
الكثيرون من جيل ٨ سنين حتى ١٦ سنة يعانون من اضطرابات غذائية ومن قلق حيال صورتهم الشخصية في المجتمع.
منصات التواصل تخلق وتعمق هذه المعاناة. الهوة بين الصورة الحقيقة والصورة الافتراضية المُفبركة المثالية في ذهن المراهق، والتي تُغريه بإيجابيتها وبريقها، تسبب له أزمة نفسية وشخصية.
بنظر ل MTV الحب مش جريمة حتى لو شذوذ جنسي، لو اكملنا المنطق نفسه لكان ايضا سفاح الأقارب والبيدوفيليا مش جريمة على قاعدة إنه حب
من الذي يُموّل ويضع سياسات محطات في لبنان لضرب القيم الأخلاقية؟
والسؤال الأهم في بلد تنقصه مقومات العيش الكريم من نظام وطبابة وعلم
هل هذه الحملة اولوية؟
والصبح إذا تنفّس
من نسمات باردة تلاطف ورق الزيتون، وصوت ديك يُخبر الحيّ أن الأرض أكملت دورتها، و غيمات تطل على أسطح بيوت علت تلال جبل عامل المقاوم، وبلابل تتنافس على رزقها أمام نافذتي المُشرّعة على قلبي❤️
صباح الخير والسعادة🌷
ريحة بيت ستي مرّات تكون زعتر
ومرات تكون خميرة الخبز لفرنجي والكعك لي طالعا من فرن جدي تحت البيت
ومرّات ريحة كاز لمّا تمسح ارض البيت ليلمع لغرانيت
ليه تذكرت بيت ستي هلأ ما بعرف.
بس حظي حلو بعرف طعم الزعتر والكعك، وشفت كيف بتلمع الأرض متل لمراية عقولها
واليوم خيالي مليان بسمات❤️
شكرا للمِحَن الصعبة التي تدُلّك على محبيك وكارهيك.
المُحب في محنتك يتفهُمك ويجعل لك بدل المحمل الحسن سبعين، ثم يسندك بكل قواه.
والحاسد الكاره تجده ينتظر سقوطك ليجلدك اكثر ويعلو فوق جراحك.
ممتنّة لاختبارات ربي فهي درس ودليل في الحياة🙏🏻
صباح الخير 🌷